Morgunblaðið - 22.04.1999, Blaðsíða 18
18 FIMMTUDAGUR 22. APRÍL 1999
MORGUNBLAÐIÐ
LANDIÐ
Uppbyggilegt starf með unglingum í Grundarfírði
Mæður kenna lífsleikni
Morgunblaðið/Hallgrímur Magnússon
MYNDIN er tekin á fundi Tilveruhópsins. Þær eru (frá vinstri) Hildur
Sæmundsdóttir, Linda Ósk Sigurðardóttir, Hjördís Bjarnadóttir og
Ingibjörg Þórólfsdóttir með dóttur sína Sigrúnu Eiríksdóttur. A
myndina vantar Brynju Guðnadóttur.
Bygging baðhúss
fyrirhuguð við
Heilsustofnun
Grundarfirði - í Grundarfirði
hafa nokkrar mæður staðið fyrir
starfi með unglingum staðarins.
Starfið miðar að því að fræða
unglingana um ýmsa þá þætti
lífsins sem með einu orði mætti
kalla lífsleikni, og ekki eru á
námsskrá skólanna.
Hópurinn kallar sig Tilveru og
hefur starfað síðastliðin þrjú ár.
Starfið hefur verið mjög líflegt
og vinsælt meðal unglinganna.
Haldnir eru fundir einu sinni í
viku um ýmis efni sem að gagni
mega koma fyrir unglingana,
sem eru að stíga sín fyrstu skref
í heimi hinna fullorðnu. Nám-
skeið um ákveðin efni eru haldin,
og tvisvar eða þrisvar á ári hefur
verið farið með unglingana á
veitingahús eða skemmtanir og
þeim kennt að skemmta sér án
áfengis eða fíkniefna.
Landsþekktir fyrirlesarar hafa
verið fengnir til að halda nám-
skeið. Á þessu skólaári hélt Hugo
Þórisson sálfræðingur námskeið
um samskipti milli foreldra og
unglinga. Var það í tveim hlut-
um, annar var fyrir unglingana,
en hinn fyrir foreldra. Dansskóli
Jóns Péturs og Köru var fenginn
til að kenna unglingunum dans.
Sigurður Þorsteinsson frá Ung-
mennafélagi Islands hélt eins
dags námskeið um ræðumennsku
og framkomu á fundum. Að
frumkvæði Bjargar Ágústsdóttur
sveitarstjóra var síðan ákveðið
að unglingarnir héldu málþing
um aðstöðu fyrir unglinga í
Grundarfirði.
Heimamenn hafa einng frætt
unglingana um ýmsa hluti. Á
þessu skólaári hefur m.a. verið
fjallað um fíkniefnaneyslu, snyrt-
ingu, hárgreiðslu, mataræði,
starfsval, framkomu og kurteisis-
venjur og gildi menntunar.
Sveitarfélagið styður framtakið
Sveitarfélagið hefur stutt vel
við bakið á starfseminni og út-
vegað húsnæði og greitt ýmsan
kostnað sem til fellur. Hitann og
þungann af starfseminni bera þó
fimm konur í Grundarfirði. Þær
halda fundi einu sinni í mánuði
til að skipuleggja starfsemina
næsta mánuðinn og sjá um öll
framkvæmdaratriði. Starfsemin
hefur vakið talsverða athygli og
fékk m.a. viðurkenningu samtak-
anna Heimili og skóli fyrir tveim
árum. Hér er um að ræða braut-
ryðjendastarf og hefur svipuð
starfsemi verið tekin upp í ná-
grannasveitarfélögunum.
Hveragerði - Við Heilsustofnun
NLFÍ í Hveragerði hefur að undan-
íornu verið unnið að gerð þarfa-
greiningar vegna nýs
bað- og endurhæfingar-
húss. Áætlað er að hús
þetta rísi í tengslum við
annað húsnæði stofnun-
arinnar og myndi hýsa
alla endurhæfmgar-
starfsemi, læknastofur,
hjúkrunardeild, laugar
og böð. Frumhugmynd-
ir gera ráð fyrir að
stærð hússins verði um
1.500 fermetrar. Ný-
bygging þessi myndi
leysa af hólmi húsnæði
sem í dag hýsir leirböð,
hvíldarherbergi og bað-
hús við sundlaug.
Til að aðstoða stjórn-
endur Heilsustofnunar við skipu-
lagningu kom hingað til lands ung-
verskur læknir, dr. István Fluck,
sem er sérfræðingur í skipulagningu
bað- og heilsustofnana. Hann hefur
ennfremur starfað mikið fyrir Al-
þjóða heilbrigðismálastofnunina.
Meðan á dvöl hans stóð ræddi hann
við arkitekta og aðra þá er að smíði
hússins kæmu.
í stuttu viðtali við fréttaritara
Morgunblaðsins sagði dr. Fluck að
hann legði áherslu á að öll meðferð
yrði á sama stað í húsinu sem væri
mikil breyting frá því sem nú er.
Einnig vildi hann gjarnan sjá heita
vatnið notað meira. „Þessi staður
hefur mikla sérstöðu hér á Islandi.
Þetta mikla heita vatn
ber að nýta enn meira
svo sem í bæði inni- og
útisundlaug og í heita
potta með mismunandi
hitastigi og nuddi. Hér
á Heilsustofnun tel ég
rétt að bjóða sem fjöl-
breyttasta meðferð sem
getur nýst sem flest-
um.“ Dr. Fluck sagði
heilsutengda ferðaþjón-
ustu vera í miklum vexti
út um allan heim. „Fólk
hefur gert sér grein
fyrh’ því að þó að nú-
tíma lyf séu góð þá hafa
þau oft óæskilegar
aukaverkanir. Ef mögu-
leiki er á að lækna eða fyrirbyggja
án lyfja er sú lausn ávallt betri. Á
þessari staðreynd byggja hinar fjöl-
mörgu heilsustofnanir sem spretta
upp úti um allan heim.“ Dr. Fluck
lagði áherslu á að hér á Islandi væru
allir möguleikai- fyrir hendi til að
byggja upp heilsutengda ferðaþjón-
ustu. „Fallegt land, hreint loft og
gott fagfólk er það sem skiptir máli
og því ætti Heilsustofnun að geta
orðið vinsæll staður fyir erlenda sem
innlenda ferðamenn sem gjarnan
vilja sameina dvöl á heilsuhæli og
gott frí,“ sagði di’. Fluck að lokum.
DR. István Fluck
Húnavaka
á Blönduósi
SÖNGVEISLA og sveifluball
verður í Félagsheimilinu á
Blönduósi 24. apríl n.k. Þar
syngja fjórir kórar svo alls
koma yfir 150 söngmenn fram á
þessum tónleikum.
Það er Samkórinn Björk og
Karlakór Bólstaðarhlíðar-
hrepps sem standa fyrir sínum
árlegu tónleikum þetta kvöld,
en gestakórar í ár eru Karlakór
Selfoss og Húnakórinn í
Reykjavík. A söngskrá kóranna
eru fjölbreytt og skemmtileg
lög við allra hæfi. Þar koma
fram nokkrir einsöngvarar og
þar verður tví- og þrísöngur.
Dagskrá þessi er liður í
Húnavöku, sem um árabil hefur
verið haldin á Blönduósi um
sumaimálin.
Að tónleikum loknum verður
dansleikur þar sem Hljómsveit
Geirmundar leikur fyrir dansi.
Morgunblaðið/Garðar Páll Vignisson
ÓLAFUR Ragnar Grímsson og Guntis Ulmanis meðal krakkanna í leikskólanum.
Forsetar í heimsókn í Grindavík
Grindavík - Það ríkti mikil hátíð-
arstemmning í og við íþróttahús
Grindavíkur þegar Olaf Ragnar
Grímsson, forseta Islands, og
Guntis Ulmanis, forseta Lett-
lands, bar að garði. Frí var gefið
í skólanum til að fjölmenna á
móttökuna og krakkarnir í leik-
skólanum komu einnig ásamt
leikskólakennurunum.
Unga fólkið beið spennt eftir
því að sjá forsetana og þegar
Ólafur heilsaði upp á krakkana
úr leikskólanum sem voru með
fána íslands og Lettlands heyrð-
ist spurt: „Ertu kominn til að sjá
körfuboltaleik?" f kjölfarið
fylgdi næsta spurning: „Ert þú
forsetinn?“ f tilefni heimsóknar-
innar hafði verið stillt upp
tveimur úrvalsliðum úr Grunn-
skóla Grindavíkur sem spiluðu
körfubolta fyrir hina tignu gesti
eftir að bæjarstjóri hafði boðið
forsetana velkomna og þeirra
föruneyti. Það var síðan forseti
Lettlands sem stal senunni þegar
hann tók vítaskot og setti bolt-
ann ofan í við mikinn fögnuð
gesta.
Bílvelta
í Hornafirði
Höfn - Bifreið valt út af veginum
skammt utan við Höfn um níuleyt-
ið í morgun. Slysið átti sér stað við
svokallaða Stekkjarkeldu þar sem
vegurinn liggur í s-beygju og má
oft lítið út af bera til þess að slys
verði á þessum stað.
í bílnum var kona með lítið
barn, en þau sluppu ótrúlega vel
og fengu að fara heim að lokinni
skoðun á heilsugæslustöðinni.
Samkvæmt upplýsingum lögreglu
mun bifeiðin hafa farið 3-4 veltur
og er gjörónýt.
Morgunblaðið/Eiríkur P. Jörundsson
Andlát
KRISTJÁN
RÖGN-
VALDSSON
LÁTINN er Kristján Rögnvaldsson,
hafnarvörður og fyirverandi skip-
stjóri á Siglufirði, á 68. aldursári.
Hann varð bráðkvaddur á heimili
sínu sunnudaginn 18. apríl síðastlið-
inn. Ki’istján var fæddur að Litlu
Brekku á Höfðaströnd 12. ágúst
1931, næstyngstur 12 systkina en
foreldrar hans voru Rögnvaldur Sig-
urðsson og Guðný Guðnadóttir.
Ki-istján ólst upp á Siglufirði og
byi’jaði ungur til sjós. Hann lauk prófi
frá Stýrimannaskólanum í Reykjavík
1953 og hóf skipstjórnarferil sinn árið
1956 þegar hann tók við mannaforráð-
um á b/v Elliða. Hann var skipstjóri á
b/v Elliða þegar hann fórst 10. febrú-
ar 1962. Kristján starfaði um árabil
sem skipstjóri á togveiðiskipum frá
Siglufirði m.a. Hafliða, Dagnýju, og
Sigurey. Árið 1984 tók hann við stöðu
hafnarvarðar á Siglufirði og gegndi
því starfi til dánardægurs.
Eftirlifandi eiginkona hans er
Lilja Jóelsdóttir og eiga þau sjö upp-
komin börn.
Morgunblaðið/Egill Egilsson
Páskabingó
í Yagninum
Flateyri - Kvenfélagið Brynja hélt
sitt árlega páskabingó. Að þessu sinni
var bingóið haldið í Vagninum. Góð
aðsókn var á bingóið og margir góðir
vinningar í boði. Rafmögnuð spenna
ríkti meðan tölurnar voru lesnar upp
og ekki laust við að margir biðu
spenntir með öndina í hálsinum. Boð-
ið var uppá kaffi og meðlæti með því.