Morgunblaðið - 28.05.1998, Page 19

MORGUNBLAÐIÐ
FIMMTUDAGUR 28. MAÍ 1998 19
______________LANDIÐ_____________
Breiðbandið opnað á Húsavík
Morgunblaðið/Silli
EINAR Njálsson bæjarstjóri, Guðmundur Björnsson, framkvæmda-
stjóri Landssímans, Halldór Blöndal samgönguráðherra og Eggert
Haraldsson, símstjóri á Húsavfk.
Húsavík - Samgöngumálaráðherra
Halldór Blöndal opnaði formlega
hinn 21. þessa mánaðar Breið-
bandið á Húsavík og hefur því nú
Húsavík og hluti Reykjavíkur afnot
af því.
Athöfnin hófst með ávarpi bæjar-
stjórans Einars Njálssonar. Hann
sagði að 1996 hefði samstarf Húsa-
víkurkaupstaðar og Landssímans
hafist um það verkefni að endur-
nýja ýmsar lagnir í götum bæjarins
og um leið að leggja breiðband um
bæinn og var því verki lokið á tveim
árum. Nú er breiðbandið komið inn
fyrir vegg allra íbúðarhúsa á Húsa-
vík og þá er aðeins val eigenda að
tengjast því.
Stofnaður hefur verið samstarfs-
hópur, sem Húsavíkurkaupstaður
og Landssíminn standa að. Starfs-
hópnum er ætlað að útfæra og
kynna hugmyndir og verkefni til
nýtingar á tækni breiðbandsins til
flutnings upplýsinga, fræðslu í
skólum og endurmenntunar, til
hagræðinar í atvinnulífi og úr-
lausna í heilbrigðisþjónustu svo
eitthvað sé nefnt af þeim mörgu
möguleikum sem breiðbandið býð-
ur upp á. Starfshópinn skipa frá
Landssímanum Friðrik Friðriks-
son, frá Borgarhólsskóla Vala Stef-
ánsdóttir, frá atvinnulífinu Steindór
Sigurgeirsson, en Húsavíkurbær
hefur ekki tilnefnt sinn fulltrúa.
Guðmundur Björnsson, fram-
kvæmdastjóri Landssímans, ávarp-
aði viðstadda gesti, sem fjölmennt
höfðu tO þessarar athafnar. Hann
óskaði Húsvíkingum til hamingju
með að vera komnir í þetta sam-
band, sem gæfi svo mikla mögu-
leika í fjarskiptum. Hann sagði að
til umræðu hefði verið að velja stað
utan Reykjavíkur til tilraunar og
hefði Húsavík orðið fyrir valinu.
Hann taldi það vel hafa verið valið
því gott samstarf hefði verið milli
aðila sem að verki þessu hefðu unn-
ið.
Áformað er að árið 2000 verði
ljósleiðarinn kominn inn á 52.000
heimili í landinu. Nú er hafin lagn-
ing bandsins á Akureyri, ísafirði,
Keflavík og Egilsstöðum.
Gamla Pakkhúsið
í Olafsvík opnað
Hellissandi - Laugardaginn
23_. maí var gamla Pakkhúsið
í Ólafsvík formlega opnað að
þessu sinni. A húsinu hafa
verið gerðar verulegar end-
urbætur síðustu tvö 2 ár en
þá hafði það beðið Iokavið-
gerðar í allmörg ár. Húsið,
sem er yfir 150 ára gamalt,
er alfriðað.
Húsið var upphaflega
reist af Clausensverslun í
Ólafsvík og þykir með
merkilegustu húsum sinnar
gerðar sem enn varðveitast. Eft-
ir nákvæma úttekt á húsinu hef-
ur það verið smám saman endur-
gert og er því nú að mestu leyti
lokið. Steinþór Sigurðsson, list-
málari frá Þjóðminjasafni Is-
lands, hefur haft eftirlit með
framkvæmdinni upp á síðkastið.
Langtum fleiri hafa þó að þessu
komið og sýnt húsinu einstakan
áhuga sem vert er. Májþar nefna
safnvörðinn, Sigrúnu Astu Jóns-
GAMLA pakkhúsið í Ólafsvflí.
dóttur, formann byggðasafns-
nefndar, Svanhildi Pálsdóttur og
Sigurð Elínbergsson húsasmíða-
meistara sem annast hefur smíð-
ina upp á síðkastið.
Fjölmargir gestir sóttu Pakk-
húsið heim þennan laugardag,
skoðuðu breytingarnar, byggða-
safnið sjálft sem búið er að koma
fyrir með smekklegum hætti,
Náttúrugripasafnið á Hellissandi,
sem lánað hefur muni sína til
orgunblaðið/Ólafur Jens Sigurðsson
ÞAU báru veg og vanda af opnun byggðasafnsins. Frá vinstri: Svan-
hildur Pálsdóttir, Sigrún Ásta Jónsdóttir og Steinþór Sigurðsson.
safnsins, merkilegt eggjasafn,
sem Torfi Sigurðsson hefur lánað
til safnsins, og krambúðina sem
búið er að koma upp á neðstu
hæð hússins. Húsinu er ætlað það
hlutverk í framtíðinni að vera
hluti af Byggðasafni Snæfellinga,
upplýsingamiðstöð ferðamála og
krambúð, þar sem handunnir
munir verða til sýnis og sölu.
Eins og áður getur var húsið
formlega opnað á þessu sumri sl.
laugardag og gerðu það Svan-
hildur Pálsdóttir, formaður
byggðasafnsnefndar, og Sigrún
Asta Jónsdóttir safnvörður. Gest-
um var boðið upp á kaffí. Pakk-
húsið verður opið í allt sumar frá
því kl. 10 að morgni til kl. 18 síð-
degis.
FÉLAG
GARDPLÖNTU-
FRAMLEIÐENDA