Morgunblaðið - 12.11.1998, Blaðsíða 40

Morgunblaðið - 12.11.1998, Blaðsíða 40
40 FIMMTUDAGUR 12. NÓVEMBER 1998 MORGUNBLAÐIÐ LISTIR Hugarflækjur módelsmiðsins MYMILIST Listasafn ASl INNSETNING KATRÍN SIGURÐARDÓTTIR Opið alla daga nema mánudaga frá 14-18. Aðgangseyrir 200 kr. Til 15. nóv. „FYRIRMYND“ er yfirskriftin á sýningu Katrínar Sigurðardóttur. Þetta er óneitanlega nokkuð furðu- leg og óvænt sýning, sem getur vak- ið skemmtilegar pælingar. Katrín hefur útbúið smágert líkan af vega- kerfi, með vegmerkingum og lands- lagi í vegkanti, sem teygir sig yfir stóran hluta af gólfinu og leitar einnig upp á veggi. í sýningarskrá nefnir Katrín að módelið hennar er „byggt á skýring- arteikningu af boðleiðakerfí sjón- skynjunar og tilfinningaviðbragða við sjónskynjun innan heilans", módel af „staðsetningum og leiðum minnisins, þeim leiðum sem minnið geymir en einnig og ekki síður þeim leiðum sem minnið fer“. Hugmyndin er sú að ef tekin væri sneiðmynd, langsum eftir heilanum miðjum, og teiknaðar inn á sneiðmyndina boð- leiðir sjónskynjunar, þá myndum við fá nokkurs konar vegakort yfir þær leiðir innan heilans sem taugaboðin myndu leita. Líkanið á sýningunni jer einmitt slíkt líkan. Katrín hefur áður gert líkön af stöðum sem eru endurgerðir eftir minnij inni í kössum og ferðatösk- um. A sýninguni „Flögð og fögur skinn" á Nýlistasafninu í sumar sýndi hún kort sem unnin voru eftir nýjustu kortagerðartækni í land- mælingum og jarðfræðilegum upp- lýsingakortum, af fæðingarbletti. A þessari sýningu leikur Katrín sér með samlíkingu milli vegakorta og þeirra anatómísku mynda sem læknisfræðin hefur gert af boðleið- um taugafrumna. En líkanið, eins og það birtist á þessari sýningu, hefur enga miðju, það er leiðakerfi sem virðist ekki leiða eitt eða neitt og er opið í alla enda. Það er meira eins og flækja, eða eins og það sem franski heim- spekingurinn Gilles Deleuze kallaði svo skemmtilega „rhizome", eða rótarflækja. Fyi’ir Deleuze var rót- arflækjan andstæða híerarkíunnar, kvíslgreindrar skipunar, sem er áreiðanleg eitt af undirstöðulíkön- um vísindalegrar rökhugsunar. Heilinn er ein slík rótarflækja þar sem eitt leiðir af öðru án skipulags, og þar sem maður getur hæglega farið í hringi og lent á byrjunarreit án þess að vita af því. Það má einnig sjá í vegakorti Katrínar paródíu á þá hugmynd, sem hefur loðað við gervigreindar- fræði, að með því að gera sér líkan af starfsemi tölvu, sem framkvæmir sambærileg verk við þau sem hug- urinn framkvæmir, þá væri hægt að gera sér líkan af starfsemi manns- andans og skýra starfsemi hans. Aftur á móti er líkan Katrínar skýr- ingarmynd sem skýrir ekki neitt, enda eru hliðstæðurnar sem Katrín leikur sér með myndrænar og tákn- rænar, ekki vísindalegar. MÁLVERK GUÐRÚN EINARSDÓTTIR Guðrún Einarsdóttir hefur af- markað sér bás í málaralistinni, sem er þröngur og vandmeðfarinn. Mál- verk hennar hafa til þessa veríð ein- lit, ýmist svört eða hvít, þar sem litefnið hefur verið borið mjög þykkt yfir flötinn og síðan er litur- inn mótaður eins og gifs á meðan hann er enn blautur. Guðrún hefur t.d. notað tenntar sköfur til að plægja upp litinn og fá fram áferð og munstur á strigann. I vissum skilningi má segja að þau hafi verið á mörkum málverks og skúlptúrs, því þau hafa falið í sér bæði málun með lit á striga og mótun á þjálu efni í þrívítt form. Hugmyndin var athyglsiverð og útfærslan oft hug- vitssamleg, en helsti veikleikinn var sá að lausnirnar voru oft of fyrirsjá- anlegar, eins og það væri verið að íylla út í fyrirframgefna röð af formstúdíum. Með þessari sýningu hefur orðið stefnubreyting, og aðrir þættir eru komnir inn í þann ramma sem Guð- rún vinnur út frá. I fyrsta lagi notar Guðrún aðra liti en svartan og hvít- an. Hún notar fleiri en einn lit í Menningarmunurinn sem skiptir máli EVRÓPUMARKAÐUR Námstefnan fjallar um þann gríðarlega mun sem er á venjum og hegðun í menningu þjóða innan Evrópu og hvernig íslensk fyrirtæki geta nýtt sér samskiptamunstur þessara mismunandi þjóða í kynningum og/eða beinu samstarfi. Um leiðbeinanda: Vijay P. Jain, Danmörku er fæddur á Indlandi. Hann er viðskiptamenntaður í Þýskalandi, Austurríki og Kanada og hefur 27 ára reynslu af samstarfi við ólíka menningarheima. Vijay býr nú og starfar í Danmörku. Hann hefur sérhæft sig á sviði samskipta ólíkra þjóða tengdum viðskiptum og er sérfræðingur Danska útflutningsskólans á sviði Intercultural Management. Hann er einn af höfundum bókarinnar „Eksport-handbog í international markedsföring og salg" útg. Börsen. Vijay þykir einkar skemmtilegur fyrirlesari og tekur góð og áhugaverð vinnudæmi fyrir. Staður: Hótel Loftleiðir Tími: Þriðjudagur 17. nóv. Kl: 14:00-18:00 Sbráning í síma 533 4567 og á heimasíðu á Netinu: www.stjornun.is MÁLVERK eftir Guðrúnu Einarsdóttur. hverjum fleti, að vísu er litnum dreift jafnt yfir allan flötinn, hver of- an á öðrum, en undirlitur skín í gegnum þann lit sem ofan á liggur. Liturinn er enn borinn mjög þykkt á, en nú bregður svo við að ekki er lagt eins mikið upp úr að hver flötur hafi sín sérkenni í áferð eða munstri, heldur er sama áferð yfir allan flöt- inn og svipuð áferð á öllum verkun- um, sem dregur úr vægi hennar. Auk þess er Guðrún farin að leggja meira upp úr hlutföllum og stærðum flatanna og í tveimur verkanna not- ar hún tvo aðskilda fleti. Málverk af þessu tagi eru alls ekki óþekkt, og það sem Guðrún er að fást við er nokkurs konar sam- bland af mónókróm (einlitu) mál- verki og því sem var hér áður kall- að „all-over“-málverk. Bandaríski listfræðingurinn Clement Green- berg lýsti „all-over“-málverki þannig: „... „afmiðjuð", „margradda" mynd, sem byggist upp á yfirborði ofnu úr samskonar einingum, sem eru endurteknar án nokkurra tilbrigða yfir allan flöt- inn. Þetta er mynd sem er án upp- hafs, miðju eða enda.“ Þessi lýsing, úr grein (The Crisis of the Easel Picture) frá árinu 1948 (já, fyrir hálfri öld), gæti vel átt við myndir Guðrúnar. Það er athyglisvert að Greenberg segir að þótt slíkar myndir geti búið yfir dramatík, þá komist þær ansi nálægt því að vera skreytikenndar, en það þarf varla að taka fram að Greenberg þótti ski'eyti og dramatík ekki eiga vel saman. Það sama á við um myndir Guðrúnar, þær vega salt milli hins dramatíska og skrautlega (eða munsturkennda), án þess að annað hvort hafi vinninginn. Dramatíkin þarf þó að vera meira afgerandi ef þær eiga að ná virkilegum slag- krafti. En þótt Guðrún hafi ekki leitt þau viðfangsefni sem hún er að glíma við í þessum myndum til lykta, þá er þó sú leið sem hún fer með þessum myndum mun væn- legri en sú fyrri. Gunnar J. Árnason Morgunblaðið/Golli JÓN Hjaltason, t.v., og Guðjón Ingi Einarsson afhentu Ólafi G. Einarssyni eintak af bókinni Hæstvirti forseti. Nýjar bækur • HÆSTVIRTUR forseti - gam- ansögur af íslenskum alþingis- mönnum. Guðjón Ingi Eiríksson kennari og Jón Hjaltason sagn- fræðingur söfnuðu efni og rit- stýrðu. í bókinni eru fjölmargar gaman- sögur af landsfeðrum vorum í gegn- um tíðina, m.a. Davíð Oddssyni, Steingn'mi Hermannssyni, Olafi Thors, Hriflu-Jónasi, Sverri Her- mannssyni, Lúðvíki Jósepssyni, Helga Seljan, Þorsteini Pálssyni, Kristínu Astgeirsdóttur, Hannibal Valdimarssyni, Halldóri Asgríms- syni og Sighvati Björgvinssyni. í kynningu segir: Hvernig stóð á því að Steingrímur Hermannsson minnkaði í embætti forsætisráð- herra?, Vitnaði Ólafur Thors rétt í Fjallræðuna?, Hví ætli Kristín Ást- geirsdóttir hafi viljað vita hvar kvenmannslausir bændur á Suður- landi byggja?, Hvað hefur Eggert Haukdal að segja um klónun?, Hvers vegna hló Ólafur Þ. Þórðar- son?, og af hvaða tilefni sagði Ólaf- ur Jóhannesson: Þarf mannhelvítið aldrei að míga? Utgefandi er bókaútgáfan Hólar. Bókin er 184 bls. með heimildaskrá. Prentun: Ásprent/POB ehf. Kápu- teikning er eftir Kristin G. Jó- hannsson. Verð: 2.890 kr. Nýjar bækur • FYLGDU mér slóð er önnur ljóðabók Eysteins Bjömssonar. Bókin skiptist í þrjá hluta: Tíbrá, Svipi og Heið- myrkur. Fyri’i ljóðabók hans, Dagnætur, kom út árið 1993. Eftir hann liggja einnig skáldsög- urnar Bergnum- inn, 1989, og Snæljós, 1996, ásamt smásögum og ljóðum í blöð- um og tímaritum. Útgefandi er Bókaútgáfan Norður- ljós. Bókin er 60 bls., prentuð í Off- setfjölritun ehf. Kápu gerði Ágústína Jónsdóttir. Verð: 2.200 kr. • SUMARVORIÐ er ljóðabók eftir Einar Sigurð. Þetta er önnur ljóða- bók höfundar, áður kom út örljóða- bókin Grammið, 1994. I kynningu seg- ir: í bókinni eru 42 ljóð sem inni- halda barnslegar lýsingar höfundar á uppgötvunum sínum á ástinni. Eins og höfundur sýnir fram á þá er ástin einföld og ekki endilega bundin annarri manneslgu. Útgefandi er Klæni. Bókin er 51 bls., prentuð í Félagsprentsmiðjunni ehf. Verð: 1.200 kr.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.