Morgunblaðið - 29.07.1999, Blaðsíða 29
MORGUNBLAÐIÐ
FIMMTUDAGUR 29. JÚLÍ 1999 29
ERLENT
Nítján fórust og tveggja er enn saknað eftir mikinn harmleik í svissnesku Ölpunum
BJÖRGUNARFÓLK hélt í gær áfram leitarstarfi í Saxeten-ánni en tveggja var enn saknað í gær.
Reuters
Hinir látnu flestir ferðamenn
frá enskumælandi löndum
Björgunarfólk kallað út eftir að lík
tók að reka á land í Brienzer-vatninu
Zurich, Interlaken, Böningen. Reuters, AFP.
SVISSNESKA lögreglan fann í
gær eitt lík til viðbótar við þau
átján sem fundust á þriðjudag, eft-
ir að gljúfraferð erlendra ferða-
manna í svissnesku Olpunum
breyttist í sannkallaðan harmleik.
Tveggja er enn saknað og sögðu
talsmenn lögreglunnar að leit yi-ði
haldið áfram uns birtu þryti. Voru
þeir þó ekki vongóðir um að þeir
fyndust á lífi. Jafnframt var einn í
lífshættu af sárum sem hann hlaut
í slysinu.
Slysið, sem er hið versta í sögu
svokallaðra gljúfraferða, átti sér
stað í Saxetenbach-árgljúfrinu,
sem er í Mið-Sviss, suðaustur af
höfuðborginni Bern, í nágrenni
ferðamannabæjarins vinsæla
Interlaken. Varð mönnum ljóst að
eitthvað hræðilegt hafði gerst í
fjöllunum þegar vart varð við lík á
floti í Brienzer-vatninu, sem er við
ósa Lútschine-árinnar, sem rennur
úr Saxetenbach-árgljúfrinu.
Fimmtíu og þrír voru í hópi
ferðafólksins, sem lagt hafði í fjór-
um hópum í árgljúfrið ásamt sviss-
neskum fylgdarmönnum frá úti-
vistarsamtökunum Adventure
World. Kom fólkið frá Astralíu,
Bretlandi, Kanada, Nýja-Sjálandi,
Sviss, Bandaríkjunum og Suður-
Afríku en ekki hafði tekist að bera
Harmleikur í svissnesku Ölpunum
Að minnsta kosti 19 fórust og tveggja var enn saknað eftir að gljúfraferð
útivistarfólks nærri Interlaken í Svisss breyttist í harmleik á þriðjudag.
Fórnarlömbin voru í hópi
erlendra ferðamanna sem var
í gljúfraferð, þegar skyndilega
skall á mikil rigning, vatnsmagn
óx mjög hratt í árgili Saxeten-ár
og öflugur vatnsflaumurinn
hreif fólkið með sér
Saxetenbach-árgljúfrið
Úrfelli umbreytti ánni í
öflugt fljót sem hreif fólkið
með niður í Brienz-vatn ^
...... r
kennsl á öll líkanna og því var ekki
vitað nákvæmlega hvaðan hinir
látnu eru.
Óskaði svissneska lögreglan eftir
því í gær að ættingjar þeirra sem
létust í slysinu eða er saknað, sem
hygðust ferðast til Sviss, tækju
með sér tannlæknaskýrslur eða
önnur gögn sem gætu hjálpað til
við að bera kennsl á lík fólks. Jafn-
framt var áströlskum, breskum,
ný-sjálenskum og suður-afrískum
ferðamönnum, sem staddir eru í
Sviss, bent á að hringja í ættingja
sína til að fullvissa þá um að þeir
væru heilir á húfi, en greint hafði
verið frá því í fjölmiðlum víða um
heim að hinir látnu væru frá þess-
um löndum.
Öflugur árstraumur talinn hafa
hriflð fólkið með sér
Gljúfraferðir eru ný íþrótt sem
eru afar vinsælar, ekki síst meðal
spennufíkla, enda fela þær í sér
áhættusama blöndu af fjallaklifri
og sundi og vaði í kröftugum ár-
gljúfrum. Iklæðist útivistai’fólkið
blautbúningum og notar hjálma og
reipi. Er talið að meira en fimmtíu
þúsund manns stundi íþróttina ár
hvert í Sviss, jafnvel börn og ung-
lingar.
Líklegt þykir að flestir hafi látist
af höfuðáverkum í kjölfar þess að
fjallalækur umhverfðist skyndilega
í beljandi stórfljót eftir gífurlegt
skýfall. Mun öflugur árstraumur-
inn hafa hrifið fólkið með sér og
slengt í harðan árbotninn eða í
klettavegginn. Nokkrir munu þó
hafa drukknað.
Gátu heimamenn sér þess til að
miklar rigningar hefðu valdið því
að trjágreinar, grjót og eðja mynd-
uðu stíflu ofar í ánni sem síðan
brast, með þeim afleiðingum að
stórfljót skall 4 útvistarfólkinu og
hreif það með sér án þess að það
gæti komið vörnum við.
Öllum gljúfraferðun aflýst
Nokkur umræða spratt í gær upp
í Sviss um það að óábyrgt hefði
verið að halda í þessa tilteknu ferð,
enda hefði legið fyrir að líklegt var
að stormur brysti á seinnipart
þriðjudags. Jafnframt sögðu marg-
ir að gljúfraferðir væru glæfrasöm
íþrótt og mun Adventure World
hafa aflýst öllum þeim ferðum, sem
skipulagðar höfðu verið á næstu
dögum. Aður höfðu önnur útivist-
arsamtök í Sviss aflýst öllum
gljúfraferðum.
Sagði Thierry Gasser, sem rekur
ævintýraferðafyrirtækið No Limits
Center, að slysið væri afar slæmt
fyrir þessa íþrótt en átti þó ekki
von á þvi að stjórnvöld myndu
banna hana. „Það sem gerðist í
þetta sinn var einsdæmi. Gljúfra-
ferðir eru ekki hættuleg íþrótt,“
sagði Gasser. „Menn verða bara að
þekkja ána vel og gæta vel að veð-
urspám.“
Réttu
eru
átakkarnir
mbl.is
Fylgstu með boltanum
í sumar á íþróttavef mbl.is
Hmbl.is
-SKLLTAf= e/TTH\SS\£> NÝTJ