Morgunblaðið - 22.04.1999, Side 4

4 FIMMTUDAGUR 22. APRÍL 1999
MORGUNBLAÐIÐ
FRÉTTIR
Islending-
urinn enn
ófundinn í
Bretlandi
Ragiiar
Signijónsson
ÍSLENSKUR maður, Ragnar Sig-
urjónsson, 57 ára að aldri, sem hef-
ur verið saknað í Bretlandi á þriðju
viku, er enn ófund-
inn samkvæmt
upplýsingum
bresku lögreglunn-
ar, sem rannsakar
hvarf hans.
Ragnar fór til
Bretlands frá Is-
landi 2. apríl og
samkvæmt upplýs-
ingum frá Scotland
Yard yfirgaf hann
hótel sitt 6. apríl en hafði verið í
stöðugu sambandi við eiginkonu
sína fram að því. Hinn 8. apríl til-
kynnti eiginkona Ragnars lögregl-
unni á Islandi að hans væri saknað.
Sendi utanríkisráðuneytið íslenska
sendiráðinu í London boð um að
biðja bresku lögregluna að hefja leit
að Ragnari. Sú leit hefur ekki borið
árangur enn.
Samkvæmt upplýsingum
Scotland Yard var talið að Ragnar
hefði ætlað að halda til fundar við
mann að nafni Nigel Franeis. Að
sögn lögreglunnar hringdi nefndur
Francis í lögregluna í fyrradag og
staðfesti að hafa talað í síma við
Ragnar milli 2. og 5. apríl en sagðist
ekki hafa hitt hann persónulega.
Aðrar áþreifanlegar vísbendingar
hefur lögreglan ekki um afdrif
Ragnai’s en lögreglan leitar fólks
sem gefið gæti frekari upplýsingar
um ferðir hans.
Ekki er um glæparannsókn að
ræða af hálfu Scotland Yard, en
þrátt fyrir að lögreglan álíti ekki að
neitt gi-unsamlegt hafi átt sér stað
beinist rannsókn hennar engu að
síður að því að kanna alla hugsan-
lega möguleika á því hvort Ragnar
hafi tengst glæpsamlegri háttsemi á
einn eða annan hátt, þar á meðal
hvort hann hafi orðið fórnarlamb
glæps. Ennfremur er rannsakað
hvort hvarf hans tengist útflutn-
ingsviðskiptum hans með fisk til Ní-
geríu.
Ný Boeing 757-200 þota, Valdís, bætist í flota Flugleiða
Samræmdu
prófin hóf-
ust í gær
UM 4.200 nemendur í tíunda
bekk grunnskóla um allt land,
meðal annars um tvö hundruð
nemendur í Hagaskóla, urðu í
gær að loka úti sólskinið og
leysa samræmdar íslensku-
þrautir. Einbeitingin í svip tí-
undu bekkinga Hagaskóla
leynir sér ekki á þessari
mynd.
Samræmdu prófín standa
fram á þriðjudag og prófað er í
ísiensku, stærðfræði, ensku og
dönsku auk þess sem þeir nem-
endur sem búið hafa í Noregi
eða Svíþjóð eru prófaðir í
norsku eða sænsku.
Buin nýjum og
fullkomnum
j’arðvara
NY BOEING 757-200 þota bættist í
gær í flugflota Flugleiða og er hún
sjötta vél þessarar tegundar í rekstri
félagsins. Við móttökuathöfn sem
haldin var á Keflavíkurflugvelli síð-
degis í gær gaf eiginkona samgöngu-
ráðherra, frú Kristrún Eymunds-
dóttir, nýju flugvélinni nafnið Valdís.
Við athöfnina sagði Sigurður
Helgason, forstjóri Flugleiða, að
nýja vélin væri tákn um sóknarvilja
starfsmanna og stjómar félagsins.
„Flugleiðir hafa byrjað nýtt endur-
nýjunarskeið og til viðbótar við
þessa flugvél á félagið fjórar aðrar í
fastri pöntun hjá Boeing-verksmiðj-
unum sem koma í stað eldri véla sem
félagið hefur þegar selt.“
„Á liðnum fimm árum hefur ferð-
um Flugleiða til og frá landinu fjölg-
að um tæp 55%,“ segir í fréttatil-
kynningu frá félaginu. Þar kemur
fram að fyrstu þrjá mánuði ársins
hafi ferðamönnum fjölgað um 26%
frá íyrra ári.
Tekur 189 farþega
„Nýja vélin tekur 189 farþega og
uppfyllir ströngustu skilmála um ör-
yggi og umhverfísþætti, þ.m.t. út-
blástur og hávaða. Vélin er fyrsta
Boeing 757-200 flugvélin í heiminum
sem búin er nýrri og fullkomnari
gerð af jarðvara (TAWS: Terrain
Avoidance Warning System) sem
getur varað flugmenn við hættum í
Morgunblaðið/RAX
SIGURÐUR Helgason, forstjóri Flugleiða fylgdist brosandi með þegar
Kristrún Eymundsdóttir, eiginkona Halldórs Blöndal samgönguráð-
herra, gaf nýju flugvélinni nafnið Valdís.
landslagi mun fyrr en eldri tæki geta
gert. Flugrekendur, framleiðendur
og stjórnvöld telja að hinn nýi jai’ð-
vari auki enn frekar flugöryggi og sé
eitt þýðingarmesta framfaraskrefið í
flugöryggismálum á seinni árum,“
segir í fréttatilkynningunni.
Ennfremur segir: „I Evrópu munu
stjórnvöld krefjast þess að nýjar
flugvélar verði búnar „TAWS“ frá og
með 1. janúar 2001, og slíkur búnað-
ur verði jafnframt settur í eldri flug-
vélar eigi síðar en 1. janúar 2003.
Flugleiðir hafa hins vegar ákyeðið að
setja slíkan búnað í allar flugvélar
sínar þegar í ár og á næsta ári. Þess-
ar breytingar fara fram í svonefnd-
um C-viðhaldsskoðunum flugvél-
anna, sem gerðar verða í viðhalds-
stöð félagsins á Keflavíkurflugvelli.“
Miklar deilur eru komnar upp innan Alþýðusambands fslands um skipulagsmál
Formaður RSI segir
sambandið rekið úr ASI
og RSI. „Þetta myndi þýða að við
MIKILL ágreiningur er kominn upp
um skipulagsmál innan Alþýðusam-
bands Islands. Guðmundur Gunnai-s-
son, formaður Rafiðnaðarsambands-
ins (RSÍ), segir að með samþykktum
laga- og skipulagsnefnda ASI í gær-
morgun og samþykkt mjðstjórnar í
gær sé verið að reka RSÍ út úr ASÍ.
Guðmundur lýsti yfir í sérstakri bók-
un á miðstjórnarfundi ASI í gær að
hann gæti ekki lengur tekið þátt í
starfi ASI og_ ætlar að bera málið
undir þing RSÍ sem hefst í dag.
Grétar Þorsteinsson, forseti ASÍ,
segist vona að RSI sé ekki á leið út
úr ASI en enginn geti svarað því í
dag hvað muni gerast á þingi RSÍ.
Forsetar ASÍ munu eiga fund með
framkvæmdastjórn RSI fyrir hádegi
í dag, áður en þing sambandsins
hefst.
Deilt um samþykkt
vegna inngöngu Matvíss
„Á fundum laganefndar og skipu-
lagsnefndar í morgun kom fram að
það hefði verið samþykkt að skipu-
lag ASÍ gerði ráð fyrir að í sambönd-
um innan ASÍ væri einungis um að
ræða sambönd með iðnaðarmönnum
og svo sambönd með öðrum. Þetta
kom fram við afgreiðslu á lögum
Matvíss og einnig í umræðu um inn-
göngu FIS (Félags íslenskra síma-
manna, innsk. Mbl.j í RSÍ. Þetta
kemur forystu RSI fullkomlega í
opna skjöldu og er algjör viðsnún-
ingur í stefnu ASÍ,“ segir Guðmund-
ur m.a. í bókun sinni. „Þessa niður-
stöðu er þvi á engan hátt hægt að
túlka á annan veg en þann að RSÍ sé
óæskilegt innan raða ASÍ. Ég tel því
að ég geti ekki tekið lengur þátt í
starfi ASI og mun bera málið undir
þing RSÍ sem hefst á morgun," segir
hann m.a. í bókun sinni.
Guðmundur sagði í samtali við
blaðið að í gærmorgun hafi laga-
nefnd ASÍ komið saman til að taka
fyrir inngöngu Matvíss í ASI og í
skipulagsnefnd var fjallað um inn-
göngu FÍS. Samþykkt hafi verið í
laganefnd sú túlkun að skipulag ASÍ
væri á þann veg að eingöngu iðnað-
armenn með sveinspróf væru í iðnað-
armannasamböndunum. Þetta getur
með engu móti staðist að mati Guð-
mundar. Innan RSI væru félags-
menn sem ekki hefðu sveinspróf í
a.m.k. 3 aðildarfélögum. Matvís væri
auk þess byggt upp með sama hætti
yrðum settn- í þá stöðu að annað
hvort yrðum við að reka þriðjung fé-
lagsmanna RSI úr sambandinu eða
að fara út úr Alþýðusambandinu. Ég
sagði að allir vissu fyrir fram að við
myndum aldrei reka félagsmenn úr
RSI og því væri ekki hægt að túlka
þetta á annan veg en þann að það
væri bara verið að biðja okkur um að
fara úr Alþýðusambandinu," sagði
hann. Einnig komu upp harðar deil-
ur vegna afgi-eiðslu á málefnum FIS
sem fengið hefur aðild að RSI en
mikill ágreiningur hefur verið um
það mál milli RSÍ og Verzlunar-
mannafélags Reykjavíkur.
Grétar Þorsteinsson sagðist
harma afstöðu Guðmundar. „Samtök
rafiðnaðarmanna hafa bæði fyi-r og
síðar verið mikill styrkm- fyrh'
verkalýðshreyfinguna og forystu-
menn þar á bæ verið í fremstu víg-
línu íslenskrar verkalýðshreyfing-
ar,“ sagði hann. Grétar sagði að til-
efni þessa máls væri að hans mati
deila um núverandi skipulag ASl.
Hún hefði verið uppi til fjölmargra
ára varðandi það hvar skilin lægju á
milli faglærðra og ófaglærðra félags-
manna og hvar mönnum væri skákað
í félög í samræmi við það.
Forsetar ASÍ senda frá sér
yfirlýsingu
Forseti og báðir varaforsetar ASÍ
sendu frá sér yfirlýsingu í gær vegna
þessa máls þar sem segir að umræða
síðustu vikna hafi eingöngu snúist
um það hvemig lög og uppbygging
nýrra félaga og sambanda, sem sótt
hafa um aðild að ASÍ, fellur að
ákvæðum laga ASÍ. „Sú umræða
varðar ekki aðild þeirra sambanda
eða félaga sem nú mynda saman Al-
þýðusamband íslands. Ljóst er að
skoðanir á núverandi skipulagi ASÍ
em skiptar og einnig hafa verið
deildar meiningar um túlkun laga
sambandsins. Á vettvangi ASÍ fer nú
fram mikil umræða um skipulag
sambandsins og er stefnt að ákvörð-
unum um nauðsynlegar breytingar
strax á næsta þingi ASÍ haustið
2000. Mikilvægt er að samtök rafiðn-
aðarmanna, ásamt öðrum aðildar-
samtökum ASÍ, taki þátt í þessari
vinnu og móti þannig í sameiningu
verkalýðshreyfingu framtíðarinnar,"
segir í yfirlýsingunni.
heimilisbankinn
www.bi.is
a rettn sloð
ókeypis aðgangur til ársins 2000
S k í m a
©BÚNAÐARBANKINN
mánaða
internettenging fylgir
Traustur banki