Morgunblaðið - 07.12.1996, Side 17

MORGUNBLAÐIÐ
AKUREYRI
LAUGARDAGUR 7. DESEMBER 1996 17
Veitingarekstur
í Hlíðarfjalli
Tilboðum
hafnað
BÆJARRÁÐ Akureyrar sam-
þykkti á fundi í vikunni að
hafna þeim tveimur tilboðum
sem bárust í veitingarekstur að
Skípastöðum í Hlíðarfjalli.
Á fundinum var kynntur
samanburður á tilboðunum og
kostnaði bæjarins við veitinga-
rekstur að Skíðastöðum á und-
anförnum árum.
Að sögn Guðmundar Stef-
ánssonar bæjarfulltrúa var ætl-
unin með því að bjóða út rekst-
urinn að Skíðastöðum sá að
spara peninga, en samkvæmt
útreikningum virtist það mark-
mið ekki nást. Líkur væru því
á að bærinn myndi annast veit-
ingasölu í Hlíðarfjalli áfram.
Aðventu-
tónleikar í
Glerárkirkju
KÓR Glerárkirkju heldur sína
árlegu aðventutónleika í Glerár-
kirkju sunnudaginn 8. desem-
ber og hefjast þeir kl. 17. Á
efnisskránni eru m.a. íslensk,
ensk, pólsk og rússnesk jólalög
en einnig verður frumfluttur
texti Sverris Pálssonar, Jóla-
gjöfin, við lag Gustav Holst.
Barnakór Glerárkirkju kem-
ur fram á tónleikunum og
syngja kórarnir saman nokkur
lög. Stjórnandi er Jóhann Bald-
vinsson. Aðgangur á tónieikana
er ókeypis.
Sýning
á verkum
nemenda
NÝLEGA lauk námskeiði sem
staðið hefur yfir síðustu mánuði
hjá Erni Inga myndlistarmanni.
Nemendur koma víða af Norð-
urlandi, sumir um alllangan veg
til að sækja námskeiðið, sem
hefur verið tvisvar í viku. Á
morgun, sunnudaginn 8. des-
ember, ætla nemendur að sýna
verk sín í vinnustofunni í
Klettagerði 6 á Akureyri og eru
allir velkomnir á sýninguna, en
myndin var tekin þegar verið
var að undirbúa sýninguna fyrr
í vikunni.
Auðlindin
okkar
LÝÐVELDISKLÚBBURINN á
Akureyri heldur opinn fund með
yfirskriftinni Auðlindin okkar í
Deiglunni, Kaupvangsstræti, í
dag, kl. 16.30.
Aðalgestur fundarins verður
Ágúst Einarsson alþingismaður
sem er eins og kunnugt er einn
af helstu talsmönnum þess að
útgerðin verði látin greiða þjóð-
inni gjald fyrir afnotin af auðlind-
inni. Fastlega er búist við að á
fundinn mæti líka fulltrúar fyrir
gagnstæð sjónarmið, en einnig
verður fjallað um mismunandi
aðferðir við stjómun fískveiða.
Engla-
dagskrá
DAGSKRÁ um engla sem verið
hefur í Deiglunni alla vikuna
heldur áfram þar í dag, laugar-
dag en kl. 15 verða tónleikar
fyrir yngstu börnin, tveggja til
fjögurra ára.
Anna Richards stjórnar dansi
barnanna, tónlist verður leikin,
spilað á gítar og sungið.
I Deiglunni eru til sýnis engl-
ar sem leikfangasmiðurinn Ge-
org Hollanders hefur gert.
Flutningamiðstöð Norðurlands flyst í nýtt húsnæði við Tryggvabraut
Skipa- og bílaafgreiðsla
komin undir sama þak
FLUTNINGAMIÐSTÖÐ Norður-
lands, FMN, dótturfyrirtæki Sam-
skipa, hefur flutt starfsemi sína að
Tryggvabraut 5 á Akureyri, þar sem
skipa- og bílaafgreiðsla fyrirtækis-
ins sameinast undir sama þaki. FMN
keypti húsnæði Þórshamars af
Kaupfélagi Eyfirðinga fyrr á árinu
og að undanförnu hefur verið unnið
að breytingum og endurbótum á
húsnæðinu. FMN endurseldi hluta
húsnæðisins en hefur yfir að ráða
um 1.500 fermetrum undir starf-
semi sína.
„Kosturinn við þetta nýja hús-
næði er hversu aðkoman og aðstað-
an er þægileg fyrir viðskiptavininn.
Með bættri aðstöðu er einnig hægt
að útvíkka starfsemi fyrirtækisins
til muna og bæta þjónustuna. Við
erum með mjög gott dreifikerfi vest-
ur frá Akureyri en stefnum nú að
frekari uppbyggingu dreifikerfisins
austur á land, allt til Vopnafjarð-
ar,“ segir Þórarinn ívarsson, fram-
kvæmdastjóri FMN.
Ný og bætt þjónusta kynnt
Þórarinn segir að FMN stundi al-
hliða flutningastarfsemi og yfirtaka
á rekstri feijunnar Sæfara hafi verið
einn liðurinn í þeirri útvíkkun sem
átt hefur sér stað hjá fyrirtækinu.
„Við erum nú að bæta við nýrri
áætlunarleið fyrir Sæfara en skipið
mun sigla milli Dalvíkur og Norður-
fjarðar, þriðju hveiju viku í vetur.“
FMN verður áfram með gáma-
svæði á Togarabryggjunni, auk
skipaafgreiðslu og togaralöndun.
Hins vegar flyst öll vöruafgreiðsla
Morgunblaðið/Kristján
FRAMKVÆMDASTJÓRN Samskipa og framkvæmdastjórar flutningafyrirtækja á landbyggðinni
sem Samskip er aðili að, komu saman til fundar á Akureyri í gær. A myndina vantar Ólaf Ólafs-
FMN að Tryggvabraut. „Samhliða
þessu munum við kynna nýja og
bætta þjónustu, má þar nefna hrað-
sendingar í flugi erlendis frá, toll-
vörugeymslu, vörudreifingarfyrir-
tæki og fleira," segir Baldur Guðna-
son, framkvæmdastjóri flutninga-
sviðs Samskipa og varformaður
stjórnar FMN.
Rekstur FMN gengið vel
Rekstur FMN hefur gengið vel
frá upphafi og fyrirtækið ávallt skil-
að hagnaði. Starfsmenn eru um 50
son, forstjóra Samskipa.
talsins og hefur fyrirtækið yfír að
ráða um 20 flutningabílum og annað
eins af flutningavögnum. „FMN er
lang stærsta landflutningafyrirtæki
landsins og reksturinn hefur gengið
vel. Fyrirtækinu er stjórnað af
heimamönnum, eins og öðrum dótt-
urfyrirtækjum okkar á landsbyggð-
inni, enda hafa þeir þá yfirsýn og
þekkingu sem nauðsynleg er,“ segir
Baldur.
„Samskip er einnig aðili að flutn-
ingafyrirtækjum í Vestmannaeyj-
um, Selfossi og Reyðarfirði, ásamt
heimamönnum á hveijum stað og
um áramót verður stofnað flutn-
ingafyrirtæki á Isafirði, í samstarfi
við hcimamenn."
Framkvæmdstjóm Samskipa og
framkvæmdastjórar dótturfyrirtækj-
anna á landsbyggðinni komu saman
á Akureyri í gær, til að ræða frek-
ari uppbyggingu í flutningum innan-
lands. „Homsteinninn í okkar innan-
landsuppbyggingu er á Akureyri og
því þótti okkur vel við hæfí að halda
þennan fund hér á þessum tímamót-
um í starfsemi FMN,“ sagði Baldur.
Enn eitt riðutilfellið hefur komið upp í Svarfaðardal
Allur fjárstofninn á
Bakka skorinn niður
RIÐUVEIKI hefur enn einu sinni
skotið upp kollinum í Svarfaðardal.
í vikunni var staðfest riða í einni
kind á bænum Bakka og hefur ver-
ið ákveðið að lóga öllum fjárstofnin-
um á bænum, alls rúmlega 30 kind-
um. Ólafur Vagnsson, ráðunautur
hjá Búnaðarsambandi Eyjafjarðar,
segir að á þessari stundu hafi ekki
verið ákveðið hvort fé.verður skorið
á fleiri bæjum í dalnum.
„Þetta er enn eitt áfallið sem
menn verða fyrir og Bakki er sjötti
bærinn þar sem riða kemur upp
eftir að farið var í niðurskurð á
öllu fé og tilheyrandi stótthreinsun,
sem að mati færustu manna var
talið að myndi duga til að losna við
smit. Fjárstofninum á Bakka verður
lógað einhvern næstu daga og hug-
myndin er að taka sýni úr öllu því
fé, til að kanna hvort þarna hafi
verið um að ræða einstakt tilfelli
eða frekari útbreiðslu.“
Mýs og skordýr
hugsanlegir smitberar
Ólafur segir að menn hafi verið
að velta vöngum yfir hugsanlegum
smitberum, sem þarna hljóti að
vera til staðar. í því sambandi hafi
mýs, heymaurar og jafnvel önnur
skordýr verið nefnd sem hugsanleg-
ir smitberar. „í síðustu riðutilfellum
hefur verið prófað að nota sérstakt
skordýraeitur við hreinsun. Einnig
hafa menn reynt að eyða músum
en það er ekki hlaupið að því enda
eru þær mikið á flakki."
Riða kom upp á fimm bæjum í
Svarfaðardal á árunum 1994 og
’95, Þverá, Dæli, Hofsá, Ingvörum
og Tjörn og var allt fé á bæjunum
skorið niður. Riðuveiki hefur reynst
bændum í dalnum erfið viðureignar
og frá haustinu 1988-’89 var Svarf-
aðardalur fjárlaus með öllu. Þeir
bændur sem tekið hafa lífgimbrar
keyptu þær frá Þistilfirði og Strönd-
um og stofninn á Bakka var keypt-
ur í kringum 1990. Ólafi er ekki
kunnugt um hvort sýkta ærin hafi
komið sem lífgimbur á sínum tíma
eða hvort hún er fædd á staðnum.
Hjálpræðisherinn
Fata-
úthlutun
fyrir jólin
HJÁLPRÆÐISHERINN hefur
fataúthlutun næstkomandi
fimmtudag, 11. desember, frá kl.
17-20, en þá gefst fólki kostur
á að koma og velja sér þann fatn-
að sem á markaðnum er sér að
kostnaðarlausu.
Herinn vantar tilfinnanlega
spariföt, bæði á börn og fullorðna
og því eru þeir sem eru að taka
til í skúffum og skápum beðnir
að senda fatnað sem ekki nýtist
þeim lengur að senda hann til
Hjálpræðishersins að Hvanna-
völlum 10 á Akureyri. Tekið er
á móti fatnaði alla daga í húsa-
kynnum hersins, en fatnaður er
einnig sóttur heim til fólks fram
að fataúthlutuninni sé þess ósk-
að.
Viðurkenning fyrir
gott aðgengi
SJÁLFSBJÖRG, félag fatlaðra á
Akureyri og nágrenni og Þroska-
hjálp á Norðurlandi eystra efndu
til kaffisamsætis í Kjarnalundi i
Kjarnaskógi á alþjóðadegi fatl-
aðra fyrr í vikunni. Við það tæki-
færi veittu félögin viðurkenningu
fyrir gott aðgengi á gististaðnum,
en ferlinefnd Akúreyrarbæjar
hafði áður veitt slíka viðurkenn-
ingu eftir að úttekt hafði verið
gerð á staðnum. Náttúrulækn-
ingafélag íslands á húsið, en þar
hefur Hótel Harpa á Akureyri
rekið hótel Kjarnalund síðustu ár.
Fram kom í ávarpi formanna
félaganna, Lilju Guðmundsdóttur
frá Þroskahjálp og Snæbirni Þórð-
arsyni frá Sjálfsbjörg að helstu
baráttumál félaganna séu aðgeng-
ismál, s.s. í skólum, hótelum og
ýmsum opinberum stofnunum.
Víða sé aðgengi ábótavant í skól-
um, en það sé grundvallarskilyrði
að sá jöfnuður náist að fatlaðir
geti komist um skólana.