Morgunblaðið - 02.07.2000, Blaðsíða 49

MORGUNBLAÐIÐ
____________________________________SUNNUDAGUR 2. JÚLÍ 2000 49
BRÉF TIL BLAÐSINS
Bflbeltin - þín og
annarra vegna
Frá Ragnheiði Davíðsdóttur:
NÁNAST daglega heyrum við frétt-
ir af hörmulegum umferðarslysum
þar sem fólk bíður bana eða slasast
mjög alvarlega. I allt of mörgum til-
fellum kemur fram í fréttinni að far-
þegar og/eða ökumaður hafi kastast
út úr bílnum. Fyrir þrjátíu árum
hefði það ekki þótt sérstaklega
fréttnæmt þótt fólk kastaðist út úr
bílum t.d. við útafakstur eða í bíl-
veltum. Nú á dögum, árið 2000,
nítján árum eftir lögleiðingu bílbelta
á Islandi hlýtur það að teljast und-
arlegt að enn skuli berast fréttir af
fólki sem kastast út úr bílum með
skelfilegum afleiðingum. Það þýðir
nær undantekningarlaust að bílbelt-
in voru ekki spennt í umrætt sinn. í
starfi mínu sem forvarnafulltrúi
VÍS ferðast ég mikið um þjóðvegi
landsins og ek iðulega landshorn-
anna á milli, jafnt sumar sem vetur.
Varla þarf að taka fram að sjaldan
sé ég eftirlitsbíla lögreglu, enda hef-
ur löggæsla á vegum landsins nán-
ast lagst af ? utan þess sem einstaka
lögregluembætti hlutast til um
hraðamælingar í næsta nágrenni við
þéttbýlisstaði. Þar má t.d. nefna lög-
regluna í Húnavatnssýslum. Þess
utan má segja að umferðarlöggæsla
sé engin. Oft og tíðum er einum lög-
reglumanni ætlað að stunda lög-
gæslu á svæði sem spannar hundruð
kflómetra og segir sig sjálft að slík
löggæsla er nánast að nafninu til.
Það gefur því augaleið að menn
komast upp með að aka án bílbelta
og stunda hraðakstur að vild án þess
að þurfa að óttast að verða staðnir
að verki. Víða í þéttbýli á lands-
byggðinni má sjá fólk aka um götur
án bflbelta og h'til börn sitja laus í
fram- eða aftursætum bfla. Afsökun
heimamanna fyrir þessu hátterni er
oft sú að það taki því ekki að spenna
beltið eða setja barnið í stólinn þær
stuttu vegalengdir sem farið er!
Slíkur hugsunarháttur er ekki að-
eins fáránlegur heldur lífshættuleg-
ur. Þá hefur þráfaldlega sést til
sumra ökumanna fólks- og vöru-
flutningabíla sem ekki nota bílbelti
undir stýri á þjóðvegum landsins.
Sumir þeirra eru haldnir þeim mis-
skilningi að þeir séu undanþegnir
notkun bflbelta en auðvitað er það
fjarri lagi eins og reglugerð um und-
anþágu á notkun bflbelta kveður
skýrt á um. Sömu sögu er að segja
af mörgum leigu- og sendibflstjór-
um sem telja sig undanþegna notk-
un bílbelta þegar þeir stunda leigu-
akstur. Svo er auðvitað ekki í öllum
tilfellum enda gildir undanþága
sendibflstjóra aðeins í örfáum und-
antekningartilfellum þegar um er að
ræða dreifingu á vörum á milli húsa.
Undanþága leigubílstjóranna er á
sömu forsendum og lögreglumanna,
þ.e. af öryggisástæðum og því ein-
göngu gild þegar þeir flytja farþega.
Við allan annan akstur er bæði
leigu- og sendibílstjórum skylt að
nota bílbelti, svo ekki sé talað um
vöru- og fólksflutningabflstjórana
sem aldrei eru undanþegnir bfl-
beltanotkun nema þar sem hætta er
á skriðuföllum og snjóflóðum. Þá
skal tekið fram að í einstaka tilfell-
um fá ökumenn læknisvottorð sem
undanþiggur þá frá notkun bílbeltis
en slík tilfelli eru afar fátíð. Notkun
bflbelta bjargar mannslífum. Um
það vitna fjölmörg dæmi.
Ekki skirrast við að spenna belt-
in, alltaf þegar sest er upp í bíl.
RAGNHEIÐUR
DAVÍÐSDÓTTIR,
forvarna- og
öryggismálafulltrúi VIS.
Leikmannaspj all
Frá Guðrúnu Jacobsen:
INNLEGG í væntanlegt kristni-
hald á Þingvöllum árið 2000.
í upphafi var Orðið og Orðið kom
frá Guði.
Þetta stendur í Biblíu kristinna
manna. Hvað stendur í öðrum spá-
dómsbókum hef ég ekki kynnt mér.
Eitt er víst, þótt margir séu far-
vegirnir í leitinni að vilja Drottins,
og vissulega gefur það lífinu lit, get-
ur engin trúarhreyfing tileinkað sér
skaparann vegna eigin þarfa, til að
kræla sér í hluthafa: Mín hugsun er
sú, og ugglaust margra, sem íhuga
það sama. í upphafi gaf Guð mann-
inum frjálsborna hugsun - hvað er
rétt og hvað er rangt. Mannsins er
að velja.
Uppeldi og umhverfi hefur vita-
skuld sitt að segja, en þegar til að
mynda tvö börn, við sömu uppeldis-
kjör og umhverfi, víxlast hvort í
sína áttina, annað verður svokallað
„hrekkjusvín“, svo ég taki ekki
sterkara til orða, en hitt barnið
gjörir allt gott, neita ég persónu-
lega að það sé uppeldim umhverfi,
kerfinu eða genunum að kenna.
Ósjaldan les maður í eftirmælum
ungmenna, sem látast: Þeir deyja
ungir sem guðirnir elska. Hvað með
alla hina, sem heila mannsævi lifa
öðrum en sjálfum sér?
Fólk sem á barn, sem lifir af slys
þakkar Guði kraftaverkið. Hvað
með hin börnin, sem létust í sama
slysi?
Sumar manneskjur eru þannig
lagaðar, að maður veigrar sér við að
skrifa um þær dánarminningu.
Samt skal geta einnar.
Mér óskyld gömul kona var í sér-
trúarflokki. Galt sína tíund til ævi-
loka. Aldrei var hennar heiðursaf-
mæli minnst, meðan haldið var uppá
heiðursaldur efnaðri kvenna safnað-
arins. í þau örfáu skipti, sem ég
vitjaði þessarar óskyldu konu í eina
af öldrunarstofnunum borgarinnar
þakkaði hún. Jafnvel þótt ég hefði
aðeins komið á tíu ára fresti hefði
hún þakkað fyrir hversu oft ég kom!
Það eru svona manneskjur, sem
styrkja mann í trúnni á Guð allra
manna.
Á Jónsmessu,
GUÐRÚN JACOBSEN,
Bergstaðastræti 34, Reykjavík.
Með fótbolta á höfðinu
Ásthildi Cesil Þórðardóttur:
Kæri Sigurður Óli.
Af skrifum þínum er ljóst að þú og
þínir líkar eruð hreinlega með bolta
á herðunum í staðinn fyrir höfuð.
Það er þetta ,veistu!, sem við hugs-
um með. Vá, var útsendingin rofin til
að tilkynna jarðskjálfta. Þú hefur
náttúrulega orðið pirraður af slíkri
truflun get ég ímyndað mér. Það
getur líka vel verið að fréttamenn
sjónvarpsins séu svona miklu seinni
til en fréttamenn Stöðvar tvö, að
þeir hafi ekki verið búnir að afla
upplýsinga svo að hægt yrði að segja
frá. En ég held ekki að við frétta-
menn á RÚV sé að sakast, þeim var
einfaldlega ekki hleypt að. Guð hvað
við erum frek þessi sem ekki viljum
horfa á fótbolta í staðinn fyrir frétt-
ir, barnaefni og aðra auglýsta dag-
skrá Sjónvarps allra landsmanna.
En málið er bara svo einfalt að það
er skylduáskrift að sjónvarpinu og
meðan það er þá ber sjónvarpinu
skylda til að sinna sínu hlutverki
sem er fyrst og fremst fréttir og
upplýsingar sem varða almenning.
Það er hamrað á því að sjónvarpið sé
öryggistæki sem eigi að vera til stað-
ar í hamförum og öðru sem varðar
fólkið í þessu landi. Það væri enginn
að fetta fingur út í boltaútsendingar
ef sjónvarpið væri ekki einokunar-
fyrirtæki, þú veist kannski ekki að
maður má ekki eiga sjónvarp nema
borga af því til ríkissjónvarpsins
áskriftagjöld. Þar af leiðandi er ekki
hægt að hafa aðra stöð og sleppa
sjónvarpi allra landsmanna. Þar
liggur hundurinn grafinn. Ekki
hvort venjulegt fólk eru fréttafíklar
eða vitlaust í Lögregluhundinn Rex.
Og að kalla það „eilitla breytingu á
fréttatíma sjónvarpsins" að fréttir
séu einfaldlega felldar niður er nú
kannski dálítið ýkt eða þannig. Hvað
kallarðu þá meiri háttar breytingu?
Lausnin í þessu máli er að einok-
un Rfldssjónvarpsins verið rofin og
menn ráði því hvort þeir kaupa
áskrift af því eða ekki eða að þeir
leysi íþóttamálin á annan veg, semji
við Sýn eða einfaldlega stofni sér
íþróttarás. Ég er nefnilega sann-
færð um að það eru ekki svona
margir sem vilja hafa fótboltann á
öllum tímum þótt það sé bara einn
mánuður af 24. Það hringdi m.a. í
mig gamall maður um daginn til að
þakka mér fyrir greinina mína og
sagði mér í leiðinni að eftir þessa
reynslu væri hann ákveðinn í að fá
sér Stöð tvö, þetta hefði verið drop-
inn sem fyllti bikarinn, og ég held að
svo sé með fleiri. Þetta var kornið
sem fyllti endanlega mælinn hjá-
fleira fólki en mér. En ég segi það
aftur og enn að meðan Suðurland
skókst og hristist og fólk var að
missa eignir sínar og var skelfingu
lostið, þá kom það mér algjörlega í
opna skjöldu að ekkert skyldi vera í
Rfldssjónvarpinu nema menn að
hlaupa eftir leðurtuðru. Ég ætlaði
ekki að trúa þessu og reyndi hvað
eftir annað að kveikja á sjónvarpinu
en allt kom fyrir ekki. Ég ætla bara
rétt að vona að þeim sem stóðu fyrir
þessu verði gerð grein fyrir alvöru
málsins og þeim sagt að svona uppá-
komur megi ekki endurtaka sig. Ef
ráðamönnum sjónvarpsins finnst
ekkert athugavert við þennan at-
burð þá er eitthvað meira en lítið að
þar á bæ og spurning um hvort ekki
sé kominn tími til að skipta um karl-
inn í brúnni.
ÁSTHILDUR
CESIL ÞÓRÐ ARDÓTTIR,
Seljalandsvegi 100, ísafirði.
Útsalan
hefst á morgun, mánudag
Opið mán.-fös. frá kl. 10-18
& lau. frá kl. 10-14
Kvenfataverslun, Garðatorgi 7, Garðabæ, sími 565 9996.
Enn eítt framúrskarandi fædubótaefni frá Futurebiotics
Allaigi á lliðina?

k

aiJCOSAMINt
utwfíRX/n'H
CoMFli-X

Rannsóknir hafa sýnt að neysla á fæðu-
bótaefninu Glucosamin sulfat getur stuðlað
að aukinni brjóskmyndun. Ástæðan er sú að
sykrungarnir virka sem hvati til myndunar
brjósks f liðum. Talið er að Chondroitin sulfat
efli áhrif Giucosamins, hægi á niðurbroti
brjósks og dragi úr bólgum. Færustu
sérfræðingar hins virta heilsuvörufyrirtækts
Futurebiotics hafa sett saman kröftuga
blöndu úr þessum efnum, sem þeir telja vera
f réttum hlutföilum fyrir fólk.
Notkunarsvið:
Byggja upp Ifði.
Viðhalda styrkum brjóskflötum.
Áhættuþættir slits á liðum eru:__________
Erfðir, offita, mlkii áreynsla m.a. hjá
fþróttamönnum og slakar vöðvafestingar.
Auk góðra fæðubótaefna er nauðsynlegt
að huga að líkamsþyngd og réttri
Ifkamsþjálfun.
Miklu áhrifaríkara