Morgunblaðið - 05.10.1996, Page 17

MORGUNBLAÐIÐ
VIÐSKIPTI
LAUGARDAGUR 5. OKTÓBER 1996 17
Umboð
Eimskips í
nýtt hús-
næði
UMBOÐ Eimskips í ísafjarðarbæ
tók formlega í notkun nýtt skrif-
stofu- og vöruhús við Ásgeirs-
götu í Sundahöfn á ísafirði í vik-
unni. Húsnæðið hefur fengið
nafnið Eyrarskáli og vísar þar í
upprunalegt nafn ísafjarðar-
kaupstaðar, Eyri við Skutuls-
fjörð.
Vinna við hið nýja hús hófst í
nóvember á síðasta ári og hafa
framkvæmdir gengið vel. Húsið
er alls 670 fermetrar að stærð.
Þar af er vörugeymsla 440 fer-
metrar og skrifstofuaðstaða
rúmir 180 fermetrar. Lóð félags-
ins er alls 3.200 fermetrar og er
gert ráð fyrir tengingu fyrir 30
frystigáma.
Viðlega skipa Eimskips verður
framvegis við Sundahöfn á _
Isafirði en hafnaryfirvöld í Isa-
fjarðarbæ hafa byggt aðstöðu
fyrir kaupskip og gámaflutn-
ingaskip í höfninni.
Eimskip hefur haft vöru- og
hafnaraðstöðu við Ásgeirsbakka
frá árinu 1972. Skrifstofa um-
boðs félagsins í bænum hefur
hins vegar verið til húsa við
Aðalstræti frá árinu 1934. „Nýtt
húsnæði Eimskips í ísafjarðarbæ
er til marks um þá áherslu sem
félagið leggur á að auka sífellt
þjónustu við viðskiptavini sína á
landsbyggðinni. Með tilkomu
þessa nýja húsnæðis er þjónusta
félagsins í ísafjarðarbæ samein-
uð á einn stað og verður fyrir
vikið skilvirkari. Þá mun ný að-
staða gera Eimskip kleift að
auka þjónustu á sviði vörudreif-
ingar og birgðahalds," segir í
frétt sem Morgunblaðinu hefur
borist.

Metsala á
bókum í
heiminum
Frankfurt. Reuter.
SALA bóka í heiminum í fyrra jókst
um 8%, sem er met, og söluaukning-
in verður langmest í Kína út öldina
samkvæmt nýrri könnun.
Skýrt var frá því á bókasýning-
unni í Frankfurt að samkvæmt
könnum markaðsrannsóknastofn-
unarinnar Euromonit hefði sala
bóka í heiminum 1991-1995 aukizt
um 24,3% úr 64.3 milljörðum doll-
ara í 80 milljarða.
Að sögn Euromonitor er megin-
ástæða aukins söluverðmætis
hækkun á pappírsverð, sem þrýsti
upp verði á bókum.
Mest var selt í Bandaríkjunum
fyrir 25.5 milljarða dollara 1995,
en næst komu Japan, Þýzkaland,
Bretland og Frakkland.
Euromonitor spáir því að Banda-
ríkin verði áfram stærsti markaður-
inn í heiminum til ársins 2000 þeg-
ar söluverðmæti muni nema 37
milljörðum dollara.
Stofnunin segir að stórverzlanir
séu mesta ógnun, sem hefðbundnar
bókaverzlanir standi frammi fyrir.
Markaðshlutdeild þeirra sé enn lítil,
en aukist alls staðar í heiminum.
Fulltrúi Euromonitors spáði gíf-
urlegri aukningu í Kína. Því er spáð
að hún verði tvöfalt meiri en í öðr-
um þróuðum löndum um aldamótin
og yfir 28% á árunum 1996-2000.
Aukningin hefur verið örust á Asíu-
Kyrrahafssvæðinu á undanfömum
fjórum árum.
Ráðstefna um
fjarskipti
PÓSTUR og sími efnir til ráð-
stefnu um fjarskiptaþróun mánu-
daginn 7. október í tilefni þess að
90 ár eru liðin frá því að sæsíminn
var lagður til Seyðisfjarðar og
Landsími íslands var stofnaður.
Meðal fyrirlesara eru Ólafur Tóm-
asson, póst- og símamálastjóri,
Tormod Hermansen, forstjóri Te-
lenor í Noregi, og Frosti Bergsson,
forstjóri Opinna kerfa.
Ráðstefnan verður haldin á
Hótel Loftleiðum og hefst hún
klukkan 13. Aðgangur er ókeypis
en nauðsynlegt er að skrá sig í
síma 550 6003.
fM
rn 0
^lK -
ausuaukar
nfi5
-nú er rétti tíminn-
TIUéíOÐ
JL aukœharfa
kr. 990,-
10 túlípanar kr. 169,-
í körfunni eru:
10 túlípanar
10 krókusar
8 páskaliljur
12 anímónur
12 stjörnuliljur
3 jólahýasintur
Alls 55 laukar.
Bastkarfa fylgir.
Fullt verð
kr. P61Í0,-
10 krókusar kr. 169,-
Jólahýasintur
3 í pakka kr. 169,-