Morgunblaðið - 27.08.1996, Blaðsíða 22

22 ÞRIÐJUDAGUR 27. ÁGÚST 1996
MORGUNBLAÐIÐ
LISTIR
Varið ykkur á
hljómsveitargæjum!
LEIKLIST
Ég-lcik-hús í
Loftkastalanum
SUMAR Á SÝRLANDI
Handrit og leikstjóm: Valgeir Skag-
fjörð. Tónlist: Stuðmenn. Leikmynd
og búningar: Rebekka A. Ingimund-
ardóttir. Lýsing: Alfreð Sturla Böð-
varsson. Hljóð: ívar Ragnarsson.
Danshöfundar: Kolbrún Ýr Jónsdótt-
ir og Guðný Svandis Guðjónsdóttir.
Förðun: Elísabet Valsdóttir. Hár:
Hrafnhildur Harðardóttir og Olga
Steingrímsdóttir. Hljómsveit: Bjarki
Jónsson, Hjörleifur Jónsson, Reynir
Baldursson, Þorgrímur Jónsson og
Þórir Úlfarsson. Leikendur. Amór
G. Jónsson, Ásdís Claessen, Ásthildur
Valtýsdóttir, Bjartmar Þórðarson,
Einar Om Finnsson, Eygló Karólína
Benediktsdóttir, Hrólfur Sæmunds-
son, Hulda Dögg Proppé, Iris María
Stefánsdóttir, Ivar Helgason, Orri
Huginn Ágústsson, Sigríður Eyrún
Friðriksdóttir, Sigursteinn Stefáns-
son, Sólveig Edda Vilhjálmsdóttir,
Stella Guðný Kristjánsdóttir, Sverrir
Þór Sverrisson, Sædis Magnúsdóttir,
Valdis Karen Smáradóttir, Vilhelm-
ína Birgisdóttir, Þóranna Kristín
Jónbjömsdóttir og Þórður Bjama-
son. Sunnudagur 25. ágúst.
STUÐMENN voru ein vinsæl-
asta hljómsveit landsins um árabil
og slógu rækilega í gegn með
fyrstu stóru plötunni sinni, Sumari
á Sýrlandi. Síðar fór að halla und-
an fæti eftir íjöldamörg ár á toppn-
um og meðlimir hljómsveitarinnar
sneru sér að öðrum viðfangsefnum.
En lög þeirra eru enn þekkt og
vinsæl, allar plötur þeirra hafa ver-
ið gefnar út að nýju á geisladisk
og teljast íslensk poppklassík.
Síðastliðinn vetur settu nemend-
ur í Fjölbrautaskólanum í Breið-
holti upp verk byggt að mestu leyti
á áðumefndri plötu með aðstoð
Valgeirs Guðjónssonar, fyrrverandi
stuðmanns. Nú setur hann og nafni
hans Skagfjörð upp samnefnt verk,
tónlistin valin vítt og breitt af ferli
Stuðmanna en textinn saminn af
þeim síðamefnda.
En eins og oft vill verða ef
byggja á á fornri frægð verður
útkoman heldur bragðlítil
upplsuða. Það sem stendur upp
úr em stuðmannalögin, sem eru
Iítillega breytt í smekklegri útsetn-
ingu. En þar sem lögin em í litlu
samhengi hvert við annað verður
að tengja þau saman og byggja
leikverk í kringum þau. Það er
einmitt þar sem hundurinn liggur
grafínn. Textinn sem tengir lögin
saman í verkinu er ótrúlegt moð.
Söguþráðurinn er víða slitinn af
útúrdúmm sem farnir em til að
tengja enn eitt lagið við illa farna
heildina. Útkoman verður því hin
mesta þvæla.
Eitt sem stingur í augu eru
háleit markmið aðstandenda sýn-
ingarinnar. Þeir gefa sig út fyrir
að vera að beijast gegn notkun
fíkniefna. En að þessu leyti er
sýningin mesta klámhögg. Persón-
urnar nota fíkniefni til að skerpa
á gleðinni auk þess sem þau eru
uppspretta margra skemmtileg-
ustu brandaranna í sýningunni.
Melódramatísk örlög einnar aðal-
persónunnar vegna ofneyslu ein-
hvers fíkniefnis leysast farsællega
í lokin og hafa þá sameinað fjöl-
skylduna í giftusamlegum endi.
Stína stuð eldri, sem varð ólétt
eftir poppsöngvara, dregur af öllu
þessu þá ályktun að hún hefði
betur varað sig á þessum hljóm-
sveitargæjum!
Þrátt fyrir þessa annmarka á
uppfærslunni kæfir ekkert leik-
gleði hæfileikamikils ungs fólks.
Flest þessara andlita hafa sést
áður í uppfærslum framhaldsskól-
anna. Það sem þau öll skortir er
listræn skólun til að náttúrutalent-
inn fái að þroskast og eflast. Þó
margt sé vel gert hér er leikurinn
fastur á menntaskólaplaninu og
fæstir leikendanna nálgast það að
geta skapað trúverðugar persónur
á sviði.
En það er ekki úr vegi að ljúka
þessum dómi með því að nefna
þá sem stóðu sig einna best. Þá
ber fyrstan að telja Bjartmar Þórð-
arson í hlutverki Meskalídós. Hann
hefur ótrúlega nærveru á sviði og
sérstaklega áhugaverða söngrödd
þó raddsviðið sé takmarkað. ívar
Helgason, Stella Guðný Kristjáns-
dóttir, Hrólfur Sæmundsson og
Þóranna Kristin Jópþjörnsdóttir
syngja vel en leikurinn er slakur.
Eygló Karólína Benediktsdóttir og
Sigursteinn Stefánsson dönsuðu
afburða vel og sýndu skemmtilega
takta í gamanleik. Orri Huginn
Ágústsson, Sverrir Þór Sverrisson,
Arnór G. Jónsson og sá sem lék
Bimbó (upplýsingar skortir í leik-
skrá) sýndu skemmtilega takta í
grínleik, enda var grínið betur
útfært en melódramað. Búningar
Rebekku A. Ingimundardóttur
voru litríkir og ásamt einföldum
leiktjöldum gáfu þeir sýningunni
skemmtilegan heildársvip. Hins-
vegar skorti mikið á að gerður
væri nógu mikill greinarmunur á
tímabilum í verkinu og bætti þetta
ekki á lítil skil milli þeirra í textan-
um. Hljómsveitin spilaði ásættan-
lega en hljóðstjórn var ómarkviss
í upphafi laga.
I heild má hafa gaman af verk-
inu og greinilegt var að áhorfend-
um var vel skemmt. En sýningin
í heild stenst ekki þær kröfur sem
gera verður til slíkrar uppsetning-
ar á fullu verði. Peningunum er
betur varið í að kaupa diskútgáfu
upphaflegu plötunnar.
Sveinn Haraldsson
Sterkar laglínur
Söng í Ríkis-
óperunni í Miinchen
GUÐRÚN Ingimarsdóttir, sópr-
ansöngkona kom fram á tón-
leikum í Ríkisóperunni í
Miinchen um miðjan síðasta
mánuð. I tengslum við hina ár-
legu Munchenar-óperuhátíð
heldur Bæverska leikhúsaka-
demían söngnámskeið sem mik-
il aðsókn er að meðal ungra
söngvara. Guðrún var í hópi 180
ungra söngvara, sem þreyttu
inntökupróf á námskeiðið og
komst í hóp þeirra 60 sem vald-
ir voru inn. Takmark allra þátt-
takendanna var svo að komast
í 15 manna hóp sem átti að
koma fram á tónleikum við
undirleik Bæversku óperu-
hljómsveitarinnar undir stjórn
Heinrichs Benders. Guðrún
náði því takmarki og svo
skemmtilega vildi til að hin
þekkta kóloratúrsöngkona Syl-
vía Gessty söng dúett með Guð-
rúnu í forföllum fyrir aðra
söngkonu. „Það var á elleftu
stundu sem Sylvía hljóp í skarð-
ið,“ sagði Guðrún í samtali við
Morgunblaðið. „Þegar ég kom
á generalprufu var Sylvía sett
í það að syngja á móti mér og
það var svo sannarlega óvænt
ánægja og það var gaman að
heyra viðtökurnar í salnum
þegar hún kom fram, því áheyr-
endur vissu ekkert um manna-
breytingarnar fyrr en hún sté
fram á sviðið. Mér þótti mikill
heiður að fá að syngja með
henni.“
Guðrún hefur búið í eitt ár í
Þýskalandi og neitar því ekki
að þessir tónleikar hafi verið
hápunkturinn á dvöl hennar
„MIKILL heiður að fá að
syngja með frú Sylvíu." Guð-
rún Ingimarsdóttir með frú
Silvíu Gessty eftir tónleikana
í Ríkisóperunni í Miinchen.
þar ytra fram að þessu. „Að fá
að syngja í Bæversku óperunni
er vissulega mjög gaman og það
er einstakt að syngja á sviðinu
fyrir fullu húsi,“ sagði Guðrún.
Að loknu námi í Söngskólan-
um í Reykjavík sótti Guðrún
einkatíma í Lundúnum í hálft
annað ár áður en hún hóf nám
í Tónlistarháskólanum í Stutt-
gart. Guðrún mun ekki Iíða
verkefnaskort á næstunni og
m.a. mun hún taka þátt í kon-
sertuppfærslu á Cosi fan tutte
eftir Mozart með Fílharmoníu-
sveit Baden-Wurteberg auk
tónleikaferðar til Sikileyjar
með Stuttgartóperunni.
TONLIST
J a z z
í SKJÓLI NÆTUR
Stefán S; Stefánsson, saxófónar og
flautur, Iris Guðmundsdóttir söng-
ur, Hilmar Jensson gítar, Gunnar
Hrafnsson bassi, Einar Valur Sche-
ving trommur, Árni Scheving víbra-
fón og marimba og Eiríkur Örn
Pálsson trompet og flugelhorn.
Útgefandi Jazzís, 1996.
STEFÁN S. Stefánsson er einn
af þekktari tónlistarmönnurti
landsins og hefur komið víða við
á löngum ferli. Þekktastur er hann
e.t.v. sem lagasmiður hljómsveit-
arinnar Ljósanna í bænum sem
spilaði nokkurs konar fusion popp
seint á áttunda og snemma á
níunda áratugnum og hann var
einn af forsprökkum bræðings-
sveitarinnar Gammanna. Þar
reyndi á Stefán sem lagasmið og
hafa sumar melódíurnar sem hann
kokkaði upp á því tímabili reynst
sannkallaðir húsgangar.
Þótt undarlegt megi virðast
hefur Stefán ekki áður sent frá
sér plötu undir eigin nafni og þótti
mörgum sem tími væri kominn
til. 011 tónlistin á í skjóli nætur
er samin af Stefáni og meginhlut-
inn, sem er saminn við ljóðabálk
Sveinbjörn I. Baldvinnssonar, í
þorpi drottningar englanna, er
reyndar nokkurra ára gamall.
Ánægjuefni er að þessi fallega
tónlist sé nú til í aðgengilegu formi
en sú breyting hefur orðið á frá
því tónlistin var frumflutt í Púlsin-
um sáluga fyrir mörgum árum að
rödd Irisar Guðmundsdóttur hefur
bæst við.
Afar hljótt hefur verið um út-
gáfu plötunnar sem er ómaklegt
því hér er um mjög athyglisvert
framlag að ræða í djasstónlist
undir öðrum formerkjum en vana-
legast er hér á landi. Það virðist
vita vonlaust að ætlast til þess að
vönduð tónlist af þessu tagi hljóti
náð fyrir eyrum plötusnúða á út-
varpsstöðvunum, þar ræður
smekkleysið og markaðssetningin
ríkjum, og flestir löngu hættir að
hlusta.
Ef gerð er tilraun til þessa að
flokka tónlistina á í skjóli nætur
staldrar hugurinn fyrst við suður-
ameríska rytma - já, þarna er
sömbu að fínna og líka fönk eins
og Stefán spilaði með Gömmunum.
Platan er mjög þægileg áheyrnar
og laglínurnar eru sterkar og lifa
lengi í huganum. Stefán er með
einvalalið tónlistarmanna með sér
á plötunni. Sjálfur leikur hann á
saxófóna og flautu en feðgarnir
Árni og Einar Valur Scheving sjá
um ásláttarhljóðfærin. Hilmar set-
ur skemmtileg brag á hana með
laglegum gítarleik. í skjóli nætur
er kjörgripur þeirra sem unna
melódískum djassi og tilþrifamikl-
um spuna.
Guðjón Guðmundsson
Björn Birnir
í Leifsstöð
KYNNING á málverkum eftir
Björn Birni myndlistarmann
stendur nú yfir á landgangi í
Leifsstöð.
Björn Birnir er annar í röð
myndlistarmanna sem Félag ís-
lenskra myndlistarmanna og
Leifsstöð kynna með þessum
hætti.
í tengslum við kynningu
þessa er sýning á verkum
Björns í Gallerí Laugavegur
20B í Reykjavík.
VERK eftir Björn Birni.