Morgunblaðið - 22.06.2000, Side 54

54 FIMMTUDAGUR 22. JÚNÍ 2000
MORGUNBLAÐIÐ
UMRÆÐAN
30 ára afmælisflughátíð
Flugmódelfélagsins Þyts
í TILEFNI 30 ára afmælis Flug-
módelfélagsins Þyts mun félagið í
samstarfi við Flugmálafélag íslands
standa fyrir fiughátíð á Hamranes-
flugvelli í Kapelluhrauni nk. sunnu-
dag kl.11:00 til 16:00. Þar er félagið
með tveggja brauta malbikaðan
flugvöll og flugstöð. Til að komast
þangað er beygt af Keflavíkurvegi
hjá íþróttasvæði Hauka, ekið fram-
Ifcjá spennustöðinni á Hamranesi og
síðan beygt til vinstri. Þarna verður
í gangi tveggja tíma síendurtekin
dagskrá með módelvélflugi, módel-
svifflugi, módelþyrluflugi, flugi risa-
módela og flugi mótórsvifdreka og
flugvéla í fullri stærð. Mikill fjöldi
flugmódela verður til sýnis á staðn-
um og þar seldar veitingar. Selt er
inn á svæðið og kostar kr. 500 fyrir
fullorðna, en frítt er fyrir 12 ára og
yngri. Dregið er úr seldum
aðgöngumiðum á klukkutíma fresti
og fá þeir heppnu stutta kennslu
með reyndum módelflugmanni.
Flugmódelfélagið Þytur var
stofnað á árinu 1970 og er 30 ára á
þessu ári. Félagið hefur í gegnum
^in verið öflugur bakhjarl þeirra
sem hafa viljað smíða og fljúga fjar-
stýrðum flugmódelum og vettvang-
ur fyrir fræðslu, félagsstarf og
þjálfun á þessu sviði. Einar Páll
Einarsson var formaður Þyts fyrstu
átta árin, en faðir hans,
Einar Pálsson, smíðaði
fyrsta fjarstýribúnað-
inn sem flogið var með
hér á landi. Módelið
sem flogið var með
þessari fyrstu fjarstýr-
ingu var sviffluga sem
hönnuð var og flogið af
Pétri Filipussyni.
Þytur hélt 30 ára af-
mælisfagnað 7. mars
sl. og þar voru fjórir
félagar gerðir að heið-
ursfélögum, þeir Ólaf-
ur Sverrisson, Axel
Sölvason, Ageir Long
og Birgir Sigurðsson.
Sérstaka heiðursviður-
kenningu fékk eini
stofnfélaginn á afmælisfagnaðinum,
Jón Pétursson, og aðrir sem fengu
viðurkenningu voru Ágúst Bjarna-
son, Pétur Hjálmarsson, Frímann
Frímannsson, Hannes S. Kristins-
son, Kristján Antonsson, Rafn
Thoroddsen, Björgúlfur Þorsteins-
son, Skjöldur Sigurðsson, Arnar B.
Vignisson og Böðvar Guðmundsson.
Fyrstu áratugina var oft flogið
við frumlegar og erfiðar aðstæður
eða þar til á árunum 1998 til 1990
þegar félagið fékk úthlutað 70.000
fermetra svæði undir fiugvöll og
flugstöð á Hamranesi í Kapellu-
hrauni fyrir sunnan Hafnarfjörð. Á
nokkrum árum var þarna komið upp
tveggja brauta malbikuðum flug-
velli, sem var opnaður af Matthíasi
Á. Mathiesen, þáverandi samgöngu-
ráðherra, 4. júní 1998, einnig þjón-
ustusvæði fyrir þá sem eru að fljúga
og glæsilegu flug-
stöðvarhúsi, en það var
opnað 1990. Þetta af-
rek er ótrúlegt þegar
litið er til þess að fé-
lagsmenn voru innan
við tvö hundruð á þess-
um tíma. Þessi aðstaða
er líklega ein sú besta í
Evrópu, ef ekki heim-
inum öllum. Svæðinu
var úthlutað til 10 ára
og þeim samningi var
framlengt á síðasta ári.
Hafnarfjörður hefur
stutt vel við bakið á
Þytsfélögum með við-
haldi á vegum, slætti á
flugsvæðinu og fleiru
allt frá því svæðinu var
úthlutað til félagsins.
Flugmódelfélagið Þytur hefur á
30 árum staðið fyrir íslandsmótum í
módelvél- og svifflugi, séð um fram-
kvæmd á Norðurlanda- og heims-
meistarmótum í svifflugi og félags-
menn hafa tekið þátt í þessum
mótum erlendis. Einnig eru árlega
haldin svokölluð hraðflugsmót,
lendingarkeppnir og alls konar
skemmtilegar uppákomur í flugi,
s.s. hópflug, stangarmarkflug, tíma-
flug, baunaflug, limbóflug, blöðru-
markflug og fleira.
Mikið af ungum nýliðum hefur
komið í módelflugið hjá Þyti að und-
anförnu og m.a. tóku 10 þátt í
Tímamót
*
A 30 ára afmælinu, segir
Guðmundur G. Krist-
insson, er við hæfi að
þakka frumkvöðlunum
sem lagt hafa grunn að
því glæsilega umhverfí
sem áhugafólk á fjar-
stýrðum flugmódelum
nýtur í dag.
smíða- og flugnámskeiði á síðasta
ári og annar eins hópur sem undan-
farið hefur verið í flugnámi. Mikil-
vægt er að sinna þessum þætti vel,
en það hefur ávallt verið forgangs-
mál í Þyt að sinna kennslu og þjálf-
un nýliða í módelsmíði- og flugi.
Með aðstoð Reykjavíkurborgar
fjárfesti Þytur á síðasta ári í nokkr-
um fullkomnum fjarstýringum og
kennsluflugvélum og býður í dag
upp á 10 tíma fiugnámskeið með
reyndum módelflugmönnum til
kennslu. Þeir sem hafa áhuga á
módelflugi og kennslu geta aflað sér
frekari upplýsinga á heimasíðu fé-
lagsins www.thytur.is.
Flestir félagsmenn í Flugmódel-
félaginu Þyti bæði smíða og fljúga
sínum flugmódelum, en síðustu árin
hefur framboð á tilbúnum flugmó-
delum aukist verulega og hefur það
Guðmundur G.
Kristinsson
auðveldað þeim, sem vilja einbeita
sér að fluginu, að sinna áhugamáli
sínu. Stærð flugmódela, sem smíðuð
eru og flogið, hefur aukist verulega
og hefur flugmódelum sem eru einn
fjórði og einn þriðji af stærð raun-
verulegra flugvéla fjölgað mikið.
Tækjabúnaður sem notaður er fyrir
módelflug hefur batnað verulega
tæknilega og er nú svo komið að
flestir nota tölvustýrðar fjarstýr-
ingar sem útbúnar eru með ótrúleg-
um möguleikum til að stilla rafmó-
tora þá sem í flugmódelum stjórna
stýriflötum vélarinnar.
Nokkrir aðilar í Flugmódelfélag-
inu Þyti hafa í gegnum árin verið í
algjörum sérflokki hvað varðar
smíði á því sem kallað er „skalamó-
del“ og áhugafólk um flugmódel gat
augum litið suma af þessum dýr-
gripum á sýningu sem haldin var í
Kolaportinu á síðasta ári. Þar mátti
sjá eftirlíkingar af ýmsum flugvél-
um frá upphafi aldarinnar, flugvélar
úr fyrri og seinni heimsstyrjöldinni,
kennsluvélar, þyrlur, listflugvélar
og margt fleira. Gestir völdu besta
flugmódel sýningarinnar, Douglas
C-47 með 3,6 metra vænghaf og tvo
þriggja hestafla bensínmótora, sem
smíðað er af Skildi Sigurðssyni eftir
Jökli, flugvél Loftleiða. í öðru sæti
varð falleg Citabria í einum fjórða
af fullri stærð smíðuð af Gunnari
Jónssyni og í þriðja sæti einn fjórði
stærðar af Mustang orustuflugvél
úr seinni heimsstyrjöldinni sem
Skjöldur Sigurðsson smíðaði einnig.
Á þessum tímamótum er við hæfi
að þakka frumkvöðlunum sem lagt
hafa grunn að því glæsilega um-
hverfí sem áhugafólk á fjarstýrðum
flugmódelum býr við og nýtur í dag.
Þeir sem eru að koma nýir inn í
þetta sport í dag njóta þess að byrja
við bestu fáanlegar aðstæður, þökk
sé frumkvöðlunum.
Höfundur er fomiaður
Flugmódelsfélagsins Þyts.
Sumarboð
Samfylkingarinn ar
Samfylkingin boðar til sumarhátiða um Jónsmessuna
i;ír - - " ' r '
mSs.
■
Reykjavík
Föstudaginn 23. júní í Öskjuhlíð, kl. 19:00.
Komið verður saman i Öskjuhlíðinni vestanverðri
(á leiðinni til Nauthólsvíkur) og verður fólki vísað
á réttan stað með fánum. Staðkunnugir munu
síðan lóðsa gesti um hlíðina. Að þvi búnu flytur
Össur Skarphéðinsson ávarp og að lokum verður
grillað og samverunnar við náttúruna notið.
Reykjanes
Laugardaginn 24. júní í Straumi kl. 15:00.
Komið verður saman við Menningarhúsið Straum
í Straumsvík kl 17.00. Áður verður gönguferð um
hraunið vestan Straumsvíkur. Göngustjóri og leið-
sögumaður verður Lúðvík Geirsson. Að gönguferð
lokinni kl 17:00 verður grill og skemmtun fram
eftir kvöldi. Össur Skarphéðinsson ávarpar sam-
komugesti i Straumi.
Norðurland eystra
Sunnudaginn 25. júni í Kjarnaskógi kl. 16:00.
Grill, söngur og almenn skemmtun. Össur
Skarphéðinsson ávarpar gesti.
Sumarboð eru ráðgerð á Suðurlandi,
Vesturlandi og Norðurlandi vestra í ágúst
og verða nánar auglýst síðar.
Samfylkingin