Morgunblaðið - 14.07.2000, Qupperneq 4
4 FÖSTUDAGUR 14. JÚLÍ 2000
MORGUNBLAÐIÐ
FRÉTTIR
Ungmenni í Strandasýslu fá hvatningu forseta Islands
Morgunblaðið/Halldór Kolbeins
Guðfinna Hávarðardóttir með foreldrum sínum, þeim Sveindísi Guðfinnsdóttur og Hávarði Benediktssyni.
Hvetur okkur áfram
ÞORSTEINN Hjaltason var meðal
þeirra sem fékk hvatningarverðlaun
forseta íslands. Þorsteinn hlaut
verðlaunin fyrir góðan námsárangur
og að hafa sinnt náttúru- og um-
hverfismálum sérstaklega. Þorsteinn
segist hafa mikinn áhuga á náttúru-
fræðum, s.s. blómarækt og upp-
græðslu. „Ég tek það eiginlega í arf
frá pabba og afa,“ sagði Þorsteinn
sem hefur nám á náttúrufræðibraut í
Menntaskólanum á Akureyri í haust.
Þorsteini finnst ekkert tiltökumál að
þurfa að sækja skóla svo langt í
burtu frá heimili sínu. „Maður gæti
þurft að fara lengra," sagði Þor-
steinn. Hann valdi MA vegna þess að
hann taldi hann vera góðan skóla.
„Og ég vildi ekki fara beint til
Reykjavíkur,“ sagði Þorsteinn. A
Akureyri mun Þorsteinn búa á
heimavist en hann býst aðeins við því
að heimsækja foreldra sína í Trékyll-
isvík tvisvar yfir vetrartímann, á jól-
um eða páskum. „Maður kemst ekk-
ert, það er alveg ófært hérna níu
mánuði ársins,“ sagði Þorsteinn.
Guðfinnu Hávarðardóttur leist vel
á að fá forsetann í heimsókn í
Trékyllisvík. „Þetta er rosalega
hvetjandi fyrir fólkið í sveitinni og
mjög gaman,“ sagði Guðfinna. Hún
var ánægð með að hafa hjotið hvatn-
ingarverðlaun forseta Islands og
sagði að þau yrðu örugglega til þess
að hvetja hana til dáða í framtíðinni.
Guðfinna er í Finnbogastaðaskóla
ásamt sjö öðrum nemendum og
finnst gaman, sérstaklega í stærð-
fræði, lestri og handavinnu. Hún hef-
ur þó ekki enn ákveðið hvað hún ætl-
ar gera þegar hún verður stærri.
Morgunblaðið/Halldór Kolbeins
Þorsteinn Hjaltason stefnir á nám í náttúrufræðum. Við hlið hans standa foreldrar hans,
þau Guðbjörg Þorsteinsdóttir og Hjalti Guðmundsson.
Tólf fengu hvatn-
ingarverðlaun
FORSETI íslands, Ólafur Ragnar
Grímsson, afhenti tólf ungmennum
,;Hvatningu forseta íslands til ungra
Islendinga", í opinberri heimsókn
sinni íStrandasýslu sem lauk í fyrra-
dag. Ólafur Ragnar segir hvatning-
arverðlaunin, sem fyrst voru afhent
haustið 1996, ekki vera eiginleg
verðlaun. Þau séu fremur hvatning
til allra ungmenna sýslunnar um að
halda áfram á réttri braut.
Þeir sem hlutu hvatningarverð-
laun forseta íslands eru:
Guðfinna Hávarðardóttir, 11 ára,
Kjörvogi. Guðfinna er afburðanáms-
maðm- og hefur verið til fyrirmyndar
í allri framgöngu.
Guðmundína Amdís Haraldsdótt-
ir, 17 ára, Hólmavík. Guðmundína
Arndís hefur sýnt mjög góðan náms-
árangur, verið virk í félagsstörfum
og stundar einnig tónlistarnám.
Jón Ingi Skarphéðinsson, 10 ára,
Hólmavík. Jón hefur náð mjög góð-
um námsárangri og sýnt mikla leikni
í skákíþróttinni.
Linda Björk Guðmundsdóttir, 18
ára, Finnbogastöðum. Linda hefur
sýnt mjög góða námshæfileika og
verið afar virk í félagsmálum.
Magnús Guðmundsson, 16 ára,
Drangsnesi. Magnús hefur verið
virkur í félagsmálum og vakið at-
hygli fyrir framúrskarandi árangur í
íþróttum.
María Björk Einarsdóttir, 11 ára,
Drangsnesi. María hefur sýnt frá-
bæran námsárangur, stendur mjög
vel að vígi í öllum greinum, ekki síst
tölvunámi.
María Lovísa Guðbrandsdóttir, 18
ára, Hólmavík. María hefur með ein-
stakri þrautseigju og dugnaði stund-
að nám sitt þrátt fyrir erfið veikindi;
verið brautryðjandi og öðrum sann-
arlega fyrirmynd.
Ragna Ólöf Guðmundsdóttir, 11
ára, Drangsnesi. Ragna hefur sýnt
að hún er gædd góðum listrænum
hæfileikum, bæði skrifar hún ljóð og
sögur og stundar myndlist og hand-
mennt af næmi og þroska.
Sigvaldi Bergmann Magnússon,
16 ára, Hólmavík. Sigvaldi er góður
og efnilegur íþróttamaður, hefur náð
frábærum árangri í skíðagöngu og
unnið til margra verðlauna á lands-
vísu.
Þorgerður Lilja Björnsdóttir, 17
ára, Melum. Þorgerður er mjög góð-
ur nemandi og hefur sýnt þroska og
dugnað í félagsmálum.
Þorsteinn Hjaltason, 15 ára, Bæ.
Þorsteinn hefur skilað góðum ár-
angri í námi og hefur sinnt náttúru-
og umhverfísmálum sérstaklega.
Þorsteinn Ingi Sveinsson, 15 ára,
Borðeyri. Þorsteinn hefur sýnt góða
námshæfileika og náð góðum ár-
angri í íþróttum og tónlist.
'
Morgunblaðið/Halldór Kolbeins
Gaman í fjarkennslu
ERLING Birkir Höskuldsson og
systir hans Jóhanna Huld tóku bæði
þátt í fjarkennslu sl. vetur.
„Mér fannst þetta alveg eins og
venjuleg kennsla, bara skemmti-
legra,“ sagði Erling Birkir. „Maður
getur kynnst nýjum krökkum í
Broddanesi og svoleiðis," sagði Er-
ling Birkir sem vonar að fjar-
kennslan verði aftur næsta vetur.
Jóhanna Huld var sammála bróður
sínum þótt hún væri ekki alveg viss
um hvað það væri sem gerði Qar-
kennslutímana svona skemmtilega.
Fjarkennslubúnaður notaður í grunnskólunum á Hólmavfk og í Broddanesi á Ströndum
Fjarkennsla notuð í fyrsta
skipti í grunnskólum
Morgunblaðið/Höskuidur B. Erlingsson
Anna Margrét Valgeirsdóttir hefur kennt ensku með fjarkennslubúnaði.
BÖRNIN í grunnskólanum á
Hólmavík og í Broddanesi hafa vetur
notað fjarkennslubúnað við nám sitt,
en það er í fyrsta skipti sem fjar-
kennslubúnaður er notaður við
kennslu í grunnskóla. Anna Margét
Valgeirsdóttir, kennari í grunnskól-
anum á Hólmavík, segir fjarkennsl-
una hafa gengið afar vel. Fjar-
kennslan er tilraunaverkefni á
vegum Sambands íslenskra sveitar-
félaga og Hólmavíkur- og Brodda-
neshrepps.
Félagsleg tengsl
Anna Margrét segir fjarkennslu
gera nám í litlum skólum fjölbreytt-
ara og um leið betra. í litlum skólum
séu eðlilega fáir kennarar en eftir því
sem kennurum fjölgi verði kennslu-
aðferðimar margbreytilegri þar sem
hver kennari hefur mismunandi sýn
á námsefnið. Enn mikilvægara sé þó
hvemig fjarkennslan stuðli að bætt-
um félagslegum tengslum. Nemend-
urnir í Broddanesskóla sækja nám í
efstu bekkjum til Hólmavíkur. Anna
Margrét telur það skipta miklu fyrir
bömin að hafa áður kynnst nýjum
bekkjarfélögum í gegnum fjar-
kennslu. „Það myndast alveg aug-
Ijóslega tengsl á milli þessara krakka
sem myndu ekki myndast annars.
Sem þýðir það náttúrulega að þegar
þau síðan koma hingað þá koma þau
ekki inn í ókunnugan hóp. Þau eru
þegar orðin hluti af hópnum," segir
Anna Margrét. Hún bendir á að oft
séu jafningjahópar í litlum skólum
afar litlir ef þeir eru þá yfirleitt til
staðar. Með fjarkennslu gefst nem-
endunum kostur á að sækja kennslu-
stundir með jafnöldrum sínum, jafn-
vel þó þeir séu 40 km í burtu.
Ekki hægt að klappa
nemendum á öxlina
Anna Margrét segist þurfa að
huga að ýmsu þegar hún noti fjar-
kennslubúnaðinn. Það þurfi að hugsa
einfalda hluti, t.d. að skrifa á töfluna
upp á nýtt. Kennarinn þurfi því að
vinna úr mörgum nýjum úrlausnar-
efnum. Það flæki málin enn frekar að
í báðum skólunum eru blandaðir
bekkir, þ.e.a.s. tveimur árgöngum er
kennt saman. Það hafí einnig sín
áhrif ef kennarinn er í 40 km fjar-
lægð, hann hefur að sjálfsögðu ekki
lengur sömu líkamlegu nánd og áður.
„Maður klappar ekki nemandunum á
öxlina og hvíslar í eyrað á honum til
þess að allir hinir taki ekki eftir því
hvað hann er óþekkur,“ segir Anna
Margét. Engu að síður hafi fjar-
kennslan tekist afar vel og jafnvel
verið notuð við kennslu í neðstu
bekkjarstigunum. Anna Margrét tel-
ur að það megi kenna næstum allar
námsgreinar með fjarkennslu. Um-
ræðutímar og leikir séu ekkert
vandamál en líklega verði seint farið
að kenna íþróttir og heimilisfræði
með fjarkennslubúnaði. Sjálf hefur
hún kennt næstum alla ensku í 5. og
6. bekk með fjarkennslubúnaðinum.
Kennarar á Hólmavík og í Brodda-
nesi hafa unnið að verkefninu í sam-
vinnu við Háskólann á Akureyri.
Anna Margrét segir að áður en fjark-
ennslan hófst hafi verið leitað að hlið-
stæðum dæmum annarsstaðar í ver-
öldinni. Þá kom í Ijós að fjarkennsla
hafði aðeins verið reynd einu sinni
áður. Tilraunin sé því merkileg á
heimsmælikvarða. „Við erum að
gera þetta í dag víða á íslandi í há-
skólum og í framhaldsskólum. En
það er bara verið að gera þetta á
Hólmavík og í Broddanesi í grunn-
skólum,“ segir Anna Margét. Hún
vonast til þess að fjarkennslan haldi
áfram. „Þetta er góður kostur fyrir
skóla sem búa við landfræðilega ein-
angrun.“ Nemendurnir kunna líka
vel að meta þessa viðbót við venju-
legt skólastarf. Þegar tilrauninni
lauk vildu nemendumir gjarnan
halda henni áfram.