Morgunblaðið - 17.04.1997, Blaðsíða 54

54 FIMMTUDAGUR 17. APRÍL 1997
MORGUNBLAÐIÐ
Dýraglens
Tommi og Jenni
Smáfólk
It was a dark
cmd stormy níght.
Það var dimm
óveðursnótt...
Nei, ekki aftur ...
Ii was one of those
dark nights when you
weren't sure if it was
going to be stormy or not.
Það var ein af þessum dimmu
nóttum þegar maður er ekki
viss um hvort það kemur
stormur eða ekki.
BREF
TIL BLAÐSEMS
Kringlan 1103 Reykjavík • Sími 569 1100 • Símbréf 569 1329
Oft er gott það er
gamlir kveða
Frá Hallgrími Sveinssyni:
HINN aldni þulur, dr. Gunnlaugur
Þórðarson, lögmaður, reifar nýlega
í Morgunblaðinu mál málanna, kvót-
ann og hlutafjársölu og bendir
mönnum á að hugsa sinn gang. Er
það reyndar ekki í fyrsta sinn sem
Íögmaðurinn hefur uppi aðvaranir í
þeim málum í blaðinu. Dr. Gunn-
Íaugur segir: „Með óbreyttu ástandi
er aukin hætta á að kvótinn safnist
á fárra hendur. Afleiðing þess yrði
sú, að minni háttar byggðarlög sitji
uppi með engan kvóta og leggist í
auðn.“ Tilvitnun lýkur.
Oft er það svo, að menn sjá ekki
alltaf sína eigin, raunverulegu hags-
muni, í blindri hagsmunagæslu sinni
og auðhyggju. Sagan geymir þess
mörg dæmi. Nefna má, að líklega
hefði rússneska byltingin aldrei átt
sér stað, ef aðallinn hefði séð hvað
var landinu og þeim sjálfum fyrir
bestu. Kvótaherrarnir, sem er hinn
raunverulegi íslenski aðall í dag,
þurfa að átta sig á því, að gína ekki
yfir of miklu of fljótt. Spyija má:
Hvað verður á þessu landi, ef stjórn-
endur örfárra fyrirtækja eiga að ráða
því nærri alfarið, hvar og hvernig
verði gert út til fiskveiða frá hinni
íslensku veiðistöð og nánast þeir ein-
ir verða handhafar veiðiréttarins?
Sú þróun sem er að verða í sjáv-
arútvegi íslendinga, bæði hvað varð-
ar eignarhald og útgerðarhætti, er
að sumu leyti til bóta, en hún má
ekki verða of snögg eða á kostnað
þeirra sem minna mega sín. Ef menn
mega ekki sækja bjargræði í greipar
Ægis konungs nema í krafti auð-
magns, er hætta á ferðum í veiði-
stöðinni. Gunnlaugur lögmaður og
fjöldi annarra aldinna þul'a hafa
margsinnis varað við þessu. Þeir sem
lenda í því að græða hundruð millj-
óna króna á einum degi, vegna spá-
kaupmennsku útá óveiddan fisk í
sjónum, hafa ekki gott af slíkum
ofsagróða, þó það sé út af fyrir sig
ánægjulegt þegar hlutabréf hækka
í verði. En þær hækkanir þurfa að
vera á heilbrigðum grunni byggðar.
Innbyggjarar „krummaskuðanna"
á íslandi verða að fá að róa til fiskjar,
eins og þeir hafa gert frá upphafi
þéttbýlismyndunar á landinu. Ef þeir
fá það ekki, eru þeir með hyski sínu
búnir að vera og óhamingja verður
þeirra hlutskipti. Svo einfalt er það
mál. Það eru hagsmunir kvótaherr-
anna og allrar hinnar íslensku þjóðar
að leyfa þeim smáu að njóta sín að
vissu marki, rétt eins og það voru
hagsmunir rússneska aðalsins að al-
þýðan fengi að éta. Skiptir þá ekki
máli þó viðkomandi innbyggjarar
hafi gloprað landnáms- og frumburð-
arréttinum úr höndum sér á einhvern
hátt, með góðri aðstoð misheppnaðr-
ar lagasetningar. Sjómenn, útvegs-
bændur og fiskverkunarfólk á um-
ræddum stöðum eiga ekki skilið þau
örlög að flosna upp, hverfa frá eign-
um sínum og lepja dauðann úr skel.
Kvótaherramir og þá ekki síst iög-
gjafinn, Alþingi sjálft, þurfa að átta
sig á þessu í tíma.
HALLGRÍMUR SVEINSSON,
Hrafnseyri.
Árásir á IsNet?
Frá Kristni Soffaníasi Rúnarssyni:
BORIÐ hefur á því að undanfömu
að fjölmiðlar eru að búa sér til frétt-
ir úr því að klám er að finna á ainet-
inu, þetta eru ekki gróusögur heldur
staðreynd sem auðvelt er fýrir flesta
að líta framhjá en ég ætla að segja
frá einu dæmi sem kom fyrir í ET-
blaðinu 1. tbl. 1997. - Þar var sagt
frá því að Intemet á Islandi, einnig
þekkt sem IsNet/Intís, veiti fólki og
notendum alnetsins aðgang að klámi,
þetta er að mörgu leyti rétt en að
mörgu leyti rangt líka.
Internet á íslandi veitir íslending-
um aðgang að alnetinu sjálfu og þar
með öllu því innihaldi sem þar er að
finna, sem er ógrynni eins og flestir
vita.
í þessari grein er Intís gert ábyrgt
fyrir allri alnetsnotkun á Islandi þar
sem þeir reka eitt af tveimur útlanda-
samböndum netsins hér á landi. Það
sem kom ekki fram og „gleymdist"
að taka fram er að Póstur og sími
hf. reka einnig útlandasamband eins
og Intís gerir og em þeir mjög stórir
á sínu sviði. Hvergi kom fram að P&S
hf. veita notendum sínum alveg sömu
þjónustu og aðgang að öllu því sem
er á alnetinu. Afhverju var þetta ekki
tekið fram? Enginn veit.
Undirritaður skrifaði ritstjóra ET-
blaðsins fyrir u.þ.b. tveimur mánuð-
um og krafðist leiðréttingar á þessu
en allt kom fyrir ekki, ekki einusinni
svar frá ritstjóranum.
Ég held bara að við lesendurnir
eigum fullan rétt á því að fá að vita
báðar hliðar á málunum.
KRISTINN SOFFANÍAS RÚNARSSON,
Hlíðarvegi 5, Grundarfirði.
Þökk sé Siðmennt
Frá Jóni Hafsteini Jónssyni:
ÉG LAS með velþóknun það opna
bréf, sem samtökin Siðmennt sendu
allsheijarnefnd alþingis og birtist í
Mbl. 2. apríl sl. Eg vil taka undir
kröfuna um aðskilnað ríkis og kirkju
og láta í ljósi óánægju mína yfir
þeirri ósvinnu að fela atvinnutrú-
mönnum úr þjóðkirkjunni að ráð-
stafa þeim fjármunum sem inn-
heimtir eru af fólki utan trúfélaga
og eiga að svara til hinna svonefndu
sóknargjalda. Hvers vegna má ekki
leyfa þessu fólki sjátfu að ráðstafa
sínu framlagi eða sleppa því við að
greiða það? Nú þegar enginn tekur
trúarbrögð alvarlega lengur, er það
fáráðlegra en orðum taki, að rekin
sé ríkistrú með ærnum tilkostnaði,
og þar að auki sé öllum gert að
greiða einhver sóknargjöld, sem
enginn sleppur við en útvaldir fá
að ráðstafa til sinna eftirlætisguða.
JÓN HAFSTEINN JÓNSSON,
Stangarholti 7, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.