Morgunblaðið - 24.03.1999, Qupperneq 6

6 MIÐVIKUDAGUR 24. MARZ 1999
MORGUNBLAÐIÐ
FRÉTTIR
Samkeppnisstofnun um sameiningu
verslana Nóatúns, KÁ og 11-11
Ekki ástæða til
sérstakrar skoðunar
SAMKEPPNISSTOFNUN taldi
ekki ástæðu til þess að forsvars-
menn Nóatúns, verslunarsviðs
Kaupfélags Ámesinga og 11-11-
verslananna óskuðu eftir því að
samkeppnisyfirvöld skoðuðu fyrir-
hugaða sameiningu áður en hún
var ákveðin.
Guðmundur Sigurðsson, lög-
fræðingur hjá Samkeppnisstofnun,
sagði að á grundvelli þeirra upp-
lýsinga sem stofnunin hefði um
stöðu þessara fyrirtækja hefði
stofnunin talið að ekki væri ástæða
til þess. I 18. grein samkeppn-
islaga, sem fjallar um sameiningu
eða yfirtöku fyrirtækja, segir að
teíji Samkeppnisráð að samruni
leiði til markaðsyfiiTáða eða dragi
verulega úr samkeppni geti ráðið
ógilt samruna. „Við vitum að önnur
verslunarkeðja er stærri, þ.e.a.s.
Baugur. Það eru því engar for-
sendur fyrir því að nýja fyrirtækið
öðlist með samrunanum markaðs-
yfirráð," sagði Guðmundur.
Baugur með
30-35% hlutfall
Samkvæmt upplýsingum sem
Morgunblaðið hefur aflað sér hafði
Baugur 30-35% hlutfall af veltu á
matvörumarkaði í landinu árið
1997 en innan vébanda þess er
Hagkaup, Nýkaup, Bónus og
Hraðkaup. Hlutfall af heildarvelt-
unni hjá fyrirtækjum innan hins
nýstofnaða Kaupáss, þ.e. KÁ, Nóa-
túns og 11-11, var 17-18%. Nýrri
tölur liggja ekki fyrir.
Nokkrar breytingar hafa orðið á
markaðnum síðan 1997. KEA hef-
ur opnað Nettó-verslun í Mjódd-
inni og Hagkaup verið skipt upp í
Nýkaup og Hagkaup ásamt því
sem Hraðkaupsverslanir hafa ver-
ið opnaðar.
10-11-verslanirnar höfðu um
6-7,5% hlutfall af heildarveltunni,
Þín verslun, sem eru óháðar minni
verslanir á höfuðborgarsvæðinu
sem hafa samstarf um innkaup,
hafði um 7% hlutfall af heildar-
veltu, KEA og Nettó höfðu 5-6%,
Samkaup 4,5-5% og Fjarðarkaup
3-4%. Samtals er þetta hlutfall
upp á 72,5-82,5% af heildarveltu
matvöruverslunar í landinu. Af-
gangurinn skiptist milli minni
verslana.
Andlát
ÞORLEIFUR
EINARSSON
LÁTINN er Þorleifur
Einarsson jarðfræði-
prófessor á 68. ald-
ursári. Hann var fædd-
ur í Reykjavík 29.
ágúst árið 1931.
Þorleifur Einarsson
lauk stúdentsprófi frá
MR árið 1952 og
stundaði nám í jarð-
fræði í Þýskalandi og
lauk doktorsprófi árið
1960. Eftir það stund-
aði hann framhalds-
nám í Noregi og í
Englandi. Þorleifur
starfaði árin 1961 til
1965 við iðnaðardeild Atvinnudeild-
ar Háskólans, síðar við Rannsókna-
stofnun iðnaðarins og Raunvísinda-
stofnun Háskólans. Á þessum árum
var hann einnig stundakennari í
náttúrufræði, eðlisfræði og síðar
jarðfræði við Vogaskólann í Reykja-
vík, MR, Tækniskóla íslands og Há-
skóla Islands. Hann varð prófessor í
jarðfræði við Háskólann árið 1975
til dauðadags og deildarforseti
verk- og raunvísindadeildar árið
1983.
Rannsóknastörf Þorleifs snerust
annars vegar um grundvallarrann-
sóknir, þ.e. rannsóknir
á loftslags- og gróður-
farssögu íslands á ísöld
og nútíma, á jarðlaga-
fræði ísaldar og rann-
sóknir í eldfjallafræði
og hins vegar voru það
hagnýtar rannsóknir,
m.a. við Sigöldu og
Búrfell og jarðgöng í
Strákum og við Odds-
skarð. Auk fjölda fyrir-
lestra hériendis og er-
lendis skrifaði Þorleif-
ur um gosin í Surtsey
og Heimaey og bókina
Jarðfræði, saga bergs
og lands, sem kennd hefur verið í
framhaldsskólum og komið hefur út
í nokkrum útgáfum, síðast 1991 sem
nánast ný bók.
Hann var formaður stjórnar Máls
og menningar um árabil, sat í stjórn
Hins íslenska náttúrufræðifélags og
Jarðfræðafélags íslands og var
meðal stofnenda Landvemdar.
Kona Þorleifs var Steinunn Ólafs-
dóttir hjúkrunarfræðingur en þau
voru sldlin. Börn þeirra eru fjögur,
Einar Ólafur, Björk, Ásta og Krist-
ín. Sambýliskona hans var Gudrun
Bauer.
Drykkjarfontar settir upp
TÆPLEGA tvö hundruð tillögur
bárust í hugmyndasamkeppni
Vatnsveitu Reykjavíkur um gerð
drykkjarfonta eða svonefndra
vatnspósta í Reykjavík.
Af þeim hefur sérstök dómnefnd
valið fimm tillögur að vatnspóstum
og beðið viðkomandi listamenn að
útfæra þær nánar og gera líkön að
þeim. Stefnt er að því að velja að
minnsta kosti tvær gerðir vatns-
pósta til að koma fyrir á fjölfórnum
stöðum í Reykjavík.
Heilbrigðis- og umhverfisnefnd
Reykjavíkur hefur samþykkt stað-
setningu vatnspóstanna á eftirfar-
andi stöðum: Á göngu- og skokk-
brautum við Ægisíðu, í Nauthóls-
vík, Fossvogsdal og Elliðaárdal og
að lokum við Laugaveg og Ingólfs-
torg. Samkeppnin er haldin í til-
efni af níutíu ára afmæli Vatnsveit-
unnar á árinu og er miðað við að
vígja þrjá vatnspósta á þessu ári.
Hinn fyrsta að öllum líkindum 16.
júní nk.
i
I
I
I