Morgunblaðið - 24.09.1999, Blaðsíða 16

16 FÖSTUDAGUR 24. SEPTEMBER 1999
MORGUNBLAÐIÐ
AKUREYRI
Skriðjöklar
og Húfan í
Sjallanum
HLJÓMSVEITIN Skriðjöklar og
dægurlagapönkhljómsveitin Húfan
leika á stórdansleik í Sjallanum á
Akureyri laugardagskvöldið 25.
september. Báðar hljómsveitirnar
eiga rætur að rekja til Akureyrar
og verður vafalítið glatt á hjalla á
heimavígstöðvunum.
Skriðjöklar eru í hópi þekktustu
hljómsveita landsins en sveitin lék
síðast í heimabæ sínum um verslun-
armannahelgina fyrir troðfullu húsi
og stóð gleðin fram undir morgun.
Dægurlagapönkhljómsveitin Húf-
an er skipuð þeim Rögnvaldi gáfaða
og Hreini Laufdal. Hljómsveitin
hefur vakið mikla athygli um land
allt fyrir frumlega tónlist og sviðs-
framkomu, auk þess sem gjafmildi
sveitarinnar er annáluð en hún leys-
ir jafnan hlustendur sína út með
gjöfum af ýmsu tagi.
Hafnarfram-
kvæmdir í Hrís-
ey ganga vel
ÞESSA dagana er unnið að fram-
kvæmdum við hafnargarðinn í
Hrísey. Verið er að lengja garð-
inn um sjötíu metra og að sögn
Péturs Bolla Jóhannessonar,
sveitarstjóra í Hrísey, mun þetta
bæta innsiglinguna í höfnina og
auka öryggi sjófarenda til muna.
Verkinu skal lokið 30. september
og sagðist Pétur Bolli ekki vita
annað en að það myndi standast
enda hefðu framkvæmdirnar
gengið vel.
Það er verktakinn Eyjólfur Þór
Jónsson sem sér uin framkvæmd
þessa verks. „Allt grjót er tekið
úr gamalli grjótnámu hér í eynni.
Við lögðum stuttan vegarspotta
hér meðfram strandlengjunni svo
að bílarnir þyrftu ekki að keyra
gijótinu í gegnum bæinn,“ sagði
Pétur Bolli. Hann sagði að verkið
gengi ljómandi vel og taldi það
næsta öruggt að því yrði lokið um
mánaðamót.
Halló Akureyri enn til umræðu í félagsmálaráði
Gróðasjónarmið ekki
sett ofar velferð barna
FELAGSMALARAÐ hefur fjallað
nokkuð um hátíðina Halló Akureyri,
sem haldin var um vérslunarmanna-
helgina. Mikill fjöldi gesta á ýmsum
aldri sótti Akureyri heim þessa
helgi og var ástand fjölmargra ung-
menna ekki alltaf upp á það besta,
auk þess sem mikill fjöldi fíkniefna-
mála kom upp í tengslum við hátíð-
ina.
Fjölskyldudeild Akureyrarbæjar
tók saman greinargerð eftir Halló
Akureyri-hátíðina í sumai-. Þar
kemur fram að ráðgjafadeild bæjar-
ins hafi staðið fyrir barnaverndar-
vakt um verslunarmannahelgina
þriðja árið í röð. Þetta árið skar sig
verulega úr miðað við fyrri ár að því
Morgunblaðið/Kristján
leyti að verkefni barnaverndarvakt-
arinnar voru miklu fleiri og alvar-
legri. Nú komu starfsmenn að 26
málum vegna 28 barna og snéru þau
flest að fíkniefnamálum. Einnig að
áfengismálum, nauðgunum, óspekt-
um og sjálfsmorðstilraun.
Félagsmálaráð samþykkti bókun
á fundi sínum nýlega vegna greinar-
gerðar fjölskyldudeildar, þar sem
kemur m.a. fram að áðumefnd tilvik
séu sum hver mjög alvarlegs eðlis
og stefni augljóslega lífi og heilsu
bama og unglinga í hættu.
„Félagsmálaráð Akureyrarbæjar
lítur þessa þróun mjög alvarlegum
augum og telur það sameiginlega
skyldu foreldra og bæjaryfirvalda
að gera allt sem í þeirra valdi stend-
ur til að koma í veg fyrir áhættu-
hegðun bama og unglinga. Félags-
málaráð telur vímuefnaneyslu
bama og unglinga með öllu óásætt-
anlega og hvetur til þess að skamm-
vinn gróðasjónarmið séu ekki sett
ofar velferð barna og unglinga,“
segir ennfremur í bókun félags-
málaráðs.
Viðhorf foreldra
umhugsunarefni
I greinargerð fjölskyldudeildai'
kemur jafnframt fram að áberandi
hafi verið hversu margt ungt fólk
hafi verið í bænum og hversu
drukkið það var. Einnig virtist vera
mikið um fíkniefnaneyslu og viðhorf
unglinganna sem tekin voru með
eða undir áhrifum fíkniefna voru á
þann veg að draga megi þá ályktun
að fíkniefnaneysla sé töluvert al-
menn meðal unglinga.
„Viðhorf foreldra eru einnig um-
hugsunarefni þar sem foreldrum
fannst í nokkrum tilvikum það ekki
tiltökumál þó að 16 ára bam þeirra
væri með mikið magn af áfengi und-
ir höndum og höfðu jafnvel lagt
blessun sína yfir það. Spyrja má
hvort við erum að gleyma þeim
(fiVMDUSTflSHÖLIHH
6 AKUREVRI
ny námskeið hefjast 27. september
Skráning í síma 462 4958

Blaðbera
vantar í eftirtalin hverfi:
Giljahverfi
Borgarsíða — Bakkasíða
Munkaþverárstræti — Helgamagrastræti
Blaðburður verður að hefjast um leið og blaðið kemur
í bæinn.
Góður göngutúr sem borgar sig.
I Morgunblaðið
| Kaupvangsstræti 1, Akureyri, sími 461 1600
Morgunblaðið leggur áherslu á að faera lesendum sinum vandaðar og áreiðanlegar fréttir og
upplýsingar. Morgunblaðið er eina dagblaðið á íslandi sem er í upplagseftirliti og eru seld að
meðaltali rúmlega 54.000 eintök á dag. Höfuðstöðvar Morgunblaðsins eru í Kringlunni 1 í Reykjavík
þar sem eru yfir 300 starfsmenn. Á Akureyri er starfrækt skrifstofa í Kaupvangsstræti 1.
Morgunblaðið kom fyrst út 2. nóvember 1913.
Árvakur hf. er útgefandi Morgunblaðsins.
IMHSl
Morgunblaðið/Knstján
Það er orðið haustlegt um að litast í Vaglaskógi í Fnjóskadal en þang-
að komu margir gestir í sumar.
Vaglaskógur vel
sóttur í sumar
VAGLASKÓGUR í Fnjóskadal
var vel sóttur í sumar en gisti-
nætur á tjaldsvæðunum í skógin-
um urðu liðlega 12.000 talsins.
Þetta er svipaður fjöldi gistin-
átta og árið 1997 en í fyrra voru
gistinæturnar aðeins um 5.000.
Meðalíjöldi gistinátta siðustu
ár er um 10.000 gistinætur en
árið 1990 voru gistinæturnar lið-
lega 15.000. Sigurður Skúlason,
skógarvörður Skógræktar ríkis-
ins á Vöglum, sagði að veðrið
réðu mestu um aðsókn í skóginn
en gestir væru nú á ferðinni á
styttri tíma yfir sumarið en áð-
ur. „Flestir tjaldgestir eru nú á
ferðinni frá síðustu viku júní-
mánaðar og fram í fyrstu viku
ágúst en skógurinn var opnaður
um miðjan júní.“
Sigurður áætlaði að
30-40.000 manns hefðu komið í
heimsókn í Vaglaskóg í sumar
en að margir gestir stoppuðu
þar aðeins dagpart. Hann sagði
að stór hluti af starfsemi Skóg-
ræktarinnar tengdist þessum
mikla ferðamannastraumi. Það
hafí hins vegar ekki verið við-
urkennt af ríkinu miðað við
þær fjárveitingar sem fást
vegna þessa.
„Við erum alltaf að reyna að
gera fleiri skóga aðgengilega
fólki. Fjöldi fólks fer bæði í
berja- og sveppatínslu í skóga
við Vaglir og Þelamörk í Glæsi-
bæjarhreppi en þar er að vaxa
upp mikill skógur, bæði villtur
og gróðursettur," sagði Sigurð-
ur.
vanda sem áfengisneysla ungmenna
er í ákafanum við að uppræta fíkni-
efnaneyslu. Rétt er að rifja upp í því
samhengi að áfengisneysla er í nán-
ast öllum tilvikum undanfari fíkni-
efnaneyslu,“ segir í greinargerð
fjölskyldudeildar.
Önnur viðhorf
um verslunarmannahelgi
I lok greinargerðarinnar kemur.
fram, að sem innlegg í umræðu um
Halló Akureyri megi einnig velta
því fyrir sér hvort þau noi-m og við-
mið sem íbúar Akureyrar hafa alla
jafna t.d. varðandi áfengisneyslu á
götum úti séu allt önnur um þessa
einu helgi ársins. Það sé sláandi um
verslunarmannahelgi að sjá um há-
þjartan dag unglinga veltandi um
dauðadrukkna og ekki sé góður
kostur fyrir fólk með yngri börn að
horfa upp á slíkt.
Minjasafnið
á Akureyri
Góð að-
sókn
í sumar
AÐSÓKN að sýningum Minja-
safnsins á Akureyri var góð í
sumar, mun betri en undanfar-
in ár. Safnið var opnað að nýju
19. júní síðastliðinn eftir hátt í
tveggja ára lokun vegna við-
gerða á húsnæði og uppsetn-
ingar á nýjum sýningum.
Opnaðar voru í sumarbyrjun
tvær nýjar sýningar á safninu,
báðar hannaðai- af Þórunni S.
Þorgrímsdóttur. Annars vegar
Eyjafjörður frá öndverðu, sýn-
ing sem rekur sögu Eyjafjarð-
ar frá landnámi og fram yfir
siðaskipti og er þetta eina sýn-
ing byggðasafns á Islandi sem
fjallar um miðaldir. Hins vegar
er sýningin Gersemar, fornir
kirkjugripir úr Eyjafirði í
vörslu Þjóðminjasafns íslands.
Þóra Kristjánsdóttir listfræð-
ingur á Þjóðminjasafninu valdi
gripi á sýninguna, en hún
stendur yfir til áramóta og var
sett upp í tilefni af 1000 ára
kristnitökuafmæli.
Þátttaka í viðburðum sum-
arsins var einnig mjög góð, en
Minjasafnið stóð m.a. fyrir
gönguferðum um Akureyri,
fyrirlestrum, starfsdegi í Lauf-
ási, tók þátt í íslenska safna-
deginum og hélt upp á afmæli
Minjasafnsgarðsins auk þess
sem efnt var tii vel heppnaðrar
sýningar á beinagrind forn-
mannsins sem fannst við
Hraukbæ síðari hluta ágúst-
mánaðar. Þá voru haidnar
söngvökur í Minjasafnskirkj-
unni, 15 alls og var aðsókn góð.
Skólabörn skoða safnið
Vetrarstarf Minjasafnsins á
Akureyri er nú að hefjast, en
safnið verður opið á sunnudög-
um frá kl. 14 til 16 í vetur. Mót-
taka skólabarna er nú komin í
fullan gang aftur eftir tveggja
ára hlé. I vetur verður efnt til
ritgerðarsamkeppni meðal
nemenda í 6. bekk grunnskóla í
Eyjafirði í tilefni kristnitökuaf-
mælisins. Þá er vinna hafin við
undirbúning vegna opnunar
nýrrar sýningar um sögu
Akureyrar. Sýningin mun
fjalla um tímabilið frá kaup-
staðamyndun á Akureyri fram
til okkar daga.