Morgunblaðið - 20.04.1999, Qupperneq 40

40 ÞRIÐJUDAGUR 20. APRÍL 1999
MORGUNBLAÐIÐ
LISTIR
Karlakór Selfoss
V ortónleikafer ð
framundan
Selfoss. Morgunblaðið.
KARLAKÓR Selfoss er um þess-
ar mundir að hefja sína árlegu
vortónleikaröð og verða tónleik-
ar kórsins á eftirtöldum stöðum:
Fjölbrautarskóla Suðurlands á
Selfossi fimmtudaginn 23. apríl
kl. 20.30, Þorlákskirkju Þor-
lákshöfn sunnudaginn 18. apríl
kl. 16, Fjölbrautaskóla Suður-
lands 22. apríl kl. 20.30. Á
Blönduósi tekur kórinn þátt í
Húnavöku laugardaginn 24.
apríl. Þeir verða síðan aftur á
Selfossi, í Selfosskirkju föstu-
daginn 30. apríl kl. 20.30. Tón-
leikaferðinni lýkur í Félags-
heimilinu Flúðum Iaugardaginn
1. maí.
Einsöngvarar á tónleikunum
eru Helgi Helgason og Gylfi Þ.
Gíslason. Tvísöngur er í hönd-
um þeirra Sigurðar Karlssonar
og Jónasar Lillendahl. Á efnis-
skrá tónleikanna er m.a. Iög eft-
ir Björgvin Þ. Valdimarsson,
Sigurð Ágústsson, Loft S. Lofts-
son, Pálmar Þ. Eyjólfsson, Ólaf
„Labba“ Þórarinsson og Ómar
Ragnarsson.
Söngstjóri kórsins er Ólafur
Siguijónsson og píanóleikari er
Helena Káradóttir.
Morgunblaðið/Sig. Fannar.
KARLAKÓR Selfoss ásamt Ólafi Sigurjónssyni, stjórnanda.
Píanótónar á
Háskólatónleikum
Á SÍÐUSTU Há-
skólatónleikum vetrar-
ins í Norræna húsinu á
morgun, miðvikudag, kl.
12.30, leikur píanóleik-
arinn Unnur Fadila Vil-
helmsdóttir sónötu opus
31 nr. 1 eftir Ludwig
van Beethoven og Etu-
de-Tableaux opus 39 nr.
2 eftir Sergei Rachman-
inov.
Beethoven
(1770-1827) lauk við
sónötuna árið 1802. Hún
er í fjórum köflum og
einkennist af léttleika
og húmor, segir í írétta-
tilkynningu.
Rachmaninov
(1873-1943) fæddist í Rússlandi. Etu-
des-Tableaux op. 39 eru síðustu stóru
verkin sem hann samdi áður en hann
yfirgaf móðurland sitt.
Unnur Vilhelmsdóttir
hóf nám í píanóleik sjö
ára gömul hjá Málfríði
Konráðsdóttur í Barna-
músíkskóla Reykjavík-
ur. Að því loknu hóf hún
nám við Tónlistarskól-
ann í Reylg'avík og lauk
píanókennaraprófi 1990
og einleikaraprófi ári
síðar. Það ár hóf hún
framhaldsnám í
Cincinnati í Bandaríkj-
unum undir handleiðslu
dr. William Black og
lauk þaðan doktorsprófi
í píanóleik haustið 1997.
Hún er kennari við
Tónlistarskóla Kópa-
vogs. Verð aðgöngumiða er 400 kr.
Okeypis er fyrir handhafa stúdenta-
skírteina.
Unnur Fadila
Vilhelmsdóttir
Berkov sæmdur
heiðursmerkjum
PRÓFESSOR Valerij Berkov frá
Sankti Pétursborg var sæmdur
norska heiðursmerkinu „Ridder 1
av Kongens Foríjenstorden“ við
hátíðlega athöfn í
háskólanum i
Ósló 15. apríl sl.
Heiðursmerkið
hlýtur hann fyrir
framlag sitt til að
efla þekkingu á
norsku og nor-
rænum málum og
menningu í Rúss-
Iandi og víðar, og
fyrir framúrskar-
andi fræðimennsku. Hann tók við
stjórn norrænudeildar Leningrad-
háskóla eftir Iæriföður sinn og Is-
Iandsvininn Mikhaíl Ivanovitsj
Steblin-Kamenskij, höfund bókar-
innar Heimur Islendingasagna
sem kom út hjá Iðunni árið 1981.1
lok apríl verður honum veitt rúss-
nesk orða í Pétursborg fyrir vís-
indastörf.
Berkov er þekktur fyrir störf
sín að orðabókafræði og orðabóka-
gerð. Frumraun hans sem orða-
bókarhöfundar var Islensk-rúss-
nesk orðabók sem út kom árið
1962 og var hún samin með aðstoð
Árna heitins Böðvarssonar.
Árið 1987 kom út höfuðverk
hans, stór rússnesk-norsk orðabók,
sem hann hlaut verðlaun fyrir.
Önnur útgáfa endurbætt kom út í
Noregi 1994. Hann yfírfór handrit
að Rússnesk-íslenskri orðabók sem
út kom hjá Nesútgáfunni árið
1996.
Nú stjómar Berkov samningu
stórrar norsk-rússneskrar orða-
bókar og er það verk langt komið.
Berkov er meðlimur í Norsku vís-
indaakademíunni.
Valerij Berkov
Borg’arsöiigur
Forveri
Drakúla vak-
inn upp
London. Morgunblaöiö.
EFTIR 120 ár í glatkistunni
kemur fyrsta saga Bram
Stokers, höfundar Drakúla, nú
fyrir almenningssjónir á ný.
I grein í The Sunday Times
segir að þessa fyrstu sögu sína,
sem kalla má Hæg er leið til
helvítis (Primrose Path), hafi
Stoker skrifað, þegar hann var
27 ára, röskum tveimur áratug-
um áður en Drakúla greifi leit
dagsins ljós 1897. Sjá megi
mörg líkindi með þessari sögu
og sögunni um Drakúla. Sagan
birtist sem framhaldssaga í
írsku tímariti og nú hefur
starfsmönnum Trinity College í
Dublin tekizt að hafa upp á öll-
um sex eintökunum, sem sagan
birtist í, og þá er leiðin til bókar
greið.
Söguhetjan er írskur tré-
smiður, Jerry O’Sullivan, sem
fer til starfa í leikhúsi í London.
Sjálfur flutti Stoker til London,
þegar hann var beðinn um að
taka að sér forstöðu Lyceum-
leikhússins, þar sem hann starf-
aði í næstum 30 ár, til 1905.
Trésmiðurinn O’Sullivan verður
til þess að vekja upp ára úr
neðra og síðan nær drykkju-
brjálsemin tökum á honum og
steypir honum í helvíti niður.
Bram Stoker hafði skrifað
margar sögur, en aðeins fengið
eina birta, þegar honum tókst
að selja tímaritinu The Sham-
rock söguna Hæg er leið til hel-
vítis. Drakúla færði honum
frægðina, en lítið fé, og varð sú
eina af 18 bókum hans, sem
náði einhverri hylli.
TOIVLIST
Fella- og Ilólakirkja
KÓRTÓNLEIKAR
Borgarkórinn og einsöngvararnir
Sigurður Bragason og Anna Margrét
Kaldalóns fluttu íslensk og erlend
lög, Jón Sigurðsson lék á píanó, Sig-
valdi Snær Kaldalóns stjórnaði.
Sunnudagskvöld kl. 20.30.
BORGARKÓRINN er nýr bland-
aður kór í kóralandslaginu hér; er
að ljúka þriðja starfsári með öðrum
opinberu tónleikum sínum. Borgar-
kórinn nýtur þeirrar sérstöðu að
vera hvorki kirkjukór, skólakór né
óratoríukór, heldur bara venjulegur
blandaður kór, sem syngur það sem
hugurinn stendur til. Það auðgar
flóruna að hafa slíkan kór á meðal
þeirra sem upp voru taldir. Á tón-
leikum á sunnudagskvöldið söng
Borgarkórinn undir stjóm Sigvalda
Snæs Kaldalóns, lög af ýmsu tagi,
klassík og dægurlög, gömul lög og
glæný, en eftir hlé var efnisskráin
helguð tónlist Sigvalda Kaldalóns
eldri. Verk Mozarts, Ave verum
corpus, er meðal standarda í kór-
söng. Það vantaði kraft í flutning
þessa lags, það var dauft og tilþrifa-
lítið. Miklu meira var lagt í lag
stjórnandans, Sigvalda Snæs, Hátt
ég kalla, við sálm eftir Matthías
Jochumsson, en það var frumflutt á
tónleikunum. Lag Sigvalda var
prýðisgott og hæfði kórnum vel.
Þar var margt nokkuð erfitt í flutn-
ingi, litríkt hljómaferli var fallega
sungið og músíkalskt. Utsetning
Sigvalda Snæs á lagi Sigfúsar Hall-
dórssonar, Við tvö og blómið, var
líka fín og og sungin af innileik. Ást-
arsæla Gunnars Þórðarsonar var
hins vegar brokkgeng, píanóleikar-
inn dró niður tempóið og hægði á,
og synkópurnar í laginu urðu fyrir
vikið stirðar og ekki nægilega fljót-
andi. Slagarinn vinsæli úr Fiðlaran-
um, Sól rís, sól sest, galt einnig til-
hneigingar píanóleikarans til að
hægja á framvindu lagsins, en kór-
inn söng ljómandi vel. Frönsku ást-
arsæluna, Plaisir d’amour, eða
Næturljóð eins og það heitir í ís-
lenskri þýðingu, vantaði kraft og
hljóm og var ekki nógu hreint. Vor-
ljóð eftir Wilhelm Friedemann
Bach í útsetningu hins fræga for-
sprakka Swingle singers, Ward
Swingle var létt og glaðlegt, og bar
þess merki að kórnum þætti gaman
að syngja það. Þar vantaði sópran-
inn hins vegar hæðina á efstu tón-
um. I lagi Sigvalda Snæs við ljóð
Tómasar Guðmundssonar í Vestur-
bænum söng ágætur kvennasextett
úr kórnum á móti restinni af kórn-
um, í léttstígum vesturbæjarvalsi. í
hléi skemmti hópur karla úr kóm-
um með rakarastofusöngvum. Eftir
hlé var komið að einsöngvurum
kvöldsins. Sigurður Bragason söng
með Jóni Sigurðssyni Þú eina hjart-
ans yndið mitt, Brúnaljós þín blíðu,
Svanurinn minn syngur og Eg lít í
anda liðna tíð. Þetta var virkilega
fallega gert hjá Sigurði, þar til kom
að síðasta laginu, Eg lít í anda liðna
tíð. Þar var túlkunin yfírdrifín, allt
of hæg og jaðraði við að vera væm-
in. í þeim tilþrifum dró Sigurður
hins vegar upp úr pússi sínu afar
fallegan veikan tón sem þó var
hljómmikill og þýður. Anna Mar-
grét Kaldalóns söng Mánann og
Svanasöng á heiði. Þetta var of
átakalítill flutningur, skorti þrótt,
og það vantaði áþreifanlega
rytmískt jafnvægi í píanóleikinn í
Svanasöng á heiði. Karlar kórsins
og konur sungu hvor sitt lag; karl-
arnir Erlu, og konurnar Vorvind.
Karlarnir sungu ekki nógu hreint,
og tenorarnir voru of flatir og
klemmdir. Konurnar sungu Vor-
vindinn hins vegar mjög fallega;
lagið rann eins og mjúkur vorþeyr.
Það var virkilega gaman að heyra
syrpu fjögurra laga Sigvalda Kalda-
lóns úr sjónleiknum Dansinum í
Hmna eftir Indriða Einarsson.
Plágan er rytmískt og kraftmikið
lag í þjóðlegum danskvæðastíl.
Einn dunandi dans er í sama anda,
drynjandi af syndsamlegu fjörinu í
Hruna. Andstæðurnar eru dregnar
fram í lögunum sem jómfrúin syng-
ur, Skógurinn vænn og völlurinn
grænn, og þekktast þessara fjög-
urra laga, Ave María. Anna Mar-
grét Kaldalóns söng með kórnum í
þessum lögum og kom björt og þýð
rödd hennar eins og englasöngur
inn í ólgandi og hvellandi dansana
sem kórinn söng vel.
Borgarkórinn er ungur, og vantar
nokkuð á að hljómur hans sé orðinn
fullþroska. Hljómurinn milli radda
er í góðu jafnvægi, en heildarsvip-
urinn nokkuð flatur og vantar dýpt
og fyllingu. Það vantar líka nokkra
klingjandi háa tenora og sóprana til
að hljóma vel í hæðinni. Það er
margra ára verk að ná upp góðum
kórhljómi og kostar mikla æfingu.
En margt hefur þessi kór þó sér til
ágætis sem heyra má af árangri
hans eftir aðeins þriggja ára starf.
Bergþóra Jónsdóttir.
Rökkurkór-
inn fagnar
sumri
RÖKKURKÓRINN úr Skaga-
firði heldur í sína árlegu
vorferð og heldur tónleika í
Reykholtskirkju fimmtudaginn
22. apríl kl. 21. Þá heldur kór-
inn tónleika í Víðistaðakirkju í
Hafnarfirði föstudaginn 23.
april kl. 20.30, þá í Hlégarði,
Mosfellsbæ, ásamt Reykjalund-
arkórnum, laugardaginn 24.
apríl kl. 14 og um kvöldið syng-
ur kórinn á Jörvagleði í Dala-
búð kl. 20.30.
Á efnisskránni eru lög eftir
innlenda og erlenda höfunda;
riissnesk, amerísk, grísk,
frönsk og ítölsk lög, auk fjölda
íslenskra laga.
Einsöngvarar með kórnum
enj Gerður Geirsdóttir, Hall-
fríður Hafsteinsdóttir, Einar
Valur Valgarðsson, Hjalti Jó-
hannsson og Stefán Reynisson.
Einnig kemur fram kvenna-
sönghópur kórsins sem í eru
Gerður Geirsdóttir, Jóiunn
Árnadóttir, María Angantýs-
dóttir, Lára Angantýsdóttir,
Sigurlaug Maronsdóttir, Guð-
rún Jóhannsdóttir, Steinunn
Árnadóttir, Herdís Fjeldsted
og Kristrún Ragnarsdóttir.
Söngstjóri er Sveinn Árnason.
Undirleikari er Páll Szabo.
Yarúlfaminn-
ið í miðalda-
bókmenntum
AÐALHEIÐUR Guðmunds-
dóttir bókmenntafræðingur
heldur erindi í Skólabæ annað
kvöld, miðvikudag, kl. 20.30, er
nefnist „Um dýrið innra. Var-
úlfar í íslenskum midaldabók-
menntum". Aðalheiður fjallar
um helstu einkenni varúlfa-
minnisins í íslenskum miðalda-
bókmenntum og er á það litið
frá ýmsum sjónarhornum.
Fjallað verður um upptök
minnisins og uppruna hér-
lendra sagna, þ.á m. skyldleika
við berserki. Gerð verður grein
fyrir innlendum heimildum og
íslenskar sögur bornar saman
við erlendar sögur, einkum frá
öðrum Norðurlöndum.
Aðalheiður Guðmundsdóttir
lauk cand.mag.-prófi í íslensk-
um bókmenntum árið 1993.
Hún vinnur nú að útgáfu á Ulf-
hams sögu og Vargstökum fyrir
Stofnun Áma Magnússonar á
Islandi. Aðalheiður hefur einnig
dvalið á Árnastofnun í Kaup-
mannahöfn þar sem hún stund-
aði rannsóknir á þjóðkvæðum.
Eftir framsögu Aðalheiðar
verða almennar umræður. Það
er Félag íslenskra fræða sem
boðar til þessa fundar.