Morgunblaðið - 27.08.1996, Blaðsíða 44
44 ÞRIÐJUDAGUR 27. ÁGÚST 1996
MORGUNBLAÐIÐ
Dýraglens
EVODU SVOUTLUM T|/HA j
KAMNSKI EITTHVAD AF'HWU
HANS 06 SJAKMA FESTIST 0
>? L<3 _______________ |
Tommi og Jenni
Ýejj/ndi /i eóia
Ljóska
Ferdinand
BRÉF
HL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
Efri Barmahlíð
- hvers eigum
við að gjalda?
Frá Svövu Brand:
í MORGUNBLAÐINU 20. ágúst
var gleðifrétt fyrir íbúa nokkurra
gatna í Hlíðunum, nefnilega
Barmahlíðar, Mávahlíðar, Drápu-
hlíðar og Blönduhlíðar (átt er við
kaflann frá Lönguhlíð að Engihlíð,
keyrt í vesturátt): að þar væru
komnar hraðahindranir og 30 km
hámarkshraði. Við í efri Barmahlíð
samgleðjumst þeim sem þarna búa
að nú skuli bæði hraðahindrun við
gatnamót Lönguhlíðar og greinileg
skilti sem minna á 30 km öku-
hraða á þessum kafla áðurgreindra
gatna vera til staðar.
En betur má ef duga skal. Um
efri Barmahlíð fara ótaldir bílar sem
stefna beint á Bogahlíðina og hverf-
ið þar í kring. í þessu „efra hverfí"
sem hefír að geyma ekki færri en
10 blokkir, eitt félagsheimili
(Drangey) og stóra verslunarsam-
stæðu (Suðurver) auk annarra íbúð-
arhúsa, má gera ráð fyrir að um-
ferðarþungi sé óhóflega mikill.
Öll þessi umferð býður hávaða,
mengun og slysahættu heim. Auð-
vitað skiljum við sjónarmið þeirra
sem aka bílunum því að hér í efri
Barmahlíð er engin hraðahindrun,
enginn hámarkshraði og að sjálf-
sögðu engin umferðarljós til að
tefja för ökumannsins.
Nú er tími til úrbóta. Því viljum
við allra vinsamlegast mælast til
þess að hraðatakmörkun, ásamt
hraðahindrun við innkeyrslu í efri
hluta Barmahlíðar, verði komið
fyrir hið allra fyrsta.
SVAVA BRAND,
Barmahlíð 48, Reykjavík.
Athugasemd
frá launþega
Frá Guðrúnu Jacohsen:
HVERNIG má það vera, reikn-
ingsmeistarar góðir, að sóknar-
kona með 40 þúsund króna grunn-
kaup fyrir 13-14 vinnunætur í
mánuði, við umönnun aldraðra síð-
astliðin tíu ár, sem getur ekki leyft
sér að veikjast lengur, því þá
bætist vinna hennar á herðar
næsta vinnufélaga, hafi möguleika
á að eyða um efni fram?
Hvernig má það vera, að þessi
sama sóknarkona, sem hefur orðið
að bæta á sig viðbótarstarfí og
margar eru þær víst sóknarkonum-
ar sem eru í fleiri en tveim stöfum
til að endar nái saman, til dæmis
póstkona með 35 þúsund króna
grunnlaun í hlutastarfí, við að
koma til skila hótunarbréfunum frá
bönkum allra landsmanna, til að
mynda ef greitt er ekki innan vissra
daga, sigum við lögmönnum bank-
ans á yður, í hvaða veðri sem er
allan ársins hring síðastliðin fímm
ár, geti eytt um efni fram? Nú, nú
til að hafa hvorki þurft að veðsetja
sál né líkama, hefur þessi sami
launþegi sem er langt undir 150
þúsund króna svokölluðum meðal-
launum á mánuði orðið að taka líf-
eyrissjóðslán. Eitt af lánunum, 135
þúsund krónur, tekið 1982, er að
eftirstöðvum í dag, tæpar 600
hundruð þúsund krónur, þótt búið
sé að greiða af því 80 þúsund krón-
ur árlega síðastliðin 14 ár.
Þetta er sú hagfræði sem láðst
hefur að kenna við Háskóla ís-
lands.
GUÐRÚN JACOBSEN,
Bergstaðastræti 34, Rvík.
Miklar veðrabreyting-
ar munu eiga sér stað
Frá Eggerti E. Laxdal
ÞAÐ er ekki nokkur vafi á því,
að tilraunir með kjarnorku-
sprengjur, bæði ofansjávar og í
djúpi hafsins, hafa breytt straum-
um hafs og lofts verulega. Miklar
veðrabreytingar munu því eiga sér
stað víða á hnettinum með ófyrir-
sjáanlegum afleiðingum, sumum
til góðs, en öðrum til tjóns. Eyði-
merkur munu verða að frjósömum
ekrum og gróin svæði að auðn.
Ganga fískanna mun þar af leið-
andi einnig breytast til muna,
fengsæl fiskimið munu eyðast og
öfugt. Hitastig sjávar mun einnig
taka breytingum með ófyrirsjáan-
legum afleiðingum. Skaparinn
hefur sett öllu þessu ákveðnar
skorður, sem munu splundrast við
þessi inngrip mannsins í sköpun-
arverkið og það er ábyrgðarhluti,
svo ekki sé meira sagt og mann-
kynið á eftir að súpa seyðið af
þessu um ókominn aldur.
Stemmum því stigu við þessu
óráði, áður en lengra er haldið á
braut ógæfunnar fyrir marga.
EGGERT E. LAXDAL,
Hveragerði, box 174.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.