Morgunblaðið - 15.02.2000, Blaðsíða 32
32 ÞRIÐJUDAGUR 15. FEBRÚAR 2000
MORGUNBLAÐIÐ
ERLENT
Louis Bardollet, nýr sendiherra Frakklands á Islandi
Einungis jákvæðar hliðar
á samskiptum ríkjanna
Louis Bardollet ásamt eiginkonu sinni Michéle i boði sem haldið var til
að fagna komu nýs sendiherra Frakklands.
Louis Bardollet er nýr
sendiherra Frakklands
á Islandi. Steingrímur
Sigurgeirsson komst að
því að þetta er annar
sendiherra Frakklands
á Islandi, sem fæddur er
í smábænum Cirey í
Búrgundarhéraði.
NÝR sendiherra Frakklands, Louis
Bardollet, afhenti trúnaðarbéf sitt á
Bessastöðum í síðustu viku. Bardoll-
et er 58 ára gamall og hefur starfað í
frönsku utanríkisþjónustunni frá ár-
inu 1968. Áður hafði hann lokið námi
í austurlenskum tungumálum, með
áherslu á kínversku og kóresku.
Hann hefur starfað í Austurlönd-
um fjær stóran hluta ferilsins, m.a. í
Taflandi, Hong Kong, Laos, Kambó-
díu og Suður-Kóreu. Nú síðast
gegndi hann embætti sendiherra í
Brunei.
Aðspurður hvort það séu ekki
mikil umskipti að taka við stöðu á
íslandi segir Bardollet að svo sé
vissulega, en ekki megi gleyma því
að hann hafi einnig verið aðalræðis-
maður Frakklands í Edmonton í
Kanada um fjögurra ára skeið. Þar
hafí hann kynnst hinum kanadíska
vetri sem sé mun harkalegri en sá
íslenski. Hann hafi ferðast víða um
Kanada starfs síns vegna og m.a.
nær alla leið upp að Norðurpólnum í
eitt skipti. Einnig hafi hann kynnst
skammdegi og björtum sumarnótt-
um í Kanada. „Þegar mér bauðst
sendiherraembættið hugsaði ég um
leið til reynslunnar í Kanada. En
vissulega eru þetta nokkur um-
skipti, jafnt á heimsálfu sem lofts-
lagi. Hitabeltisloftslag er hins vegar
þreytandi til lengdar. Hér er lofts-
lagið vissulega kaldara en jafnframt
meira örvandi."
Bardollet segir einnig að í þeim
ríkjum sem hann hefur starfað í til
þessa hafa mál á borð við Evrópum-
ál verið flestum fjarlæg. Hér sé því
hins vegar öfugt farið. Menningar-
lega séð séu Asíuþjóðirnar einnig
mjög frábrugðnar hinum evrópsku.
íslendingar og Frakkar eigi hins
vegar mjög margt sameiginlegt og
því eigi hann von á að vera „næstum
því eins og heima hjá sér“, meðan á
Islandsdvölinni stendur. „Við búum
á sama menningarsvæði þegar kem-
ur að trúmálum, menningu og tón-
list. Það hefur ekki síst vakið athygli
mína hversu góðan smekk íslend-
ingar hafa í menningarmálum. Það
mikla menningarlega framboð sem
er í boði vekur aðdáun mína. Nær
stöðugt eru í gangi myndlistarsýn-
ingar, tónleikar og óperusýningar.
Ég leik sjálfur á píanó í frístundum
og hef mikinn áhuga á menningar-
málum.“
Einstök ímynd íslands
Sendiherrann segir að orðstír ís-
lands í Frakklandi sé einstakur.
Þegar hann hafi sagt fólki frá því að
hann væri á leið til starfa í fjarlægu
landi á borð við Brunei hafi það yfir-
leitt yppt öxlum en er hann hafi
nefnt Islandi hafi tekið andköf af
hrifningu. „ísland er einstakt land í
augum okkar Frakka. Sem dæmi
má nefna að einn þekktasti sjón-
varpsmaður Frakka, Nicolas Hulot,
sem framleiðir þætti þar sem ferð-
ast er um framandi svæði um allan
heim, var nýlega í sjónvarpsviðtali í
tilefni árþúsundamótanna. Þar
sagði hann m.a. að heimurinn væri
að mestu leyti í skelfilegu ásigkomu-
lagi. Hins vegar væru enn 5-10 stað-
ir í heiminum er væru nær ósnortn-
ir. Einn þeirra staða væri Island.
„Það verður stöðugt vinsælla meðal
Frakka að nota frí sín í ævintýra-
ferðir, þar sem fólk gengur eða hjól-
ar. Líklega getur ekkert annað
Evrópuríki boðið þessum hóp upp á
jafnmikla möguleika og ísland.“
Bardollet segist aðspurður um
hverjar áherslur hans verða í starfi
að hann búist við að Evrópumálin
verði fyrirferðarmikil. Frakkland sé
að búa sig undir að taka við for-
mennsku í ráðherraráði Evrópu-
sambandsins á síðari hluta þessa
árs. Þá hafi hann hug á að leggja sitt
af mörkum til að reyna að efla við-
skipti á milli ríkjanna. Hann segir
það ánægjulegt að franskar vörur
njóti greinilega vaxandi vinsælda
meðal íslendinga og þurfi einungis
að líta á þann fjölda Renault- og
Peaugot-bifreiða, sem prýði götur
Reykjavíkur, því til sönnunar. „Ég
tel að franskir framleiðendur eigi að
láta meira til sín taka á íslenska
markaðnum. Franskur iðnaður hef-
ur upp á margt að bjóða, sem ætti að
geta nýst íslendingum. Má benda á
að Frakkland er í fjórða sæti í heim-
inum þegar kemur að útflutningi
iðnvarnings."
Einnig vonaðist hann til að geta
haldið áfram að stuðla að menning-
arlegum samskiptum ríkjanna og
mætti til dæmis velta því fyrir sér
hvort hægt yrði í samvinnu við Is-
lendinga að kynna íslenska menn-
ingu frekar í Frakklandi.
Hvað stjórnmálaleg samskipti ís-
lands og Frakklands varðar segir
Bardollet að í raun séu engin vanda-
mál til staðar. Allar hliðar hinna
tvíhliða samskipta séu jákvæðar,
jafnt hvað varðar Island og Frakk-
land sem ísland og Evrópusam-
bandið. Sagði hann Frakka fylgjast
grannt með þróun Evrópuumræð-
unnar á f slandi.
Sendiherrann frá Cirey
Bardollet er fæddur í Búrgund,
eða Bourgogne, í Mið-Frakklandi,
nánar tiltekið í þorpinu Cirey, sem
er þrjú hundruð manna þorp vestur
af Beaune. Meðal þess sem hann
muni vel eftir úr æsku sé að amma
hans hafi oft sagt honum frá „l’am-
bassadeur" eða sendiherranum.
Manni úr þorpinu, sem hafi náð
frægð og frama. Hafi hann haft
ákveðna glansmynd af þessum
manni í gegnum frásagnir ömmu
sinnar. Þegar árin liðu hóf hann
sjálfur störf hjá utanríkisþjónust-
unni frönsku og komst síðar að því
að sendiherrann sem amma hans
hafi svo oft sagt honum frá hafi ver-
ið herra Voillery, sem de Gaulle
hershöfðingi skipaði fyrsta fulltrúa
Frakklands á íslandi eftir stofnun
lýðveldisins. Voillery gegndi emb-
ætti á íslandi á árunum 1946-1959
og nú rúmum 40 árum síðar hefur
Cirey-búi á ný tekið við embætti
sendiherra Frakklands á íslandi.
Blóðug átök í Kosovska Mitrovica
Solana biður
um fleiri lög-
reglumenn
Kosovska Mitrovica, Brussel, Belgrad. AP, AFP.
FRIÐARGÆSLULIÐ Atlantshafs-
bandalagsins í Kosovo, KFOR,
lengdi á sunnudag takmarkað út-
göngubann í borginni Kosovska
Mitrovica eftir að til blóðugra átaka
kom milli franskra gæsluliða og Alb-
ana. Framvegis munu liðsmenn
KFOR hafa leyfi til að skjóta á
óbreytta borgara ef þeir sjást bera
vopn. Yfirmaður gæsluliðsins í
Kosovo, þýski hershöfðinginn Klaus
Reinhardt, hélt til borgarinnar til að
kynna sér ástand mála.
Áður var í gildi útgöngubann á
staðnum en ekki allan daginn; nú
gildir það frá sólarlagi til sólarupp-
rásar. Talsmaður KFOR sagði að 39
Albanar og einn Serbi hefðu verið
handteknir í tengslum við óeirðim-
ar, einn Albani hefði fallið og annar
væri í lífshættu.
Javier Solana, talsmaður Evrópu-
sambandsins í öryggis- og utanríkis-
málum, bað í gær ríki sem hafa sent
gæslulið og lögreglulið til Kosovo að
senda þangað 2.000 lögreglumenn í
viðbót. „Það er ekki hægt að nota
hermenn við löggæslustörf, menn
hafa ekki hemil á mótmælagöngum
með skriðdrekum í siðmenntuðu
samfélagi," sagði Solana.
Hubert Vedrine, utanríkisráð-
herra Frakklands, vísaði í gær á bug
ásökunum þess efnis að franskir
hermenn í gæsluliðinu væru hlynnt-
ir málstað Serba. Bandaríska blaðið
The Washington Post sagði í liðinni
viku að frönsku hermennimir, sem
sjá um gæsluna í norðurhluta Kos-
ovska Mitrovica, hefðu neitað að
hjálpa 12 særðum Albönum og kraf-
ist þess að þeir yrðu sendir á sjúkra-
hús sem Marokkómenn reka á svæð-
inu. Þar hafi tveir mannanna látist.
Vedrine sagði að franska herliðið
fylgdi sömu stefnu og aðrir gæslulið-
ar, markmiðið væri ekki að Kosovo
yrði eingöngu byggt Albönum. „Við
verðum því einnig að verja rétt
þeirra Serba sem hafa orðið eftir í
Kosovo," sagði ráðherrann.
Langvarandi spenna
Stanimir Vukiceivic, embættis-
maður Júgóslavíustjórnar, er annast
samskipti við KFOR, sagði yfir-
stjóm gæsluliðsins bera alla ábyrgð
á því að til blóðsúthellinga kom. Sak-
aði hann gæsluliðana um að sýna Al-
bönum „mikinn skilning" þótt Al-
banar væra að reyna að beita ofbeldi
og „þjóðarhreinsunum" til að öðlast
sjálfstæði fyrir Kosovo.
Borgin er skipt milli Albana og
Þrír hermenn úr gæsluliði Atlantshafsbandalagsins, KFOR, í borginni Kosovska Mitrovica í Kosovo, nálgast
hóp Albana sem safnast höfðu saman í miðborginni á sunnudag.
Serba og hefur ríkt þar mikil spenna
eftir að serbneski herinn hélt á brott
í kjölfar loftárása vesturveldanna í
fyrra. Frakkar sjá um gæslustarfið í
norðurhlutanum, þar sem Serbar
era í miklum meirihluta. Einnig era
í norðurhluta héraðsins hermenn frá
Ítalíu, Danmörku, Marokkó og Sam-
einuðu furstadæmunum. Upphaf
átakanna um helgina var að hand-
sprengju var varpað að húsi og
særðust fimm Albanar sem þar
vora. Húsið er í litlu hverfi Albana í
norðurhlutanum. Einn maður féll
síðan og annar særðist er albanskar
leyniskyttur skutu á franska og
breska hermenn í gæsluliðinu á
sunnudag. Frakki sem var á verði í
albanska hverfinu í norðurhluta
borgarinnar fékk skot í maga, annar
Frakki fékk skot í handlegg og
leyniskytta, 35 ára Aibani, lést
skömmu eftir að hann var fluttur á
sjúkrahúsið sem Marokkómenn
reka.Var það ítalskur gæsluliði sem
svaraði árásunum á gæsluliðana í
borgarhlutanum með því að skjóta
leyniskyttuna.
Ta/yug-fréttastofan í Belgrad
sagði að auk þess hefðu fjórir Serb-
ar særst en fréttir af átökunum era
um margt óljósar. Heimildarmenn
úr röðum Serba fullyrða að til átaka
hafi komið þegar hermenn KFOR
reyndu að stöðva hóp Albana úr suð-
urhluta Kosovska Mitrovica er þeir
vildu fara yfir brú sem liggur yfir
ána Ibar sem skiptir borginni. Aðrir
heimildarmenn segja að hand-
sprengjuárásin bendi til þess að
Serbar reyni nú að hrekja Albana í
borgarhlutanum burt.
Oft hefur komið til deilna og
slagsmála milli þjóðarbrotanna í
borginni og í byrjun febrúar var
handsprengju fleygt að rútu á veg-
um Sameinuðu þjóðanna í borginni
og særðust þá tveir aldraðir Serbar.