Morgunblaðið - 22.01.1999, Page 21

MORGUNBLAÐIÐ
FÖSTUDAGUR 22. JANÚAR 1999 21
VIÐSKIPTI
Birgðasöfnun spáð í
áliðnaði í heiminum
BILL Gates, forstjóri Microsoft, hefur ástæðu til að kætast. Fyrirtæki
hans hefur hagnast vel umfram það sem spáð hafði verið.
Hagnaður Micro-
soft eykst um 75%
mmmmm
* ■■ ■■' lr'
___
Redmond, Washingdon. Reuters.
HAGNAÐUR Microsoft hugbún-
aðarrisans jókst um 75% á síðasta
ársfjórðungi, meir en spáð hafði
verið, vegna góðrar sölu á öllum
framleiðsluvörum fyrirtækisins.
Hagnaður á þremur mánuðum
til desemberloka jókst í 1,98 millj-
arða dollara, eða 73 sent á hluta-
bréf, úr 1,13 milljörðum, eða 42
sentum, ári áður. Sérfræðingar
höfðu spáð 59 sentum á hlutabréf.
Microsoft Office 97 viðskipta-
hugbúnaðurinn hélt áfram að selj-
ast vel, tæpum tveimur árum eftir
að hann var settur á markað.
Microsoft Windows NT stýrikerf-
ið, sem sókn hugbúnaðarrisans inn
á fyrirtækjamarkað byggist á,
seldist einnig vel. Sömu sögu var
reyndar að segja um alla fram-
leiðslu fyrirtækisins.
Nú þegar síðustu tölur um af-
komu Microsoft hafa verið birtar
er ljóst að hagnaður fyrirtækisins
hefur verið meiri en sérfræðingar
hafa spáð fímm ársfjórðunga í röð.
Intel og Apple tölvufyrirtækið
skiluðu einnig methagnaði á síð-
ustu þremur mánuðum ársins í
fyrra.
Réttarhöldin gegn Microsoft,
sem hófust fyrir rúmum þremur
mánuðum, hafa greinilega ekki
haft áhrif á afkomu fyrirtækisins.
London.
ÁL HEFUR staðið illa að vígi á
heimsmörkuðum síðan gengi reals-
ins var fellt í Brasilíu, en búizt er
við að markaðurinn verði í jafnvægi
á þessu ári að sögn brezka blaðsins
Financial Times.
Verð á málmum hefur tekið kipp í
hvert sinn sem fréttir hafa borizt af
framleiðsluerfíðleikum á fyrstu vik-
um ársins, en hækkanir hafa fljót-
lega runnið út í sandinn að sögn
blaðsins.
I fyrra gerði næstum því helm-
ingur sérfræðinga ráð fyrir að verð
á áli mundi hækka, en verðið lækk-
aði um 15%.
Nú er sagt að verð hlutabréfa í
áliðnaði sé hærra en opinberar tölur
gefí til kynna og flestir sérfræðing-
ar búast við auknum umframbirgð-
um á þessu ári. Framleiðendur fár-
ast yfir kostnaði, en eru tregir til að
draga úr íramleiðslunni að ráði.
Rekstrarkostnaður er að mörgu
leyti í samræmi við verð málmsins
og framleiðendur hafa litla ástæðu
til að minnka framleiðsluna segir
Financial Times.
Sérfræðingur BBC Domino
Securities, Emie Nutter, sem spáir
hærra álverði en flestir samkvæmt
könnun FT, heldur því fram að jafn-
vel þótt hófleg aukning verði á álf-
ramleiðslu í heiminum muni mark-
aðurinn vera í sæmilegu jafnvægi.
Sérfræðingur Metal Bulletin Rese-
arch kveðst hins vegar „sérstaklega
neikvæður" í afstöðu til áls.
Áhrif frá Brasilíu
Ál"*hefur staðið illa að vígi á
heimsmörkuðum eftir gengisfelling-
una í Brasilíu. Brasilíumenn fram-
leiða mikið af áli og samkeppni frá
þeim mun harðna vegna gengisfell-
ingarinnar. Sérfræðingar segja þó
að þeir hafí of lítið svigrúm til að
auka framleiðsluna, því að flestar
brasilískar álbræðslur vinni með
fullum afköstum.
Paul O’Neill frá Alcoa hefur neit-
að því í viðtali í Brídge News að
vinnsla verði aftur hafín í bræðslum
fyrirtækisins, sem hafa ekki verið í
notkun, því að það muni hafa nei-
kvæð áhrif á mörkuðum.
Miðlarar tóku vel í viðtalið, en
O’NeiIl sagði einnig að hann gerði
ekki ráð fyrir að keppinautai- fyrir-
tækisins mundu draga úr álfram-
leiðslu í náinni framtíð. Ummæli
hans stuðluðu að verðlækkun á áli.
Dregið úr framleiðslu?
Sérfræðingar Financial Times
telja að umskipta sé ekki að vænta í
málmiðnaði nema stórfyrirtæki
dragi úr framleiðslu. En verðið
þurfi ef til vill að lækka meir og
stærstu fyrirtækin geti beðið eftir
keppinautum sínum. Þar sem miðl-
arar geri ráð fyrir niðurskurði nú
þegar kunni niðurskurðurinn aðeins
að stuðla að stöðugu verði.
Aðrir telja mestu máli skipta
hvenær bati verði í Asíu - eftir-
spurn en ekki framboð sé lykillinn.
Hins vegar er bent á að erfíðleikar
á málmmarkaði eigi rætur að rekja
til of mikillar fjárfestingar á sínum
tíma í Asíu, sem leiddi til eftir-
spumar eftir málmum.
Arabískt
flugfélag
það „bezta
í heimi“
London. Reuters.
FLUGFÉLAG Ai-íbíska furstasam-
bandsins við Persaflóa, Emirates-
flugfélagið, hefur verið valið bezta
flugfélag heims annað árið í röð í ár-
legri skoðanakönnun.
Flugfélagið er í eigu ríkisstjórnar-
innar í Dubai og hrósaði sigri í skoð-
anakönnuninni, sem náði til kaup-
sýslumanna víða um heim. Könnunin
er gerð á vegum fyrh’tækis, sem gef-
ur út ferðahandbækur, OAG Woríd-
wide.
British Airways var talið veita
bezta þjónustu á íyrsta farrými og
valið bezta evrópska flugfélagið.
Keppinauturinn Virgin Atlantic
Airways var hins vegar valið bezta
flugfélag á flugleiðum yfír Atlants-
haf. Það var einnig talið bezta flugfé-
lag farþega á vildarfarrýmum á
löngum flugleiðum í heiminum.
Singapore Airlines hafnaði í öðru
sæti á eftir Emirates-félaginu og var
um leið valið bezta flugfélag Asíu,
bezta flugfélag á leiðum yfir Kyrra-
haf, bezta flugfélag á leiðum frá Evr-
ópu til Austur-Asíu og Ástralíu og
bezta félag í heiminum fyrir farþega
á túristafarrými.
Air Canada var valið bezta flugfé-
lag Norður-Ameríku og Qantas
bezta flugfélag Kyrrahafssvæðisins.
Varig í Brasilíu var valið bezta
flugfélag Karíbahafs, Mið- og Suður-
Ameríku og South African Airways
var valið bezta flugfélag Afríku.
Swissair var valið bezta flugfélagið
á stuttum leiðum í Evrópu og Mið-
austurlöndum fyrir farþega á vildar-
farrými, en British Midland Airways
var valið bezta félagið á stuttum leið-
um fyrir farþega á túristafarrými í
Evrópu, Afríku og Miðausturlönd-
um.
Changi-flugvöllur í Singapore var
valinn „flugvöllur ársins“ fjórða árið
í röð.
Síðustu dagar útsölunnar
Þú kaupir eina flík á útsölunni og önnur fylgir í kaupbæti
(aðeins greitt fyrir dýrari flíkina). Tvenn jakkaföt á verði einna,
tvær skyrtur á verði einnar o.s.frv. Gríptu tækifærið - tvisvar!
fierra
GARÐURINN
KRINGLUNNI