Skírnir - 01.08.1909, Síða 95

Erlend tiðindi.
28T
Dánir eru í Danmörku Skat-Rórdam Sjálandsbiskup 77 ára og
Bahnson, yfirforingi og fyrv. hermálaráðgjafi nær 82 ara. Knúði'
áfram forðum með harðfylgi v/ggirðmgar og stjórnlagabrot með þeim
Estrup og Nellemann.
England. Þar er hörkustapp út úr fjárlögum Lloyd-Georgesr
sem getið var siðast; segja auðmennirnir, sem satt er, að þar só
rakleitt fylgt kenningu jafnaðarmanna, og ógna með því, að lávarða-
deildin felli nú fjárlögin. Stjórnin synist ætla að láta hart mæta
hörðu og kúga efri málstofuna og verður síðar sagt hversu þar lykur.
Dhingra, indverskur stúdent 22 ára, skaut til bana Curzon
Wylkie, aðstoðarmann indverska ráðgjafaus í Lundúnum, til þess
að minna heiminn á meðferð Breta á Indum, löndum sínum. í varn-
arræðu sinni sagði hann : Eg kæri Breta um morð á 80 miljónum
landa minna síðustu 50 ár, og útlegðardóma fyrir athafnir, sem hér
eru kölluð drengskaparverk. Hór eruð þið að koma fram sem
mannúðarvinir við pínda Rússa og Kongóbúa en kúgið Indverja
með ómenskulegustu illverkum. Þið gjörspillið kvenþjóð vorri og
drepið 2 miljónir árlega úr hungri.
Dhingra var hengdur á gálga 17. apríl.
Þjóðverjar neyddust í vetur til að leggja á sig 500 milj. kr.
n/rra skatta til hins aukna herkostnaðar og lagði Bulow kanslari
það til, að einar 100 miljónirnar yrðu lagðar á efnamenn með aukn-
um erfðáfjárskatti o. fl. Þetta varð afaróvinsælt hjá landeigendum
og auðmönnum á þingi. Auk þess hafði Búlow neyðst til, að láta
keisarann lofa því að tala ekki of mikið, eins og getið er í Skírni.
Alt þetta varð Búlow að falli, því hann er auðvaldinu ekki nógu
rammaukinn afturhaldsmaður og þætti þó víðast hlutgengur þar í
stað. Dr. von Bethmann-Hollweg, áður innanríkisráðgjafi, varð þá
5. kanzlari Þjóðverja (hinir voru: Bismarok, Caprivi, Hohenlohe og
Búlow). Betmann-Hollweg fylgdi áður frumvarpi Búlows, en snerist
nú í lið með afturhaldsmönnum og var nú efnamönnum í engu
íþyngt. Skattaukinn er talinn 36 kr. á hvert heimili í ríkinu og
hefir vakið hatur og gremju á stjóruinni. Þing jafnaðarmanna í
Leipzig samþykti, að gangast fyrir allsherjar brennivínsbindindi
verkmanna, sakir þess hve bruggurum er ívilnað með tollum.
Frakkland- Þar hefir Clemenceau ráðuneytisforseti farið
frá stjórn, en í hans stað komið Briand og er innanríkisráðgjafi.