Morgunblaðið - 23.05.1995, Qupperneq 14

14 ÞRIÐJUDAGUR 23. MAÍ 1995
MORGUNBLAÐIÐ
t
VIÐSKIPTI
Fyrsta skrefið stigið í þá átt að breyta Heklu hf.
úr fjölskyldufyrirtæki í almenningshlutafélag
Tryggingamiðstöðin
kaupir þriðjung
hlutafjár ífélaginu
TRYGGINGAMIÐSTÖÐIN hf. hef-
ur keypt hlutabréf Margrétar Sig-
fúsdóttur í Heklu hf. Þar með hafa
tvö af fjórum börnum stofnenda
Heklu, þeirra Sigfúsar Bjamasonar
og Rannveigar Ingimundardóttur,
selt sinn hlut og eiga þeir Sigfús
Sigfússon og Sverrir Sigfússon nú
þriðjungs hlut í fyrirtækinu hvor
um sig á móti tryggingarfélaginu.
Á aðalfundi Heklu sl. fímmtudag
lét Margrét af störfum sem stjóm-
arformaður. Hennar sæti í stjóm-
inni tók Gunnar Felixson, forstjóri
Tryggingarmiðstöðvarinnar, sem
varaformaður, en Sverrir gegnir
formennsku í stjórninni. Vom Mar-
gréti þökkuð áralöng
störf og henni óskað velf-
amaðar í framtíðinni en
hún hefur ákveðið að
flytja til útlanda til náms.
Kaupverð hlutabréfanna
er trúnaðarmál á þessu stigi.
„Þegar við réðumst í miklar
breytingar hjá Heklu á síðasta ári
mynduðum við ráðgjafarráð þriggja
manna sem veittu okkur stjómend-
um Heklu ráðgjöf,“ segir Sigfús
Sigfússon, forstjóri Heklu. „í ráðinu
hafa verið þeir Gunnar Felixsson,
forstjóri Tryggingamiðstöðvarinnar
hf., Benedikt Jóhannesson hjá
Talnakönnun og Tryggvi Jónsson,
löggiltur endurskoðandi hjá Endur-
skoðun hf. Þeir hafa fundað með
okkur á tveggja vikna fresti í heilt
ár og tóku mikinn þátt í þeim að-
gerðum sem gripið var til í fyrra
til að lagfæra reksturinn á fyrirtæk-
inu. Þeir em því öllum málum hér
mjög vel kunnugir.
Góður fjárfestingarkostur
í janúar lýsti Margrét því yfír að
hún hefði áhuga á að flytja til
Frakklands og ámálgar það við
okkur að hún vilji gjarnan selja
hlutabréfín sín í Heklu. Það kom
til greina að við Sverrir keyptum
þessi hlutabréf eða að fundinn yrði
utanaðkomandi kaupandi. Við kom-
umst að þeirri niðurstöðu að best
væri fyrir framtíð Heklu
Bjartara fram- að breyta fyrirtækinu í
undan á bíla-
markaði
Það
almenningshlutafélag
enda er hér um að ræða
mjög stórt fyrirtæki sem
er leiðandi á sínu sviði.
væri heillavænlegast fyrir
Heklu að fá góðan og traustan ut-
anaðkomandi aðila inn í fyrirtækið.
Þannig yrði stigið fyrsta skrefíð í
þá átt að breyta fyrirtækinu í al-
meijningshlutafélag. Einnig vomm
við nýbúnir að kaupa hlut Ingi-
mundar sem var stór biti og ekki
á allra færi að kaupa aftur svona
stóran hlut. Niðurstaðan varð sú
að Gunnar tók upp viðræður við
Margréti um kaup á hlut hennar í
félaginu."
Gunnar Felixson bendir á að
hann hafí fylgst með fyrirtækinu
vegna setu sinnar í ráðgjafarráði
Heklu. „Þegar það kom upp að
Margrét vildi selja hlutinn sinn
fannst mér það vera ákjósanlegt
að íjárfesta í þessu gamalgróna og
góða fyrirtæki. Það er á öðru sviði
en þau fyrirtæki sem við höfum
keypt hlutabréf í hingað til. Okkar
hlutabréfaeign er að mestu leyti í
sjávarútvegsfyrirtækjum. Ég
þekkti rekstur Heklu nokkuð vel
og taldi að rekstur fyrirtækisins
hefði verið aðlagaður breyttum að-
stæðum á bílamarkaði. Þá væri
bjartara framundan en verið hefur
þannig að hér væri um nokkuð
góðan fjárfestingarkost að ræða.
Þetta er gott fyrirtæki sem ég hef
trú á að muni ganga vel í framtíð-
inni. Við höfum átt góð samskipti
við Heklu í 10-15 ár og að öllu
þessu samanlögðu töldum við að
hér væri um mjög fysilegan kost
að ræða.“ Tryggingamiðstöðin hef-
ur átt samstarf við Heklu m.a. um
að bjóða viðskiptavinum bílalán og
eru ekki fyrirhugaðar neinar breyt-
ingar á því.
Þeir Sigfús og Gunnar segja ekki
tímabært að ákveða hvenær Heklu
verði breytt í almenningshlutafélag
heldur sé það á þessu stigi í framtíð-
arsýn. Hins vegar hafi reksturinn
gjörbreyst til batnaðar á skömmum
Morgunblaðið/RAX
REKSTUR Heklu hf. gjörbreyttist til batnaðar eftir að gripið
var til róttækra sparnaðaraðgerða á síðasta ári.
tíma. „Hekla er miklu betra og
sterkara fyrirtæki en það var fyrir
einu ári,“ segir Sigfús.
Tap í fyrra en hagnaður í ár
Hekla hefur ekki skýrt frá af-
komu sinni opinberlega en Sigfús
viðurkennir að tap hafí' orðið af
rekstrinum í fyrra. Hins vegar sé
búist við að hagnaður verði á þessu
ári. „Allar áætlanir sem
gerðar voru í maí á síð-
asta ári hafa staðist.
Þessar ráðstafanir sem
við gripum þá til fóru
ekki að skila árangri fyrr
en í lok ársins. Það er einnig bjart-
ara framundan á bflamarkaðnum
svo og á markaði fyrir vörubíla,
þungavinnuvélar og bátavélar."
Utlit er fyrir að launakostnaður
ársins 1995 verði um 100 milljónum
króna lægri en á árinu 1992. Hefur
starfsmönnum verið fækkað um
fjórðung eða 30-40 manns án þess
að það hafi bitnað svo mjög á starf-
semi fyrirtækisins. Þá hefur náðst
ýmiss konar annar sparnaður og
segja þeir Sigfús og Gunnar að tek-
ist hafi að skera niður rekstrar-
kostnað um u.þ.b 25%.
„Við erum mjög þakklátir starfs-
fólki Heklu fyrir hvað það hefur
sýnt þessum aðgerðum mikinn
skilning sem hefur gert það að verk-
um að þetta hefur allt skilað sér.“
Sala Heklu það sem af er árinu
er svipuð og á sama tíma í fyrra.
Þannig er Volkswagen með 13%
markaðshlutdeild á fólks-
bílamarkaðnum og Mitsu-
bitshi með 5% hlutdeild.
„Okkur tókst að auka söl-
una á Volkswagen um leið
og japönsku bílarnir
hækkuðu í verði. Eg held að af evr-
ópsku bílunum séu langbestu kaupin
í Volkswagen enda er þessi tegund
með mestu markaðshlutdeild evróp-
skra bíla.“
Fyrirtækið tók við umboði fyrir
Scania vörubifreiðar þann 11. febr-
úar sl. og segir Sverrir Sigfússon
að þegar hafi tekist að selja nokkra
bíla. „Við erum að byggja upp vara-
hlutalager og höfum komið okkur
upp frábærri viðgerðaraðstöðu.“
Kostnaður
lækkaður um
fjórðung
Mikill rekstrarbati hjá Borgey hf. á Höfn í Hornafirði
Morgunblaðið/Sigrún
BORGEY jók verulega saltfískvinnslu sína á sl. ári. Þær Hall-
dóra Stefánsdóttir og Valdís Harðardóttir hafa unnið í saltfiskin-
um hjá fyrirtækinu í meira en 20 ár.
Kaupir eignir af
þrotabúi Þorgeirs
og Ellerts hf.
Kaupverð eigna 48 milljónir króna
Hagnað-
urnam
tæplega
79 millj.
REKSTUR Borgeyjar hf. á Höfn í
Homafirði gekk vel á síðasta ári
og var bæði hagnaður og velta langt
umfram áætlanir. Hagnaður félags-
ins á árinu varð um 79 milljónir
samanborið við tæplega 29 milljóna
hagnað árið áður. Þá jókst velta
félagsins úr um 1.113 milljónum í
l. 353 milljónir. Þennan bata má
m. a. rekja til stóraukinnar vinnslu
á síld og loðnu sem skilaði um 44%
veltu félagsins á árinu samanborið
við 23% árið áður.
í ársbyijun 1994 var gengið frá
nauðasamningum Borgeyjar hf. við
kröfuhafa á hendur félaginu sem
gripið var til eftir að rekstur félags-
ins komst í þrot í ársbyijun 1993.
Á aðalfundi Borgeyjar sem haldinn
var sl. miðvikudag kom fram að
nauðasamingurinn hefur gengið eft-
ir í öllum aðalatriðum. Nýtt hlutafé
að fjárhæð 107 milljónir hefur verið
selt, gengið hefur verið frá skuld-
breytingum langtímalána og kröfu-
hafar hafa breytt skuldum að upp-
hæð 226 milljónir í hlutafé.
Við endurskipulagningu á efna-
hag og starfsemi voru togarar seld-
ir ásamt öðrum vertíðarbáti félags-
ins. Þessar aðgerðir gjörbreyttu að-
stöðu Borgeyjar til að vinna frystar
afurðir úr bolfíski. Hefur sala veiði-
heimilda ásamt niðurskurði á kvót-
um leitt til þess að veiðiheimildir
félagsins hafa rýmað úr 4.375
þorskígildistonnum í um 2.055 tonn
á tveimur árum. Félagið átti í árslok
eitt fiskiskip Hvanney SF 51 en
annar bátur félagsins var úreltur á
árinu og seldur úr landi.
Til að mæta þessu hefur Borgey
átt í samstarfi við aðrar útgerðir
um hráefnisöflun auk þess sem físk-
ur hefur verið keyptur á fískmörk-
uðum. Þetta fyrirkomulag hefur
reynst vel, að því er fram kemur í
ársskýrslu. Halldór Ámason, fram-
kvæmdastjóri Borgeyjar hf., sagði
hins vegar í ræðu sinni á aðalfundin-
um að mikilvægt væri að efla að
nýju útgerðarþátt Borgeyjar. Félag-
ið þyrfti bæði að eiga í viðskiptum
við og eiga sjálft fullkomin skip til
veiða á uppsjávarfískum.
Stöðugt Ieitað nýrra
sóknarfæra
Bolfískfrysting dróst vemlega
saman á síðasta ári eða úr 1.521
tonni í 666 tonn. Sömuleiðis dró
nokkuð úr humarvinnslu og vom
framleidd 112 tonn samanborið við
140 tonn árið áður. Saltfískverkun
jókst aftur á móti umtalsvert á síð-
asta ári eða úr 896 tonnum í 1.735
tonn. Þá varð mikil aukning í síldar-
söltun milli ára og vom saltaðar
33.500 tunnur samanborið við
18.500 tunnur árið áður. Fram-
leiðsla á frystri síld jókst einnig úr
um 1.646 tonnum í 4.142 tonn og
framleiðsla á frystri loðnu jókst úr
um 152 tonnum í 1.189 tonn.
Halldór sagði að stöðugt væri
unnið að nýjum sóknarfæmm hjá
félaginu. Þannig væri t.d. unnið að
því að efla kolavinnslu sem hófst á
sl. ári.
Eigið fé félagsins í árslok nam
alls um 477 milljónum og eiginíjár-
hlutfall var 47%. Á aðalfundi félags-
ins var samþykkt að greiða 10,25%
arð af nafnverði hlutafjár.
í stjóm vom kjörnir þeir Stur-
laugur Þorsteinsson, Pálmi Guð-
mundsson, Sigurður Gils Björgvins-
son, Helgi M. Þórðarson og Örn
Bergsson.
Akranesi - Skipasmíðastöðin Þor-
geir og Ellert hf. hefur fest kaup
á fasteignum og lausafé þrotabús
Þorgeirs og Ellerts hf. af Iðnlána-
sjóði og Iðnþróunarsjóði. Kaup-
samningurinn var undirritaður á
dögunum og er kaupverðið 48 millj-
ónir króna.
MEÐ tilkomu þessara kaupa
breytist öll aðstaða fyrirtækisins
sem áður var með eignir þrotabús-
ins á leigu og bmgðið gat til beggja
vona varðandi framhalds þess. En
sú hætta er liðin hjá og vonandi
eru bjartir tímar fyrir höndum.
Skipasmíðastöðin Þorgeir og Ell-
ert hf. var stofnuð í júlímánuði
1994 og voru hluthafar í upphafí
fimm. Hörður Pálsson, Sveinn Á.
Knútsson, Þorgeir Jósefsson, Bif-
reiðastöð ÞÞÞ og Akraneskaup-
staður. Stærsti hluthafínn í dag er
Iðnlánasjóður með um þriðjung
hlutaijárins. í dag eru hluthafar
alls 66 talsins og meðal þeirra er
hluti starfsmanna fyrirtækisins.
I upphafi rekstursins var lager
félagsins keyptur en fasteignir og
lausafé leigt. Flest verkefni þrota-
búsins vom yfírtekin og flestir þeir
starfsmenn sem vildu ráða sig hjá
hinu nýja fyrirtæki fengu a.m.k.
skammtímaráðningar, þannig að í
byijun voru um 70 starfsmenn á
launaskrá. Óhætt er að segja að á
ýmsu hafi jjengið á þeim tíma sem
liðinn er. I fyrstu var mikil bjart-
sýni ríkjandi um nýsmíðaverkefni
sem þó voru meira í orði en á borði
þegar á reyndi.
Góð verkefnastaða fram á
haustmánuði
í byijun starfsemi fyrirtækisins
var allur rekstur endurskoðaður og
reynt að minnka fastan kostnað
verulega, stjórnunarkostnaður var
t.d. skorinn niður um 35% Þá hætti
fyrirtækið rekstri trésmíða- og raf-
magnsverkstæðis og leigði starfs-
mönnum aðstöðuna. Þessar breyt-
ingar hafa aukið sveiganleika fyrir-
tækisins án þess að það komi á
nokkurn hátt niður á þjónustu þess.
„í dag er verkefnastaða fyrir-
tækisins góð fram á haustmánuði11,
segir Þorgeir Jósefsson, fram-
kvæmdastjóri. Það hefur verið
bætt við starfsfólki að undanförnu
og er starfsmannafjöldinn nú um
50. Fyrirtækið framleiðir flæðilínur
fyrir fiskvinnslustöðvar og eru í
dag tvær í smíðum fyrir kanadíska
aðila. Eins liggja fyrir nokkur við-
gerðarverkefni á skipum.
Þorgeir Jósefsson er hóflega
bjartsýnn á framhaldið. Hann segir
að reynslan í þessum rekstri hafi
kennt mönnum að vera nægjusam-
ir og að sýna verði þolinmæði.
„Við trúum og treystum á bjartari
tíma en verið hafa á undanförnum
árum fyrir íslenskan skipasmíða-
iðnað“, sagði Þorgeir að lokum.