Skírnir - 01.01.1893, Blaðsíða 46
46
Frá öðrum löndum.
fjögur, sem liggja syðst og austast í landinu. Bnn munu ítalir taka
Toulon og Tunis, svo að Frakkar eiga engan aðgang að Miðjarðarhaflnu.
Eins vorður Algier og Kockinchina tekið af Frökkum.
Þegar svo er komið fyrir Frökkum, verða þeir ekki meira en 2B milj-
6nir að tölu í hæsta lagi. Þeir verða að borga 6,000,000,000 franka í
skaðabætur og fá hvorki leyfi til né hafa efni á að hafa stærri her en
50,000 manns.
Að því er snertir Rússland, þá missir það allt Pólverjaland og fylki
þau, sem teljast til þess, öll Eystra-saltslöndin og Finnland; mun það
hverfa aptur undir Svía.
En ef þrenningin verður undir, verður allt annað uppi á teningnum.
Frakkland tekur þá undir sig lönd öll fyrir vestan Rín, nema Belgíu, og
hana líka, ef hún hefir sýnt sig í nokkrum fjandBkap í stríðinu. Þýzka-
land klofnar í sundur í mörg smáríki, sem eru óháð hvort öðru, en Rúss-
land dregur undir sig Prússland, Pósen og Slesíu. Danir fá aptur Suð-
ur-Jótland.
Enn teknr Rússland frá Austurríki öll slafnesk, slóvenisk og slóvakk-
isk lönd, og svo Bosníu; ennfremur Herzegovina, Siehenhurgen, Bæheim og
það, sem Austurríki hefir ráð yfir af Pólverjalandi og Slesíu.
Frakkland tekur Piemont og Lígúríu frá ítölum og verður Neapel
höfuðborgin i löndum þeim, sem þ^, verða eptir. ítalir verða látnir sjálf-
ráðir, hvort þeir halda konungsdæminu og konungsættinni, eða stofna lýð-
veldi. Kirkjuríkið verður aukið mjög að löndum, og fær páfinn fullt vald
yfir því.
Þýzkaland og Ítalía borga hvort um sig 6,000,000,000 franka í her-
kostnað.
Þegar annaðhvort af þessu er komið í kring, munu þeir, sem sigur
báru úr býtum, lýsa yfir friði um endilanga veröldina. Hermönnum mun
verða fækkað mjög og herkostnaður nurninn úr lögum. Jafnframt mun
verða stofnaður alþjóðadómur, sem á að hafa fult úrskurðarvald i öllum
deilumálum, sem varðar heilar þjóðir.
Eins og lætur að likindum er óvíst að bollaleggingar þessar sannist
að öllu leyti, en hitt er víst, að næsti allsherjar-ófriður verður voðalegri
en öll önnur stríð, sem sögur fara af, og að miklar breytingar verða við
hann á allri landaskipun í Norðurálfunni.