Morgunblaðið - 22.03.2000, Blaðsíða 54

j54 MIÐVIKUDAGUR 22. MARS 2000
I DAG
MORGUNBLAÐIÐ
Morgunblaðið/Arnór Ragnarsson
Fjögurra liða úrslitakeppni í Bikarkeppni Reykjaness fór fram sl. föstu-
dagskvöld. Annan leikinn spiluðu sveitir Ferðaskrifstofu íslands og
Þórðar Björnssonar. Sveit Þórðar sigraði með 37 punkta (impa) mun.
Hinn Ieikurinn var á milli sveitar Sparisjóðsins í Keflavík og Armanns J.
Lárussonar. Leikurinn endaði með eins punkts sigri Sparisjóðsins. Það
eru feðgarnir Ármann J. Lárusson og Sverrir Ármannsson sem takast á
við Gísla Torfason og Jóhannes Sigurðsson í sveit Sparisjóðsins. Talið
frá vinstri: Gísli, Sverrir, Jóhannes og Ármann.
BRIDS
IJ m s j ó n A r n « r G.
II a g n a r s s o n
Bridsfélag Húsavíkur
Aðaltvímenningur Bridsfélags
Húsavíkur, sem er haldinn í boði
Vátryggingafélags íslands, hófst
mánudaginn 13. mars sl. með þátt-
töku 15 para. Spilaðar eru 15 um-
ferðir með barómeterútreikningi. Að
loknum 3 umferðum er staða efstu
para sem hér segir:
Gunnar-Hermann 45
Sveinn-Eiður 20
^Óli-Pétur 17
njörgvin-Sigurður 9
Guðjón - Guðni 7
Bridsfélag Kópavogs
Þriggja kvölda Butler-tvímenningur
hófst hjá Bridsfélagi Kópavogs sl. fimmtu-
dag. Staðan eftir 6 umferðir er þessi:
Þórður Bjömsson - Guðlaugur Sveinsson 45
Guðm. Sigurjónsson - Jón St. Kristinsson 39
Sigurjón Tryggvason - Ámi Már Bjömss. 19
MuratSerder-RagnarJónsson 18
Freyja Sveinsdóttir - Sigríður Möller 18
Keppninni verður haldið áfram næsta
fimmtudag.
Félag eldri borgara
í Hafnarflrði
Úrslit í tvímenningskeppni Bridsklúbbs
Félags eldri borgara í Hafnarfirði 17. mars
urðu sem hér segir:
Ólafur Ingimundars,- Jón Pálmason 127
Guðni Ólafsson - Þorvarður Guðnasonl25
Sófus Bertelsen - Árni Guðmundsson 119
Guðm. Á. Guðmss. - Sigurlín Ágústsd.100
Bridsfélagið Muninn,
Sandgerði
Miðvikudaginn 15. mars hófst Lands-
JK
banka-tvímenningur hjá félaginu með mjög
góðri þátttöku og er spilaður Michell í tveim-
ur riðlum og er staða efstu para þessi:
NS
1-2 Ingimar Sumarliðass. - Trausti Þórðars.
236
1-2 Víðir Jónsson - Karl Einarsson 236
Sigurður Daviðss. - Þorvaldur Finnsson 233
AV
Karl G. Karlss. - Gunnlaugur Snævarss. 265
Guðjón S. Jensen - Vignir Sigursveinss. 250
Valdimar Sveinss. - Eðvarð Hallgrímss. 232
Heildarstaða um verðlaun í Landsbanka-
mótinu eftir eitt kvöld af þremur er þessi:
Karl Karlss. - Gunnlaugur Snævarss. 265
Guðjón Jensen - Vignir Sigursveinss. 250
Ingimar Sumarliðas. - Trausi Þórðars.236
VíðirJónsson-KarlEinarsson 236
Bridsdeild FEBK
í Gullsmára
Tvímenningur var spilaður á 10 borðum
mánudaginn 20. marz sl. Miðlungur var 168.
Efst vóru:
NS
Eysteinn Einarss. - Þórður Jörundss.246
Kristinn Guðmundss. - Guðm. Pálss...191
Unnur Jónsdóttir - Jónas Jónss......176
AV
Þórhallur Árnas. - Þormóður Stefánss. 93
Sigurpáll Ámas. - Sigurður Gunnl.187
Kristján Guðm. - Sigurður Jóhanns. ...183
Bridsfélag Hreyfíls
Sigurður Steingrimsson og Óskar Sig-
urðsson sigruðu örugglega í Butler-tvímenn-
ingnum sem lauk sl. mánudagsköld.
Lokastaða mótsins varð þessi:
Sigurður - Óskar 158
Daníel Halldórss. - Ragnar Björnsson 120
Kristinn Ingvason - Guðm. Friðbjömss. 109
Jón Egilsson - Ingvar Hilmarss. 108
Erlendur Björgvinss. - Friðbj. Guðmss. 105
Flosi Ólafss. - Sigurður Ólafss. 90
Næsta mánudagskvöld hefst þriggja
kvölda vortvímenningur. Spilað er í Hreyf-
ilshúsinu við Grensásveg.
rSushí borðbúnaður
Bakkar kr. 1.500. Diskar frá kr. 525
Hnífar frá kr. 2.900.
Japansprjónar kr. 395 paríð.
PIPAR OG SALT
KJapparstíg 44 ® Sími 562 3614 j
VELVAKAMDI
Svarað í síma 569 1100 frá 10-12 og 13-15
frá mánudegi til föstudags
Hálendið
LANDNÁMA segir frá því
þegar fyrsti maðurinn kom
á Kjöl svo vitað sé. Eiríkur
landnámsmaður í Goðdöl-
um sendi þræl sinn Rönguð
í landaleit suður um fjöll.
Hann kom suður til
Blöndukvísla og fór upp
með á þeirri er fellur fyrir
vestan Hvinverjadal og
vestur á hraunið milli
Reykjavaliar og Kjalar og
kom þar á manns spor og
skildi að þau lágu sunnan
að.
Hann hlóð þá vörðu þá er
nú heitir Rangaðar varða.
Þaðan fór hann aftur og gaf
Eiríkur honum frelsi fyrir
ferð sína og þaðan tókust
ferðir um fjallið milli Sunn-
lendingafjórðungs og
Norðlendinga.
Eiríkur í Goðdölum lét
vera að gera það sem hon-
um var í lófa lagið sam-
kvæmt þá gildandi lögum
að slá eign sinni á Kjöl þ.e.
að nema iandsvæðið frá
Seyðisá og Blöndukvíslum
suður milli jökla að Hvítá
og Jökulfalli. Aðrir land-
námsmenn fóru að hans
dæmi. Síðan hefur Kjöiur
verið almenningur (þjóð-
lenda) þ.e. aldrei verið
nokkurs manns einkaeign
eða jarða.
Síðar þegar hagar í
byggð rýrnuðu var farið að
nýta gróðurlendi Kjalar
fyrir búfjárbeit sem eðli-
legt var. Þegar leið á miða-
ldir hafði nokkrum kirkju-
jörðum tekist að eigna sér
þar beitarland og töldu þær
það sinn afrétt.
Árið 1851 seldu fjórar
kirkjur í Biskupstungum,
Skálholts-, Bræðratungu-,
Haukadals- og Torfastaða-
kirkja Biskupstungna-
hreppi það em þær eignuðu
sér á Kili þ.e. beitarréttinn
á syðri hluta hans. Nyrðri
hlutann eignaði sér Auð-
kúlustaðakirkja en þá jörð
keypti Hólabiskup 1511
ásamt fleiri jörðum þar í
sveit og var gengið ríkt eft-
ir því að bændur í þeim
sveitum rækju á fjall hvort
sem þeim likaði það að gera
eða ekki svo hægt væri að
innheimta hjá þeim beitar-
toll sbr. dóm þar um frá
1758. Árið 1853 var haldinn
fundur í Tjarnardölum á
Kili til þess að ákveða fyrir^
komulag haustleita þar. í
fundargerð kom fram að
fundarmenn gera sér fulla
grein fyrir því að ekki er
um að ræða eignarland í
venjulegum skilningi held-
ur afrétt (beitarland). tilv.
samkv. (afrit). „Vjer Árnes-
ingar framlögðum enn-
fremur heimildarskjal okk-
ar fyrir afrjetti þeim, er
vjer eignum sveit okkar
Biskupstungnahreppi fyrir
norðan vötn, n.l. kaupbrjef
fyrir þessum afrjetti dag-
sett 25. april 1851 en af því
að ekkert er tiltekið í kaup-
brjefi þessu um takmörk
landsins, heldur einungis
tilnefnd afrjett fyrir norðan
vötn þótti okkur húnvetn-
ingum tvísýnt eða engin
vissa fyrir hvað langt hvað
afrjettur þessi nær norður
eftir, því þótt árnesingum
þyki sjálfsagt að hann hljóti
að ná norður á fjórðunga-
mót og það i sjálfusér ei
virðist ósanngjarnt, höfum
vjer samt enga vissu fyrir,
hvar fjórðungamótin eru.“
„Sunnanmenn hváðust ei
betur vita en aðgjört hefði
verið um takmörk afrjettar
svæðanna í bréfum þeim,
sem fyrir nokkrum árum
síðan hefðu gengið millum
suður og norður amtsins
áhrærandi þetta málefni,
en mundu nú ekki gjörla
hvar takmörkin hefðu verið
tiltekin.“
Það er því hrein mistúlk-
un að halda því fram að
Kjölur hafi verið eignar-
land fyrirgreindra kirkju-
jarða. Það kemur og skýrt
fram í Jarðabók Árna
Magnússsonar og Páls
Vídalín að Kjölur er ekki
þeirra eign.
Islenska þjóðin sem nú
fleytir rjómann af þraut-
seigju og dugnaði forfeðra
og mæðra til sjós og lands
og erfði frá þeim fuliveldi
landsins og sjálfstæði á
ekki að líða neinum að
hrifsa þjóðareignir.
Hafsteinn Hjaltason
Tapað/fundid
GSM-sími týndist
SVARTUR Bosch GSM-
sími týndist miðvikudaginn
15. mars sl. á leiðinni frá
Ármúlaskóla vestur á
Hringbraut, sennilega í
strætisvagni. Finnandi er
vinsamlegast beðinn að
hafa samband í síma 483-
4359 eða í síma 696-2688.
Karlmannsfrakki
tekinn í misgripum
SVARTUR karlmanns-
frakki var tekin í misgiip-
um úr fatahenginu á
Broadway á árshátíð Kaup-
áss, laugardaginn 18. mars
sl. Ef einhver gæti gefið
upplýsingar um afdrif
frakkans er sá hinn sami
beðinn að hafa samband við
Jóhönnu í síma 564-4249
eða 869-2491.
Taska sem týndist
og fannst
LAUGARDAGINN 11.
mars sl. týndist taska i mið-
bæ Reykjavíkur. Taskan
fannst síðan á LA Cafe
ásamt húslyklum. Peninga-
veskið fannst síðan á Vita-
stíg, en ennþá vantar gler-
augu, myndavél og „fíló-
fax“. Ef einhver hefur orðið
var við þessa hluti, er hann
beðinn að hafa samband við
Inger í síma 552-7376 eða
553-3890.
Gyllt kvenúr
týndist
GYLLT kvenúr af gerðinni
Alfex, týndist annaðhvort í
Borgartúni eða Furugrund
i Kópavogi fóstudaginn 17.
mars sl. Urið er eigandan-
um afar kært. Upplýsingar
í síma 554-6674.
Við Grettisgötu.
Morgunblaðið/Kristinn
Víkverji skrifar...
KJÖR manna eru afar mismun-
andi í hinum ýmsu lþndum
eins og við þekkjum og við Islend-
ingar leiðum kannski ekki hugann
að því nema örsjaldan hversu gott
við höfum það. Við teljum okkur sí-
fellt þurfa að kvarta og kveina yfir
hinu og þessu, veðrinu, ef ekki vill
betur en ef við skoðum grannt þá
er ekki yfír neinu að kvarta.
Það er að segja allur almenning-
ur. Víst eru til ákveðnir þjóðfélags-
hópar hjá okkur sem hafa það skítt
og full ástæða til að huga að bætt-
um kjörum þeirra. Um það deila
líka landsfeður og forkólfar sam-
taka þeirra sem minnst mega sín.
En Víkverji vekur athygli á þessu,
sem hann hefur reyndar gert áður,
til að menn beini kannski sjónum
sínum ofurlítið lengra en í eigin
barm. Hugi að þeim mörgu sem
búa við erfið kjör úti í heimi hvort
sem er af manna völdum eða nátt-
úru. Þeim sem búa við uppskeru-
brest, stríðsátök, náttúruhamfarir
eða mannréttindabrot og annað
sem sett hefur allt úr skorðum eða
orðið til þess að menn fá ekki að
vera menn, börn fá ekki að vera
börn og svo framvegis.
Héðan hafa farið heldur litlar
upphæðir til að að bæta kjör fólks í
þriðja heiminum eða þróunarlönd-
um. Þó hefur það verið að aukast
og menn hjálpa nú á þann hátt að
allur vandinn er skoðaður, fólki
hjálpað til að byggja upp atvinnu-
veg, koma börnum í skóla til að þau
nái að brjótast til betri lífskjara og
þar fram eftir götunum. Þessi
framlög hjálpa þar sem þau eru
veitt. Þess vegna skipta framlög
héðan máli og þess vegna skiptir
hver þúsundkall eða jafnvel hundr-
aðkall máli líka. Þessir peningar
koma einhverjum til hjálpar svo
um munar. Þess vegna eiga íslend-
ingar áfram að leggja fram skerf
sinn til þróunarmála.
xxx
FYRIR nokkru tilkynnti ís-
landsflug að hætti yrði að
fljúga áætlunarflug frá Reykjavík
á nokkra staði þar sem samkeppni
hefur ríkt við Flugfélag Islands.
Eftir nærri þriggja ára baráttu
varð Ijóst að nokkrar innanlands-
leiðirnar bera ekki samkeppnina.
Ekki milli flugfélaga en flugfélögin
eru hins vegar í mikilli samkeppni
við einkabílinn sem ekki mun fara
minnkandi. Aftur er því horfíð í
sama far og nú flýgur þetta fyrir-
tæki á ákveðnum leiðum og hitt
fyrirtækið á öðrum leiðum og allir
hljóta að vera ánægðir.
Er svosem nokkuð annað til
ráða? Viljum við að íleiri spreyti
sig? Hér var reynt af fullum vilja
og dugnaði að fara í samkeppni og
íslandsflug bauð sambærilegar
flugvélar og sambærilega þjónustu
og Flugfélag íslands en ekki gekk
rófan. Spurning er hvort við unum
við þessa tilraun eða viljum að önn-
ur tilraun sé gerð og þá með minni
vélum og ódýrari og kannski ann-
ars konar þjónustu. Er þetta með
öðrum orðum fullreynt? Væri fróð-
legt að sjá umfjöllun um hvort ein-
hver litlu félaganna sem stunda
margs konar flugrekstur gætu
komið hér til skjalanna. Eða er
flugfloti þeirra kannski ekki boð-
legur í slíkt?
Flugið verður áfram bráðnauð-
synlegur hluti af samgöngum okk-
ar hér innanlands. Bæði til far-
þegaflutninga og vegna annarrar
þjónustu svo sem smávöru og
pósts. Þó hefur póstur reyndar
verið tekinn af fluginu á allmörgum
leiðum. En í sambandi við þetta er
ástæða til að huga að áætlunum
rútubíla. Þær eiga víða undir högg
að sækja, m.a. á Austurlandi þar
sem æ færri nýta sér slíka þjón-
ustu. Hún er hins vegar jafnnauð-
synleg áfram þeim sem ekki eiga
bíl eða þurfa að grípa til þessarar
samgönguleiðar af og til. Verður
fróðlegt að heyra og sjá hvað fram
kemur á væntanlegri ráðstefnu um
þessar tegundir almenningssam-
gangna sem samgönguráðherra
hefur boðað til á næstunni.