Morgunblaðið - 27.08.1996, Blaðsíða 10
10 ÞRIÐJUDAGUR 27. ÁGÚST 1996
MORGUNBLAÐIÐ
FRÉTTIR
Bundið slitlag verður lagt á 33 vegarkafla í öllum landsfj órðungum í ár
Malbikaðir vegir lengj -
ast um 133 kílómetra
Lengsti ómalbikaði kaflinn
er yfir Möðrudalsöræfi
VEGIR með bundið slitlag lengjast
um 133 km á þessu ári í fjölmörg-
um malbikunarframkvæmdum
Vegagerðar ríkisins. Að sögn Ey-
mundar Runólfssonar hjá Vega-
gerðinni verður þó aðeins unnið í
einu verkefni á hringveginum á
árinu, á kafia milli Fjallsár og
Hrútár í Öræfum. Við þessa lögn
lengist bundið slitlag á hringvegin-
um um tæpa fimm kílómetra, úr
1.106 km í 1.111 km af heildar-
lengd vegarins sem er 1.382 km.
Bundið slitlag er því á 80,4%
hringvegarins.
Eymundur segir að nú sé hægt
að keyra á bundnu slitlagi rúmlega
890 km leið frá Hrolllaugsstöðum
í Suðursveit á suðaustur-homi
landsins í suður, vestur og norður
að Fosshóli við Skjálfandafljót.
Lengsti malbikaði vegurinn er aft-
ur á móti rúmlega 930 km leið frá
Hrolllaugsstöðum í Suðursveit og
norður á Húsavík. Enn sem fyrr
er lengsti ómalbikaði vegurinn á
hringveginum yfir Möðrudalsöræfi
á Austurlandi á um 125 km kafla
frá vegamótum Norðausturvegar
og Uppsveitarvegar við Búrfells-
hraun að Jökulsárhlíð skammt
vestan vegamóta Hlíðarvegar og
Norðausturvegar.
Lokið við Skálholtshring
Vegna mikils niðurskurðar á
vegaáætlun segir Eymundur
nokkuð hafa hægt á framkvæmd-
um Vegagerðarinnar. Eftir sem
áður verður unnið á 33 mislöngum
vegaköflum, á bilinu 0,9-12 km.
I ár tekst m.a. að ljúka við að
leggja malbik á Skálholtsveg og
klára svokallaðan Skálholtshring.
í síðasta áfanganum var lagt mal-
bik á 7,8 km kafla frá Helgastöð-
um, um Hvítárbrú, Laugarás,
framhjá Skálholti og upp á Bisk-
upstungnabraut. Þá verður í ár
lokið við að binda veginn suður
fyrir Mývatn slitlagi en lokaáfang-
inn var 4,2 km kafli frá Garði að
Geiteyjarströnd.
Ytri hringurinn í Eyjafirði verð-
ur allur malbikaður í lok árs með
því að 5 km kafli frá Þverá að
Laugalandi verður lagður bundnu
slitlagi.
Áfram unnið á Þingvallavegi
og Laugarvatnsvegi
Af öðrum þekktum ferða-
mannaslóðum má nefna að vinna
við malbikun Þingvallavegar og
Laugarvatnsvegar þokast áfram.
Eymundur segir að 4 km af
bundnu slitlagi verði bætt við á
leiðinni frá Laugarvatni að Geysi
á kafla frá Brúará að Miðhúsum
en eftir það verk á einungis eftir
að leggja malbik á um 4-5 km
kafla til að samfelldur malbikaður
vegur sé frá Reykjavík að Geysi.
Lengsti kaflinn sem lagður er
bundnu slitlagi í ár er í Djúpunum,
nánar tiltekið á kafla vestur af
Ögri að Gilseyri. Samtals verður
12 km kafli malbikaður en það
verk er þáttur í því framtíðar-
markmiði að malbika aðalvegi um
Djúpið. Þá hefur verið lokið við
að malbika vegi í Vestfjarða-
göngum, samtals um 9 km.
Óljóst með
næsta ár
Eymundur segir óljóst hver
verkefni Vegagerðarinnar verða á
næsta ári. Hann segir að í vega-
áætlun sem samþykkt var á Al-
þingi í fyrra hafi verið lögð drög
að verkefnum næstu fjögurra ára.
Aftur á móti hafi þegar í vor ver-
ið samþykkt á Alþingi að lækka
almennar fjárveitingar til vega-
mála og af fyrstu fréttum af fjár-
lagagerð fyrir árið 1997 að dæma
sé ljóst að vegaáætlun verði ekki
fylgt að fullu á næsta ári.
Eymundur segir að vegaáætlun
verði endurskoðuð í haust en nefna
megi nokkur verkefni sem séu
ofarlega á forgangslista. Hann
segir að þegar sé búið að bjóða
út verk á Fljótsdalsheiði, í Þjórs-
árdal og á Fífuhvammsvegi í
Kópavogi.
Á Suðurlandi er stefnan sett á
að halda áfram átaki við að mal-
bika Þingvallaveg, Laugarvatns-
veg og Landveg. Á Reykjanesi var
í síðustu vegaáætlun áætlað að
vinna að endurbótum á Reykjanes-
braut.
Á Vesturlandi er stefnt að því
að leggja bundið slitlag á kafla á
Borgarfjarðarvegi, Ólafsvíkurvegi
og á veg um Búlandshöfða við
Grundarfjörð.
Á höfuðborgarsvæðinu er ráð-
gert að halda áfram framkvæmd-
um við Höfðabakka og á Miklu-
braut en einnig er búið að bjóða
út verkefni á Fífuhvammsvegi.
Áfram verður unnið við Vest-
fjarðagöng og á vegum um Djúpið
á Vestfjörðum. Þá verður áfram
unnið við Gilsfjarðarbraut sem
tengir Vesturland og Vestfirði.
Á Norðvesturlandi er áætlað að
þoka áfram framkvæmdum við
lagningu samfellds bundins slit-
lags frá Sauðárkróki til Siglufjarð-
ar. Á þeirri leið á eftir að binda
kafla norðan við Hofsós og um
Fljótin slitlagi.
Á Norðausturlandi er Fljóts-
heiðin efst á forgangslista en einn-
ig er ætlunin að vinna á Mývatns-
heiði og malbika kafla við Greni-
vík.
Á Austurlandi er stefnan sett á
að klára Seyðisíjarðarveg og halda
áfram að malbika Suðurfjarðarveg
til Fáskrúðsfjarðar. .
Suðurlands-
skjálft-
inn 1896
í GREIN um Suðurlandsskjálftann
1896 í sunnudagsblaði kemur m.a.
fram að hjónin á Selfossbænum, Am-
björn Þórarinsson og Guðrún Magn-
úsdóttir, fórust er bær þeirra hrundi.
Tveir drengir björguðust á lífi út úr
rústunum. í þeim gömlu heimildum,
sem greinin er byggð á, er ekki að
finna nöfn beggja piltanna. En nú
hefur blaðið verið upplýst af Sigrúnu
Ambjamardóttur, afkomanda annars
þeirra, um að sá eldri var Sigurgeir
Ambjamarson, sonur hjónanna sem
fómst, og var hann á 19. ári. En
hann tók við búi foreldra sinna og
bjó á Selfossi með konu sinni, Jó-
hönnu Andreu Bjamadóttur. Svo sem
stendur í greininni var hinn drengur-
inn átta ára dóttursonur þeirra, Arn-
björn Gunnlaugsson, síðar skipstjóri.
Börn þeirra Ambjamar Þórarins-
sonar og Guðrúnar Magnúsdóttur
vom Magnús lögfræðingur, sem var
við nám í Kaupmannahöfn þegar jarð-
skjálftinn varð, Guðrún, móðir
drengsins, Ambjamar Gunnlaugsson-
ar, og yngstur var Sigurgeir sem eft-
ir jarðskjálftann bjó á Selfossi.
---------» ♦ ♦---
Reglum um úti-
vist barna
framfylgt
LÖGREGLAN mun fylgja ákveðið
eftir reglum um útivist bama nú þeg-
ar dregur að því að skólar byiji- Regl-
ur um útivist bama breytast 1. sept-
ember. Lögreglan hvetur foreldra til
samvinnu og samstöðu um að fram-
fylgja reglunum. Tólf ára og yngn
mega ekki vera á almannafæri eftir
kl. 20 frá 1. september og börn á
aldrinum 13-16 ára mega ekki vera
á almannafæri eftir kl. 22.