Morgunblaðið - 19.05.1999, Side 4

4 MIÐVIKUDAGUR 19. MAÍ 1999
FRETTIR
MORGUNBLAÐIÐ
Samfylkingin næst stærsti
þingflokkurinn
Vill fá þingflokks-
herbergi Fram-
sóknarflokksins
Morgunblaðið/RAX
ÞAÐ er allfjölmennur hópur sem hefur komið við sögu smíði bæjar Eiríks rauða og Þjóðhildarkirkju í Bratta-
hlíð og flestir munu einnig koma við sögu sjálfrar byggingarinnar í Brattahlíð í sumar. Myndin var tekin í
Sundahöfn í gær þegar búið var að koma gámunum um borð í grænlenska flutningaskipið frá Royal Arctic.
Bær Eiríks rauða og Þjóð-
hildarkirkja á skipsfjöl
BYGGING bæjar Eiríks rauða og
kirkju Þjóðhildar hefst í Bratta-
hlíð á næstu vikum, en í gær var
skipað út á vegum ístaks gámum í
grænlenskt flutningaskip í
Reykjavík.
I gámunum er húsgrindin af bæ
Eiríks rauða og Þjóðhildarkirkja,
en smiðir Istaks hafa handunnið
húsin í skemmu á Hvalfjarðar-
strönd í vetur. Viðurinn í húsun-
um eru liðlega 200 ára gömul tré,
sérvalin í Noregi sl. haust. Smíði
húsanna verður endanlega lokið
fyrir miðjan júlí á næsta ári, en þá
verða mikil hátíðarhöld í Bratta-
hlíð og víðar á Grænlandi í tilefni
1000 ára landafúndar Ameríku.
Fjöldi Islendinga til Grænlands
Efni, tæki og tól ístaksmanna
fylla íjóra gáma, en um 20 manna
starfslið frá íslandi verður á veg-
um ístaks í Brattahlíð í sumar og
fram á haust. Ráðgert er að ljúka
byggingu húsanna í haust þótt
ýmis smærri frágangur verði
næsta vor. Auk þess mun lið
Grænlendinga frá Brattahlíð og
Suður-Grænlandi vinna við að
reisa liúsin. íslenskir hleðslumenn
fara fyrstir í lok maí til torfskurð-
ar og smiðir nokkru seinna.
Vestnorræna ráðið og græn-
lenska heimastjórnin standa fyrir
byggingu húsanna í Brattahlíð.
Tómas Tómasson, verkfræðingur
hjá Istaki, hefur yflrumsjón með
verkinu, en verkefnisstjóri í
Brattahlíð er Sveinn Fjeldsted.
Bær Eiríks rauða í Brattahlíð og
Þjóðhildarkirlqa verða sýningar-
hús fyrir ferðamenn, safnhús og
til almennra nota þegar tækifæri
gefast.
ÓLAFUR G. Einarsson fráfarandi
forseti Alþingis staðfesti þær heim-
ildir Morgunblaðsins í gær að þing-
flokkur Samfylkingarinnar myndi
gera tilkall til þingflokksherbergis
Framsóknarflokksins í Alþingis-
húsinu þegar þing kæmi saman að
nýju í sumar.
Framsóknarflokkurinn er í næst
stærsta þingflokksherbergi Alþing-
ishússins en hann var næst stærsti
þingflokkurinn (15 manna) eftir al-
þingiskosningarnar árið 1995. Eftir
alþingiskosningarnar í vor fékk
Samfylkingin hins vegar 17 þing-
menn kjöma og er þar með orðinn
næst stærsti þingflokkurinn á AI-
þingi, næst á eftir þingflokki Sjálf-
stæðisflokksins sem hefur á að
skipa 26 þingmönnum. Framsókn-
arflokkurinn fékk hins vegar 12
þingmenn kjöma í vor. Sjálfstæðis-
menn hafa haft stærsta herbergið
til afnota.
Rannveig Guðmundsdóttir þing-
maður Samfylkingarinnar vildi ekki
staðfesta, í samtali við Morgunblað-
ið í gær, að þingflokkurinn myndi
óska eftir þingflokksherbergi
Framsóknarflokksins en benti á að
Samfylkingin myndi óska eftir við-
unandi aðstöðu í þinghúsinu sem
næst stærsti þingflokkur Alþingis.
Valgerður Sverrisdóttir þingmaður
Framsóknarflokks, hafði þegar
Morgunblaðið hafði samband við
hana í gær ekki heyrt um að Sam-
fylkingin myndi óska eftir þing-
flokksherbergi framsóknai-manna.
Hún sagði það eitt að hún gerði ráð
fyrir því að framsóknarmenn
myndu halda því herbergi áfram.
Hefur haft herbergið
um áratuga skeið
Að sögn Ólafs G. Einarssonar
hafa framsóknarmenn haft aðstöðu
í umræddu þingflokksherbergi í
tugi ára og bendir á að það hafi áð-
ur gerst að þingflokkar hafi
stækkað og orðið stærri en þing-
flokkur framsóknarmanna án þess
að færa þyrfti starfsaðstöðu flokk-
anna milli herbergja. Aðspurður
gerir hann ráð fyrir því að næsta
forsætisnefnd Alþingis, sem kosin
verður um leið og Alþingi kemur
saman að nýju í sumar, taki
ákvarðanir um húsnæðismál þing-
flokkanna.
Stjdrnendur Hringhendu sýknaðir vegna sorpbruna við Reykjanesbraut
Sök var ekki talin sönnuð
STJÓRNARFORMAÐUR og
framkvæmdastjóri sorpflokkunar-
stöðvarinnar Hringhendu ehf. var
sýknaður í gær í Héraðsdómi
Reykjaness af ákæru ríkislögreglu-
stjóra um að hafa brotið gegn lög-
um um hollustuhætti og heilbrigðis-
eftirlit og mengunarvarnareglu-
gerð með því að hafa látið urða að
minnsta kosti 568 rúmmetra af
timbri og 1.084 rúmmetra af öðrum
úrgangi á athafnasvæði Hring-
hendu við Reykjanesbraut á tíma-
bilinu 28. nóvember 1996 til desem-
berbyrjunar 1997.
Mikill eldur kom upp í flokkunar-
skemmunni á lóð stöðvarinnar að-
faranótt 24. febrúar 1998 og logaði í
urðuðum timburúrgangi í viku áður
en tókst að slökkva í glóðinni.
Sannað var í málinu að ákærði
hefði fengið heimild þar til bærra
bæjaryfirvalda til að nota 1.084
rúmmetra í uppfyllingu innan sjó-
vamagarðs fyrir framan starfsstöð
fyrirtækisins og kom því eingöngu
til skoðunar hvort hann hefði gerst
brotlegur við þau laga- og reglu-
gerðarákvæði sem greindi í ákæru
með notkun sinni á 568 rúmmetrum
af timbri til uppfyllingar.
Samkvæmt ákvæðum mengunar-
varnareglugerðar er bannað að
skilja eftir, flytja eða geyma úr-
gang á þann hátt að valdið geti
skaða eða lýtum á umhverfínu. Með
framburði framkvæmdastjóra Heil-
brigðiseftirlits Hafnarfjarðarsvæð-
is og heilbrigðisfulltrúa, sem báru
meðal annarra vitni í málinu, kom
ótvírætt fram að tilvist þessara
timburefna í uppfyllingunni hefði
hvorki valdið skaða né lýtum á um-
hverfínu enda ekki um mengandi
spilliefni að ræða.
Fram hjá framkvæmdastjóran-
um að komið hefði í ljós eftir brun-
ann í skemmunni að þar logaði í úr-
gangi sem hefði verið urðaður í
óleyfí. Hefði það komið heilbrigðis-
eftirlitinu „gersamlega á óvart.“
Heilbrigðisfulltrúinn sagði enn-
fremur í vitnisburði sínum að urðun
ákærða á timburafgöngum á lóð
fyrirtækisins hefði komið sér í opna
skjöldu. Kvað hann heilbrigðiseftir-
litið ekki hafa krafist þess að hinn
urðaði úrgangur yrði fjarlægður af
lóðinni enda ekki um mengandi
spilliefni að ræða.
Ekki tekin ákvörðun
um áfrýjun
Dómurinn taldi sök ákærða
ósannaða í málinu og vísaði enn-
fremur frá hálfrar milljónar króna
skaðabótakröfu Hafnarfjarðarbæj-
ar vegna útlagðs kostnaðar við
slökkvistarf.
Að sögn Jóns H. Snorrasonar,
saksóknara hjá efnahagsbrotadeild
ríkislögreglustjóra, sem sótti málið,
er löggjöf á sviði mengunarmála og
framkvæmd við hana ný af nálinni
og segir Jón að kannski sé hún að
einhverju leyti óljós og óskýr.
„Framkvæmdin með eftirliti og
leyfisveitingar virðast ekki vera
nógu skýr og klár. Hlutverk hinna
ýmsu yfirvalda sem að mengunar-
málum koma virðast ekki vera skýr
og afmörkuð samkvæmt þessum
dómi. Það verður að taka mið af
niðurstöðum dóma í þessum fyrstu
málum sem eru að ganga og ef lög-
gjöfin heldur ekki, þá er það fyrst
og fremst vegna þess að hún er
ekki alveg í lagi,“ segir hann.
Ekki hefur verið tekin ákvörðun
um hvort málinu verði áfrýjað til
Hæstaréttar.
Góður árangur af borun eftir heitu vatni við Haffjarðará
Viltu eignast
hlut í auðœfum
Norðurlandanna?
Fjárfestu til framtíðar í arðvœnlegustu
fyrirtœkjum á Norðurlöndum!
verðbrefabtöíán
SuOurlandsbraut 20, Reykjavík Sími 570-1200
www.vbs.is
Myndi duga til að hita upp
þúsund manna byggð
ÓVÆNTUR árangur varð af til-
raunaborun eftir heitu vatni í landi
jarðarinnar Landbrota við Haf-
fjarðará. í gær þegar borinn var
kominn niður á 71 metra dýpi
komu upp 16-17 sekúndulítrar af
60 stiga heitu vatni og er vatnið
sjálfrennandi en það kom jarð-
fræðingunum mest á óvart.
Eigendur Haffjarðarár, Óttar
Yngvason og Einar Sigfússon, hafa
lengi haft hug á að athuga hvort
heitt vatn fengist til að hita upp
veiðihúsið og sumarbústað sem
þeir eiga á svæðinu. Ákveðið var að
bera niður við heita laug í landi
Landbrota og samið við Ræktunar-
samband Flóa og Skeiða um að
bora með nýjum loftbor fyrirtækis-
ins.
Samsvarar 20 metra
vatnssúlu
Stjómandi framkvæmdarinnar,
Guðmundur Ómar Friðleifsson,
jarðfræðingur hjá Orkustofnun,
segir að borunin hafi gengið vel.
Akveðið hafi verið að bora 50 til
200 metra djúpa holu og skera
sprungu á 65-70 metra dýpi. Það
hafi gengið eftir og áformaður ár-
angur náðst á því dýpi. Þrýstingur-
inn í kerfinu hafi hins vegar komið
mjög á óvart. Hann segir að vatnið
sé sjálfrennandi upp á yfirborðið
og áætlar að þrýstingurinn sam-
svari um 20 metra vatnssúlu upp í
loftið.
Óttar kveðst vera mjög ánægður
með árangurinn, hann hafi verið
framar björtustu vonum. Ráðist
var í borunina til að leita að vatni
fyrir veiðihúsið og sumarbústað.
Vatnið sem nú þegar liggur fyrir
að unnt er að virkja myndi hins
vegar duga til upphitunar hátt í
200 íbúðarhúsa eða sem svarar upp
undir 1.000 manna byggð. Eða til
að hita hús á 80 bóndabýlum í
sveit, en á þessu svæði í Hnappadal
eru einmitt um 14 býli. Telur Óttar
unnt að nota vatnið fyrir hitaveitu
fyrir miðsveitina án dælingar.
Borun með loftbornum er lokið
en í dag hefst borun með
hjólakrónu. Er áhugi á því að bora
niður á 100 til 300 metra dýpi til að
sjá hvort þar fáist heitara vatn en
enn hefur ekki verið ákveðið hve
djúpt verður farið.