Morgunblaðið - 05.12.1997, Blaðsíða 12

12 FÖSTUDAGUR 5. DESEMBER 1997
MORG UNBLAÐIÐ
FRÉTTIR
Sjóvá-Almennar og VIS hefja átak gegn ölvunarakstri
Um þriðjungur Islendinga
hefur ekið undir áhrifum
TRYGGINGAFÉLÖGIN Sjpvá-Almennar og Vá-
tryggingafélag íslands (VÍS) greindu í gær frá
því að í desember stæðu þau fyrir sérstakri her-
ferð gegn ölvunarakstri. Á blaðamannafundi,
sem haidinn var í bflskýli slökkviliðsstöðvarinnar
í Reykjavík í gær, voru kynntar niðurstöður
könnunar Gallup, þar sem kom fram að 32,2%
aðspurðra höfðu einhvern tíma ekið undir áhrif-
um áfengis og 34,6% höfðu verið farþegar í bíl
þar sem ökumaður hafði neytt áfengis.
Gísli Axelsson, forstjóri VÍS, sagði í gær, að
afleiðingar ölvunaraksturs væru skelfilegar og
snertu alla íslendinga vegna hættunnar, sem
honum fylgdi í umferðinni.
Engin slys jafn óþörf
„Því þarf bæði samstöðu og samvinnu," sagði
hann. „Nú hafa tvö stærstu tryggingafélög
landsins ákveðið að sameinast í þessari baráttu
þrátt fyrir að þau séu í samkeppni á trygginga-
markaði."
Ólafur B. Thors, framkvæmdastjóri Sjóvár-
Almennra, sagði að flest slys væru óþörf, en
engin slys væru jafn óþörf og þau, sem væru
af völdum ölvunaraksturs. Hann sagði að hjá
tryggingafélögunum sæjust oft afleiðingar þess
að aka undir áhrifum. Þeir, sem yrðu valdir að
slysum í því ástandi, yrðu oft og tíðum fyrir
miklum áföllum. Lögum samkvæmt yrði að
endurkrefja þá um bætur og oft leiddi það til
þess að fjárhagur viðkomandi hryndi vegna
augnabliks ógætni.
Að komast heim
í bílskýli siökkviliðsstöðvarinnar hafði verið
komið fyrir leigubíl, sjúkrabfl og strætisvagni.
Þetta var gert til að benda á að þegar menn
hefðu bragðað áfengi væru um þijá ferðamáta
að ræða. Menn gætu ferðast með almennings-
vögnum, tekið leigubíl eða sest undir stýri og
átt á hættu að ljúka ferðinni í sjúkrabíl. Var
mælst til þess að menn skildu bílinn eftir heima
vissu þeir að til stæði að hafa áfengi um hönd.
Samkvæmt könnun Gallup hafa 45% karla á
aldrinum 17 til 75 ára einhvem tíma ekið eftir
að hafa neytt áfengis og 20,7% kvenna. 42,1%
karla og 27,9% kvenna höfðu einhvern tíma
verið farþegar í bíl, þar sem ökumaður hafði
neytt áfengis. Könnunin var gerð á tímabilinu
frá 25. til 3. desember.
Einnig voru kynntar tölur úr könnun, sem
Sjóvá-Almennar höfðu gert meðal 837 öku-
manna á aldrinum 17 til 20 ára, sem sóttu nám-
skeið félagsins á tímabilinu október 1995 til
nóvember 1997. Rúmur helmingur þeirra eða
51,6%, kvaðst einhvern tíma hafa ekið undir
áhrifum áfengis.
Morgunblaðið/Kristinn
ÓLAFUR B. Thors, framkvæmdastjóri Sjóvár-Almennra, og Axel Gíslason, forstjóri Vátryggingafélags Isiands, greina frá samstarfi
tryggingafyrirtækjanna gegn ölvunarakstri.
Hugi Ólafsson hefur krafið Geographical um leiðréttingu
Óheiðarleg
o g óboðleg
vinnubrögð
HUGI Ólafsson, deildarstjóri í
umhverfisráðuneytinu, segir tíma-
ritið Geographical, rit konunglega
breska landfræðifélagsins, hafa
rangt eftir sér í grein um náttúru-
vernd á íslandi sem birt er í nóv-
emberhefti tímaritsins. Hann
gagnrýnir harðlega vinnubrögð
blaðakonu Geographical og hefur
krafist þess að blaðið leiðrétti
rangfærslur.
„I greininni er rangt með farið
um stefnu íslenskra stjórnvalda í
umhverfis- og náttúruverndarmál-
um og rangt farið með tilvitnanir
í mig,“ segir Hugi.
Fjöldi af staðreyndavillum
og missögnum
„Ég hef skrifað bæði höfundi
greinarinnar og ritstjóra tímaritsins
og mótmælt vinnubrögðum greinar-
höfundar og beðið um að fá að
koma að athugasemd til að leiðrétta
rangfærslur. Greinarhöfundur
spurði mig um stefnu stjórnvalda í
málefnum hálendisins, náttúru-
vemdar og fleira en hafði greinilega
ákveðnar skoðanir á málunum sjálf,
var til dæmis alfarið á móti öllum
virkjunum á hálendinu. Ég sagði
henni frá stefnu íslenskra stjóm-
valda, ólíkum sjónarmiðum og við-
leitni okkar til að sætta þau, meðal
annars með svæðisskipulagi miðhá-
lendisins og nefnd til að móta stefnu
um notkun innfluttra tegunda við
landgræðslu. Hún hrærir saman
lýsingu á stefnu stjórnvalda og lýs-
ingu á andstæðum sjónarmiðum,
setur innan gæsalappa og hefur
eftir mér sem talsmanni umhverfís-
ráðuneytis. Hún kýs að sleppa því
sem unnið er til úrbóta í náttúm-
vemdarmálum og til að sætta
verndunar- og nýtingarsjónarmið.
Þá hunsar hún beiðni mína um að
fá að lesa ummæli eftir mér höfð
yfir, sem hún samþykkti. Þetta em
óheiðarleg og óboðleg vinnubrögð
og gjörsamlega óskiljanleg hjá
tímariti sem gefið er út af virtum
samtökum.
I greininni er að finna fjölda af
staðreyndavillum og missögnum.
Rangt er farið með nöfn og meira
að segja kyn eins viðmælanda. ís-
lenskur lesandi er kannski fljótur
að átta sig á hversu illa unnin þessi
grein er en það er erfiðara fyrir
erlenda lesendur sem ekki þekkja
til hér. Þess vegna finnst mér nauð-
synlegt að fá inni með athugasemd
eða bréf í tímaritinu. Við getum
ekki borið ábyrgð á skoðunum
greinarhöfundar eða vinnubrögðum
en við getum gert kröfu um að tíma-
rit sem væntanlega telur sig vera
vandað leiðrétti rangfærslur," segir
Hugi.
Óþarflega sterk viðbrögð
Stefán Benediktsson, þjóðgarðs-
vörður í Skaftafelli, telur viðbrögð
manna við greininni í Geographical
óþarflega sterk og neikvæð. Hann
segist hafa fengið þær upplýsingar
að blaðakonan sem ritaði greinina
sé virtur blaðamaður á þessu sviði.
„Bretar hafa mjög langa reynslu af
náttúruvemd, þó kannski í öðrum
mæli sé en Islendingar. Ég held að
reynsla hennar af sjálfboðaliðastörf-
um og öðru slíku geri henni kleift
að meta þær hættur sem íslenskrar
náttúra bíða og íslensk náttúra
stendur frammi fyrir í dag. Það
dregur enginn í efa þá miklu jarð-
vegseyðingu sem orðið hefur á ís-
landi og ég held að menn verði að
skilja það að menn líta svona hluti
öðrum augum þegar þeir koma frá
öðrum heimshomum en við kannski
lítum á þá sjálfir," segir Stefán.
í endursögn Morgunblaðsins á
greininni í Geographical í gær var
ranglega sagt að hópur íslenskra
sjálfboðaliða starfi í þjóðgarðinum
í Skaftafelli í tvær vikur ár hvert
en hið rétta er að þeir koma þar
annað hvert ár að jafnaði og eru
vikutíma í senn. Af þessu tilefni
vill Stefán taka fram að með um-
mælum sínum í tímaritsgreininni
um að aðstoðin sé fyrst og fremst
táknræn, hafi hann ekki verið að
tala um störf bresku sjálfboðalið-
anna sem koma í Skaftafell á hveiju
sumri til landverndarstarfa.
Leggur ekki dóm á notkun
lúpínu utan þjóðgarðsins
Stefán segir einnig að í endur-
sögn Morgunblaðsins hafi gætt
ónákvæmni varðandi ummæli sem
eftir honum eru höfð í tímaritinu
um að umdeilanlegt sé hvort yfir-
leitt hafi verið rétt að sá lúpínu.
Stefán segir að þar hafi hann átt
við sáningu lúpínunnar innan þjóð-
garðssvæðisins í Skaftafelli en ekki
á landinu öllu. „Ég legg ekki nokk-
urn dóm á hvort notkun lúpínu sé
rétt eða röng nema aðeins hvað
þjóðgarðinn í Skaftafelli varðar,"
segir hann.
Stefán segir það heldur ekki rétt
sem fram kom í máli Jóns Loftsson-
ar skógræktarstjóra í blaðinu í
gær, að þjóðgarðurinn í Skaftafelli
sé ranglega sagður fyrsti þjóðgarð-
ur landsins í greininni í Geographic-
al. „Skaftafell er fyrsti þjóðgarður
landsins sem er stofnaður sam-
kvæmt lögum um náttúruvernd.
Þjóðgarðurinn á Þingvöllum gegnir
fyrst og fremst sögulegu og menn-
ingarlegu hlutverki en er ekki fyrsti
þjóðgarðurinn samkvæmt lögum
um náttúruvernd,“ segir Stefán.
Réttað í
fjórða máli
vegna um-
gengnis-
réttar
RÉTTARHÖLD hófust yfir Hal-
im A1 í sakadómi í Istanbúl í
gærmorgun. Þar var tekið til
meðferðar í fjórða sinn fjórða
málið sem höfðað hefur verið á
hendur honum vegna brota á
umgengnisrétti Sophiu Hansen
við dætur þeirra.
í fréttatilkynningu frá sam-
tökunum Börnin heim segir að
fyrir réttinum hafi legið bréf frá
lögmanni Halims Al, þar sem
þess var krafist að öll umgengn-
isréttarmálin gegn honum yrðu
sameinuð í eitt. Því neitaði
sakadómari alfarið og sagði að
hvert umgengnisréttarbrot væri
stakur glæpur og því kæmi
ekki til greina að sameina þau.
Málið var þessu næst tekið til
dóms og verður dómur kveðinn
upp 19. desember nk.
Þá segir í fréttatilkynning-
unni að réttarhöld í hinu nýja
forræðismáli sem lögmaður
Sophiu hefur höfðað á hendur
Halim Al, þar sem þess er kraf-
ist að hann verði sviptur for-
ræði yfir dætrunum, fari fram
22. janúar nk.
Eldur í
sjónvarpi
ELDUR kviknaði í sjónvarpi í
íbúð á sjöttu hæð við Snorra-
braut í Reykjavík og varð tals-
vert tjón í einu herbergi íbúð-
arinnar. Vel gekk að slökkva
eldinn og engin slys urðu.
Slökkviliðinu í Reykjavík var
tilkynnt um eldinn kl. 11.07 en
þá hafði öryggisfyrirtæki fengið
boð frá íbúðinni. íbúar urðu
hins vegar ekki varir við eldinn
fyrr en hringt var frá öryggis-
fyrirtækinu. Að sögn varðstjóra
slökkviliðs brugðust íbúar hár-
rétt við, lokuðu herberginu og
forðuðu sér út. Eldurinn náði
ekki að breiðast til annarra
hluta íbúðarinnar en talsvert
tjón varð af reyk og herbergið
er mikið brunnið og sviðið.
Bílvelta í
Þrengslum
BÍLL fór út af veginum í
Þrengslum og valt á tíunda tím-
anum í gærmorgun.
Ökumaðurinn, sem var einn
í bílnum, var að sögn lögreglu
á Selfossi ekki talinn mikið
meiddur. Bíllinn skemmdist
hinsvegar mikið og var dreginn
af vettvangi. Hálka var talsverð
þegar óhappið átti sér stað, að
sögn lögreglu.
Arekstur
á Hörgárbrú
TVEIR bílar rákust saman á
brúnni yfir Hörgá við Arnarnes-
hrepp í gærmorgun. Fernt var
flutt á slysadeild eftir árekstur-
inn, en svo virðist sem hann
megi rekja til gáleysis, að sögn
lögreglu á Akureyri.
Ekið á hest
HESTUR stökk i veg fyrir bíl
á Eyjaijarðarbraut eystri við
Hjarðarhaga á áttunda tíman-
um í gærmorgun.
Hesturinn slasaðist það mikið
að hann varð að aflífa, bíllinn
skemmdist mikið en ökumaður-
inn slapp ómeiddur, að sögn
lögreglu á Akureyri.