Morgunblaðið - 11.03.1997, Blaðsíða 14

14 ÞRIÐJUDAGUR 11. MARZ 1997
MORGUNBLAÐIÐ
DÍSARFELL SEKKUR
Eigiiatjón
um 1.650
milljónir
UM BORÐ í Dísarfelli voru um 420
gámaeiningar, en skipið gat borið
alls 592 gámaeiningar. Farmurinn
var 4.100 tonn af sjávarafurðum af
ýmsu tagi og er verðmæti hans laus-
lega áætlað 800 milljónir króna, sam-
kvæmt upplýsingum frá Samskipum
hf. Húftryggingarverðmæti skipsins
sjálfs er rúmlega 600 milljónir og
verðmæti gámanna um 250 milljón-
ir, en í skipinu voru aðallega frysti-
gámar. Stór hluti frystigámanna
mun hafa verið í eigu erlendra skipa-
félaga. Eignatjón í þessu sjóslysi
gæti því numið nálægt 1.650 milljón-
um króna.
Dísarfell var eina skipið í eigu
Samskipa, samkvæmt skrá Sambands
íslenskra kaupskipaútgerða frá 1. jan-
úar síðastliðnum. Skipið var tryggt í
Noregi og Englandi, en gámamir og
farmurinn að miklu leyti hér innan-
lands. Að sögn Axels Gíslasonar, for-
stjóra Vátryggingafélags íslands hf.
(VÍS), tryggja Samskip hf. alla sína
gáma hjá VÍS. Eins var töluvert af
farminum tiyggt hjá félaginu.
Í gær voru ekki fyrirliggjandi upp-
lýsingar hjá VÍS um farmtjónið sem
lendir á félaginu eða verðmæti gá-
manna sem töpuðust með Dísarfelli.
Axel Gíslason sagði þó ljóst að tjón-
ið næmi hundruðum milljóna króna.
Eftir var að fá upplýsingar úr farm-
skrá skipsins og yfírlit yfír hvers
konar gámar og hve margir töpuð-
ust. VÍS endurtryggir gáma og farm
erlendis og er þeim tryggingum
dreift víða um heim.
Samskip telja að missir Dísarfells
muni ekki raska flutningum og
áframhaldandi þjónustu við við-
skiptavini félagsins. í frétt sem fé-
lagið sendi frá sér í harmar félagið
það tjón og þá röskun sem eigendur
farms hafa orðið fyrir.
Að lokinni þessari ferð átti að
leigja Dísarfell í önnur verkefni og
var búið að leigja tímabundið annað
skip í þess stað. Leiguskipið Arctic
Moming mun sigla fyrir Samskip þar
til félagið fær afhent systurskip Am-
arfells, Heidi, þann 8. apríl næstkom-
andi.
Viðskiptavinum er bent á að leita
sér nánari upplýsinga hjá Samskip-
um.
FULLLESTAÐ bar Dísarfell 592 gámaeiningar, en um 420 gámaeiningar voru í skipinu er það fórst á sunnudag.
M/S Dísarfell
var byggt í Rickmers skipasmíðastöðinni í Bremerhaven og afhent
í júní 1982. Samskip keyptu skipið frá Þýskalandi í ársbyrjun 1996.
Heimahöfn: St. John's, Antigua.
Mesta lengd: 127,5 metrar.
Breidd: 20 metrar.
Brúttórúmlestir: 5.967.
Nettórúmlestir: 3.431.
Dauðavikt: 8.020 tonn.
.Fjöldi dekkja: 2.
Gámageta: 582.
Gámar á dekki: 384.
Gámar í lestTtSS::----
Ganghraði: 15,2 hnútar
á klukkustund.
60° halli
Þeir sem
björguðust
af Dísar-
fellinu
TÓLF manns voru í áhöfn Dísar-
fellsins og komust tíu þeirra lífs
af en tveir skipveijar fórust. Þegar
á sunnudag er ljóst var um afdrif
skips og skipveija sendu Samskip
frá sér tilkynningu þar sem að-
standendum þeirra sem létust er
vottuð samúð og áhöfn Dísarfells
eru þökkuð frábær störf við afar
erfiðar aðstæður.
Þeir sem björguðust voru: Karl
Arason skipstjóri, Steinn Ó. Steins-
son 2. stýrimaður, Ingjaldur Haf-
steinsson yfirvélstjóri, Trausti Ing-
ólfsson 1. vélstjóri, Ingvi Hall-
grímsson, dagmaður í vél, Gunnar
Bragi Kjartanssn háseti, Eiríkur
Eiríksson háseti, Karl Ágúst Ólafs-
son bátsmaður, Gunnar Hilmars-
son háseti, og Valdimar H. Sig-
þórsson háseti.
I
I
)
I
*
>
i
I
>

i
l
I
Gunnar Bragi Kjartansson segir að lokaður björgunarbátur hefði átt að vera á Dísarfelli
Sé lífíð í
nýju ljósi
Morgunblaðið/Árni Sæberg
GUNNAR Bragi Kjarfansson ásamt eiginkonu sinni, Hugrúnu
Auði Jónsdóttur, og dótturinni Aðalheiði Björk, sem er á fyrsta ári.
„ÉG HEF annað mat á lífinu eftir
svona lífsreynslu. Maður sér lífið
í nýju ljósi,“ sagði Gunnar Bragi
Kjartansson, háseti á Dísarfelli,
en honum var bjargað eftir tæp-
Iega tveggja tíma veru í sjónum.
Gunnar Bragi sagði að ef lokaður
björgunarbátur hefði verið á skip-
inu, eins og er á nýrri skipum,
væru miklar líkur á að allir úr
áhöfn hefðu bjargast.
Gunnar Bragi sagðist hafa ver-
ið í koju þegar hann hefði fengið
kall um að koma niður í reykher-
bergi þar sem hætta steðjaði að
skipinu. Þá hefði skipið verið far-
ið að hallast talsvert. Hann sagð-
ist hafa myndað sér skoðun á því
hvað hefði komið fyrir skipið en
vildi ekki tjá sig um hana fyrir
en við sjóprófin.
Dreymdi fyrir óhappinu
„Það var fljótlega gefin fyrir-
skipun um að allir ættu að fara í
björgunargalla. Ég hafði aldrei
áður farið í svona galla en kvöld-
ið fyrir slysið tók ég gallann fram
og las yfir leiðbeiningar um með-
ferð á honum. Ástæðan fyrir því
var sú að mig dreymdi illa um
nóttina. Mér fannst í draumnum
eins og skipið snerist og hafði því
á tilfinningunni að eitthvað gæti
gerst.“
Gunnar Bragi sagði að skipverj-
arnir hefðu verið í reykherberginu
í tæpa tvo klukkutíma. Um fjögur-
leytið hefðu þeir farið út og losað
þá björgunarbáta sem þeir náðu
til. Þeir hefðu staðið úti á þilfari
í rúma hálfa klukkustund.
„Við vorum að undirbúa okkur
undir að stökkva í sjóinn þegar
brot kom yfir skipið og hreif okk-
ur með sér. Það má segja að það
hafi verið lán fyrir okkur því að
brotið henti okkur talsvert langt
frá skipinu og frá gámunum og
brakinu sem okkur stafaði mikil
hætta af. Við náðum fljótlega
saman í sjónum og kræktum okk-
ur saman."
Gunnar Bragi sagði að sem
betur fer hefði enginn gámur
komið nálægt þeim. Alls kyns
smádrasl hefði hins vegar verið á
floti í kringum þá, m.a. mikið af
einangrun úr frystigámunum.
Skipið hefði verið á hvolfi
150-200 metra frá þeim.
Var ekki kalt
„Áður en við fórum í sjóinn
sáum við ljós í fjarska sem líklega
hefur verið frá Hegranesinu. Við
vissum hins vegar ekki hvað var
langt í þyrluna. Við vissum bara
að hún var á leiðinni. Við sáum í
björgunarbát innan um gámana,
en það var ekki viðlit að komast
í hann og alls ekki skynsamlegt
að reyna það.
Það fór ekkert illa um mig i
sjónum. Mér var ekki kalt. Eg var
i þurrgalla og svitnaði inni í hon-
um þannig að það fór ágætlega
um mig. Það var hins vegar mik-
il olia í sjónum en ég losnaði sem
betur fer að mestu leyti við hana
því að ég sneri undan öldunni."
Gunnar Bragi sagði að það
hefði verið gott að sjá þyrluna
koma. Áhöfn hennar hefði staðið
einstaklega vel að málum og
björgun gengið mjög vel. Allt
skipulag við björgunina jafnt af
hálfu Landhelgisgæslunnar og
skipstjóra og stýrimanns hefði
verið gott. Skipstjóri og stýrimað-
ur hefðu gert allt sem hægt var
að gera til bjargar áhöfninni.
Vélstjórarnir hefðu einnig staðið
sig mjög vel og um tíma hefðu
þeir haldið að þeir myndu ná tök-
um á ástandinu. Hann sagði að
reynsla þeirra skipveija, sem far-
ið höfðu á slysavarnaskóla sjó-
manna, hefði komið að góðum
notum.
Lokaður björgunarbátur
Gunnar Bragi sagði að á Dísar-
fellið hefði vantað lokaðan björg-
unarbát, en slíkir bátar eru á
flestum nýjum skipum. M.a. var
slíkur bátur á Vikartindi, sem
strandaði í síðustu viku. Skip-
brotsmenn geta farið í þessa báta,
lokað þeim, ólað sig niður og los-
að þá frá skipinu innan frá. Þess-
ir bátar eru staðsettir á miðskip-
inu, en Gunnar Bragi sagði það
skipta talsverðu máli því að þegar
slagsíða væri komin á skip væri
mjög erfitt að komast. að bátum
sem staðsettir væru á sitt hvorri
hlið þess.
„Ef þessi bátur hefði verið í
Disarfellinu tel ég miklar líkur á
að við væru hér allir tólf á lífi í
dag.“
I
t
I
I
í
I
I
í
I
i
\
»