Morgunblaðið - 01.03.1997, Blaðsíða 64

MORGUNBLAÐIÐ, KRINGLAN 1, 103 KEYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRl: KAUPVANGSSTRÆTI 1
LAUGARDAGUR 1. MARZ 1997
VERÐ í LAUSASÖLU 125 KR. MEÐ VSK
Morgunblaðið/RAX
Járnblendiverksmiðjan ekki stækkuð vegna ágreinings um verðmæti
140 milljónir bar í
milli ríkisins og Elkem
ÚTLIT er fyrir að ekkert verði af
stækkun Járnblendiverksmiðjunnar
á Grundartanga eftir árangurslaus-
an fund fulltrúa íslenska ríkisins og
norska fyrirtækisins Eikem, sem á
30% í Járnblendifélaginu. Jón
Sveinsson, stjórnarformaður félags-
ins, segir að slitnað hafi upp úr við-
ræðum vegna ágreinings um verð-
mæti verksmiðjunnar. Á endanum
hafi 100-140 milljónir borið í milli
samningsaðila.
Elkem krafðist þess að eignast
meirihluta í Járnblendifélaginu og
setti það sem skilyrði fyrir stækkun.
Jón sagði að forsenda stækkunar
hefði því verið samkomulag um verð-
mæti fyrirtækisins. Eignaraðilar
hefðu orðið ásáttir um að leita til
hins virta breska fyrirtækis Saiom-
ons Brothers til að fá mat frá óháð-
um aðila á verðmæti Járnblendifé-
lagsins. Elkem hefði hins vegar ekki
fallist á láta þetta mat ráða niður-
stöðunni.
Jón sagði að fulltrúar íslenska
ríksins hefðu reynt að koma til móts
við sjónarmið stjórnenda Elkem en
þeir hefðu verið afar ósveigjanlegir
í viðræðunum. íslensk stjórnvöld
hefðu einnig fengið mat frá íslensk-
um aðila á félaginu og hefði það
verið heldur hærra en mat Salomons
Brothers. íslensk stjórnvöld hefðu
því ekki treyst sér til að fara niður
fyrir ákveðin mörk.
„Það má segja að í lokin hafi verð-
munurinn milli aðila legið á bilinu
100-140 milljónir króna. Það er
ekki mikill munur í heildardæminu,
en þegar menn eru búnir að teygja
sig langt kemur að því að þeir segja
hingað og ekki lengra. I samninga-
viðræðum gengur það ekki að ein-
ungis annar aðilinn teygi sig. Hinn
aðilinn verður líka að sýna sanngirni
á móti,“ sagði Jón.
Áform um Sultartangavirkjun
endurskoðuð
Þessi niðurstaða kallar á endur-
skoðun áforma Landsvirkjunar um
nýjar virkjanir. Halldór Jónatansson,
forstjóri Landsvirkjunar, sagði að
fyndust ekki aðrir kaupendur að
orkunni væri vart raunhæft að virkja
strax við Sultartanga.
■ Áform um/6
Þungfært
víðaum
land
NOKKUÐ var um að vegfarendur
lentu í erfiðleikum vegna veðurs
og ófærðar í gær. Á Vesturlandi,
Vestfiörðum, Norðurlandi og
Austurlandi var víða orðið mjög
þungfært eða ófært í gærkvöldi.
Tveir bílar fóru í gærkvöldi út
af veginum þar sem farið er upp
í Kerlingarskarð að norðanverðu,
en þar hafði ökumaður af einhveij-
um ástæðum skilið bíl sinn eftir á
miðjum veginum. Að sögn lögreglu
í Stykkishólmi var blindhríð og
myrkur og sáu ökumenn bílanna
tveggja því ekki ljóslausan bílinn
fyrr en þeir voru komnir nær alveg
að honum og rétt náðu að beygja
út af veginum.
Veður var heldur að ganga niður
vestan- og norðanlands í gærkvöld
en austanlands var ennþá hvasst.
Ef veður leyfir verða þeir vegir sem
ekki tókst að halda opnum í gær
mokaðir á morgun.
Metsala á
gervi-
hnatta-
diskum
MIKIL sala hefur verið í gervi-
hnattadiskum eftir samruna
Stöðar 2 og Stöðvar 3 og að
sögn sölumanna anna þeir vart
eftirspurn. Kostnaður við að
koma sér upp nauðsynlegum
búnaði er á bilinu hundrað til
hundrað og fimmtíu þúsund
krónur.
Margir hafa sóst eftir að
kaupa með svokallaða sjóræn-
ingjaafruglara sem um skeið
hafa verið seldir hérlendis og
gera fólki kleift að horfa á
annars ruglaðar stöðvar. Menn
greinir hinsvegar á um lög-
mæti þeirra.
■ Sölusprengja/24-25
JÓNA Arnardóttir, starfsmað-
ur hjá Kassagerðinni, virðir
fyrir sér skemmdir á bíl sínum.
Lífeyrsjóður verslunarmanna kaupir hlut Norðurtangans á Isafirði í SH
6,7% eig’narlilutur keypt-
ur á 455 milljónir króna
Sölumiðstöðin og einstaka hluthafar
geta nýtt sér forkaupsrétt
Gijót buldi
á bílum og
þökum
GRJÓT dreifðist yfir stórt svæði
eftir sprengingu á klettavegg í
Sundahöfn í gærmorgun. Grjótið
hafnaði á bílum starfsmanna fyrir-
tækja í nágrenninu og fór í gegnum
þök tveggja fyrirtækja. Mesta mildi
er talin að ekki varð slys á fólki.
Talið er að tjónið nemi milljónum
króna. Að stærstum hluta er það
fólgið í lakkskemmdum og dældum
á bílum. Vinnueftirlit ríkisins rann-
sakar málið en fullvíst er að verk-
takinn, Völur hf., byrgði ekki
sprengisvæðið með mottu eða á
annan fullnægjandi hátt, eins og
kveðið er á um í reglugerðum að
gert sé.
■ Guðsmildi/4
LÍFEYRISSJ ÓÐUR verslunar-
manna hefur keypt hlut Norður-
tangans á ísafirði í Sölumiðstöð
hraðfrystihúsanna og var gengið
frá kaupunum í gær. Um er að
ræða 6,7% eignarhlut í Sölumið-
stöðinni og er kaupverðið 455 millj-
ónir króna.
Kaupin eru gerð með fyrirvara
um forkaupsrétt stjórnar og hlut-
hafa Sölumiðstöðvarinnar. Síðla árs
í fyrra var tekin ákvörðun um að
breyta Sölumiðstöðinni úr sam-
vinnufélagi í lokað hlutafélag og
hefur bæði félagið sjálft og einstaka
hluthafar forkaupsrétt að hlutum
séu þeir seldir.
Þorgeir Eyjólfsson, forstjóri Líf-
eyrissjóðs verslunarmanna, sagði
að þeir teldu að þarna væri um
góðan fjárfestingarkost að ræða.
„Sölumiðstöðinni var breytt í hlut-
afélag frá og með síðustu áramót-
um. Félagið er svokallað lokað
hlutafélag, en við trúum því að
félagið verði opnað fyrr en síðar
og hlutabréf þess verði skráð á
Verðbréfaþingi Íslands," sagði
Þorgeir.
Lifeyrissjóður verslunarmanna á
hlut í nær tuttugu almenningshluta-
félögum og nam eignarhlutur hans
í þessum félögum um 2,9 milljörðum
króna að markaðsvirði um síðustu
áramót, en heildareignir sjóðsins
námu þá tæpum 45 milljörðum
króna. Síðan um áramót hefur mark-
aðsvirði hlutabréfa í eigu sjóðsins
hækkað talsvert vegna almennrar
hækkunar á gengi hlutabréfa og
lætur nærri að hlutafjáreign sjóðsins
nemi rúmum 3,5 milljörðum króna
eftir kaupin á hlutnum í SH.
„Við höfum trú á stjórnendum
og starfsmönnum félagsins og telj-
um að framtíð þess verði björt og
það muni áfram skila góðum og
vaxandi hagnaði við það að hafa
verið breytt í hlutafélag," sagði
Þorgeir Eyjólfsson ennfremur.
Hann sagði að nafnverð hlutafjár
Sölumiðstöðvarinnar lægi ekki end-
anlega fyrir, en niðurstaða varðandi
það réðist af uppgjöri félagsins nú
um áramót. Ekki væri ólíklegt að
nafnverðið yrði á bilinu 1,5 til 1,7
milljarðar króna, en það þýddi að
hluturinn hefði verið keyptur á rúm-
lega fjórföldu nafnverði.