Morgunblaðið - 11.03.1997, Blaðsíða 53

MORGUNBLAÐIÐ
ÞRIÐJUDAGUR 11. MARZ 1997 53
FRÉTTIR
UR DAGBOK LOGREGLUIMNAR I REYKJAVIK
7. til 10. mars
90 ökutæki skemmdust
UM HELGINA var tilkynnt um
44 umferðaróhöpp til lögreglunn-
ar í Reykjavík. Í þessum óhöppum
skemmdust u.þ.b. 90 ökutæki
meira og minna, auk þess sem 4
ökumann hlutu meiðsli. Af 345
bókunum á tímabilinu eru 6 lík-
amsmeiðingar, 17 innbrot, 13
þjófnaðir, 1 nauðgun og fíkniefni
komu við sögu í 4 tilvikum sem
lögreglumenn þurftu að hafa af-
skipti af.
Fáir í miðbæ
Þá þurftu lögreglumenn að
grípa inn í mál fjörutíu karla og
kvenna er ekki kunnu fótum sín-
um forráð sökum ölvunar, sex
ökumenn, sem stöðvaðir voru í
akstri, eru grunaðir um ölvuna-
rakstur og ritaðar voru skýrslur
á 17 ökutæki sem lagt hafði verið
ólöglega, aðallega í miðborginni.
Fimmtán sinnum var beðið um
aðstoð vegna hávaða innandyra.
Fátt fólk var í miðborginni aðfara-
nætur laugardags og sunnudags.
Lögreglumenn þurftu engin af-
skipti að hafa af unglingum eftir
að útivistartíma þeirra lauk,
hvorki þar né annars staðar í
borginni.
Um nóttina voru þrjár stúlkur
færðar á stöðina eftir að ein þeirra
hafði gert sér það að leik að
sparka í spegil bifreiðar á Lauga-
vegi. Maður með skurð á höfði
og áverka á vanga kom inn á
miðborgarstöð lögreglunnar og
sagðist hafa verið barinn í mið-
borginni skömmu áður. Lögreglu-
menn óku honum á slysadeild.
Á hvolfi utan vegar
Stuttu síðar var maður hand-
tekinn í Lækjargötu eftir að hafa
veist þar að öðrum manni.
Snemma á laugardagsmorgun var
tilkynnt um líkamsárás í Lækjar-
götu við Skólabrú. Þar reyndist
vera um minniháttar átök þriggja
ölvaðra manna að ræða. Lög-
reglumenn stilltu til friðar.
Tilkynnt var um bifreið á hvolfi
með ökuljós tendruð u.þ.b. 30
metra utan Vesturlandsvegar við
Hvammsvík. í ljós kom að öku-
maðurinn hafði leitað skjóls í
Hvammsvík og síðan fengið far
áleiðis til Reykjavíkur. Hann var
færður yfir í sjúkrabifreið, en
reyndist ósár. Bifreiðin var ijar-
lægð með kranabifreið.
Fjórar rúður voru brotnar í
Breiðagerðisskóla og spjöll unnin
þar innan dyra. Á laugardag var
tilkynnt um önd fasta í rimlaverki
við útfall Tjarnarinnar. Er að var
komið reyndist öndin vera dauð
og því fátt hægt að gera annað
en að vekja athygli viðkomandi á
umbúnaði verksins.
Um kvöldið var ökumaður
mældur á 113 km hraða á Sæ-
braut þar sem leyfður hámarks-
hraði við bestu aðstæður er 60
km/klst. Hann var færður á lög-
reglustöð og sviptur ökuréttindum
til bráðabirgða. Maður datt á veit-
ingastað við Hafnarstræti. Hon-
um var ekið á slysadeild.
Bifreið var ekið utan í brúar-
handrið á Höfðabakka. Skemmdir
hlutust af, bæði á handriðinu og
á bifreiðinni.
Drykkjurútur fór húsavillt
Síðar um nóttina var dyravörð-
ur veitingastaðar við Þingholts-
stræti sleginn. Hann var fluttur
á slysadeild. Undir morgun var
kvartað yfir ölvuðum manni, sem
lá á dyrabjöllu og barði utan hús
við Hjallaveg. Við nánari athugun
reyndist viðkomandi hafa farið
húsavillt.
Oft er kvartað yfír hegðan
unglinganna, en eins og dagbók
lögreglunnar ber jafnan með sér
eru afskipti lögreglunnar nær
undantekningalaust af ölvuðu
fullorðnu fólki að kvöld- og nætur-
lagi um helgar, þ.e. þeim, sem
öllu jafnan ættu að vera ungling-
unum góð fyrirmynd.
Kona datt á hálkunni við Nóa-
tún. Hún handleggsbrotnaði og
var flutt _á slysadeild með sjúkra-
bifreið. Á sunnudag var talsvert
um að fólk félli í hálku. Flytja
varð sumt af því á slysadeild.
Mikið hefur verið um hálkuslys
að undanförnu og er fólk hvatt
til að fara varlega.
Síðdegis var eldur slökktur í
vélarhúsi bifreiðar í Hlaðbæ. Eld-
ur kom upp í potti eldavélar húss
við Fannafold. Litlar skemmdir
hlutust af.
Kunna ekki á hættuljós
Nokkuð hefur borið á því að
ökumenn virðast ekki kunna að
nota svonefnd hættuljós á bifreið-
um sínum. Sést hefur til öku-
manna nota slík ljós þegar þeir
hafa stöðvað á akbraut til að
hleypa út eða taka upp farþega,
eða jafnvel þegar þeir leggja ólög-
lega á akbraut til að hlaupa rétt
sem snöggvast inn í næstu versl-
un.
Af því tilefni er ástæða til að
vekja athygli á ákvæðum reglu-
gerðar um gerð og búnað öku-
tækja er segir að „hættuljós séu
ætluð til notkunar ef ökumaður
neyðist til að stöðva ökutækið
þannig að hætta skapist skyndi-
lega eða ef ökutæki stendur óöku-
fært á vegi eftir árekstur,
skemmd eða bilun þannig að ann-
arri umferð stafi hætta af“.
LEIÐRETT
„APPELSÍNUÆTAN 1“ eftir
Georg Baselitz.
Myndin átti að
vera á hvolfi
VIÐ vinnslu greinar á baksíðu Les-
bókar á laugardaginn urðu þau mi-
stök, að mynd, sem átti að vera á
hvolfi, var það ekki. Greinin bar
fyrirsögnina París á hvolfi og var
þar m.a. Ijallað um þýzka listmálar-
ann og myndhöggvarann Georg
Baselitz. Sá er m.a. frægur fyrir að
mála flest á hvolfi, þar á meðal verk-
ið „Appelsínuætan I“. Myndin, sem
birtist með greininni í Lesbók, sneri
því miður öfugt og verkið ekki á
hvolfi, eins og listamaðurinn ætlað-
ist til og texti greinarinnar gekk út
á. Morgunblaðið biðst afsökunar á
þessum mistökum.
Rangtföðurnafn
í frétt af verkum ungra vísinda-
manna í Morgunblaðinu á laugardag
var ranglega sagt að Birgir R. Arn-
þórsson væri Arnórsson. Beðist er
velvirðingar á þessum mistökum.
Beinvernd
stofnuð
STOFNFUNDUR Beinverndar verð-
ur haldinn í Norræna húsinu miðviku-
daginn 12. mars nk. kl. 16-17.30.
Beinvemd verður félag áhugafólks
um beinþynningu, jafnt leikra sem
lærðra, og starfar á landsvísu.
Markmið Beinverndar eru að
vekja athygli almennings og stjórn-
valda á beinþynningu sem heilsu-
farsvandamáli, að standa að fræðslu
meðal almennings og heilbrigðis-
stétta á þeirri þekkingu sem á hveij-
um tíma er fyrir hendi um beinþynn-
ingu og varnir gegn henni, að stuðla
að auknum rannsóknum á eðli, or-
sökum og afleiðingum beinþynning-
ar og forvörnum gegn henni og eiga
samskipti við erlend félög á svipuð-
um grundvelli.
Dagskrá stofnfundar: Ólafur Ól-
afsson landlæknir ræðir um hug-
myndina að baki stofnun Beinvernd-
ar og framtíðarsýn og leggur fram
tillögu að stofnun félagsins, Gunnar
Sigurðsson læknir ræðir um bein-
þynningu - hvað sé vitað og hvað
ekki og Anna Björg Aradóttir, verk-
efnisstjóri Heilsueflingar, ræðir um
fyrirhugaða bæklingaútgáfu. Að
lokinni kosningu stjórnar verða svo
tekin upp önnur máí.
Fundarstjóri er Drífa Hjartardóttir,
formaður Kvenfélagasambands ís-
lands.
Menningarvika
sérskólanema
BANDALAG íslenskra sérskólanema
halda hina árlegu Menningarviku
sína dagana 8.-15. mars. Þessa viku
mun verða skipulögð dagskrá alla
vikuna. Dagskráin er sem hér segir:
Dagskráin hófst á laugardag með
opnunarhátíð í Kennaraháskóla ís-
lands og í dag kl. 13 verður farin
skíðaferð á Hengilsvæðið þar sem
verður ódýrt í lyftur og rútu. Á mið-
vikudag kl. 20.30 verður söngleikja-
og óperettukvöld í sal Söngskólans
við Hverfisgötu í umsjón Garðars
Cortes, Iwona Jagla og Magnúsar
Ingimarssonar. Fimmtudaginn 13.
mars verður skemmtikvöld í Tækni-
skóla íslands, Höfðabakka 9, og
hefst það kl. 21. Sýnd verða
skemmtiatriði úr sérskólunum og
hljómsveitin Sem áður hét Siríus
Konsum leikur létta tónlist. Á föstu-
daginn 14. mars kl. 14 verður keilu-
mót sérskólanema og menningarvik-
unni lýkur á Nellýs í Bankastræti
þar sem Bjórskemmtun BÍSN verður
haldin og hefst hún kl. 21.
------♦ ♦ ♦
■ ITC DEILDIN Melkorka heldur
upp á 15 ára afmæli sitt miðvikudag-
inn 12. mars í Menningarmiðstöð-
inni Gerðubergi, kl. 20 stundvís-
lega. Allir eru velkomnir, sérstaklega
fyrrverandi aðilar. Stef fundar verð-
ur Flest verður glöðum að gamni.
Skemmtidagskrá og kaffiveitingar.
Kork*o*Plast
KORK-gólfflisar
með vinyl-plast áferð
Kork-o-PIast:
i 20 gerðum
Kork O Floor
er ekkert annað en
hið viðurkennda
Kork O Plast, límt á
þéttpressaðar
viðartrefjaplötur,
kantar með nót og gróp.
UNDIRLAGSKORKIÞREMUR ÞYKKTUM.
VEGGTÖFLUKORKPLOTUR IÞREMUR ÞYKKTUM.
KORK-PARKETT, VENJULEGTITVEIMUR ÞYKKTUM.
| ^ 5 Þ. ÞORGRÍMSSON & CO
FVJtSi ARMULA 29 • PÓSTHOLF 8360 • 128 REYKJAVlK
IVWJ SIMI 553 8640 568 6100
t
Ástkær móðir okkar, tengdamóðir, amma
og langamma,
KRISTJANA JAKOBSDÓTTIR,
Aðalgötu 5,
Keflavík,
verður jarðsungin frá Keflavíkurkirkju ( dag,
þriðjudaginn 11. mars, kl. 14.00.
Þeim, sem vildu minnast hennar, er bent á
Sjúkrahús Suðurnesja, Keflavík.
Jóna Kristín Einarsdóttir,
Stefán Einarsson,
Inga Helen Pratt,
Ingvi Þór Guðjónsson,
Birgir Guðjónsson,
barnabörn og
Helgi Valur Grímsson,
Robert Pratt,
Sigríður Baldursdóttir,
Heiður A. Vigfúsdóttir,
barnabarnabörn.
t
Þökkum innilega vináttu og hlýhug við
andát og útför
HANS PÉTURS CHRISTENSEN.
Jóhannes G. Christensen, Ingibjörg Guðmundsdóttir,
Guðmundur Helgi Christensen, Jórunn Harðardóttir.
t
Innilegar þakkir færum við öllum, sem sýndu
okkur vináttu, hlýhug og samúð við andlát og
útför móður okkar, tengdamóður, ömmu og
langömmu,
KRISTÍNAR SIGMARSDÓTTUR,
Hátúni 8,
Reykjavík.
Edvard Júlíusson, Elín Alexandersdóttir,
Brynjar Júlíusson, Fríður Björnsdóttir,
Hildur Júlíusdóttir, Eiríkur Alexandersson,
barnabörn og barnabarnabörn.
t
Innilegar þakkir færum við öllum þeim, sem
sýndu okkur samúð og hlýhug við andlát og
útför elskulegs eiginmanns míns, föður okkar,
tengdaföður og afa,
GÍSLA ÁLFGEIRSSONAR,
Strandaseli 8,
Reykjavík.
Sérstakar þakkir færum við læknum og
hjúkrunarfólki Landspítalans fyrir góða aðhlynn-
ingu alla tíð.
Kristín Kristjánsdóttir,
Kristján Benedikt Gíslason, Guðríður Gestsdóttir,
Álfgeir Gíslason,
Ragnar Gíslason, Valgerður Torfadóttir,
Sigfinnur Steinar Gíslason, Sædís Alda Búadóttir,
Ásdís Gísladóttir
og barnabörn.
t
Þökkum innilega öllum þeim, sem sýndu okkur
hlýhug og samúð við andlát og útför eigin-
manns míns, föður okkar, tengdaföður, afa,
langafa og bróður,
PÉTURS PÁLSSONAR,
trésmiðs,
Safamýri 36.
Kristín Guðlaugsdóttir,
Guðlaug Helga Pétursdóttir,
Inga Anna Pétursdóttir, Þorleifur Björgvinsson,
Pétur Þorleifsson, Jóhanna Benediktsdóttir,
Ólína Þorleifsdóttir, Jón Páll Kristófersson,
Kristín Þorleifsdóttir,
Halldór Dagur Benediktsson,
Áróra Björk Pétursdóttir
og systkini hins látna.