Morgunblaðið - 27.08.1996, Blaðsíða 17

MORGUNBLAÐIÐ
ÞRIÐJUDAGUR 27. ÁGÚST 1996 17
VIÐSKIPTI
Alvarlegt spillingarmál komið upp hjá Statoil í Noregi
Fjórir Bretar hand-
teknir fyrir mútur
Ósló. Morgunblaðið.
ALVARLEGT spillingarmál hefur
komið upp í tengslum við ríkisrekna
olíufélagið Statoil. Fyrir helgi var
deildarstjóri í fyrirtækinu hnepptur
í varðhald í Stavanger, sakaður um
sviksamlegt athæfi en talið er að
hann hafi þegið allt að 7 milljónum
ísl. kr. í mútur. Peningana fékk
deildarstjórinn, sem er breskur ríkis-
borgari, greidda inn á bankareikning
í Guernsey. Þá hefur annar Breti,
framkvæmdastjóri og eigandi ráð-
gjafafyrirtækisins Idavoll í Sandnes,
verið handtekinn, en hann er grun-
aður um að að hafa greitt múturn-
ar. Mennirnir hafa verið dæmdir í
tveggja vikna gæsluvarðhald.
Lögregla telur að mennirnir hafi
átt við samninga að andvirði tug-
milljarða ísl. kr. Deildarstjórinn hjá
Statoil hefur verið fulltrúi fyrirtæk-
isins í samningum við McDermott-
ETPM West Onc, sem leggur olíu-
leiðslur. Árið 1995 fékk það samning
um lagningu leiðslna fyrir 20 millj-
arða ísl. kr. Frá árinu 1988 hefur
Idavoil gert 40 samninga við Statoil
og fengið alls um 790 milljónir ísl.
kr. fyrir.
Fullyrt er að upphaf málsins megi
rekja til vinskapar forstjóra Idavoll
og deildarstjórans. Mun sá fyrr-
nefndi'hafa leigt íbúð af deildarstjór-
anum langt yfir markaðsverði. Hon-
um bárust einnig annars konar
greiðslur en neitar að hafa endur-
goldið þær á nokkurn hátt. Lögmað-
ur forstjóra Idavoll segir hann neita
því að hafa brotið lög og að hann
hafi ekki greitt mútur.
Annað spillingarmálið
á fimm árum
Tveir Bretar til viðbótar voru
handteknir í Yorkshire á föstudag.
Báðir eru starfsmenn fyrirtækis sem
er að hluta til í eigu forstjóra Ida-
voll. Að því er segir í frétt Aftenpost-
en er ástæða til að ætla að þeir
hafi verið milligöngumenn fyrir for-
stjórann og séð um að borga inn á
reikning starfsmanns Statoil.
Þetta er í annað srnn á fáeinum
árum sem spillingarmál tengist
Statoil. Árið 1992 var yfirverkfræð-
ingur fyrirtækisins fundinn sekur
um spillingu og dæmdur í tveggja
ára fangelsi. Var talið sannað að
hann hefði þegið um 6,3 milljónir
ísl. kr. í greiðslu frá þýska fyrirtæk-
inu Mannesmann.
Að sögn talsmanns Statoil mun
fyrirtækið enn á ný verða að endur-
skoða reglur fyrirtækisins en það
telur þó ekki ástæðu til að ætla að
fleiri starfsmenn þess séu flæktir í
spillingarmál. Telur Statoil málið
ekki síst alvarlegt fyrir þá sök að
það hafi orðið til þess að fyrirtækið
hafi greitt hærra verð fyrir þjónustu
en ástæða hafi verið til og að hún
hafi verið síðri en vænst hafi verið.
Ukraína
fær nýjan
gjaldmiðil
Kænugarði. Reuter.
ÚKRAÍNA mun, löngu síðar en
áætlað var, taka upp nýjan gjaldm-
iðil frá og með öðrum september nk.
Þetta tilkynnti seðlabanki Úkraínu
í gær.
Nýi gjaldmiðillinn, hryvnan, mun
byggja á bráðabirgðagjaldmiðli
þeim, sem notaður hefur verið hing-
að til í hinu fyrrverandi sovétlýð-
veldi, en 5 núll verða skorin aftan
verðgildi hans.
„Tilgangur breytinganna nú er
að breyta bráðabirgðagjaldmiðli
okkar í sannkallaðan nýjan gjald-
miðil, til þess að jafna verð og skapa
stöðugan gjaldmiðil," sagði seðla-
bankastjóri Úkraínu, Viktor Jús-
jenkó.
Nýju hryvna-seðlunum mun verða
skipt út fyrir seðla karbovanets-
bráðabirgðagjaldniiðilsins á tímabil-
inu frá 2. til 16. september, sagði
seðlabankastjórinn.
Ein hryvna mun jafngilda 100.000
karbovanets, sem voru teknir upp
árið_1991 til að koma í stað rúblunn-
ar. Óðaverðbólga hefur gert verðgildi
þessa bráðabirgðagjaldmiðils að nán-
ast engu síðan. Reiknað er með að
gengi hryvnunnar gagnvart banda-
ríkjadollar muni ná jafnvægi í kring
um 1,75 hryvnur fyrir dollarann.
Yfir 20 tegundir
af sófaborðum ó lager
-Ýmsarviðartegundir
Suðurlandsbraut 54, sími 568 2866
Verðstríð minnkar
hagnað Lufthansa
Frankfurt. Reuter.
ÞÝZKA flugfélagið Lufthansa
segir 37 prósentustiga samdrátt
í hagnaði félagsins á fyrsta árs-
helmingi 1996 vera orsakaðan
af miklum verðlækkunum hjá
samkeppnisflugfélögum en tals-
menn félagsins segja hagnaðinn
á ársgrundvelli eiga að samsvara
væntingum.
Hagnaður fyrir skatta var 119
milljónir marka, um 5,3 milljarð-
ar króna, á fyrstu sex mánuðum
þessa árs, sem er verulega miklu
minna en hagnaður á sama tíma-
bili í fyrra, sem var 189 milljón-
ir marka. Hlutabréf í Lufthansa
lækkuðu um 1,5 prósentustig við
fréttirnar, niður í 208 mörk.
Takmarkaður vöxtur bæði á
fragt og farþegafjölda setti út-
þenslu félagsins hömlur og tals-
menn félagsins segja rekstur
félagsins á Þýzkalandsmarkaði
hafa orðið fyrir áfalli vegna
mikils framboðs á ódýrum far-
gjöldum frá niðurgreiddum evr-
ópskum flugfélögum auk þess
sem bruninn á Dusseldorf-flug-
velli í apríl sl. setti strik í reikn-
inginn.
| Við byggjum
UPP fÓlh og fólkið I
byggir upp fyrirtcekin I
Dale Carnegie®
Þjálfun
Fólk-Arangur-Hagnaður
hjdlpíi? þér abi
• Verða hœfari í starfi.
• Öðlast meiri eldmóð.
• Verða betri í mannlegum samskiptum.
• Losna við áhyggjur og kvíða.
• Skerpa minnio.
• Veroa betri rœðumaður
• Setja þér markmið.
KYNNINGARFUNDUR
FIMMTUDAG KL. 20:30 AÐ SOGAVEGI 69, REYKJAVÍK
I
FJÁRFESTING
ÍMENNTUN
SKILARÞÉR
ARÐIÆVILANGT
Innritun og
upplýsingar í síma:
581 2411
^ STJÓRNUNARSKÓLINN
Konráð Adolphsson - Einkaumboð á Islandi
ávöxtun s
hjá
Kaupþingi
Nafnávöxtun á ársgrundvelli m.v. 23. ágúst
Skammtímabréf
Frá áramótum 8,9%
Síðustu 12 mánuði 8,5%
Einingabréf 1
Frá áramótum 10,0%
Síðustu 12 mánuði 9,6%
Einingabréf 2
Frá áramótum 9,6%
Síðustu 12 mánuði 9,7%
Einingabréf 6
Frá áramótum 8,6%
Síðustu 12 mánuði 11,9%
Einingabréf 10
Frá áramótum 5,7%
Síðustu 12 mánuði 10,8%
Með því að ávaxta fé i verðbréfasjóðum, nýtur
þú mikillar áhættudreifingar og góðrar ávöxtunar
á einfaldan og öruggan hátt. Leitaðu upplýsinga
hjá ráðgjöfum Kaupþings hf. i síma 515 1500
og hjá sparisjóðunum.
KAUPMNG HF
Ármúla 13A*I0S Reykjuvík