Morgunblaðið - 08.01.2000, Qupperneq 2

2 LAU GARDAGUR 8. JANÚAR 2000
MORGUNBLAÐIÐ
FRÉTTIR
Köstuðu
sprengju
inn í sal þar
sem börn
voru að leik
HEIMATILBÚINNI sprengju var
kastað inn í íþróttahús Kársnesskóla
í fyrradag. Að sögn lögreglunnar í
Kópavogi voru nemendur í skólanum
þarna að verki og höfðu þeir gert
sprengju úr áramótaskoteldum.
Börn voru í íþróttasalnum þegar
sprengjunni var kastað þar inn og
þykir mesta mildi að enginn skyldi
hafa slasast, en skemmdir urðu á
gólfefni í salnum.
Hugrún Gunnarsdóttir, skóla-
stjóri Kársnesskóla, sagði í samtali
við Morgunblaðið að enn væri ekki
vitað hverjir hefðu staðið fyrir
verknaðinum, en um leið og það
kæmi í ljós yrði talað við viðkomandi
og þeim komið í skilning um alvar-
leika málsins. Þá vildi hún einnig
beina því til foreldra að fylgjast sér-
staklega með því hvað bömin þeirra
væru með í höndunum.
Að sögn lögreglunnar hefur nokk-
uð mikið verið um það að ungmenni
séu að leika sér með heimatilbúnar
sprengjur og flugelda á óvarfærinn
hátt og í gær var t.d. komið fyrir
sprengju í baðhúsi við malarvöllinn á
lóð Þinghólsskóla. Salerni eyðilögð-
ust við sprenginguna en engan sak-
aði enda er búningsaðstaðan ekki
notuð á veturna. Að sögn lögreglu er
málið í rannsókn, en vitað er að ung-
menni voru að verki.
------f-4-*------
Notkun far-
síma vex hrað-
ast á Islandi
NOTKUN farsíma óx hraðast á
íslandi á síðasta ári miðað við önn-
ur lönd í Evrópu og eru nú áskrif-
endur að GSM- og NMT farsíma-
kerfunum orðnir um 168.000 eða
60,9% þjóðarinnar. Fyrir ári var
hlutfallið tæp 39%. A íslandi er
hlutfallið næsthæst í Evrópu, en
Finnland hefur vinninginn með um
65% af þjóðinni sem skráða
farsímanotendur, en þar dró nokk-
uð úr fjölguninni á síðasta ári. ís-
lendingar eru komnir fram úr
Norðmönnum, sem nú eru með
60,1% þjóðarinnar skráða farsíma-
notendur, en fyrir ári var hlutfallið
þar 49,1%. Á eftir þeim koma Svíar
með 56,1% í dag.
Að sögn Olafs Stephensen,
blaðafulltrúa Landssímans, varð
mikil aukning í nýjum áskrifendum
að GSM-kerfi Landssímans í des-
ember sl. Þá bættust 5.900 áskrif-
endur við, en áður höfðu mest
5.200 áskrifendur bæst við á einum
mánuði. Þar með eru áskrifendur
að GSM-kerfi Landssímans orðnir
um 105.000.
Þórólfur Árnason, forstjóri Tals,
segir að 4.000 nýir notendur hafí
bæst við hjá Tali í desember. I árs-
byrjun 1999 voru áskrifendur þar
10.700 en voru orðnir 36.000 í lok
ársins.
Morgunblaðið/Rax
Ríkisendurskoðun gagnrýnir stjdrn-
arráðið vegna umhverfísmála
Framkvæmd um-
hverfísstefnu misjöfn
og víða slöpp
FRAMKVÆMD umhverfisstefnu er
mjög misjöfn og víða slöpp í skrif-
stofuhaldi stjórnarráðsins, að mati
Ríkisendurskoðunar í nýútkominni
skýrslu þar sem farið er ofan í saum-
ana á framkvæmd umhverfisstefnu í
ríkisrekstri sem umhverfisráðuneyt-
ið gaf út 1997.
„Einungis 4 af 12 ráðuneytum hafa
skjalfest eitthvað um stefnu sína og
fyrirætlanir í umhverfismálum,“ seg-
ir í skýrslunni. Þar kemur einnig
fram að misjafnt sé hversu mikinn
áhuga stjórnendur í ráðuneytunum
sýna umhverfísstefnu og fram-
kvæmd hennar.
.Almargir virðast ekki setja þessi
mál á oddinn og jafnvel að örli á tor-
tryggni að þau séu fyrirhafnarinnar
virði. Undantekningarlaust hefur
best tekist til með framkvæmd um-
hverfisstefnunnar í þeim ráðuneyt-
um þar sem stjómendur hafa tekið
málið upp á sína arma og sýnt því
áhuga,“ segir í skýrslu Ríkisendur-
skoðunar.
Aðeins prentað öðrum
megin á pappír
Ríkisendurskoðun bendir einnig á
að leiðbeiningum, sem fram koma í
umhverfisstefnu um innkaup, sé slæ-
lega fylgt í ráðuneytunum. Stofnunin
telur að alls staðar sé hægt að ganga
lengra í flokkun úrgangs. Hvergi sé
t.d. lífrænn úrgangur aðgreindur frá
öðrum úrgangi og bent er á að að-
gerðir ráðuneytanna til að hámarka
nýtingu og draga úr sóun séu mis-
munandi.
„Víða hefur skrifstofupappír verið
notaður þannig að aðeins er prentað
öðrum megin á hann. Pappímum er
síðan fleygt, í raun hálfnotuðum.
Eðlilegur hluti af umhverfisstefnu í
skrifstofuhaldi er að stefna á fulla
notkun þess pappírs sem keyptur er
inn,“ segir í skýrslunni.
Verkefninu hrundið af stað
án skýrrar áætlunar
„Það sem helst er aðfinnsluvert við
UR (umhverfisstefnu í ríkisrekstri,
innsk. Mbl.) og framkvæmd hennar
er að verkefninu virðist hafa verið
hmndið af stað án þess að um væri að
ræða skýra áætlun um hvernig skyldi
fylgja því eftir. UR var dreift á ráð-
uneytisstjórafundi og að líkindum lit-
ið svo á að málið væri eftir það í hönd-
um einstakra ráðuneyta. Enginn
virðist hafa borið ábyrgð á að fylgja
UR í heild sinni eftir í ríkiskerfinu,"
segir í niðurstöðukafla skýrslunnar.
Gengið frá hesthúsinu
HÚN var köld gangan hjá Þórði
Valdimarssyni í Borgarnesi í gær,
þegar hann var að koma úr hest-
húsinu. Þangað gengur hann á
hverjum degi, en hittir þó stundum
einhveija kunningja sem taka hann
upp í. Tíðin hefur verið rysjótt und-
anfarið en umhleypingarnir þykja
Þórði þó verstir. Hann segist nú
bara vera með þrjá hesta eins og er,
en hann hefur haldið hesta í mörg
ár.
Ráðstöfunarfé lífeyrissjóða jókst um
15,8% átímabilinu janúar-október 1999
Hrein eign óx
um 64,5 milljarða
HREIN eign lífeyrissjóða, til
greiðslu lífeyris, nam 471,8 milljarði
króna í lok október sl. Hrein eign
sjóðanna jókst um 64,5 milljarða á
fyrstu tíu mánuðum seinasta árs eða
um 15,8%. Tölur fyrir síðustu tvo
mánuði ársins liggja ekki fyrir en
hafi hrein eign sjóðanna haldið áfram
að vaxa með sama hraða til loka nýl-
iðins árs má áætla að þeir fjármunir
sem lífeyrissjóðirnir eiga til að
standa við skuldbindingar sínar
gagnvart sjóðsfélögum hafi numið
490-500 milljörðum kr. um seinustu
áramót.
Sé litið á breytingar á hreinni eign
sjóðanna milli mánaða kemur í Ijós
að hún hækkaði um rúmlega 9,5
milljarða á milli mánaðanna septem-
ber og október á síðasta ári eða um
liðlega 2%.
Fjárfestingar lífeyrissjóða í hluta-
bréfum og hlutabréfasjóðum hafa
farið vaxandi á undanförnum misser-
um og jukust fjárfestingar í erlend-
um hlutabréfum um 81% á fyrstu tíu
mánuðum ársins miðað við sama
tímabil í fyrra.
Hrein eign lífeyrissjóða nam 407
milljörðum kr. í árslok 1998 og hafði
þá vaxið að raungildi um 14% frá ár-
inu þar á undan. Á árinu 1998 jókst
hrein eign sjóðanna um 54,3 millj-
arða kr. skv. skýrslu Fjármálaeftir-
litsins um ársreikninga og ýmsar
kennitölur úr starfsemi lífeyrissjóða
á árinu 1998.
Lífeyrissjóðir landsins áttu 49,4
milljarða í hlutabréfum í lok árs
1998, að frátalinni eign í hlutabréfa-
sjóðum, sem nam um 13,2 milljörðum
kr. Áttu sjóðirnir 28,4 milljarða í inn-
lendum hlutabréfum og 21 milljarð í
erlendum hlutabréfum. Alls áttu
sjóðirnir 26 milljarða í hlutabréfum
skráðum á Verðbréfaþingi, 20,6
milljarða í öðrum skráðum hluta-
bréfum og 2,7 milljarða í óskráðum
hlutabréfum í lok ársins 1998, skv.
skýrslu Fjármálaeftirlitsins.
m
Á LAUGARDÖGUM
Fylgstu
með
nýjustu
fréttum
www.mbl.is
____________i