Morgunblaðið - 12.11.1998, Blaðsíða 34
34 FIMMTUDAGUR 12. NÓVEMBER 1998
MORGUNBLAÐIÐ
ERLENT
Viðbúnaður hjá filip-
pseyska flotanum
Saka Kín-
verja um
„laumu-
lega inn-
rás“
Manila. Reuters.
STJÓRNVÖLD á Filippseyjum
skýrðu frá því í gær, að þau hefðu
skipað flota sínum í Suður-Kína-
hafi í viðbragðsstöðu vegna at-
hafna Kínverja á umdeildu rifi.
Kínverjar neita hins vegar ásökun-
um um, að þeir hafi gerst sekir um
„laumulega innrás“ og segja fram-
kvæmdirnar á rifinu ekki beinast
gegn neinum.
Filippseyska ríkisstjómin sagði,
að Joseph Estrada, forseti lands-
ins, myndi taka þetta mál upp við
Jiang Zemin, forseta Kína, þegar
hann hitti hann í Kuala Lumpur í
næstu viku en rifið er hluti af
Spratly-eyjaklasanum, sem Kína,
Filippseyjar, Tævan, Víetnam,
Malasía og Brunei gera tilkall til að
hluta eða öllu leyti.
Olían er
undirrótin
Filippseyingar saka Kínverja um
ögranir og segja, að þeir séu að
smíða bryggjur á rifinu, sem stór
skip geti lagst við. Þeir halda því
einnig fram, að rifið, sem er 185
sjómílur suðvestur af filippseysku
borginni Puerto Princesa, sé innan
þeirra lögsögu en Kínverjar segja,
að þeir hafi ráðið yfir öllu Suður-
Kínahafi frá örófi alda. Það, sem
um er deilt, er olía og gas, sem lík-
lega er að finna undir landgrunn-
inu við eyjarnar.
Guan Deng Ming, sendiherra
Kína á Filippseyjum, segir, að
framkvæmdirnar á rifinu beinist
ekki gegn neinum, síst af öllu Fil-
ippseyingum, en Kínverjar hafa
mótmælt lágflugi filippseyskra
herflugvéla yfir rifinu.
Reuters
MYND, sem filippseyski herinn hefur dreift og sýnir byggingarframkvæmdir
Kínverja á rifinu f Spratly-eyjaklasanum.
Loftslagsráðstefna SÞ í Buenos Aires
Segir Bandaríkin ekki
geta efnt loforð sín
Buenos Aires. The Daily Telegraph.
BANDARÍKIN, mesti mengunar-
valdur heims, geta ekki staðið við
loforð sín um hversu mikið skuli
dregið úr útblæstri svokallaðra
gróðurhúsalofttegunda, að mati Ro-
berts Reinstein, sem var aðalsamn-
ingamaður Bandaríkjastjórnar á
Ríóráðstefnunni fyrir sex árum. Tel-
ur Reinstein að þetta verði til þess
að draga úr mikilvægi samningsins
sem nú er verið að vinna að á lofts-
lagsráðstefnunni í Buenos Aires.
Á loftslagsráðstefnu Sameinuðu
þjóðanna í Kyoto í Japan í desember
sl. hétu bandarísk stjómvöld þvi að
draga úr útblæstri um 7% fyrir árið
2010, miðað við árið 1990. Þetta seg-
ir Reinstein útilokað, gera megi ráð
fyrir að útblásturinn aukist um
30-40% á sama tíma. „[Bandaríkja-
menn] gerðu mistök í Kyoto. Þeir
fóra 25% fram úr því sem raunsætt
er og mögulegt," segir Reinstein.
Hann fullyrðir að eigi að standa
við þau loforð sem gefin vora í
Kyoto muni það kosta fjölda manns
vinnuna og leiða efnahagslegar
þrengingar yfir menn. Meginástæðu
þess að ekki muni takast að draga
úr útblæstri gróðurhúsalofttegunda
segir Reinstein vera of hæga endur-
nýjun í framleiðslu, samgöngum og
orkuframleiðslu. Bifreiðir og flug-
vélar sem nú séu í notkun muni end-
ast 10-25 ár, orkuver í 30-50 ár. Þá
aukist eftirspurn eftir rafmagni sí-
fellt.
Ymsir möguleikar era á því að
semja um útblásturskvóta og kveðst
Reinstein hafa reiknað út hve mikið
af slíkum kvótum Bandaríkjamenn
geti orðið sér úti um. Telur hann út-
séð um að Bandaríkjamenn geti
keypt nóg til að geta staðið við
skuldbindingar sínar. „Mér þykir af-
ar leitt að þurfa að koma þessum
skilaboðum á framfæri, því ég tók
þátt í gerð samningsins."
Ekki era allir eins svartsýnir og
Reinstein, t.d. lýsti Nick Mabey hjá
náttúruverndarsamtökunum World
Wide Fund for Nature því yfir að
þar sem Bandaríkin notuðu tvöfalt
meiri orku til að framleiða fyrir
sömu verðmæti og Evrópuríkin og
þrefalt meira en Japanir hlytu að
vera möguleikar á því að draga úr
útblæstri. Hversu hratt slíkt gerðist
væri algerlega undir stjórnvöldum
komið.
Melka dagar
12.-22. nóvember ?
* *
*
Vill draga
úr aðstoð
við Bosníu
TENGSLAHÓPURINN, sem
sex ríki, Bandaríkin, Bretland,
Frakkland, Ítalía, Rússland og
Þýskaland, eiga aðild að, hefur
gefið til kynna, að hann hafi
hug á að draga úr alþjóðlegri
aðstoð við Bosníu. Þá hefur
hann einnig hvatt stjórnvöld í
Bosníu til að byggja upp efna-
hagslífið í landinu og hótar
raunar að hætta við hundruð
milljóna króna framlög verði
markaðsbúskapur ekki tekinn
upp fljótlega. Þrjú ár eru liðin
síðan friður var saminn í Bosn-
íu og margt hefur snúist til
betri vegar. Erlend fjárfesting
má hins vegar heita engin ef
undan er skilin endurnýjun
gamallar Volkswagen-verk-
smiðju í einu úthverfa Sara-
jevo.
Bóluefni
við alnæmi
ÁSTRALSKIR vísindamenn
skýrðu frá því í gær, að þeim
hefði tekist að búa til bóluefni,
sem gerði öpum kleift að verj-
ast alnæmisveirunni. Á að
reyna það á mönnum á næsta
ári. Bóluefnið, sem eflir ónæm-
iskerfið veralega, var gefið öp-
um, sem síðan voru smitaðir
með alnæmisveirunni. Innan
nokkurra vikna var veiran
horfin. Bóluefnið margfaldar
framleiðslu svokallaðra át-
framna, sem eru fyrsta vörn
líkamans gegn veirum og bakt-
eríum.
Kókaín
í herflugvél
UM 725 kíló af kókaíni fundust
um borð í kólombískri herflug-
vél, sem kom til Miami á
Florida í fyrradag. Vegna þess
hefur Manuel Sandoval, yfir-
maður flughersins í Kólombíu,
sagt af sér en þetta er í annað
sinn á tveimur árum, að eitur-
lyf finnast í flugvél frá
Kólombíuher.
Flugslys í
Rússlandi
RÚSSNESK flutningaflugvél,
Antonov An-12, hrapaði í gær
skammt frá Krasnojarsk í Sí-
beríu með átta manns innan-
borðs. Sáu flugmenn annarrar
vélar flakið en það er inni í
þykkum skógi og ekki greið-
fært þangað. Var ekki vitað um
afdrif áhafnarinnar en þó talið
nokkuð vist, að hún hefði farist
öll.
Hafna kanna-
bisi sem lyfí
BRESKA ríkisstjórnin hafnaði
í gær tillögu vísinda- og tækni-
nefndar lávarðadeildarinnar
um að kannabisefni skyldu
leyfð í lækningaskyni. George
Howarth heilbrigðisráðheiTa
sagði engar sannanir fyrir
lækningamætti kannabisefna
en þær kröfur yrði að gera til
þeirra sem lyfs eins og allra
annarra lyfja. Ýmsir sjúkling-
ar, til dæmis þeir, sem þjást af
mænusiggi, taugahvot og
krabbameini, nota kannanbis-
efni sem verkjalyf þótt ólögleg
séu.