Morgunblaðið - 29.07.1999, Blaðsíða 49
MORGUNBLAÐIÐ
MINNINGAR
FIMMTUDAGUR 29. JÚLÍ 1999 49
+ Inga Erlends-
dóttir var fædd
að Auðólfsstöðum í
Langadal 29. októ-
ber árið 1910, en
fluttist ung með for-
eldrum sínum að
Hnausum í Austur-
Húnavatnssýslu.
Hún andaðist á
Hjúkrunarheimilinu
Sunnuhlíð í Kópa-
vogi 15. júlí síðast-
liðinn. Foreldrar
hennar voru Sigur-
björg Þorsteinsdótt-
ir (f. 29. maí 1879)
frá Grund í Svínadal og Erlend-
ur Erlendsson (f. 20. júní 1874)
frá Skálholti í Biskupstungum.
Systkini: Guðbjörg, f. 17.11.
1901; Jóhanna, f. 16.3. 1905; Ei-
ríkur, f. 12.9. 1906; Þorsteinn, f. í
febr. 1908; Aðalheiður Erlends-
dóttir Samso, f. 20.3. 1912; Guð-
rún, f. 19. 10. 1914; Jakob, f. 8.2.
1916; Sigríður, f. 3.7. 1917. Á lífi
eru þrjár yngstu systumar.
Hinn 12. ágúst
1939 gekk Inga að
eiga Borgþór
Björnsson (f. 5. apríl
1910 - d. 4. júlí 1996)
frá Gijótnesi á Mel-
rakkasléttu. Börn
Ingu og Borgþórs
eru: 1) Jóhanna, f. 1.
ágúst 1940, kennari.
Maki hennar er
Haukur Bjarnason,
f. 4. maí 1934, lög-
fræðingur. Börn
þeirra em: Bjarni, f.
5. september 1969,
lögfræðingur í sam-
búð með Helgu Dögg Björgvins-
dóttur, f. 9. apríl 1974, bók-
menntafræðingi; Þór, f. 19.
mars 1972, stjórnmálafræðingur
í sambúð með Lilju Aðalsteins-
dóttur, f. 7. júní 1973, lögfræð-
ingi; og Araór Gauti, f. 5. ágúst
1982, nemi. 2) Baldur Björn, f. 3
febrúar 1947, húsgagnasmiður.
3) Erlendur, f. 10. mars 1951,
framkvæmdastjóri. Maki hans
er Oddbjörg Friðriksdóttir, f.
29. júní 1953, skrifstofumaður.
Börn þeirra em: Guðjón Þór, f.
15. ágúst 1970, arkitekt (móðir
Sigrún Marínósdóttir); Elmar
Þór, f. 8 maí 1978, nemi og
Steinar Örn, f. 18. maí 1981,
nemi. 4) Margrét, f. 15. nóvem-
ber 1953, flugfreyja. Maki henn-
ar er Grétar Magnússon, f. 7.
október 1945, verktaki. Böm
þeirra em: Borgþór, f. 16. októ-
ber 1977, háskólanemi, unnusta
Björk Baldvinsdóttir, f. 24. sept-
ember 1978, háskólanemi; Inga
Rún, f. 2. ágúst 1982, nemi og
Grétar Atli, f. 5. nóvember 1988,
nemi.
Eftir fermingu fór Inga til
Reykjavíkur til móðursystur
sinnar, Jóhönnu Þorsteinsdóttur
handavinnukennara, sem kost-
aði hana til náms. Inga lauk
prófi frá Verslunarskóla Islands
árið 1929, vann um skeið hjá út-
gerðarfyrirtækinu Max
Pemperton, fór svo til Edin-
borgar í Skotlandi og stundaði
þar nám í eitt ár við verslunar-
háskóla. Eftir heimkomuna
vann hún í sjö ár á skrifstofu
Tóbakseinkasölu rikisins.
Utför Ingu hefur farið fram í
kyrrþey að ósk hinnar látnu.
INGA
ERLENDSDÓTTIR
Látin er elskuleg tengdamóðir
mín, Inga Erlendsdóttir. Útförin
hefur þegar farið fram í kyrrþey
að ósk hinnar látnu. Ég kynntist
þeim heiðurshjónum Ingu og
Borgþóri Björnssyni fyrir um það
bil 25 árum, þegar ég kom í fylgd
yngri dóttur þeirra á fallega heim-
ilið þeirra í Kópavogi. Það má með
sanni segja að vel hafi verið tekið á
móti mér, hlýlegt viðmót þeirra
gerði mér þessa stund yndislega
og jafnframt ógleymanlega. Inga
vár fædd á Auðólfsstöðum í
Langadal en flutti ung að Hnaus-
um í A-Húnavatnssýslu þar sem
hún ólst upp, en fjórtán ára að
aldri yfirgaf hún æskustöðvarnar
og hélt til Reykjavíkur til náms.
Þar lauk hún verslunarprófi frá
Verzlunarskóla Islands, prófi sem
hún alla tíð var stolt af. Hún
stundaði einnig framhaldsnám í
verslunarfræðum í Bretlandi.
Dvölin í Reykjavík átti eftir að
lengjast, þar kynntist hún ástkær-
um eiginmanni sínum, Borgþóri,
sem hún átti eftir að deila lífi sínu
með, þar til hann dó fyrir þremur
árum. Inga og Borgþór hófu bú-
skap sinn í Reykjavík en fluttu síð-
an í Kópavoginn þar sem þau
byggðu sér hús af miklum stórhug
og myndarskap, þar leið fjölskyld-
unni vel. Það er margs að minnast
á langri samferðasögu en efst í
huga mínum nú er frásögn hennar
af ferðinni til Rómar sem þau
hjónin fóru fyrir nokkrum áratug-
um, sú ferð var henni einkar hug-
leikin. Einnig vetrarkvöldin við ar-
ineld þar sem Inga sat við hann-
yrðir en þar naut hún sín vel. Lífs-
ganga hennar tók óvænta stefnu
fyrir tæpum 18 árum þegar hún
veiktist af þeim sjúkdómi sem átti
eftir að fylgja henni til dauðadags.
í veikindum sínum sýndi hún mik-
inn styrk og aldrei heyrði ég hana
kvarta yfir þessum breyttu að-
stæðum. Inga var skáti frá unga
aldri og naut þess að vera í góðum
félagsskap gömlu skátafélaganna.
Einnig var hún í fjölskylduklúbbi
sem var félagsskapur systra henn-
ar og dætra þeirra. Þær komu
saman nokkrum sinnum á ári og
hafði hún mikið gaman af þeim
samverustundum. En heilsu Ingu
hrakaði og síðustu árin dvaldi hún
á hjúkrunarheimilinu Sunnuhlíð í
Kópavogi þar sem hún naut um-
önnunar frábærs starfsfólks sem á
svo sannarlega þakkir skilið fyrir
óeigingjamt starf. Henni leið vel
þar og oft hafði hún á orði að sér
liði eins og prinsessu. Elsku Inga
mín, það er komið að kveðjustund,
ég þakka þér samfylgdina sem var
mér ánægjuleg og þroskandi. Ég
minnist þess ekki að okkur hafi
orðið sundurorða eitt einasta
skipti síðan leiðir okkar lágu sam-
an fyrir um 25 árum. Einnig þakka
ég þér þá ástúð og umhyggju sem
þú sýndir börnum mínum. Síðasti
sunnudagur lífs þíns mun seint líða
mér úr minni, þá komum við, ég og
yngri sonur minn, í heimsókn í fal-
lega herbergið þitt og þú sagðir
okkur frá aðgerðinni á augunum
þínum sem hafði tekist svo vel og
að þú værir aðeins farin að sjá aft-
ur; þér leið svo vel. A þeirri stundu
var ég þess fullviss að hugur þinn
var hjá ástkærum eiginmahni sem
beið eftir þér á æðri stöðum. Ég
veit að hann hefur nú þegar tekið
vel á móti þér. Kæra fjölskylda, ég
veit að missir ykkar er mikill en
minningin um góða móður, tengda-
móður, ömmu og systur mun hlýja
ykkur um hjartarætur um ókomin
ár. Megi algóður Guð styrkja ykk-
ur í hinni miklu sorg. Ég votta öll-
um aðstandendum mína dýpstu
samúð.
Þinn tengdasonur,
Grétar Magnússon.
Elsku amma mín.
Nú ert þú farin frá okkur og
komin til Borgþórs afa sem hefur
alveg örugglega tekið mjög vel á
móti þér og nú eru þið komin sam-
an til þaradísar og verðið þar sem
eftir er. En núna þegar ég hugsa
um allar minningamar sem ég á
um þig er þessi ein sú minnistæð-
ust. Þegar ég kom til þin um miðj-
an júní þá var fallegur sumardagur
og þú varst búin að vera mikið veik
síðastliðna daga en þennan dag
varst þú svo hress og hlóst mjög
mikið. Ég kom með gular rósir til
þín og allt herbergið ilmaði af rósa-
lykt og þú sagðir að þér liði eins og
þú værir úti í sveit umkringd fal-
legum blómum, þér leið svo vel og
við töluðum saman alveg heillengi
um allt milli himins og jarðar og
hlógum saman og alltaf sagðirðu
mér að halda áfram að tala vegna
þess hve þér fannst svo gaman og
alltaf leiðréttirðu mig ef ég talaði
eitthvað vitlaust enda varstu ekki í
Verzlunarskóla Islands fyrir ekki
neitt. Þessar minningar og margar
fleiri koma upp í huga mér núna og
ég er mjög þakklát fyrir að hafa
fengið að vera með þér þennan
tíma og fá að vera eina prinsessan
þín og nafna.
Elsku amma mín, ég kveð þig
með söknuði en þú munt alltaf
t
Ástkær eiginkona mín, móðir okkar, tengda-
móðir, amma og langamma,
INGVELDUR HALLMUNDSDÓTTIR,
Þingvallastræti 29,
áður húsfreyja á Arnarhóli,
sem lést laugardaginn 24. júlí sl., verður
jarðsungin frá Akureyrarkirkju á morgun, föstu-
daginn 30. júlí, kl. 10.30.
Kristinn Sigmundsson,
Hörður Kristinsson, Sigrún Sigurðardóttir,
Magnús Kristinsson, Birgitte Kristinsson,
Hallmundur Kristinsson, Anna Lilja Harðardóttir,
Kristinn Örn Kristinsson, Lilja Hjaltadóttir,
barnabörn og barnabarnabörn.
t
Ástkær eiginmaður minn, faðir okkar,
tengdafaðir, afi og langafi,
FINNUR G. K. DANÍELSSON
fyrrverandi skipstjóri,
Víðilundi 20,
Akureyri,
sem lést á hjúkrunarheimilinu Seli,
mánudaginn 26. júlí, verður jarðsunginn frá
Akureyrarkirkju þriðjudaginn 3. ágúst kl. 13.30.
Guðmunda Pétursdóttir,
Guðmundur Finnsson, Hallbera Ágústsdóttir,
Valur Finnsson, Arna Dóra Svavarsdóttir,
barnabörn og langafabörn.
eiga stóran hlut af hjarta mínu.
Þín nafna,
Inga Rún.
Mér varð mjög þungt fyrir
hjarta þegar við bræðurnir vorum
staddir eriendis fyrir rúmum
tveimur vikum er móðir okkar
hringdi og tjáði okkur að Inga
amma væri látin. Auk þess var það
þungbært að geta ekki staðið við
hlið móður okkar og stutt hana á
þessari erfiðu stundu. Á heimili
Ingu ömmu og Borgþórs afa á
Mánabrautinni var alltaf gott að
vera. Þar var ávallt pláss fyrir ást,
umhyggju og prakkarastrik. Eru
það ófáar dýrmætar minningar
sem fljúga upp í huga manns þegar
litið er til baka. Þegar við krakk-
arnir vorum búnir að fá nóg af bar-
dúsinu með afa var alltaf eitthvað
heitt og gott á boðstólum hjá
ömmu í eldhúsinu. Eftir matinn
kúrðum við síðan í sófanum hjá afa
og hlustuðum á „gömlu gufuna“ á
meðan amma prjónaði. Eftir því
sem árin liðu og maður þroskaðist
rökræddum við amma oft um
heima og geima en hún var ávallt
vel inni í fréttum, innlendum sem
erlendum. Þá átti hún ávallt góð
ráð ef til hennar var leitað. Ástin
sem var milli ömmu og afa leyndi
sér aldrei. Nú eru erfið veikindi
ömmu loks að baki. Minningin um
yndislegu Ingu ömmu sem var svo
hjartgóð, vel að sér á mörgum svið-
um og helgaði fjölskyldunni líf sitt
lifir í hjarta okkar. Tifhugsunin um
það að nú séu amma og afi saman á
ný gerir sorgina léttbærari.
Víst er þetta löng og erfið leið,
og lífið stutt og margt, sem út af ber.
En tigið gegnum tál og hvers kyns neyð
skín takmarkið og bíður eftir þér.
(Steinn Steinarr.)
Þinn dóttursonur,
Þór.
Við biðjum að þér ljóssins englar lýsi
og leiði þig hin kærleiksríka hönd
í nýjum heimi. 0 þér vörður vísi
sem vitar inn í himnesk sólarlönd.
(GEV.)
Þegar ég minnist Ingu minnist
ég konu sem mér fannst bera svip-
mót hefðarkonu, mér fannst öll
framkoma hennar vera þess eðlis.
Hún var ákaflega virðuleg og hátt-
vís, ræðin og skemmtileg í sam-
skiptum við aðra, alltaf tilbúinn að
ræða þau mál sem helst bar á góma
hverju sinni, hvort sem þau voru að
gerast hér heima eða erlendis. Inga
var myndarkona til orðs og æðis,
alltaf vel og fallega klædd og heim-
ili hennar vel búið húsgögnum sem
báru með sér virðuleik og hiýju.
Inga eignaðist þann mann sem var
henni samstiga í því að heimilið
bæri vott um að það höfðu verið
samhent hjón sem það byggðu upp
og ætluðu að njóta þess virðuleika
sem það hafði upp á að bjóða.
Inga var Húnvetningur að ætt,
þar ólst hún upp í fallegri sveit sem
hefur eflaust mótað hennar lífs-
mynstur í þá veru að bera virðingu
fyrir landi sínu og þjóð sem hún og
gerði í ríkum mæli.
Inga átti við vanheilsu að stríða í
mörg ár, það bar hún á undraverð-
an hátt en ofan á hennar sjúkdóms-
raunir verður hún fyrir þeirri
þungu sorg að missa sinn lífsföru-
naut sem sýndi henni svo mikinn
skilning og kom svo vel til móts við
hennar þarfir þegar hún þurfti
þess mest með. Ekki efast ég um
að þetta hefur verið þung raun fyr-
ir hana að bera en þann harm bar
hún með stillingu og æðruleysi en
hefur eflaust þráð þann endurfund
sem nú er fenginn og ekki efast ég
um að vel hefur verið á móti henni
tekið. Inga eignaðist fjögur mann-
vænleg börn sem öll hafa komið
sér vel áfram í lífinu. Níu voru
barnabörnin orðin, allt myndar-
fólk. Við hjónin þökkum Ingu sam-
fylgdina og söknum góðrar konu
sem varð á vegi okkar hjóna þegar
börn okkar ákváðu að ganga lífs-
brautina saman og giftast.
Það fer vart framhjá neinum að
falleg mannleg samskipti er það
besta sem hver og einn skilur eftir
að loknu þessu lífi og svo sannar-
lega gerði Inga það. Hún skilur eft-
ir minningar sem aldrei gleymast
þeim sem fengu að njóta samvista
við hana.
Nú ert þú horfin í himinsins borg
og hlýðir á englanna tal.
Burtu er kvíði, sjúkdómur, sorg
í sólbjörtum himnanna sal.
Þeim öllum sem trúa og treysta á Krist
þar tilbúið heimilið er,
þar ástvinir mætast í unaðarvist
um eilífð, Ó Jesú hjá þér.
(Ingibj. Jónsd.)
Við hjónin viljum að endingu
þakka Ingu góð kynni á liðnum ár-
um og biðjum henni Guðs blessun-
ar á ókunnum vegum.
Magnús Þór.
+
Eiginmaður minn, faðir okkar, tengdafaðir, afi og langafi,
STEFÁN PÉTUR SIGURJÓNSSON
bifreiðarstjóri
frá Heiðarbót,
Uppsalavegi 9, Húsavik,
lést þriðjudaginn 27. júlí á sjúkrahúsinu Húsavík. Jarðarförin auglýst
síðar.
Kristbjörg Héðinsdóttir,
Helga Jónína Stefánsdóttir, Guðmundur A. Hólmgeirsson,
Hjördís Stefánsdóttir, Haukur Tryggvason,
Héðinn Stefánsson, Hjördís Garðarsdóttir,
Sigurjón Pétur Stefánsson, Sigurlaug Sigurpálsdóttir,
barnabörn og barnabarnabörn.
+
HELGIBJARNASON,
Ásgarðsvegi 15,
Húsavík,
er látinn.
Jarðarförin auglýst síðar.
Jóhanna Aðalsteinsdóttir,
Aðalsteinn Helgason, Ágústa Þorsteinsdóttir,
Kristjana Helgadóttir, Arnar Björnsson,
Bjarni Hafþór Helgason, Laufey Sigurðardóttir,
Helgi Helgason, Anna Guðrún Garðarsdóttir,
Ingibjörg Helgadóttir, Halldór Benediktsson,
barnabörn og barnabarnabörn.