Morgunblaðið - 25.08.1999, Page 52

53 MIÐVIKUDAGUR 25. ÁGÚST 1999
MÖRGUNBLAÐIÐ
Dýraglens
Grettir
Ferdinand
Smáfólk
Ég hitti áðan litlu rauðhærðu - Hún er svaka sæt.. - Sagði hún hvað?
stelpuna niðri á leikvelli.. - Sagði hún eitthvað um mig? - Ég þoli þetta ekki...
við áttum ánægjulegar
samræður..
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Hægt að sækja tölvu-
póst hvar sem er
Svar við bréfí Harðar Torfasonar
- „Kjaftstopp“
Frá Guðbjörgu Gunnarsdóttur:
í MORGUNBLAÐINU, miðviku-
daginn 4. ágúst sl., er bréf til blaðs-
ins frá Herði Torfasyni undir fyrir-
sögninni „Kjaftstopp". Þar segir
hann frá viðskiptum sínum við
Landssímann vegna notkunar á
tölvupósti erlendis. Allt gekk vel í
fyrstu en síðan segist Hörður hafa
hætt að fá póst og fundist ein-
kennilegt. Hann komst síðan að því
að reynt hafði verið að senda hon-
um póst sem skilaði sér ekki. Hann
segist þá hafa skipt um netfang en
það hafi ekki heldur gengið. Hörð-
ur hafði þá samband við Landssím-
ann þar sem hann fékk þau svör að
þar sem „ég sé staddur í útlöndum
megi ég senda rafpóst í gegnum
fyrirtæki þeirra en ekki sækja
hann þangað. Það sé regla hjá
þeim“. í framhaldi af þessu telur
Hörður að ef hann hefði ekki rætt
við Landssímann áður en hann fór
út hefði hann aldrei lent í þessum
vandræðum, þá hefði enginn vitað
að hann væri erlendis. Honum hafi
verið neitað um aðgang að póstin-
um vegna þess að hann var í út-
löndum. Hann spyr hvemig standi
á þessum reglum.
Það er leitt til þess að vita ef
Hörður hefur fengið rangar upp-
lýsingar hjá starfsmanni Lands-
símans en sennilegra er að um mis-
skilning hafi verið að ræða. Regla
sú sem Hörður segir starfsmann
hafa nefnt er þveröfug við þá sem
gildir. Þegar notandi er staddur er-
lendis getur hann sótt tölvupóst til
póstmiðlara Símans Internet
hvernig sem hann tengist Internet-
inu. Hins vegar er eingöngu hægt
að senda tölvupóst með því að
tengjast Símanum Intemet beint
með hringingu. Þetta er almenn
regla hjá internetveitendum og var
sett til að koma í veg fyrir að menn
gætu siglt undir fölsku flaggi og
sent notendum raslpóst. Hjá sum-
um veitendum, eins og t.d. Skímu,
er hægt að fá viðbótarþjónustu til
þess að senda tölvupóst þegar
dvalið er í útlöndum. Þá getur not-
andinn hringt í símanúmer á því
svæði sem hann er staddur á og
fengið tengingu en þarf ekki að
hringja utanlandssímtal. Jafnframt
er tryggt að einungis réttir aðilar
fái aðgang að þjónustunni líkt og
þegar hringt er beint. Landssíminn
stefnir á að geta boðið slíka þjón-
ustu núna í haust.
Vandræðin sem Hörður lenti í
hafa ekki með það að gera að
Landsíminn hafi vitað um dvöl
hans eriendis og að öllu jöfnu hefði
hann átt að geta náð í póstinn sinn
eins og í upphafí dvalarinnar.
Vandamálið er tæknilegs eðlis og
munu tæknimenn Símans Internet
vinna að lausn á því til að koma í
veg fyrir að slíkt hendi aftur.
GUÐBJÖRG GUNNARSDÓTTIR,
upplýsinga- og kynningarmálum
Landssímans.
Réttdræpur?
Frá Bryndísi Jónsdóttur:
HUNDUR bítur barn í Kópavogi,
foreldrarnir heimta að dýrið verði
aflífað skv. frétt í DV. Enn einu
sinni kemur í ljós þetta óskiljan-
lega hundahatur í Islendingum.
Mér varð hugsað þegar ég las í
dagblaði í vor að stóðhestur hefði
ráðist á stúlku í Mosfellsbænum:
Ef þetta hefði verið hundur þá
væri einhver búinn að hrópa drep-
um hann. En, nei, hestar mega ráð-
ast á fólk en hundar eiga að vera
óskeikulir hvað sem yfir þá dynur.
Það kom einu sinni íýrir að hundur
beit barn sem þekkti hundinn vel
og hafði oft leikið við hann. Enginn
skildi neitt í neinu en hundurinn
var aflífaður. Við kmfningu kom í
ljós að blýantur stóð á kafi í eyra
hundsins. Veslings dýrið var bara
að verja sig. Ég er svo sannarlega
ekki að mæla því bót þegar hundar
bíta að tilefnislausu en ég held að
við mættum stundum skoða málin
aðeins betur. Ég þekki þetta mál í
Kópavoginum ekki nógu vel til að
dæma um það en getur verið að
ræfils hundurinn hafi bara verið að
passa garðinn sinn? Það hlýtur jú
að vera lágmarkskrafa hundeig-
andans að fá að vera í friði með
hundinn sinn inni á sinni eigin lóð!
Foreldrar, lítið ykkur nær,
kennið börnunum ykkar að um-
gangast hunda af þeirri virðingu
sem þeir eiga skilið. Börnin ykkar
hafa ekki rétt á því að vaða í ann-
ama manna hunda, hamast í þeim,
ögra þeim og jafnvel ógna þar til
þeirra eina útgönguleið er að bíta
frá sér. Hafið í huga að yfirgangur
barnsins ykkar gagnvart hundin-
um í næsta húsi eða næstu götu
getur valdið því að heil fjölskylda
þarf að syrgja ferfætta vininn sinn.
Hundur er ekki leikfang, hann er
lifandi dýr. Það er ekki hægt að
ætlast til þess að hann þoli hvað
sem er. Alveg eins og fólk segir við
börnin sín, labbaðu ekki fyrir aftan
hestinn, hann gæti sparkað, þá á
fólk að kenna börnunum sínum að
nálgast ekki ókunnuga hunda
nema spyrja eigandann leyfis,
því... hann gæti bitið.
BRYNDÍS JÓNSDÓTTIR,
Arnartanga 15, Mosfellsbæ.
Allt efni sem birtist í Morgunblaðinu og Lesbók er varðveitt i upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
I Ávaxtaði |
[56
Avaxtaði peningana mína 3500% - Auðveldlega!
-1-
)