Morgunblaðið - 16.05.1996, Side 13

MORGUNBLAÐIÐ
FRÉTTiR
Stjórnarfrumvarp um Ofanflóðasjóð
FIMMTUDAGUR 16. MAÍ 1996 13
'1 ............................«»
Stórás 7, Garðabæ
800 milljóna kr. lán
vegna snjóflóðavama
OFANFLÓÐASJÓÐI verður breytt
í Forvarnasjóð sem fær heimild til
að taka 800 milljónir króna að láni
á þessu ári til að standa straum af
kostnaði við snjóflóðavarnir í sumar,
samkvæmt stjórnarfrumvarpi sem
lagt var fram á Alþingi á þriðjudag.
I greinargerð frumvarpsins kem-
ur fram að heildarkostnaður Ofan-
flóðasjóðs vegna húsakaupa á Súða-
vík sé áætlaður 423 milljónir, og 151
milljón vegna húsakaupa í Hnífsdal.
Kostnaður við gerð varnarvirkja á
Flateyri er áætlaður um 400 milljón-
ir, og kostnaður vegna varnarvirkja
við Seljalandshverfi við ísafjörð er
áætlaður 350 milljónir. Loks hafa
hreppsnefndir Súðavíkur og Flateyr-
ar óskað eftir stuðningi sjóðsins við
greiðslu svokallaðra mismunabóta
til þeirra húseigenda sem ekki fengu
fullnægjandi bætur hjá Viðlaga-
tryggingu, og er hlutur Ofanflóða-
sjóðs í þeim kostnaður áætlaður allt
að 100 milljónir.
Samanlagt gæti heildarkost.naður
vegna snjóflóðavarna á þessu ári því
numið allt að 1,5 milljörðum króna
ef farið yrði í gerð varnarvirkja á
Flateyri og Isafirði. Þar af yrði hlut-
ur viðkomandi sveitarfélaga 10% eða
um 150 milljónir og Ofanflóðasjóðs
um 1.350 milljónir. í sjóðnum eru
300 milljónir þannig á að 1.050
milljónir vantar. Af því er gert ráð
fyrir að 250 milljónir komi ekki til
greiðslu úr sjóðnum fyrr en á næsta
ári en því á, samkvæmt frumvarp-
inu, að veita sjóðnum heimild til að
taka 800 milljóna króna lán á árinu.
Nýr tekjustofn
Frumvarpinu er einnig ætlað að
leysa úr brýnustu þörf Ofanflóða-
sjóðs fyrir fjármuni, en unnið er að
heildarendurskoðun laga um varnir
gegn snjóflóðum og skriðuföllum,
Samkvæmt frumvarpinu á að skapa
Forvarnarsjóði sem tekur við hlut-
verki Ofanflóðasjóðs, sjálfstæðan
tekjustofn með því að leggja sérstakt
gjald á brunatryggðar fasteignir, sem
nemur 0,2 prómill af vátrygginga-
verðmæti. Gert er ráð fyrir að viðbót-
artekjur sjóðsins vegna þessa nemi
400 milljónum á ári.
Þá fær sjóðurinn á næstu fimm
árum 38% af heildariðgjaldatekjum
Viðlagatryggingar íslands, en 5%
eftir það. Jafnframt verður lagt sér-
stakt 10% aukaálag á iðgjöld við-
lagatrygginga á næstu fimm árum.
Er gert ráð fyrir að tekjur Forvarna-
sjóðs vegna þessa geti numið 200
milljónum árlega. Að auki er gert
ráð fyrir árlegu framlagi til sjóðsins
á íjárlögum í samræmi við fram-
kvæmdaáætlun sem lögð er fram
við gerð fjárlaga hveiju sinni.
I einkasölu þetta glæsilega og vandaða einbhús um
200 fm á einni og hálfri hæð auk bílskúrs um 35 fm.
Húsið er byggt 1965. Húsið er skemmtilega innréttað,
innréttingar eru allar vandaðar. Mögulegt er að hafa
tvær íbúðir í húsinu og selja það í tvennu lagi.
Bjarni og Día sýna húsið í dag milli kl. 13 og 17.
Verð 15,2 millj.
Fasteignasala,
Árna Grétars Finnssonar, hrl.,
Stefán Bj. Gunnlaugsson, hdl.,
Strandgötu 25, Hafnarfirði,
sími 555 1500, bréfsfmi 565 2644.
Blað allra landsmanna!
|Mfiripiif»ILmfoi$»
- kjarni málsins!
Umframhækkanir
opinberra starfs-
manna áhyggjuefni
AÐALFUNDUR Vinnuveitenda-
sambandsins samþykkti samhljóða
eftirfarandi ályktun:
„A síðustu sex árum hefur tek-
ist að yfirvinna djúpstæða kreppu
í íslensku efnahagslífi. Hún orsak-
aðist af aflasamdrætti eftir óhóf-
lega sókn í fiskistofna, lítilli fram-
leiðni og nýsköpun í atvinnu-
rekstri vegna lítillar arðsemi og
almennu aðhaldsleysi í stjórn efna-
hagsmála. Við þessar aðstæður
höfðu samningsaðilar á almennum
vinnumarkaði forgöngu um mótun
launa- og efnahagsstefnu sem
miðaði að styrkari samkeppnis-
stöðu fyrirtækja, lítilli verðbólgu,
fjölgun starfa, auknum útflutningi
og bættum kjörum. I samvinnu
við stjórnvöld hefur þessi stefnu-
mörkun náð fram að ganga og
skilað miklum og sýnilegum ár-
angri.
Það er hlutverk samningsaðila
á hinum almenna vinnumarkaði
að móta launastefnu hveiju sinni,
því svigrúm fyrirtækja á einka-
markaði er ákvarðandi um verð-
mætasköpun í samfélaginu í heild.
Það er því áhyggjuefni að for-
svarsmenn ríkis og sveitarfélaga
hafi hvað eftir annað talið fært
að hækka laun opinberra starfs-
manna umfram það sem um hefur
samist á einkamarkaði. Umfram-
hækkanir opinberra starfsmanna
auka ekki svigrúm fyrirtækja til
samninga. Þvert á móti leiða þær
fyrr eða síðar til skattahækkana,
aukins halla eða minni þjónustu.
Hækkun tryggingagjalds um 0,5%
á þessu ári er til marks um það.
Aðalfundur VSÍ styður löngu
tímabæra endurskoðun á lögum
um stéttarfélög og vinnudeilur og
er þess fullviss að nútímalegri leik-
reglur á vinnumarkaði muni greiða
fyrir gerð kjarasamninga, þótt um
sinn ríki ekki full sátt um breyting-
amar.
VSÍ leggur áherslu á endur-
skoðun skattalaga sem miði að
auknum hagvexti, örvun áhættu-
fjárfestinga og virkari vinnumark-
aði. Endurskoða þarf samhengi
tekjuskattkerfis og bótagreiðslna
þannig að einstaklingar hafí í öll-
um tilvikum ótvíræðan hag af
framtaki og vinnu. VSÍ telur sam-
ræmdan eignatekjuskatt vera mik-
ið framfaramál, þar sem allar tekj-
ur af fjármunum verði loks skatt-
lagðar með sama hætti, hvort
heldur um er að ræða vexti, leigu,
söluhagnað eða arð af hlutafé.
Þjóðfélagið á mikið undir því að
einstaklingar telji áhættunnar
virði að festa fé í íslenskum fyrir-
tækjum og skattalögin eiga að
hvetja til þess.
Ávinningur landsmanna af gild-
andi kjarasamningum hefur orðið
meiri en bjartsýnustu menn þorðu
að vona. Verðlag er stöðugt og
kaupmáttur ráðstöfunartekna
eykst um yfir 4% hvort ár samn-
ingstímans sem er meira en gerist
meðal nágrannaþjóða. Markmið
komandi kjarasamninga hlýtur því
að vera áframhaldandi stöðugleiki
og vaxandi kaupmáttur byggður
á traustum forsendum og sam-
keppnishæfu atvinnulífí. Stöðug-
leikinn í efnahagslífinu hvílir á því
að launakostnaður hækki að jafn-
aði ekki meira en í viðskiptalönd-
unum og í takt við framleiðniþró-
un. Sú stefna hefur skilað ótvíræð-
um árangri og sú þróun getur
haldist, ef launabreytingar miðast
við raunverulega aukningu á verð-
mætum til skipta. VSI mun starfa
áfram í þeim anda og hvetur aðra
aðila vinnumarkaðarins til að víkja
ekki af braut raunsæis í kjaramál-
um.
- kjarni málsins!
HVERNIG LÍTUR ÞÍN MYND ÚT EFTIR 100 ÁR ?
VANÐAÐD VALIÐ