Morgunblaðið - 22.03.2000, Blaðsíða 20

20 MIÐVIKUDAGUR 22. MARS 2000
LANDIÐ
MORGUNBLAÐIÐ
Ahugahópur um menningarfj ölbreytni heldur þjóðahátíð í Bolungarvík
Nýbúar frá 44 þjóðum
orðnir V estfír ðingar
NÝBÚAR eru orðnir mjög áberandi í mannlífi
Vestfjarða og í fyrra var fjöldi þeirra orðinn um
7% af heildarmannfjölda á Vestfjörðum. í dag eru
liðlega 500 nýbúar frá 44 þjóðum búsettir á Vest-
fjörðum, koma þeir víðs vegar að úr heiminum,
m.a. frá Astralíu, Rússlandi, Færeyjum, Perú,
Hawaii, Bosníu, Hollandi, Grænhöfðaeyjum,
Finnlandi og Japan, en flestir nýbúanna koma frá
Póllandi. Þá eru ekki talin með börn af blönduðum
uppruna með íslenskt ríkisfang, og ekki þeir sem
koma erlendis frá og eru orðnir íslenskir ríkis-
borgarar.
Fjöldi nýbúa hefur orðið til þess að undanfarin
tvö ár hefur verið haldin þjóðahátíð Vestfirðinga,
og var hún fyrst haldin 1998 á ísafirði og í fyrra á
Flateyri. Hátíðinni hefur vaxið fiskur um hrygg og
er hún nú fyrirhuguð í Bolungarvík sunnudaginn
26. mars nk. Tilefni þessara hátíðar er alþjóðadag-
ur Sameinuðu þjóðanna 21. mars gegn kynþátta-
fordómum. A annað þúsund manns sótti hátíðina í
fyrra og er búist við ennþá meiri þátttöku í ár. Há-
tíðin verður haldin í íþróttahúsinu, sundlauginni
og grunnskólanum, en verður sundlaugin m.a.
skreytt til _að ná fram suðrænni stemmningu.
Það er Áhugahópur um menningarfjölbreytni á
Vestfjörðum sem stendur fyrir hátíðinni, en hópn-
um þykir mikilvægt að einstaklingar og hópar
nýbúa og íslendinga hittist og kynnist ólíkri
menningu þjóðanna, ásamt því sem er sameigin-
legt og sameinar þjóðir heimsins.
Magnús Hansson, einn forsvarsmanna hópsins,
segir að nýbúarnir setji skemmtilegan svip á
mannlíf Vestfjarða og að ótrúlegur mannauður
fylgi þessu fólki, sem býr í vestfirskum þorpum og
bæjum í sátt og samlyndi án kynþáttafordóma.
„Það er hreint með ólíkindum hvað þetta fólk af
ólíku þjóðerni hefur náð vel saman. Það jaðrar við
að við hin getum roðnað af því. Þetta eru svo ólíkir
menningarhópar og svo ólík menning sem fólk
flytur með sér heim og svo mikill mannauður sem í
þessu fólki býr,“ segir Magnús.
Hann býr í Bolungarvík, og þar býr fólk frá
Þýskalandi, Belgíu, írlandi, Hollandi, Bosníu, en
flestir eru frá Póllandi. Jafnframt er þar einnig
fólk frá Hawaii, Portúgal, Japan, Taílandi og
Jamaíka, og segir Magnús þetta vera ákaflega
notalegt samfélag.
Að sögn Magnúsar hefur verið óskað eftir því
sett verði á laggirnar nýbúamiðstöð og opnuð sem
allra fyrst á Vestfjörðum og segir hann að menn
vonist til að fá frekari fregnir að þeirri miðstöð frá
félagsmálaráðherra, sem boðið hefur verið ásamt
mörgum fyrirmennum þjóðarinnar á hátíðina.
„Við þurfum einhvern veginn að virkja þennan
mannauð betur heldur en gert hefur verið. Við er-
um að vonast til þess að fá frekari fréttir frá al-
þingismönnum eða þá að hæstvirtur félagsmála-
ráðherra segi okkur frekar af stöðu mála varðandi
nýbúamiðstöðina. Þetta er eitthvað sem við þurf-
um á að halda fyrir okkar fólk hérna.“
Hátíðin hefur spurst út fyrir landsteinana og
eiga Vestfirðingar von á að blaðamaður komi alla
leið frá Bangladesh til að fylgjast með hátíðinni.
Elsta kýr
í S-Þing-
eyjarsýslu
Laxamýri - Meðalaldur íslenskra
kúa hefur lækkað mjög á undan-
fornum árum með auknum kröf-
um í mjólkurframleiðslu, en þó
verða sumar kýr mun eldri en
aðrar eins og kýrin Brött nr. 122 í
Garði í Aðaldal.
Brött er 17 ára um þessar
mundir og því elsta kýr í Þingeyj-
arsýslu. Hún fæddist síðla vetrar
1983, afkvæmi nautsins Bratta
75007, hefur borið 15 sinnum,
eignast 16 kálfa og mjólkað 4.000
kg á ári að meðaltali með 4,02%
fítu og 3,45% próteini.
Að sögn eiganda hennar, Guð-
mundar Skarphéðinssonar bónda
í Garði, hefur hún verið mjög far-
sæl og hraust alla sína ævi. Al-
gengt er að kýr nái háum aldri í
Garði og margar ná 14 ára aldri
og meira.
Brött er hress, mjólkar enn
ágætlega og gekk fúslega með
húsbónda sínum út til myndatök-
unnar.
Sjúkraþjálfarar sem tóku þátt í sjúkraþjálfaranámskeiðinu
í Neskaupstað.
Sjúkraþjálfaranám-
skeið íNeskaupstað
Neskaupstað - Dagana 8.-11. mars
sl. stóð nýstofnuð Austfjarðadeild
Félags íslenskra sjúkraþjálfara fyiir
námskeiði í sogæðanuddi og bjúg-
meðferð á endurhæfíngarstöð Heil-
brigðisstofnunar Austurlands í
Neskausptað.
Þátttakendur voru tíu talsins og
komu frá Húsavík, Akureyri, Egils-
stöðum og Neskaupstað. Leiðbein-
andi var Marjolein Roodbergen
sjúkraþjálfari sem starfað hefur á
íslandi síðan árið 1987. Þetta er í
fjórða sinn sem slíkt námskeið er
haldið á íslandi og er greinilegt að
eftirspurn er mikil því fullbókað var
á námskeiðið og komust færri að en
vildu.
Morgunblaðið/Atli
Guðmundur Skarphéðinsson, bóndi að Garði í Aðaldal og kýrin Brött nr.122 sem nú er sautján ára.
blöndunartæki. Hentar sérlega
vel fyrir matvælaiðnað, læknastofur,
veitingastaði o.fl. Einnig fyrir heimili.
Geberit - Svissnesk gæði
nnsi
Smiðjuvegi 11 • 200Kopavogur
Sími: 5641088 • Fax: 5641089 • tengi.is
Hlutabréf Ungmennafélags Sandvíkurhrepps talin í eigu Árborgar
Bréfin seld fyrir
220 þúsund krónur
HLUTABRÉF í Eimskip, sem
áður voru í eigu aflagðs Ung-
mennafélags Sandvíkurhrepps,
eru að mati lögmanns talin hafa
verið í eigu sveitarfélagsins Ár-
borgar. Ungmennafélag Selfoss
hafði gert athugasemd við sölu
þeirra og fór formaður félagsins
fram á að kannað yrði réttmæti
þess að Árborg gæti selt bréfin.
Sveitarstjórn Árborgar seldi
bréfin á opnum hlutabréfamark-
aði 29. desember sl. og nam verð-
mæti bréfanna 220.625 krónum.
Ungmennafélag Sandvíkur-
hrepps var lagt niður árið 1931,
en hafði árið 1917 fest kaup á
hlutabréfum í Eimskip hf. í síð-
ustu fundargerð félagsins, sem
bókuð var 22. nóvember 1931,
kemur fram að félagið seldi hús-
eign sína, greiddi skuldir og lagði
afganginn inn á sparisjóðsbók.
Ekki var fjallað um hlutbréfin á
þeim fundi og ekki virðast vera
til skjalfestar heimildir um það
hvert bréfin fóru eða áttu að fara.
Formaður Ungmennafélags
Selfoss gerði tilkall til bréfanna
fyrir hönd félagsins, þar sem fé-
lagið starfaði á sama svæði og
Ungmennafélag Sandvíkurhrepps
og að líta mætti á Ungmennafé-
lagið Selfoss, sem stofnað var
1936, sem arftaka félagsins.
Ætíð verið litið á bréfin
sem eign hreppsins
Bæjarstjóri Árborgar fól Jóni
Ólafssyni hæstarréttarlögmanni,
í framhaldi af erindi ungmennafé-
lagsins, að fjalla um málið. Sam-
kvæmt niðurstöðu Jóns eru engin
gögn fyrir hendi sem sýna að
Ungmennafélag Selfoss sé arftaki
Ungmennafélags Sandvíkur-
hrepps. í niðurstöðu Jóns segir
Páll Lýðsson, síðasti oddviti
Sandvíkurhrepps, að ætíð hafi
verið litið á hlutabréf Eimskipa-
félagsins sem eign hreppsins eftir
að félagið lagðist af. Sandvíkur-
hreppur hefur ætíð fengið arð af
bréfunum og útgefin jöfnunar-
bréf og alla tíð fært arðinn til
tekna.
Jón kemst að þeirri niðurstöðu
að Sandvíkurhreppur hafi eignast
hlutabréfin í Éimskipafélaginu
fyrir hefð, sbr. lög nr. 46 frá 10.
nóv. 1905, og að Árborg hafi því
eignast bréfin við sameiningu
Selfossbæjar og Sandvíkurhrepps
árið 1998.