Morgunblaðið - 24.03.1999, Page 25

MORGUNBLAÐIÐ
ERLENT
MIÐVIKUDAGUR 24. MARZ 1999 25
Rannsóknin á spillingarásökun-
um á hendur Roland Dumas
Víkur tímabund-
ið úr embætti
París. Reuters.
ROLAND Dumas, fyrrverandi ut-
anríkisráðherra Frakklands, sem
lifað hefur og hrærzt í félagsskap
pólitískrar og menningarlegrar for-
ystusveitar landsins
undanfama fjóra ára-
tugi, hefur nú brugðizt
við langvarandi spill-
ingarásökunum með
því að fara í tímabundið
leyfi frá störfum sem
fimmti hæstsetti emb-
ættismaður frönsku
stjórnsýslunnar.
Dumas, sem gegnir
embætti forseta
franska stjórnlaga-
dómstólsins, er nú 76
ára og var einn nánasti
vinur Frangois Mitter-
ands forseta heitins.
Hann samþykkti loks í
gær, í kjölfar vaxandi
þrýstings frá samherjum, að taka
sér hlé frá embættisstörfum á með-
an saksóknarar ljúka rannsókn á
máli hans, en sú rannsókn byggist
á uppljóstrunum fyrrverandi ást-
konu hans um að hann hefði á ráð-
herraárum sínum þegið mútur frá
franska olíurisanum Elf Aquitaine.
Hann hafði áður neitað að vikja úr
embætti vegna rannsóknarinnar, á
þeirri forsendu að þar með væri
hann að viðurkenna sekt.
Dumas, sem stýrði ýmsum ráðu-
neytum í 14 ára valdatíð Mitter-
ands, þar á meðal utanríkisráðu-
neytinu, stóð frammi fyrir sívax-
andi þrýstingi af hálfu áhrifa-
manna úr öllum flokkum að hann
viki úr embætti á meðan rannsókn-
in stæði yfir.
Hneykslið upphófst þegar
Christine Deviers-Joncour, íyirver-
andi ástkona Dumas, hélt því opin-
berlega fram að hann hefði hagnazt
persónulega á vafasömum sjóðum
sem Elf Aquitaine, sem þá var ríkis-
rekið, hafði til umráða. Devier-
Joncour viðurkenndi
sjálf að hafa fengið 66
milljónir franka, and-
virði 792 milljóna
króna, frá Elf til að fá
Dumas til að sam-
þykkja umdeilda sölu
sex herskipa til Taí-
vans, sem annað ríkis-
rekið fýrirtæki fram-
leiddi.
Kínverjar beittu sér
mjög gegn þessari her-
skipasölu til Taívans
og Dumas, sem þá var
utanríkisráðherra, var
líka á móti henni í upp-
hafi. En af sölunni varð
eftir aff Dumas skipti
um skoðun.
Fyrir skömmu sagði ástkonan
fyrrverandi rannsakendum frá því,
að snemma á þessum áratug hefði
hún gefið Dumas dýrar gjafir sem
Elf hefði fjármagnað og hún hefði
jafnframt notað Elf-fé til að standa
straum af rekstrarkostnaði lúxusí-
búðar í París sem þau notuðu bæði.
Dumas, sem er einn þekktasti
stjómmálamaður Frakklands, var
forðum einkalögfræðingur Mitter-
ands og var í nánum tengslum við
listaheiminn. A meðal skjólstæðinga
hans sem lögmanns voru málararnir
Henri Matisse og André Masson og
höggmyndasmiðurinn Alberto Gi-
acometti. Pað var í hans verkahring
að framfylgja erfðaskrá Pablos
Picassos og hann var lykilmaður í
að fá hið heimskunna verk Picassos,
Guernica, flutt frá New York til
Spánar.
Roland Duinas
Vaxandi átök milli þjóðarbrotanna í Indónesíu
Með höfuð fjand-
manna sinna á
spjótsoddum
Singkawang. Reuters.
HOPAR manna, vopnaðir sveðjum
og spjótum, fóru um á Borneó í
Indónesíu í gær og höfðu komið fyr-
ir höfðum fjandmanna sinna utan á
bflunum sínum. Mikil átök hafa ver-
ið í þessum hluta landsins síðustu
fimm daga og standa þau aðallega á
milli Malaja og Maduresa. Hafa
tugir manna fallið í valinn.
Mikil átök hafa verið á milli þjóð-
arbrotanna í Indónesíu á síðustu
mánuðum og það er fyrst og fremst
efnahagsástandið og vaxandi fá-
tækt, sem hafa kynt undir þeim. Á
indónesískum hluta Borneó eru
Malajar um 40% íbúanna og hafa
þeir ásamt Dajökum og fólki af kín-
verskum uppruna snúist gegn Ma-
duresum, sem eru um 2% íbúanna.
Eru þeir aðfluttir og settust þar að
er stjórnvöld beittu sér fyrir því að
flytja fólk frá þéttbýlustu stöðunum
til annarra strjálbýlli.
Líkamshlutar utan á brúm
Mörg hús hafa Maduresa verið
brennd til grunna og fréttamenn
hafa séð menn bera höfuð fórnar-
lamba sinna á spjótsoddum. Þá eru
fréttir um, að utan á brýr í einu
þorpanna hafi verið hengdh' upp lík-
amshlutar Maduresa. Lítið hefur
orðið vart við lögreglu eða hermenn
þótt stjórnvöld hafi heitið að fjölga í
herliðinu í héraðinu.
Upp úr sauð milli þjóðarbrot-
anna vegna deilu um strætis-
vagnafargjald en lengi hefur verið
grunnt á því góða milli þeirra.
Oöldin i landinu nú hefur ekki ver-
ið meiri síðan á miðjum sjöunda
áratugnum þegar Suharto komst
til valda með því að berja niður
valdaránstilraun kommúnista að
því er stjórnvöld sögðu. Talið er, að
hundruð þúsunda manna hafi verið
drepin í ofsóknunum, sem fylgdu á
eftir. Suharto hafði verið við völd í
32 ár er hann neyddist til að segja
af sér í maí fyrir ári og í þann tíma
tókst honum og stjórn hans að hafa
hemil á fjandskapnum, sem er á
milli þjóðarbrotanna og trúflokk-
anna í landinu.
Reuters
Morð á
Kýpur
SAVVAS Savva, yfir-
maður þjóðgarða- og
veiðistjóraembættisins
á Kýpur, lést í gær er
sprengja sprakk í bfl
hans. Hér eru lög-
reglumenn að skoða
bflflakið en grunur
leikur á, að veiðiþjófar
hafi komið sprengjunni
fyrir.
KJÖTVINNSLAN ESJA EHF. SMIÐJUVEGI 10 KÓPAVOGI SÍMI 567 6640
Fæst í helstu matvöruverslunum
Vertu gestur í eigin boði og hafðu Drottningarskinku
á borðum þegar halda á afmælisveislu, fermingarveislu
eða aðrar stórveislur.
Fáðu þér eintak af nýja bæklingnum okkar
og kynntu þér möguleikana.
Drottningarskinka og Reykt Drottningarskinka eru eingöngu unnar úr
Gæðagrís frá Svínabúinu Brautarholti á Kjalarnesi, sem er eitt stærsta og
fullkomnasta svínabú landsins.
Stórveisla án fyrirhafnar!
Veldu Drottningarskinku
á veisluborðið.
Drottningarskinka er
ekki síður freistandi köld
eða sem lúxusálegg.