Morgunblaðið - 01.03.1997, Blaðsíða 15

MORGUNBLAÐIÐ
AKUREYRI
LAUGARDAGUR 1. MARZ 1997 15
Framkvæmdir við Borgarbraut og Dalsbraut
Almenn kynning
haldin í Glerárskóla
ALMENNUR kynningarfundur
á vegum Akureyrarbæjar vegna
framkvæmda við lagningu
Borgarbrautar og Dalsbrautar
og smíði brúar yfir Glerár verð-
ur haldinn í Glerárskóla, stofu
6, næstkomandi mánudags-
kvöld, 3. mars og hefst hann
kl. 20.
Athugun á frummati á um-
hverfisáhrifum vegna fyrirhug-
aðra framkvæmda er hafin, en
markmið með framkvæmdum
er að bæta samgöngur innan
bæjarins og stuðla að bættu
umferðaröryggi.
Fram kom í frétt vegna fram-
kvæmdanna í blaðinu í vikunni
að þær muni hafa áhrif á íbúða-
byggð, en útreikningar benda
til að hávaði frá umferð um
Borgarbraut fari lítillega yfir
viðmiðunarmörk sunnan Bakka-
hlíðar en þess er ekki getið að
svo verður ekki fyrr en eftir
gildistíma Aðalskipulags Akur-
eyrar 1990-2010.
Uppsagnir hjá ÚA
Sárindi
meðal
starfsfólks
MIKIL sárindi eru meðal starfs-
fólks Útgerðarfélags Akureyringa
vegna uppsagna nítján starfs-
manna í þjónustudeildum og á
skrifstofu fyrirtækisins.
„Flestir þessara starfsmanna
hafa verið mjög lengi hjá fyrirtæk-
inu og allir vita að það er ekki
auðhlaupið í aðra vinnu,“ segir
Þorleifur Ananíasson, trúnaðar-
maður starfsmanna á skrifstofu
ÚA, en af þeim nítján sem sagt
var upp eru sex starfsmenn á
skrifstofu.
Spurð um viðbrögð við hug-
myndum um breytingar á bónu-
skerfi segist Erna Magnúsdóttir,
trúnaðarmaður í frystihúsi, ekki
vilja tjá sig við fjölmiðla að svo
stöddu.
----♦ ♦ ♦
Kaffitón-
leikar
ÁRLEGIR kaffitónleikar Kórs
Akureyrarkirkju verða haldnir í
Safnaðarheimilinu á morgun,
sunnudag, að lokinni messu.
Á efnisskránni verða íslensk
sönglög í kórútsetnignu. Helga
Bryndís Magnúsdóttir spilar undir
á hinn nývígða flygil Tónlistarfé-
lags Akureyrar. Boðið verður upp
á kaffi og kökur og er verð 800
krónur fyrir fullorðna, 400 fyrir
börn 6-12 ára og ókeypis fyrir
yngri en 6 ára.
----♦ ♦ ♦---
Tónleikar
Passíukórsins
PASSÍUKÓRINN á Akureyri held-
ur tónleika í Akureyrarkirkju á
morgun, sunnudaginn 2. mars kl.
20.30.
Efnisskráin er fjölbreytt, m.a.
lög Theodorakis og kirkjuleg verk
frá 16. og 17. öld. Einsöngvarar
verða Inga Eydal og Aðalsteinn
Bergdal. Stjórnandi er Roar Kvam.
Morgunblaðið/Þórhallur Jónsson
Reynt við
rækjuna
UM 240 tonnum af rækju var
landað úr Svalbak EA í vikunni,
en þetta var fyrsti rækjutúr tog-
arans á árinu og er fyrirhugað
að sögn Sæmundar Friðriksson-
ar að hann fari aftur á rækju-
veiðar á morgun. Iðnaðarrækj-
an var send til vinnslu hjá Hóla-
nesi á Skagaströnd, en annað
hráefni selt til Japan, Kína og
Evrópu. „Við erum að reyna við
rækjuna núna, það verður að
skipta þessu svolítið á milli teg-
unda,“ segir Sæmundur.
Mikið af ferðafólki sækir
dekurdaga á Akureyri
Morgunblaðið/Kristján
DEKURDAGAR á Akureyri hafa
farið vel af stað og hefur verið
mikið af ferðafólki í bænum, að
sögn Guðmundar Birgis Heiðars-
sonar, forstöðumanns Upplýs-
ingamiðstöðvarinnar á Akureyri.
Dekurdagarnir, sem standa yfir
frá 21. febrúar til 2. mars, eru
ekki síður settir upp fyrir heima-
menn en gesti og verður há-
punkturinn nú um helgina.
Um 100 manns tóku þátt í
jeppadegi fjölskyldunnar nýlega
en farið var á fjölda jeppa að
Sörlastöðum í Fnjóskadal. Þar
var brugðið á leik, auk þess sem
jepparnir voru reyndir í snjón-
um. Myndin var tekin áður en
lagt var af stað í Fnjóskadalinn.
Um helgina verður mikið um
að vera, bæði á skiða- og skauta-
svæðunum og ekki síður á veit-
ingahúsum í bænum, auk þess
sem boðið verður upp á leiksýn-
ingar á vegum LA og Freyvangs-
leikhússins og listsýningar svo
eitthvað sé nefnt.
40 ára afmæli kven-
félagsins Baugs í Grímsey
Grímsey. Morgunblaðið.
KVENFÉLAGIÐ Baugur í Gríms-
ey fagnaði 40 ára afmæli sínu
síðastliðið sunnudagskvöld. Var þá
haldinn aðalfundur og á eftir efnt
til matarveislu fyrir félagskonur.
Kvenfélagið var stofnað 24.
febrúar 1957 og voru stofnfélagar
16. Helstu markmið félagsins hafa
frá upphafi verið að starfa að
mannúðar- og menningarmálum.
Hefur alla tíð verið ríkur þáttur í
starfseminni að halda uppi félags-
lífi í eynni, jafnt fyrir böm sem
fullorðna og má þar nefna að fé-
lagskonur sjá um að halda jólatré-
skemmtanir, þorrablót og þá sjá
þær um hátíðarhöld í tengslum við
sumardaginn fyrsta og 17. júní.
Árlegt Fiskeafmæli
Einnig sjá þær um árleg hátíðar-
höld vegna svonefnds Fiskeafmæl-
is sem jafnan er haldið 11. nóvem-
ber, á afmælisdegi Willard Fiske
sem var velgjörðarmaður Grímsey-
inga. Auk þessa sjá þær um dans-
leiki og ýmislegt annað sem göfgar
andann og gleður hjartað.
Félagið hefur aðstöðu í Félags-
heimilinu Múla og á raunar hlut í
því húsi á móti hreppnum og rík-
inu. Fyrsti formaður félagsins var
Ingibjörg Jónsdóttir, sem nú er
látin, en hún var ein aðalhvata-
konan að því að félagið var stofn-
að. Nú em félagar 30 og formaður
er Guðrún Gísladóttir.
Morgunblaðið/Hólmfríður Haraldsdóttir
Messur
AKUREYRARKIRKJA: Sunnu-
dagaskóli í kirkjunni kl. 11. Öll börn
hjartanlega velkomin. Munið kirkju-
bílana. Fjölskylduguðsþjónusta kl.
14. Herra Ólafur Skúlason prédik-
ar. Kór Akureyrarkirkju og Barna-
og unglingakór Akureyrarkirkju
syngja. Stuttur helgileikur, ung-
menni aðstoða, vænst er þátttöku
fermingarbama og foreldra þeirra.
Kaffitónleikar kórs Akureyrarkirkju
í safnaðarheimili eftir messu.
Æskulýðsfundur í kapellu kl. 17.
Biblíulestur á mánudagskvöld kl.
20.30 í safnaðarheimili. Mömmu-
morgun kl. 10 til 12 á miðvikudags-
morgun. Föstuguðsþjónusta kl.
20.30. Fyrirbænaguðsþjónusta kl.
17.15. Hádegistónleikar næsta
laugardag.
GLERARKIRKJA: Fjölskyldu-
guðsþjónusta kl. 11 á morgun. Hóp-
ur Suzuki-nemenda mun koma í
heimsókn og leikur nokkur lög í
upphafi. Barnakór kirkjunnar syng-
ur. Foreldrar eru hvattir til að fjöl-
menna með börnum sínum. Æsku-
lýðsguðsþjónusta verður kl. 20.30.
Hátíðarfundur æskulýðsfélagsins
verður í safnaðarsal að guðsþjón-
ustunni lokinni. Fermingarbörn em
hvött til að mæta. Kyrrðarstund í
kirkjunni kl. 18.10 þriðjudag.
HJÁLPRÆÐISHERINN: Sunnu-
dagaskóli kl. 11 á sunnudag. Ungl-
ingaklúbbur kl. 16 sama dag og kl.
20 er almenn samkoma. Heimila-
samband kl. 16 á mánudag. krakka-
klúbbur kl. kl. 17 á miðvikudag,
biblía og bæn kl. 20.30 sama dag.
Ellefu plús mínus á fimmtudag kl.
17. Allir hjartanlega velkomnir.
KAÞÓLSKA kirkjan við Eyrar-
landsveg 26, messa kl. 18 í dag,
laugardag og kl. 11 á morgun,
sunnudag.
HVÍTASUNNUKIRKJAN: Safn-
aðarsamkoma, brauðsbrotning á
morgun, sunnudag kl. 11. Samkoma
kl. 14. Barnablessun. Ræðumaður
Vörður L. Traustson. Mánudags-
miðvikudags- og föstudagsmorgna
em bænastundir frá kl. 6-7. Mikill
og fjölbreyttur söngur. Allir vel-
komnir. Vonarlínan; sími 462-1210,
símsvari allan sólarhringinn með orð
úr ritningunni.
ÓLAFSFJARÐARKIRKJA: Fjöl-
skyldumessa í kirkjunni kl. 18. í til-
efni æskulýðsdagsins. Hljómsveitin
Garfield spilar og messan verður
að mestu borin uppi af ungu fólki.
Kirkjukaffi verður í messulok. Starf
með 12 ára börnum á þriðjudag kl.
13. Mömmumorgunn á miðvikudag
frá 10 til 12. Föstusamvera á horn-
brekku kl. 20 á miðvikudagkvöld.
12. Passíusálmur lesinn.
SJÓNARHÆÐ: Sunnudagaskóli
á morgun, swnnudag kl. 13.30 í
Lundarskóla. Almenn samkoma á
Sjónarhæð kl. 17. Níels Erlingsson
kynnir Gídeonfélagið. Unglinga-
fundur á föstudag kl. 20.30 á Sjón-
arhæð. Allir em velkomnir.