Morgunblaðið - 24.03.1998, Blaðsíða 6

ÖIQAJa'/iTJOaOM
MORGUNBLAÐIÐ
6 ÞRIÐJUDAGUR 24. MARZ 1998
FRÉTTIR
Ekki boðað til nýs fundar í deilu sjómanna og útvegsmanna
Málsaðilar sjá ekki
samningsgrundvöll
SATTAFUNDI sjómanna og útvegsmanna, sem
hófst klukkan 11 í gær, var slitið rúmri klukku-
stund síðar og hefur ekki verið boðað til annars
fundar. Forsvarsmenn sjómanna gengu á fund
sjávarútvegsráðherra um miðjan dag í gær til að
gera honum grein fyrir stöðu samningsmála frá
sinum sjónarhóli og forsvarsmenn útvegsmanna
gerðu slíkt hið sama síðdegis.
„Utgerðarmenn ætla ekkert að semja við okkur.
Það er alfarið á þeirra ábyrgð að það hefur slitnað
upp úr þessum viðræðum og yfirhöfuð að flotinn
er í landi,“ sagði Sævar Gunnarsson, fonnaður
Sjómannasambandsins, eftir að slitnaði upp úr
viðræðunum í gær.
Guðjón A. Kristjánsson, formaður FFSÍ, kveðst
telja litlar líkur á að samningsaðilar nálgist sjón-
armið hvor annars miðað við núverandi stöðu.
Hann kveðst telja að atiiðin átta sem samtökin
settu fram í gærmorgun leiði ekki til mikils auka-
kostnaðar íyrir útgerðina, en þrátt fyrir það hafi
útvegsmenn einungis léð máls á kröfu um að sér-
stakt kaup verði greitt fyrir veiðar í Smugunni.
Meðal þeirra atriða sem sett eru fram í kröfugerð-
inni er að kauptrygging skipstjóra verði tvöfóld
kauptrygging háseta til samræmis við almenn
hlutaskipti og að kauptrygging og aðrir launaliðir
hækki um 14,8% við undirritun kjarasamninga.
Útvegsmenn sagðir þverir
„Við sögðum ráðherra að eins og málin stæðu
núna væri ekki sjáanleg braut til að vinna á að
lausn. Útgerðarmenn hafa ekkert samþykkt ann-
að en kröfu um endurmenntun, sem var að hluta
ti) fyrir í kjarasamningi. Við látum ekki þvinga
okkur til neins sem við viljum ekki. Meðan afstaða
þeirra er óbreytt verður flotinn í landi og það er
vegna þvermóðsku útvegsmanna," segir Guðjón.
Hann segir enga stétt á íslandi hafa upplifað
viðlíka viðræður við atvinnurekendur sína og sjó-
menn hafi gert. „Við semjum við flestalla aðra á
tiltölulega skömmum tíma en okkur gengur ekk-
ert að semja við útvegsmenn," segir Guðjón. Hann
kveðst líta svo á að útvegsmenn hafi slitið samn-
ingafundi í gæi-morgun með skorti sínum á samn-
ingsvilja.
„Þeir lýstu því yfir að þeir litu svo á að þetta
væri vonlaust og við mótmæltum því ekki,“ segir
Guðjón. Hann kveðst líta svo á að með því að fella
miðlunartillöguna hafi útvegsmenn ætlað sér að
hafa áhrif á frumvarpsdrög þríhöfðanefndar og
hafi það verið eini tilgangurinn, enda hafi þeir lýst
því yfir opinberlega að drögin væru þeim andstæð
og þeir vildu breyta þeim.
„Hugsa okkur þegjandi þörfina"
„Að mínu viti fóru útvegsmenn í fýlu þegar þeir
sáu tillögur ráðuneytisstjóranefndarinnar, því þeir
töldu sig eiga gríðarlegra hagsmuna að gæta í
kvótaversluninni, kvótaleigunni og verðmyndun-
inni og eru sáróánægðir með að setja skuli utan
um þessa þætti frumvarpsramma sem þeir geta
kannski ekki smokrað sér undan. Þeir hugsa okk-
ur þegjandi þörfina og ég býst við að aðalástæða
þess að þeir vilja ekki slaka að neinu öðru leyti sé
sú kergja. Samt liggur fyrir að hefðu útvegsmenn
viljað koma til móts við okkur í einhverjum atrið-
um værum við tilbúnir að koma til móts við þá, svo
sem með fækkun manna á rækjuveiðum, með því
skilyrði þó að verðmyndun á rækju verði eðlileg,"
segir Guðjón A. Rristjánsson.
Kristján Ragnarsson, formaður Landssam-
bands islenskra útvegsmanna, segii- að útvegs-
menn hafi sagt ráðherra hvernig málin hafi þróast
síðan á laugardagsmorgun.
„Síðan á laugardag hafa málin aðeins þróast tii
verri vegar. Eg er mjög svartsýnn á framhaldið og
held ekki að ástæða sé til annars,“ segir hann.
Kristján segir að útvegsmenn séu reiðubúnir að
samþykkja sáttatillögu ríkissáttasemjai-a með
þeirri breytingu einni að inn komi ákvæði um að
fækkun í áhöfn auki ekki launakostnað útgerðar.
Þá hafi útvegsmenn einungis farið fram á eina
breytingu á frumvarpsdrögum um stjóm fisk-
veiða, þ.e. þar sem rætt er um að skip skuli árlega
veiða minnst helming af úthlutuðum aflaheimild-
um en missa ella aflaheimild varanlega og veiði-
leyfi í þrjú ár.
„Við féllum frá stórum hluta af því sem við
gerðum kröfu um til að ljúka þessu með sátt og
biðjum ekki um annað en þessi atriði. Á móti koma
sjómenn með nýja kröfuliði, sumt nýtt og annað
sem sáttasemjari hafði skilið eftir í sáttatillögunni,
og neita að ræða okkar sjónarmið fyrr en við
göngum að þeirra kröfum. Sjómenn samþykktu
tillöguna en leyfa sér samt að koma með fjölda
nýrra kröfuliða, sem getur ekki verið gert til ann-
ars en að koma í veg fyrir að samið verði,“ segir
Kristján.
Nýjar kröfur
óaðgengilegar
Hann segir að kröfuatriði sjómanna séu mörg
hver til mikils kostnaðarauka fyrir útgerðina og
stóraukinnaj- áhættu. Þau séu alls ekki aðgengileg
og virðist viðræður hafa siglt í strand. Ki-istján
kveðst ekki hafa hugmynd um hvort stjórnvöld
muni hlutast til um lausn deilunnar og hann vilji
ekki leggja neinn dóm á hlut þeiira varðandi
framhald mála. „Menn geta harmað það að menn
séu ósáttir en þeir breyta því ekki með þeim
hætti,“ segir hann.
Sviptur
eftir
hraðakstur
UNGUR karlmaður var svipt-
ur ökuleyfi í gærkvöldi eftir að
lögreglan í Árnessýslu gómaði
hann á 143 km hraða á Suður-
landsvegi á móts við Kross í
Ölfusi. Þar er leyfilegur há-
markshraði 90 km á klukku-
stund.
Aurskriða í
Þvottár-
skriðum
AURSKRIÐA féll á veginn í
Þvottárskriðum um klukkan
tvö aðfaranótt mánudags.
Skriðan lokaði veginum milli
Hornafjarðar og Djúpavogs en
samkvæmt upplýsingum Vega-
gerðarinnar var hann opnaður
aftur fyrir klukkan tíu í gær-
morgun.
Gaf sig
fram við
lögreglu
MAÐUR um tvítugt hefur ját-
að á sig vopnað rán í Select
söluskála Skeljungs í Breið-
holti 8. mars s.l.
Að sögn lögreglu gaf maður-
inn sig fram á lögreglustöðinni
í Reykjavík á laugardag og
kvaðst með því vilja ljúka mál-
inu. Hann mun reiðubúinn til
áð endurgreiða þá fjánnuni
sem hann hafði upp úr krafs-
inu.
Bóndi 1 Landeyjum saumaði
íslenska búninginn á konu sína
ÞAÐ ERU ekki margir íslenskir
karlmenn sem geta státað af því að
hafa saumað íslenska búninginn.
Það gerði Garðar Guðmundsson
bóndi í Hólminum í Austur-Land-
eyjum nýverið. Tilefnið var að
kona hans Guðrún Jónsdóttir hafði
fest kaup á silfri fyrir upphlut og
þegar kvenfélagið Bergþóra í
Vestur-Landeyjum bauð uppá
námskeið í að sauma íslenska bún-
inginn ákvað Garðar að láta verða
af því að sauma búning á konu
sína, hann hefur reyndar áður far-
ið á saumanámskeið hjá kvenfélagi
og saumaði þá jakkaföt á sjálfan
sig.
Aðspurður sagði Garðar að
þetta hefði verið mikil törn enda
hefði námskeiðið ekki tekið nema
viku. „Eg tók tímann sem fór í
þetta og ég var í 90 klukkustundir
að sauma búninginn og einn dag-
inn sat ég við sauma í samtals 18
tíma.
Mér fannst mjög gaman að vera
með konunum á þessu námskeiði.
Og það sem kom mér eiginlega
mest á óvart er hversu flókið er að
sauma upphlutinn. Það eru svo
margir saumar á honum.“ Ekki
verður annað sagt en handbragð
Garðars sé gott því ekki mátti t.d.
greina neina sauma á svuntunni og
skyrtunni sem að mestu eru hand-
saumuð.
Kennari á námskeiðinu var Sól-
veig Guðmundsdóttir fatagerðar-
kona. Hún hefur haldið nokkur
slík námskeið undanfarin ár og
sagði hún að Garðar væri fyrsti
karlmaðurinn sem tæki þátt í nám-
skeiði hjá sér. Þátttakendur á
þessu námskeiði voru 6 og lauk
námskeiðinu með sýningu sem
haldin var í Njálsbúð. Flestir þátt-
takendanna áttu gamalt skart sem
þeir höfðu erft og mátti þarna sjá
t.d. stokkabelti sem var langt yfir
100 ára gamalt.
Að sögn Sólveigar er mjög vax-
andi áhugi fyrir þessum námskeið-
um og vildi hún meðal annars
þakka það tilkomu íslenska bún-
ingsins fyrir karlmenn. Nú gætu
t.d. hjón klætt sig upp í stíl og
væri það hvatning fyrir konur að
nota búninginn. Einnig sagðist hún
verða vör við aukinn áhuga hjá
yngri konum.
Þátttakendur á námskeiðinu
voru að vonum ánægðir með ár-
angurinn en kváðu þetta dálítið
vinnuálag meðan á þessu stæði
fyrir þá sem stunduðu að auki
fulla vinnu. Kostnaður við að
koma sér upp íslenska búningnum
fyrir utan skartið er í 40-50 þús-
und krónur.
Nýkomnar vörur
Úrval efna fyrir börn frá 565 kr. m.
Gardínuefni í úrvali frá 510 kr. m.
Óbleikjað efni, þvegið, 260 kr. m.
Ódýrt damask, 485 kr. m.
bgUÖ -búðirnar
Morgunblaðið/Steinunn Ósk Kolbeinsdóttir
HJÓNIN Guðrún Jónsdóttir og Garðar Guðmundsson. Guðrún er í
þjóðbúningi sem Garðar saumaði á hana og sjálfur er hann í jakkafót-
um sem hann saumaði á sjálfan sig.