Morgunblaðið - 23.05.1995, Síða 4

4 ÞRIÐJUDAGUR 23. MAÍ 1995
FRETTIR
MORGUNBLAÐIÐ
Verkfall Bifreiðastjórafélagsins Sleipnis hófst á miðnætti á sunnudag
Samningsvilji
ekki fyrii'-
sjaanlegur
Ferðir áætlunarbíla og almennings-
vagna raskast víða um land
Morgunblaðið/Þorkell
FÉLAGAR í Sleipni efndu
til félagsfundar síðdegis í
gær þar sem farið var yfir
stöðuna í kjaradeilunni. En
á miðnætti stöðvuðust lang-
ferðabílar víða um land.
VERKFALL Bifreiðastjórafélagsins
Sleipnis hófst á miðnætti á sunnu-
dag eftir að samningafundur bif-
reiðastjóra og vinnuveitenda fór út
um þúfur. Þórir Einarsson ríkis-
sáttasemjari segir að samningsaðil-
ar hafi verið ásáttir um að ekki
væri til neins að halda viðræðum
áfram. „Menn voru sáttir um það
eitt að ekki væri samningsvilji,"
segir Þórir og kveðst meta stöðuna
þannig að ekki þýði að kalla menn
á fund í bráð.
Þórir kveðst ekki telja hafa verið
misráðið af hálfu ríkissáttasemjara
að leggja fram miðlunartillögu þá
sem mikill meirihluti félagsmanna
Sleipnis felldi. „Það var þess virði
að fá afstöðu og sjá hvort menn
væru fúsir til þess að semja eða
ekki. Þetta var mjög eðlileg miðlun
í alla staði, það var farið örlítið
framúr samkomulagi ASÍ og VSÍ
og reynt að ganga eins langt og
við gátum réttlætt hér. Síðan var
það mál samningsaðila að ganga
lengra, væru þeir ekki sáttir."
„Atvinnurekendur
ósveigjaniegir"
Óskar Stefánsson formaður
Sleipnis segir að samninganefnd
félagsins hafí slegið af kröfum sín-
um en vinnuveitendur hafí ekki viij-
að ræða málin frekar. Grunnlaun
bifreiðastjóra eru rúmar 48 þúsund
krónur á mánuði og miðast krafa
bifreiðastjóra við sambærileg laun
og greidd eru hjá Sérleyfísbifreiðum
Keflavíkur.
Teitur Jónasson sem á sæti í
samninganefnd fyrir eigendur
fólksflutningabifreiða, segir þá hafa
teygt sig lengra til móts við kröfur
bílstjóra en hægt hafí verið að veija
í raun. Sleipnir vilji. ekki semja í
samræmi við þann kjarasamning
sem verið hefur í gildi fram til þessa
og ekki komi til greina að semja
um kauphækkun útfrá samningum
sem gerðir voru í Keflavík. Honum
reiknist til að tilboð vinnuveitenda
hljóði upp á 11% hækkun og tillaga
sáttasemjara upp á um 15% hækk-
un. Hann skilji bílstjóra svo að þeir
vilji 18% hækkun en honum reikn-
ist til að kröfur þeirra þýði í raun
30-40% hækkun. Búið sé að gera
samninga við ferðaskrifstofur fyrir
sumarið og svigrúm til taxtahækk-
ana sé afar lítið. Teitur kveðst þó
ekki eiga von á löngu verkfalli.
Óskar fullyrðir að viðsemjendur
bifreiðastjóra hafí hækkað verð-
skrár sínar um 28,62% frá því í
ársbyijun 1991, en á sama tíma
hafí laun bifreiðastjóra hækkað um
4,31%. Á sama tíma hafí ýmis
rekstrargjöld fýrirtækjanna lækkað
og önnur staðið í stað.
Röskun á ferðum og
verkfallsbrot
Félagsmenn Sleipnis eru á milli 160
og 200 talsins að sögn Óskars.
Hann segir að verkfallið stöðvi allan
hópferðaakstur á höfuðborgar-
svæðfnu, strætisvagnaferðir í Kópa-
vogi, Garðabæ og Hafnarfírði, ein-
hver röskun verði á ferðum almenn-
ingsvagna í Mosfellsbæ en eigendur
muni halda uppi akstri eftir megni,
röskun verði á akstri á sérleyfisleið-
um til og frá Reykjavík en í ein-
staka tilvikum muni eigendur halda
uppi takmarkaðri þjónustu, akstur
Kynnisferða hf. til Keflavíkurflug-
vallar stöðvist, akstur Sérleyfisbif-
reiða Keflavíkur haldi áfram, akstur
á Eyjafjarðarsvæðinu raskist mikið
og einnig á Suðurlandi. Samkvæmt
upplýsingum frá Bifreiðastöð js-
lands varð lítil röskun í gær vegna
verkfallsins, en þó hafí ferðir til
Akureyrar lagst niður og einnig
ferðir til Hvolsvallar og Hólmavíkur
,og nokkur röskun varð á áætlunar-
ferðum til og frá Selfossi og Hvera-
gerði. Útlit sé fyrir að ferðir falli
niður á ýmsa aðra staði ef verkfall
stendur fram eftir viku, að minnsta
kosti að hluta til.
Óskar segir að félaginu hafí bor-
ist ábendingar um verkfallsbrot.
Félagið hafi veitt undanþágur vegna
aksturs skólabarna og fatlaðra, með
þeim skilyrðum að eigendur bifreiða
önnuðust sjálfír aksturinn. í ljós
hafí komið að atvinnurekendur í
m.a. Kópavogi og á Suðurlandi hafí
ekki hlítt þessu skilyrði og sett óvið-
komandi bílstjóra í aksturinn en
ekið sjálfír á öðrum leiðum. Eigi
hann von á að þessar undanþágur
verði því afturkallaðar. Sleipni hafa
einnig borist beiðnir um undanþágu
vegna ferðahópa sem voru komnir
til landsins þegar verkfall hófst að
sögn Óskars, og hafí verkfallsnefnd
tekið jákvætt i þær beiðnir.
Reykholtsskóli
Úttekt
Hagsýslu
á skóla-
starfimi
MENNTAMÁLARÐUNEYTI
hefur óskað eftir að Hagsýsla
ríkisins geri úttekt á því hvern-
ig til hafí tekist við skólastarf
í Héraðsskólanum í Reykholti
enda hafi skólastarfið verið
nokkuð frábrugðið almennu
skólastarfí í öðrum framhalds-
skólum. Óskað er eftir því að
úttektinni verði hraðað eins
og kostur er til að hægt verði
að taka ákvörðun um hvort
halda beri áfram núverandi
starfí veturinn 1995 til 1996.
Björn Bjarnason, mennta-
málaráðherra, kynnti eðli út-
tektarinnar fyrir skólanefnd
Héraðsskólans á laugardag.
Henni er ætlað að taka til
námsframboðs og markmiðs
námsins, skipulags skóla-
starfsins, námskrafna til nem-
enda, námsframvindu þeirra
og stöðu að loknu námi, við-
horfs til skólans meðal nem-
enda, kennara og annarra sem
tengjast skólanum, umgengn-
ishátta í skólanum, verka-
skiptingu innan skólans, rekst-
urs skólans og rekstrarforms
og ijármálaumsýslu í skólan-
um.
Að því er varðar val á sér-
fræðingum til að meta
kennslu- og skólafræðilega
þætti er gert ráð fyrir að sam-
ráð verði haft við menntamála-
ráðuneyti.
Stjórn-
skipunarlög
Frumvarpið
endurflutt
GEIR H. Haarde, formaður
þingflokks Sjálfstæðisflokks-
ins, mælti í gær fyrir frumvarpi
til stjómskipunarlaga. Frum-
varpið er samhljóða lögum sem
samþykkt voru á síðasta þingi.
Lögin öðlast ekki formlegt gildi
fyrr en nýkjörið þing hefur sam-
þykkt frumvarpið.
Frumvarpið er flutt af for-
mönnum þeirra þingflokka sem
sæti eiga á Alþingi. Talsmenn
allra flokka tóku til máls við
umræðuna og lýstu yfír stuðn-
ingi við frumvarpið. Nokkrir
þingmenn hvöttu til þess að
fleiri þætti stjómarskrárinnar
yrðu endurskoðaðir. Davíð
Oddsson forsætisráðherra lýsti
því yfír við umræðuna að vilji
væri til þess innan stjómar-
flokkanna að halda vinnu við
endurskoðun stjómarskrárinn-
ar áfram.
Árekstur o g
bílvelta
EINN maður slasaðist nokkuð
í árekstri og bílveltu á Reykja-
nesbraut um miðnætti í fyrri-
nótt.
Áreksturinn varð á gatna-
mótum Reykjanesbrautar og
Njarðvíkurvegar með tveimur
fólksbílum. Bíllinn sem kom
eftir Reykjanesbraut valt í kjöl-
far árekstursins. Ökumáður
hans slasaðist en ökumaður hins
bílsins slapp ómeiddur.
Bílarnir skemmdust báðir
mjög mikið og em jafnvel ónýtir.
Heilbrigðisráðherra í utandagskrárumræðum um kjör hjúkrunarfræðinga á landsbyggðinni
Sérkjarasamningar verði
hluti aðalkjarasamnings
INGIBJÖRG Pálmadóttir, heilbrigðisráðherra,
segist telja að sérstakar aðstæður geti verið
nauðsynlegar til að meta til launa starfsaðstæð-
ur, landfræðilega legu, einangrun og sérstakt
álag á starfsfólk heilbrigðisstofnana, til dæmis
vegna mannfæðar. Telur hún að þetta eigi að
gerast í kjarasamningum milli ríkisins og við-
komandi stéttarfélags, eða í beinum tengslum
við gerð kjarasamninga.
Þetta kom fram í utandagskráruinræðum á
Alþingi í gær um sérkjarasamninga hjúkrunar-
fræðinga og ljósmæðra, en heilbrigðisráðherra
hefur nýlega tilkynnt um aukafjárveitingu til
sjúkrahúsa á landsbyggðinni til að greiða hjúkr-
unarfræðingum staðaruppbætur í 10 mánuði á
þessu ári, samtals að upphæð 34,7 milljónir
króna.
Góðar vonir um lausnir
Málið kom til umræðu að frumkvæði Margrét-
ar Frímannsdóttur, þingmanns Alþýðubanda-
lagsins, á Suðurlandi. Beindi hún m.a. þeirri
spumingu til heilbrigðisráðherra hver viðbrögð
hennar yrðu ef einhver sjúkrahús á landsbyggð-
inni næðu ekki samningum og hjúkrunarfræð-
ingar gengju út 1. júní eins og þeir hafa boðað.
Ingibjörg Pálmadóttir sagði stöðu málsins í
dag vera þá að framkvæmdastjórar og stjórnend-
ur sjúkrastofnananna væru að vinna að því að
leysa málið gagnvart viðkomandi starfsmönnum.
Víðast hvar á landinu væri búið að leysa málið
og góðar vonir um lausnir á flestum stöðum.
„Þó ég viti að um mikla erfiðleika sé að ræða
þá er mikill vilji til að leysa þetta mál. Eg tel
því ekki tímabært að tjá mig um það sem hugsan-
lega kann að koma upp um næstu mánaðamót,"
sagði hún.
Vandinn ekki leystur á skömmum tíma
Heilbrigðisráðherra sagði ómögulegt að leysa
fjárhagsvanda sjúkrahúsa á landsbyggðinni á
skömmum tíma, og það yrði varla gert nema
með miklum skipulagsbreytingum á heilbrigðis-
þjónustunni. Hún sagði að uppsagnir einstakl-
ingsbundinna ráðningarsamninga milli sjúkra-
stofnana og hjúkrunarfræðinga væru samræmd-
ar aðgerðir stjórnenda sjúkrastofnananna að
frumkvæði heilbrigðisráðuneytisins. Forræði
málsins hefði hins vegar ætíð verið í höndum
stjómenda stofnananna þar sem þeir hefðu sjálf-
ir gert samninga við einstaka hjúkrunarfræðinga
og hópa þeirra, og aldrei hefði verið um sérkjara-
samninga að ræða heldur einstaklingsbundin
ráðningarkjör.
Sagði heilbrigðisráðherra ljóst að svigrúm ein-
stakra stofnana til að leysa þetta mál innan
ramma fjárlaga væri mismunandi, og hún gerði
sér fyllilega ljóst að þetta væri mjög erfítt fyrir
mörg sjúkrahús úti á landi.
„Svona gerum við ekki“
„Eg tel að sérstakar aðstæður geti verið nauð-
synlegar til að meta til launa starfsaðstæður,
landfræðilega legu, einangrun og sérstakt álag
á starfsfólk til dæmis vegna mannfæðar, en það
tel ég að eigi að gerast í kjarasamningum milli
ríkisins og viðkomandi stéttarfélags, eða í bein-
um tengslum við gerð kjarasamninga," sagði
heijbrigðisráðherra.
í máli Kristjáns Pálssonar, þingmanns Sjálf-
stæðisflokks í Reykjaneskjördæmi, kom fram
að hann teldi að ef sérkjör opinberra starfs-
manna væru til umræðu þá hlytu öll sérkjör
jafnt karla sem kvenna að vera til umræðu á
sama tíma. Deila hjúkrunarfræðinga hefði verið
að þróast í þá átt að stjómir flestra sjúkrahús-
anna hefðu dregið uppsagnir sínar til baka, en
það hafí verið gert undir þeirri pressu að í kjöl-
farið yrði að draga með virkum aðgerðum stór-
lega úr þjónustunni.
Sagði Kristján að þar yrði um mikla skerð-
ingu á þjónustu að ræða sem myndi strax bitna
mjög harkalega á öldruðum, barnshafandi kon-
'um og fólki í jaðarbyggðum viðkomandi svæða.
„Svona gerum við ekki, hæstvirtur heilbrigðis-
ráðherra," sagði Kristján.
Aðför að kvennastétt
í ályktun fulltrúaþings Félags íslenskra hjúkr-
unarfræðinga, sem haldið var 18.-19. maí, er
mótmælt uppsögnum á ráðningarsamningum
hjúkrunarfræðinga sem starfa á landsbyggð-
inni, en þær séu aðför að kvennastétt og launa-
kjörum um 200 kvenna sem starfa hjá hinu
opinbera.
„Ljóst er að hjúkrunarfræðingar munu ekki
una því að kjör þeirra séru skert með þessum
hætti, og hafa þeir lýst því yfir að þeir muni
láta af störfum 1. júní nk. að óbreyttu. Fulltrúa-
þingið hvetur stjórnvöld og stjórnir sjúkrahúsa
til að draga uppsagnir hjúkrunarfræðinga til
baka svo ekki skapist alvarlegt ástand á heil-
brigðisstofnunum á landsbyggðinni um næstu
mánaðamót," segir orðrétt í ályktuninni.