Morgunblaðið - 04.08.1999, Side 20
20 MIÐVTKUDAGUR 4. ÁGÚST 1999
MORGUNBLAÐIÐ
Netverk og
Skíma gera
samning
VIÐSKIPTI
Eignarhaldsfélag í Lúxemborg kaupir 26,5% hlut í Fjárfestingarbanka atvinnulífsins
Markaðsvirði bréfanna
rúmir 5 milliarðar króna
HUGBÚNAÐARFYRIRTÆKIÐ
Netverk og Skíma, dótturfyrirtæki
Landssímans, hafa gert samning um
að Skíma gerist endursöluaðili
MarStar hugbúnaðarins á íslandi,
eins og fram kemur í fréttatilkynn-
ingu frá Netverki. Samningurinn
gildir til eins árs og hefur Skíma
einkarétt á endursölu búnaðarins.
Skíma mun jafnframt sjá um að aug-
lýsa búnaðinn og dreifa honum til
farsímanotenda samhliða öðrum vör-
um sínum.
„Viðskipti Netverks og Skímu
hafa verið einkar ánægjuleg á síð-
ustu mánuðum. Starfsmenn Skímu
hafa gegnt lykilhlutverki sem þjón-
ustuaðili við þróun MarStar búnað-
arins og komu að frumkeyrslu póst-
þjónustubúnaðarins. Þetta sam-
komulag setur samskipti fyrirtækj-
anna tveggja í fastari skorður og er
ég þess viss að það mun verða báð-
um til framdráttar,“ segir Pétur
Jónsson, svæðisstjóri Netverks, í
fréttatilkynningunni.
„Skíma hefur um skeið unnið náið
með Netverki. Við sjáum mikla
möguleika í MarStar búnaðinum og
hann er mjög mikilvægur fyrir við-
skiptavini okkar á sviði gagnasam-
skipta um fjarskiptakerfíð,“ segir
Dagný Halldórsdóttir, framkvæmda-
stjóri Skímu, í fréttatilkynningunni.
Próa hugbúnað fyrir
takmarkaða bandbreidd
Fram kemur í fréttatilkynning-
unni að verulegur hluti starfsemi
Skímu felist í sérhæfðari nettenging-
um og hönnun á margmiðlunarefni
fyrir Netið. Þar kemur einnig fram
að Netverk stefni að því að þróa
hugbúnað til að bæta aðgang not-
enda með takmarkaða bandbreidd
að tölvunetum.
EIGNARHALDSFÉLAGIÐ Orca
S.A., sem skráð er í Lúxemborg,
hefur keypt hlutabréf í Fjárfesting-
arbanka atvinnulífsins að nafnverði
um 1,8 milljarðar króna, að því er
fram kemur í tilkynningu til Verð-
bréfaþings Islands. Orea S.A.
keypti hlutabréf að nafnverði kr.
1.503.000.000 af Scandinavian Hold-
ings S.A., fyrirtæki í eigu Kaup-
þings og sparisjóðanna, en það hafði
stofnað sérstakt eignarhaldsfélag
um hlutabréf sín í FBA. Orca S.A.
keypti auk þess hlutabréf að nafn-
verði 300 milljónir króna en ekki
kemur fram hver seljandinn að
þeim var. Eftir viðskiptin ræður
Orca S.A. yfír 26,5% af heildar-
hlutafé FBA en eignarhlutur
Scandinavian Holding í FBA er
enginn.
Markaðsvirði FBA tæpir
20 milljarðar
Gestur Jónsson lögmaður er í for-
svari fyrir fyrir þá fjárfesta sem
standa að Orca S.A. I samtali við
Morgunblaðið sagði Gestur allt um-
fram það sem fram kemur í opin-
berri tilkynningu til Verðbréfaþings
vera trúnaðarmál.
Gengi hlutabréfa í FBA lækkaði
um 2,4% á Vprðbréfaþingi íslands í
gær og var lokagengi félagsins 2,86.
Kaupverð Orca er ekki gefið upg en
miðað við verð hlutabréfa á VÞÍ er
markaðsvirði hlutarins 5.154 millj-
ónir króna og markaðsvirði FBA
19.448 milljónir króna. Hlutabréf í
FBA voru seld á genginu 1,4 þegar
ríkið seldi 49% hlut sinn í bankanum
síðastliðið haust.
Einkavæðingaráform FBA
ganga hægt að mati
Kaupþings
Hreiðar Már Sigurðsson, aðstoð-
arforstjóri Kaupþings og fram-
kvæmdastjóri Scandinavian Hold-
ing, segir söluverð trúnaðarmál.
„Við fengum gott verð fyrir okkar
hlut en þessi fjárfesting hefur gefið
okkur góða ávöxtun frá því við
keyptum undir lok síðasta árs.
Áform um einkavæðingu FBA hafa
ekki gengið jafnhratt fyrir sig og við
væntum og meðal annars þess
vegna var þessi ákvörðun tekin.“
Að mati Hreiðars Más væri hins
vegar skynsamlegast að sameina
Kaupþing og FBA. „Samlegðaráhrif
af rekstri Kaupþings og FBA eru
umtalsverð og sú skoðun okkar hef-
ur ekki breyst þrátt fyrir þessa sölu,
enda teljum við að það yrði mikill
styrkur fyrir íslenskt hagkerfi að
sameina krafta þessara tveggja
framsæknu banka,“ segir Hreiðar
Már. „Engin ákvörðun hefur veríð
tekin um að fjárfesta aftur í FBA en
ef Kaupþing fengi gott tilboð kæmi
það til greina."
Að sögn Hreiðars Más mun
Scandinavian Holding verða rekið
áfram sem eignarhaldsfélag spari-
sjóðanna en engar ákvarðanir hafa
verið teknar um fjárfestingar í kjöl-
far viðskiptanna. Hreiðar Már segir
Kaupþing í Lúxemborg hafa haft
milligöngu um 300 milljóna króna
fjárfestingu Orca en ekki kemur
fram hver seljandi þess hlutafjár er.
Fjármálaeftirlitið bíður
upplýsinga um Orca
„Okkur er kunnugt um að þessi
viðskipti hafa átt sér stað en við höf-
um ekki upplýsingar um það ennþá
hverjir eigendur Orca eru. Það er
okkar mat að við eigum að fá þær
upplýsingar en svo ber okkur að
gæta trúnaðar um þær,“ segir Páll
G. Pálsson, forstjóri Fjármálaeftir-
litsins. Samkvæmt lögum um lána-
stofnanir, aðrar en viðskiptabanka
og sparisjóði, og með vísan til laga
um viðskiptabanka og sparisjóði ber
eigendum sem hyggjast eignast
virkan eignarhlut í lánastofnun að
tilkynna um það til Fjármálaeftir-
litsins. „Ástæða þess er að Fjár-
málaeftirlitinu er ætlað að meta
hvort eigendur séu hæfir til að eiga
stóran hlut í þeim fyrirtækjum sem
Fjármálaeftirlitið hefur eftirlit með,
auk þess sem það er að öðru leyti
nauðsynlegt í eftirlitinu að búa yfir
þessari vitneskju," segir Páll.
Lýsir trausti á bankanum
Að sögn Þorsteins Ólafssonar,
stjórnarformanns FBA, hafði stjórn
bankans ekki borist tilkynning um
það í gær hvaða fjárfestar stæðu að
Orca S.A.
„Það eina sem hægt er að segja
um málið er að það lýsir miklu
trausti á bankanum að það sé
áhugasamur hópur fjárfesta sem
hefur áhuga á því að taka yfir hlut
sparisjóðanna. Það eru út af fyrir
sig góð tíðindi," sagði Þorsteinn.
Hann sagðist ekki telja að kaup
Orca S.A. á bréfum í FBÁ gætu haft
áhrif á einkavæðingu bankans og í
því sambandi skipti ekki máli hvaða
fjárfestar stæðu að Orca S.A.
„Frekar ætti þetta að styðja
einkavæðinguna enn frekar og að
því verki verði lokið sem hafið var í
fyrra með góðum árangri. Verðmæti
bankans fyrir ríkið hefur aukist
verulega, eða rúmlega tvöfaldast á
tæpu einu ári, þannig að þetta er
einungis traustsyfirlýsing og sýnir
það að menn hafa mikla trú á þess-
um banka,“ sagði Þorsteinn.
Finnur Ingólfsson, iðnaðar- og
viðskiptaráðherra, sem ásamt sjáv-
arútvegsráðherra fer með 51% hlut
ríkisins í FBA, sagði í samtali við
Morgunblaðið í gær að sér væri ekki
kunnugt um hverjir stæðu að kaup-
unum á hlutabréfunum í FBA og
eigendaskiptin hefðu ekki áhrif á
fyrirhugaða sölu á hlut ríkisins í
bankanum. Hann sagði að gert væri
ráð fyrir því að hluturinn yrði seldur
á þessu ári og fjárlög gerðu ráð fyrir
sölutekjum af bankanum á árinu.
Hins vegar hefði ekki verið ákveðið
hvaða leið yrði farin við söluna.
„Við höfum lýst tvennu yfir. Ann-
ars vegar að við ætlum að selja allan
bankann og við höfum sagt að við
ætlum að gera það á þessu ári. Svo
er hitt að í útboðslýsingunni við söl-
una síðast stendur að við munum
selja síðai-i hlutann með svipuðum
hætti og fyrri hlutann," sagði hann.
Stálsmiðjan hf. og Slippstöðin hf. sameinast
Verður stærsta málmiðn-
aðarfyrirtæki landsins
ÁKVEÐIÐ hefur verið að sameina
Stálsmiðjuna í Reykjavik og Slipp-
stöðina á Akureyri frá 31. ágúst
NY
SPARPERA
SEM KVEIKIR
OG SLEKKUR
OSRAM
SÖLUSTAÐIR UM
ALLT LAND
næstkomandi og var samkomulag
þess efnis undirritað af stjómarfor-
mönnum félaganna í gær. Nýtt
sameinað félag mun verða stærsta
málmiðnaðarfyrirtæki landsins,
með um 280 starfsmenn, en ákvörð-
un um sameiningu er tekin með
fyrirvara um samþykki hluthafa-
funda félaganna sem boðaðir verða
á næstunni.
Hluthafar í Stálsmiðjunni hf.
munu eignast 54% hlut í hinu nýja
félagi og hluthafar í Slippstöðinni
46% hlut. Áður en til sameiningar
kemur mun Slippfélagið í Reykja-
vík hf., sem er stærsti hluthafinn í
Stálsmiðjunni, kaupa 30% hlut í
Slippstöðinni á Akureyri og verður
Slippfélagið þar með stærsti hlut-
hafínn í nýju sameinuðu félagi, með
samtals 31% hlut. Aðrir í hópi
stærstu hluthafa hins nýja félags
eru Málning hf., Marel hf. og
Burðarás hf. með tæplega 10% hlut
hvert félag og Olíuverslun íslands
hf. með um 5,7% hlut.
Sameining til sóknar
Á fréttamannafundi sem haidinn
var í gær í tilefni af sameiningunni
kom fram að markmiðið sé að
skapa öflugt málmiðnaðarfyrirtæki
sem sé í stakk búið að sækja fram á
sviði stóriðju og skipaþjónustu og
reiðubúið að standast samkeppni
við erlenda keppinauta. Einnig kom
fram að sameining fari fram í kjöl-
far víðtækrar endurskipulagningar
í báðum félögum. „Ekki eru nema
þrjú til fjögur ár síðan bæði þessi
félög voru endurreist eftir erfið
rekstrarár en í dag standa þessi
fyrirtæki bæði mjög vel og hafa
bæði verið rekin með hagnaði und-
anfarin ár,“ sagði Hjörleifur Jak-
obsson, stjórnarformaður Slipp-
stöðvarinnar, á fundinum. „Þetta er
þvi sameining til sóknar en ekki til
komin vegna þess að félögin hafi
verið neydd til að sameinast. Við
teljum að góðir möguleikar séu fyr-
ir fyrirtæki af þeirri stærðargráðu
sem til verður við sameiningu fé-
laganna og að það muni verða leið-
andi fyrirtæki í málmiðnaði á Is-
landi.“
Að sögn Valgeirs Hallvarðssonar,
stjómarformanns Stálsmiðjunnar,
hafa viðræður milli stjómenda fé-
laganna staðið yfir um nokkurra
mánuða skeið. „Eftir að könnunar-
viðræður höfðu farið fram leituðum
við til FBA um að gera ítarlegar út-
tektir á báðum fyrirtækjum og nið-
urstöður þeirra leiddu í ljós að sam-
eining var mjög álitlegur kostur.
Við sjáum fyrir okkur veruleg sam-
legðaráhrif í kjölfar sameiningar, að
unnt verði að nýta fjármuni betur
og þannig stuðla að aukinni arðsemi
hlutafjár og auknu atvinnuöryggi
fyrir starfsmenn," sagði Valgeir í
samtali við Morgunblaðið í gær.
Hið nýja fyrirtæki mun hafa
starfsemi bæði í Reykjavík og á
Akureyri og segir Valgeir að sam-
tenging tölvukerfa félaganna á
Akureyri og í Reykjavík muni
verða til þess að hægt verði að sam-
ræma starfsemi hins nýja félags á
þessum stöðum. Hann segir að-
spurður að sameiningin muni ekki
hafa áhrif á starfsemi Skipasmiðj-
unnar hf., sem Slippstöðin og Stál-
smiðjan eiga sameiginlega um 80%
hlut í. Skipasmiðjan var sérstak-
Morgunblaðið/Golli
VALGEIR Hallvarðsson, stjórnarformaður Stálsmiðjunnar, og Hjör-
Ieifur Jakobsson, stjórnarformaður Slippstöðvarinnar, handsala sam-
komulagið um borð í nýrri Hríseyjarferju sem er í smíðum hjá
Stálsmiðjunni. Milli þeirra stendur Svanbjörn Thoroddsen hjá FBA.
lega stofnuð í tengslum við smíði á
skipi fyrir Landhelgisgæsluna en
framkvæmdir hafa ekki getað haf-
ist sökum þess að Eftirlitsstofnun
EFTA (ESA) hefur haft málið til
skoðunar.
Markaðsvirði um 700
mílljónir króna
Fjárfestingarbanki atvinnulífsins
hefur haft umsjón með samruna fé-
laganna og annast ráðgjöf í því
sambandi. „Okkar vinna fólst fyrst
og fremst í því að benda á ýmsa
kosti samruna og hugsanlegan
ávinning sem samruni hefði í för
með sér,“ segir Svanbjöm
Thoroddsen hjá FBA. „Ljóst er að
fjölmargir möguleikar eru á að
hagræða í rekstri og munu stjóm-
endur félaganna fara yfir þá á
næstunni. Þessir möguleikar varða
bæði hina eiginlegu starfsemi íyrir-
tækjanna en ekki síður sameiginleg
sóknarfæri sem blasa við þegar
gengið hefur verið frá sameiningu."
Hann segir að miðað við núverandi
gengi hlutabréfa í Stálsmiðjunni
ætti markaðsvirði hins nýja félags
að vera u.þ.b. 700 milljónir króna
en líklegt sé að í kjölfar sameining-
ar muni markaðsvirðið hækka.
FBA mun eiga um 2,3% hlut í hinu
nýja félagi.
Sameiningin á sér stað undii'
kennitölu Stálsmiðjunnar og mun
hið sameiginlega félag verða skráð
á Vaxtarlista Verðbréfaþings ís-
lands, eins og Stálsmiðjan hingað
til. Hið nýja félag verður eitt
stærsta iðnfyrirtækið á hlutabréfa-
markaði hérlendis en samanlögð
velta fyrirtækjanna á síðasta ári
var um 1.600 milljónir króna og
samanlagður hagnaður um 43 millj-
ónir. Á fundinum kom fram að
markaðshlutdeild hins nýja fyrir-
tækis í skipaþjónustu hér á landi,
þ.e. viðhaldi og nýsmíði, sé um 50%
miðað við núverandi stöðu.
Nafn hins nýja félags hefur enn
ekki verið ákveðið en stjórnendur
fyrirtækjanna hafa ákveðið að efna
til hugmyndasamkeppni meðal
starfsmanna um nafn og eru verð-
laun í boði fyrir bestu tillöguna.