Morgunblaðið - 15.02.2000, Blaðsíða 20
20 ÞRIÐJUDAGUR 15. FEBRÚAR 2000
MORGUNBLAÐIÐ
AKUREYRI
Börn á leikskólanum Arholti búa til siyóhús. Bflstjórar lentu meðal annars í ógöngum í Glaesibæjarhreppi.
Morgunblaðið/Kristján
Reimar kjagar um og kannar snjódýpt á Eiðsvelli - að vísu bara óformlega - en það getur verið nógu tafsamt að fikra sig um völlinn í þessu ástandi.
Vetur konungur við völd
GRIÐARLEGUM snjó hefur kyngt niður í Eyja-
firði siðustu daga og er nú vetrarlegt um að lit-
ast, en það er reyndar langt í frá óeðlilegt á þess-
um árstíma. Nokkur erill var hjá lögreglu þegar
hvað mest gekk á, en þó varð aldrei verulegt
óveður á Akureyri.
Þæfingsfærð var um bæinn part úr laugar-
degi, en vel gekk að hreinsa helstu götur. Eitt-
hvað var um að fólk þyrfti aðstoð við að draga
bfla sína upp úr sköflum og rakst Ijósmyndari á
ökumenn í ógöngum í Glæsibæjarhreppi norðan
Akureyrar. Börnin létu snjóinn ekki raska ró
sinni og krakkarnir á Árholti tóku því fagnandi
að fara út og búa til snjóhús í skaflana sem höfðu
myndast á lóð leikskólans. Yið Eiðsvöllinn rakst
Ijósmyndari svo á hann Reimar þar sem hann
klofaðist yfir völlinn og kannaði í leiðinni snjó-
dýptina, sem er orðin þónokkur.
Starfsemi
gæsluvalla
lögð niður
í haust
SKÓLANEFND Akureyrar leggur
til að frá og með 1. september næst-
komandi verði starfsemi gæsluvalla í
bænum lögð niður í núverandi mynd.
Nefndin fjallaði um gæsluvelli á
fundi sínum núverið og kom fram í
samantekt sem lögð var fram að á
tímabilinu frá 1978 til 1999 hefur
nýting vallanna minnkað mjög mikið
og er nú svo komið að fjárhagslegur
grundvöllur þykir varla vera fyrir
rekstri nema í mesta lagi tveggja.
Einnig liggur fyrir að þegar nýr Iða-
völlur er tilbúinn mun eftirspurn eft-
ir leikskólaplássi fyrir börn á aldrin-
um tveggja til fimm ára fullnægt, en
það er einmitt sami aldur og starf-
semi gæsluvallanna byggist á.
Þó svo að skólanefnd leggi til að
starfsemi vallanna verði lögð niður í
núverandi mynd er áhersla lögð á að
gæsluvöllunum verði áfram haldið
við og leggur skólanefnd til að um-
hverfisdeild bæjarins fái það hlut-
verk ásamt fjárveitingum fyrir
næsta ár. Það þykir mikilvægt svo
dagmæður og fleiri geti nýtt sér vell-
ina áfram samhliða því að hugsan-
lega væri hægt að bjóða væntanleg-
um hverfasamtökum á Akureyri
afnot af völlunum ef þau vildu halda
þar úti starfsemi við gæslu barna.
Þrír hreppar norðan Akureyrar í eina sæng?
Kosið verður um
sameiningu í júní
HREPPSNEFNDIR sveitarfélag-
anna þriggja norðan Akureyrar,
Glæsibæjarhrepps, Skriðuhrepps og
Öxnadalshrepps hafa ákveðið að kos-
ið verði um sameiningu þeirra í júní í
sumar. Gangi sameingin eftir er mið-
að við að ný sveitarstjóm sameinaðs
sveitarfélags verði kosin í september í
haust og að sameiningin taki form-
lega gildi um næstu áramót.
Oddur Gunnarsson, oddviti Glæsi-
bæjarhrepps, sagði að ekki væri enn
búið að ákveða hvaða dagsetning í
júní verður fyrir valinu. Komi til for-
setakosninga í þeim mánuði, er hug-
myndin að sameiningarkosningin
færi fram samhliða forsetakosning-
um. Oddur sagði að kynningarfundir
vegna íyrirhugaðra kosninga færu
fram í lok næsta mánaðar.
Fulltrúar sveitarfélaganna þriggja
útiloka ekki að fleiri hreppar komi að
hugsanlegri sameiningu og er þar
helst horft til Amameshrepps en
hann átti áheymarfulltrúa á fundum
viðræðunefndar sveitarfélaganna
þriggja. Oddur sagði að þó að kjör-
skrá yrði að liggja fyrir sex vikum
fyrir kosningar.
Akureyrarbær hefur haft forgöngu
um viðræður sveitarfélaga í Eyjafirði
um enn stærri sameingu og taka þátt
í þeim íúlltrúar allra annarra sveitar-
félaga í firðinum en áðumefndra
þriggja hreppa. Ásgeir Magnússon,
formaður bæjarráðs, sagði í Morgun-
blaðinu sl. laugardag að sameining
þessara þriggja hreppa hefði í raun
engan tilgang.
Sameining fækkar einingum
Oddur sagði að sameiningin hrepp-
anna þriggja hefði þó þann tilgang að
hún fækkaði einingunum og ekki væri
nú verra ef Amameshreppur kæmi
einnig þar að. „Sameiningin hefur líka
þann tilgang að það verður þá við
færri að semja næst, ef farið verður í
stærri sameiningu."
Asgeir gagnrýndi úthlutun úr jöf-
unarsjóði og sagði að miðað við núver-
andi fyrirkomulag kæmi minna af
peningum inn á þetta svæði ef af
stórri sameiningu yrði en áður. Þessu
er öfugt farið með sameiningu sveit-
arfélaganna þriggja norðan Akureyr-
ar, því miðað við núverandi reglur
jöfnunarsjóðs myndi sameinað sveit-
arfélag með um 400 íbúa fá um 7 mil-
ljóna króna hærri greiðslu eftir sam-
einingu en þau fá samtals í dag. Og ef
Amameshreppur væri með yrði
aukningin tæpar 12 milljónir króna.
„Það er mín skoðun að það sé of
snemmt að fara í stóra sameiningu,
það er t.d. ekki búið að bora göngin til
Siglufjarðar og eins er of stutt frá því
að sveitarfélögin í Dalvíkurbyggð
sameinuðust," sagði Oddur. Hann
taldi að ekki kæmi til þess að ræða um
eitt sveitarfélag í Eyjafirði fyrr en á
næsta kjörtímabili eða því þar næsta.
Morgunblaðið/Kristján
Á myndinni er Anna Gréta í verslun sinni.
Fold-Anna flytur
VERSLUNIN Fold-Anna hefur
flutt starfsemi sína að Hafnarstræti
85, þar sem áður var anddyri Hót-
els Stefaníu og Fosshótels KEA.
Áður var verslunin á Gleráreyrum.
„Hún hefur verið þar svo lengi
sem elstu menn muna,“ sagði Anna
Gréta Baldursdóttir sem á og rekur
verslunina. „Það má segja að þetta
sé ný verslun en á eldgömlum
grunni.“ Verslunin er opin frá kl. 13
til 18 alla virka daga og þar má
finna ullarvörur af öllu mögulegu
tagi. Garn er selt í versluninni sem
og fullbúnar flíkur, hand- og vélp-
rjónaðar og eiginlega allt þar á
milli. Að sumarlagi eru einnig til
sölu í versluninni vömr sem tengj-
ast ferðamönnum, s.s. póstkort og
bolir.