Morgunblaðið - 18.08.2000, Page 18

18 FÖSTUDAGUR 18. ÁGÚST 2000
MORGUNBLAÐIÐ
LANDIÐ
Morgunblaðið/Aðalheiður Högnadóttir
Frá afhendingu nýja. slökkvibflsins á Hellu, f.v. Böðvar Bjarnason slökkvi-
liðsstjóri, Ágúst Ingi Ólafsson, formaður stjóraar Brunavama Rang., Ól-
afur Hróbjartsson varðsljóri, Bergsteinn Gizurarson brunamálastjóri og
Sigurjón Magnússon, framkv.st. Almennu vörusölunnar ehf.
Brunavarnir Rangárvallasýslu
Nýr slökkvibíll
í notkun á Hellu
Yfirlitssýning til minningar
um Jón úr Vör opnuð
Hellu - Fyrir stuttu var Brunavörn-
um Rangárvallasýslu afhentur nýr
slökkvibíll, sem kemur til með að
auka viðbragðsflýti slökkviliðsins
við útköll í vestanverðri sýslunni og
verður góð viðbót við annars öflug-
an búnað Brunavarnanna, en gert
hefur verið átak í endurnýjun
tækjakosts á síðustu árum. Slökk-
viliðin á Hellu og Hvolsvelli samein-
uðust 1. janúar 1999 og slökkvilið A-
Eyjafjallahrepps bættist við þann 1.
júní sl. og eru þar með Brunavamir
Rangárvallasýslu byggðasamlag
allra tíu sveitarfélaga sýslunnar,
allt frá Þjórsá í vestri til Jökulsár á
Sólheimasandi í austri.
Búnaður slökkviliðsins er nú á
tveim starfsstöðvum, á Hvolsvelli er
staðsettur slökkvibill með neyðar-
útbúnaði, tækjabíll og tankbíll en á
Heliu nýi slökkvibíllinn, tankbíll og
gamli slökkvibfllinn, sem er 32 ára
gamall Land Rover.
Nýi slökkvibíllinn var keyptur af
Almennu vörusölunni ehf. á Ólafs-
firði, en hann er af gerðinni Dodge
Ram Quad Cab 3500 árg. 2000. Bfll-
inn, sem er búinn 220 hestafla vél af
Cummins Turbo Diesel Intercooler
gerð, tekur 5 farþega, er sjálfskipt-
ur og með ABS bremsum að aftan.
Starfsmenn Almennu vörusölunnar
ehf. byggðu yfir bflinn og gengu frá
öllum búnaði í hann, en yfirbygging
og vatnstankur sem tekur eitt tonn
af vatni er úr trefjaplasti, en í bíln-
um er auk þess 50 lítra froðutankur.
Öflug dæla er í bflnum og marg-
víslegur staðalbúnaður, sem kemur
til með að létta slökkviliðinu verkin
og auka öryggi í útköllum. Má þar
t.d. nefna ýmsan ljósabúnað, reyk-
köfunartæki og reykköfunargalla.
Almenna vörusalan ehf. hefur áður
útbúið sex slökkvibfla af þessari
stærð, þar af var einn seldur til
Færeyja. Sem stendur eru tveir í
vinnslu, en þeir fara til Grundar-
fjarðar og Ólafsfjarðar.
Patreksflrði - Það var margt ágætra
gesta sem voru saman komnir í Fé-
lagsheimilinu á Patreksfirði nýlega
til að taka þátt í opnun yfir-
litssýningar til minningar um þorps-
skáldið Jón úr Vör. Má þar nefna
Sigurð Geirdal, bæjarstjóra í Kópa-
vogi, Vignir Sigurðsson, fulltrúa
Menningarborgar Evrópu, Kjartan
Guðjónsson myndlistarmann, en
hann skreytti nýjustu útgáfuna af
þorpinu, þingmennina Einar Kristin
Guðfinnsson og Kristin Gunnarsson
og síðast en ekki síst ættingja Jóns
úr Vör.
I Patreksskóla var opnuð yfir-
litssýning um ævi og störf Jóns úr
Vör. Er það í framhaldi af hugmynd
sem fram kom fyrir tveimur árum
síðan þess efnis að opna á Patreks-
firði skáldastofu í nafni Jóns. Sá tími
sem menn gáfu sér til að koma því
verkefni á Iaggimar reyndist því
miður ekki nægur og þegar viðun-
andi hús hafði enn ekki fundist var
ákveðið að gera þessa yfir-
litssýningu.
Sama dag var opnuð heimasíða
um skáldið. Þar er að finna æviágrip
og heimildir um skáldið. Bamaböm
Jóns úr Vör opnuðu síðuna.
Um kvöldið kom fólk svo saman í
félagsheimilinu á Patreksfirði til að
hlýða á, í Ijóði, lestri og í söng, brot
úr kveðskaps Jóns úr Vör og flutn-
ing úr Þorpinu. Kristinn Bene-
diktsson talaði um Jón en Kristinn
hefur átt veg og vanda af upp-
setningu yfírlitssýningarinnar.
„Það er sagt að Halldór Laxness
hafi gert gömlu sveitirnar eins og
við þekktum þær upp úr aldamótun-
um ódauðlegar með Sjálfstæðu
fólki, Jón úr Vör gerði þorpin á Is-
landi ódauðleg með ljóðabálki sinum
Þorpið,“ sagði Kristinn.
Að lokum sagðist Kristinn segja
það sem Jón hefði sagt sjálfur: „Þú
hefur sagt við mig, ég veit um skáld
sem yrkir betur en þú, hvers vegna
eru þá að yrkja? Ég hef svarað: Ég
veit um mann sem lifír öðruvísi en
ég, hvers vegna er hann þá að lifa?“
Eiginkona Kristins Ias á rúss-
nesku ljóð eftir skáldið og Ólöf Kol-
brún Harðardóttir og Jónas Ingi-
mundarson fluttu lög eftir Þorkel
Sigurbjörnsson við ljóð úr Þorpinu.
Hjalti Rögnvaldsson leikari las ljóð
eftir Jón úr Vör. Þá flutti Jónas Ingi-
mundarson framflutt lag við ljóð
Jóns úr Vör „Sumamótt“. Að lokum
flutti Indriði Jónsson þakkarávarp
fyrir hönd ættingja Jóns úr Vör.
Aukin ferðaþjónusta að Moldnúpi undir Eyjafjöllum
Ferðamenn fræðast
um sveitastörfín
Morgunblaðið/Karl Sigurgeirsson
Frá hópreið hestamanna á nýja vellinum.
Ný aðstaða
hestamanna
tekin í notkun
Holti - Ein af síðustu skipulögðum
heimsóknum útlendinga að Moldnúpi
var um miðjan ágúst og voru þá um
30 Hollendingar þar á ferð á vegum
Ferðaskrifstofu íslands með leið-
sögumanninum Hauki Björnssyni.
Hjónin í Moldnúpi, Eyja Þóra
Einarsdóttir og Jóhann Frímanns-
son, tóku á móti fólkinu og buðu því
að skoða búið. Eyja Þóra talaði til
fólksins á þeirra móðurmáli, lýsti
staðháttum og búi þeirra. Gengið var
um útihús, fjós skoðað með nokkrum
kúm í og þar af tveimur nýbornum
með kálfum sínum og ennfremur litið
á hesta, svín og íslenska hunda. Hol-
lendingamir spurðu um bústörfin,
húsdýrin og út í heyöflun og sitt hvað
fleira tengt sveitastörfum og lífinu
þar.
Því næst var farið í Önnuhús með
sextíu manna veislusal, sem er
nýbúið að breyta úr gömlu fjósi og
hesthúsi á bænum. Þar var kaffi og te
meðíslenskum flatkökum með hangi-
kjötiog öðru meðlæti, áfram rætt um
íslepskan landbúnað og lifnaðarhætti
í svQitinni. Aðspurður sagði Haukur,
leiðsfcgumaður hópsins, að fólkið
væri að koma úr hringferð um landið
og frá Moldnúpi væri farið inn í Þórs-
mörk, gist í Ámessýslu og farið um
Gullfoss, Geysi og Skálholt til
Reykjavíkur þar sem 10 daga ferð
endaði. Fólkið væri ánægt með að
koma á sveitaheimili eins og á Mold-
núpi og kynnast þeim aðstæðum sem
fólkið byggi við, ásamt því að geta
rætt persónulega við heimafólk.
Sveitakaffi með flatkökum og hangi-
kjöti væri líka vel þegið.
Brugðist við breyttum tímum
Að heimsókn fólksins lokinni, sett-
ist fréttaritari inn í eldhús og ræddi
við hjónin, Eyju Þóm og Jóhann, sem
sögðu að þau hefðu byrjað með þessa
þjónustu 1996 og boðið þá fólkinu inn
á heimilið, en með aukinni aðsókn
hefðu þau ráðist í að breyta gamla
fjósinu og hesthúsinu í móttökusal,
sem hefði verið tekinn í notkun í vor.
Þau nefndu húsið Önnuhús, til heið-
urs ferðakonunni, rithöfundinum og
listvefaranum Önnu frá Moldnúpi.
Veislusalurinn væri með húsgögn-
um og myndum frá liðnum tíma og
stefnt væri að því að koma upp fyrir
næsta sumar eldhúsi við veislusalinn,
til að geta boðið gestum enn frekari
veitingar og þjónustu. Ef vel gengi,
sem allt útlit væri fyrir, þá myndu
þau koma upp gistiaðstöðu í gamla
íbúðarhúsinu síðar. í sumar hefðu
þau verið með móttöku fyrir ferða-
hópa tvisvar til þrisvar í viku.
Hóparnir dveldu í einn til tvo tíma
og fram undan væri að búa enn betur
að þessum móttökum og geta boðið
upp á íslenskan söluvarning, sem
minnti á sveitina og störfrn þar. Einn-
ig væri stefnt að því að bjóða upp á
móttöku árið um kring, fyrir ferða-
fólk, bjóða upp á fisldrétt eða glóðar-
steikt lamb, merkja gönguleiðir um
fjöllin inn á Hamragarðaheiði og upp
í jökul inn á Fimmvörðuháls o.fl.
„Við sem í sveit búum verðum að
takast á við þessa breyttu tíma, sem
kalla á aukna þjónustu við ferðafólk,"
sögðu hjónin að lokum.
Hvammstanga - Um liðna helgi var
formlega tekin í notkun ný aðstaða
hestamanna í Kirkjuhvammi við
Hvammstanga. Það er hestamanna-
félagið Þytur í Húnaþingi vestra sem
hefur haft veg og vanda af verkinu.
Gerður hefur verið skeiðvöllur hring-
laga, ásamt beinni braut. Vandað hef-
ur verið til þessara valla, m.a. fluttur
Hekluvikur sunnan úr Þorlákshöfn.
Þá voru flutt á svæðið tvö hús, stjórn-
stöð og veitingahús, sem félagið átti á
fyrra svæði sínu á Krókstaðamelum í
Miðfirði, það er nú niður lagt.
Við formlega opnun svæðisins
mætti fjölmenni. Hestamenn riðu inn
á völlinn í skrautreið, með fánaborg.
Sr. Sigurður Grétar Sigurðsson flutti
ritningarorð og blessaði aðstöðuna.
Sveitarstjórinn, Brynjólfur Gíslason,
lýsti ánægju með framtak þetta og
afhenti svæðið formlega til Hesta-
mannafélagsins, til Gunnars Þórar-
inssonar, formanns félagsins. í tilefni
50 ára afmælis félagsins á þessu ári
færði Svanborg Guðmundsdóttir frá
Lækjarhvammi félaginu gjöf, skáp
sem geyma á verðlaunagripi félags-
ins, en eiginmaður hennar, Árni
Hraundal, var heiðursfélagi Þyts en
er látinn fyrir allmörgum árum.
Nokkrir íleiri fluttu árnaðaróskir til
félagsins. Jafnhliða opnuninni var
haldin gæðingakeppni og opið tölt
mót.
Það er von hestamanna í Húna-
þingi vestra, að með aðstöðu svo
nærri þéttbýlinu á Hvammstanga
muni áhugi almennings á hesta-
mennsku aukast og aðgengi ungi’a
sem aldinna batna til muna. Þess má
geta að í Kirkjuhvammi er íþrótta-
völlur, vinsælt tjaldsvæði, aðalumsvif
Skógræktarfélags V-Hún. og hin
virðulega Kirkjuhvammskirkja í
grafreit sóknarinnar.