Morgunblaðið - 27.04.2000, Blaðsíða 18

18 FIMMTUDAGUR 27. APRÍL 2000
LANDIÐ
MORGU NBLAÐIÐ
Brennuvargar voru á ferð í skógarlendinu í Skorradal
Morgunblaðið/Davíð Pétursson
Aratuga skógræktarstarf
fuðraði upp á fáum mínútum
Grund-Um kl. 16 á mánudag sáu húsráðendur á
Indriðastöðum að rauður fólksbíll stoppaði í Ind-
riðastaðaflóanum, út stigu tveir menn og skömmu
síðar steig upp mikill reykur við vegarkantinn.
Mennimir hröðuðu sér upp í bílinn aftur, og óku í
miklum flýti austur með Skorradalsvatni og suður
Geldingadraga.
Um kl. 17:40 hringir sumarbústaðareigandi í
Fitjahlíð og lætur vita af því, að hann sjái stíga
reykjarmökk upp úr skóglendinu í Bakkakoti.
Strax var haft samband við slökkviliðsstjóra
Slökkviliðs Borgarfjarðardala, Pétur Jónsson á
Hvanneyri, sem kallaði út slökkvilið sitt, fór á stað-
inn, og var slökkvistarf hafið um kl. 18:30 en lauk
ekki fyrr en um 22:30. Þama eyðilagðist gróður
meira eða minna á um 4-5 ha. svæði. Brennuvarg-
amir höfðu kveikt eld beggja vegna vegarins sem
þama er, svo hann hindraði ekki útbreiðslu eldsins.
Landið sem þarna brann var sérlega erfitt til
skógræktar. Jarðvegur lítill og rýr. Því var gripið
til þess ráðs að gróðursetja fyrst birki og síðan,
þegar það náði sér á strik, voru gróðursettar lerki-
og fumplöntur. Birkið er nú 3-4 m. á hæð, og
stærstu fum- og lerkiplönturnar komnar í 4-5 m.
Það var grátlegt að horfa á þær fuðra upp, allt í
efstu toppa. Þarna var meira en 30 ára gróðrar-
starf eyðilagt á fáum mínutum.
Morgunblaðið/Gunnlaugur Ámason
Þessi hópur hafði nýlokið við að borða þriggja rétta máltíð og beið
spenntur eftir að hljómsveitin Geirfuglamir færu á flug.
Kuldaleg
sumarkoma
Neskaupstað - ÞAÐ var fátt sem
minnti á sumarið á sumardaginn
fyrsta í Neskaupstað. Norðaustan
hriðarhraglandi og frost var og
ekki beint ákjósanlegt úti-
vistarveður. Sundlaugargestir
létu það ekki aftra sér og brugðu
sér í sund og heitu pottana og
eins og sjá má á myndinni hefur
þurft að moka snjóinn frá heitu
pottunum til að hægt væri að
komast í þá og sundlaugargestir
sitja í þeim umluktir snjósköflum.
Morgunblaðið/Ágúst Blöndal
Kristbjörg Kristinsdóttir með
Hvatningaverðlaun Atvinnu-
þróunarfélags Austurlands.
Hlaut
hvatning-
arverðlaun
Neskaupstað - A aðalfundi
Atvinnuþróunarfélags Aust-
urlands sem haldin var í Nes-
kaupstað laugardaginn 15.
apríl sl. voru veitt hvatning-
arverðlaun félagsins í fyrsta
skipti. Verðlaunin hlaut
Kristbjörg Kristinsdóttir
stofnandi og eigandi K.K.
matvæla á Reyðarfirði. Verð-
launin hlaut Kristbjörg fyrir
góða og örugga uppbyggingu
fyrirtækisins á undanförnum
árum.
K.K. matvæli hófu fram-
leiðslu árið 1987 og var fram-
leiðslan þá aðallega kinda-
kæfa, fiskibollur og salöt.
Starfsmenn voru þá aðeins
tveir og afurðirnar aðallega
seldar hér austanlands. Nú
eru starfsmenn níu og starf-
semin komin í eigið húsnæði
og vöruflokkarnir sem fram-
leiddir eru hjá fyrirtækinu
orðnir á milli 40 og 50 talsins
og eru í verslunum víða um
land.
Styrkur, félagsskapur foreldra, bauð unglingunum í Stykkishólmi til
veislu á hótelinu. Þar mættu þau prúðbúin og þótti ljúft að láta stjana
við sig þessa kvöldstund.
Styrkur sinnir
unglingum í
Stykkishólmi
Stykkishólmi - Styrkur er fé-
lagsskapur kvenna sem eiga börn í
Grunnskólanum í Stykkishólmi.
Markmið hópsins er að vinna með
unglingum í Stykkishólmi með fyr-
irlestrum, fræðslu og skemmtun.
Þetta er annað starfsár Styrks.
Verkefnin hafa verið fjölbreytt í
vetur.
Jóhann Ingi Gunnarsson flutti
erindi og talaði við nemendur um
mannleg samskipti og um hvað er
að vera félagi. Hann lagði þar
áherslu á jákvæðan aga og mann-
leg samskipti. Hugrún Birgisdóttir
talaði um umhirðu hárs. Þá kom
Guðjón Bergmann og ræddi um
skaðsemi reykinga. Jósep Blöndal
var með kynningu á tónlist og
Kjartan Páll Einarsson var með
fræðslu um fjármál. Gaui litli kom í
heimsókn og ræddi um mataræði
og hreyfingu og lagði áherslu á að
mikilvægt væri strax í upphafi að
leggja áherslu á hvort tveggja og
árangurinn kæmi í ljós seinna á
lífsleiðinni með betri heilsu og vel-
líðan. Styrkur stóð fyrir sýningu á
leikritinu Rósu frænku, sem fjallaði
um ábyrgt kynlíf og kynsjúkdóma.
Vetrarstarfi Styrks lauk svo á
föstudagskvöldið í samvinnu við fé-
lagsmiðstöðina, þar sem öllum
nemendum í 7 - 10 bekk ásamt
nemendum framhaldsdeildar var
boðið út að borða á Fosshótelinu og
dansleik á eftir. Boðið var upp á
þríréttaða máltíð og hljómsveitina
Geirfuglarnir. Krakkarnir mættu
prúðbúnir til samkonunnar og
sýndu í verki að þeir kunnu að
meta það sem fyrir þá er gert.
Morgunblaðið/Ágúst Blöndal
Æskulýðsdagur
í Ölfushöllinni
Hveragerði - Hestamannafélagið
Ljúfur, Hveragerði, Sleipnir á Sel-
fossi og Háfeti í Þorlákshöfn stóðu
sameiginlega fyrir æskulýðsdegi í
Ölfushöllinni síðastliðinn sunnudag.
Fjöldi fólks fylgdist með ungu
kynslóðinni leysa hinar ýmsu þraut-
ir á hestbaki, en um 60 börn á aldr-
inum 6-12 ára tóku þátt í dag-
skránni. Var greinilegt að bæði
hinir ungu knapar sem og áhorf-
endur skemmtu sér hið besta enda
aðstaðan í Ölfushöllinni eins og best
verður á kosið.
Slökkviliðið kallað
út vegna sinubruna
Tálknafirði - Slökkvilið Tálkna-
ljarðar var kallað út síðdegis á
páskadag vegna sinubruna á Svein-
seyrarhlíð. Heitavatnslögn úr plasti,
sem liggur frá borholum í landi
Litla-Laugardals inn í sundlaugina
á Tálknafirði, skemmdist nokkuð í
eldinum og á einum stað kom gat á
hana. Einhverjir tugir metra af ein-
angrun utan um leiðsluna urðu eld-
inum að bráð og eyðilögðust.
Það tók slökkviliðið og aðstoðar-
fólk um þijár klukkustundir að ráða
niðurlögum eldanna, sem logðuðu á
þremur stöðum. Talsverðar
skemmdir urðu á gróðri, einkum
mosa. Enginn trágróður var á svæð-
unum sem eldurinn fór yfir. Grunur
leikur á að um íkveikju hafi verið að
ræða.