Árbók Hins íslenzka fornleifafélags - 01.01.1933, Síða 24

24
Eggjar (70) er nefnd efsta brún fjallsins að ofan, enda er það
egghvasst milli hornanna, og skriður niður á við til beggja hliða.
Mörkin milli Rangárvalla og Fljótshlíðar liggja eftir eggjunum. Vest-
ast á þeim er Vestasta-hornið (71), eitt af þrem hornunum, sem
Þríhyrningur dregur nafn af. Það er 667 m. á hæð yfir sjávarflöt,
stendur þar landmælingavarða eftir Björn Gunnlaugsson, allmikil um-
máls. Á vestasta hornið ganga flesir gestir Þríhyrnings.
Nokkru austar á Eggjunum gnæfir Miðhorn (72) við himin. Er
lögun þess sérkennileg, séð norðvestan-frá (t. m. frá Keldum). Hornið
er þaðan að sjá sem greinileg andlitsmynd (vangamynd), er ber
hæst við himin, með ærið miklu og tígulegu konganefi. Er sem
þessi firnakarl hafi gægzt upp úr fjallinu og dagað þarna uppi, því
ásýnd hans horfir mót degi og hinni upprennandi morgunsól.
Slakki (73) nefnist hvilftin milli eystri hornanna, niður-af Grettis-
skarði (74), sem á að vera kennt við Gretti sterka. Skarðið er mitt
á milli Miðhorns og Austurhorns (75), sem er austast á háfjallinu og
Eggjum. Hæð þess er 668 m. og er þvi hæsti turn Þríhyrnings.
Er ærið gaman og göfgandi að standa á þessari Hliðskjálf Suður-
landsundirlendis í góðu veðri með sjónauka »og horfa yfir landið
fagra*.1)
Helga Skúladóttir,
Keldum.
1) Öinefnin eru aðaliega skrifuð upp eftir Páli Jónssyni, bónda í Bakka-
koti á Rangárvöllum. Hann er alinn upp á Reynifelli við Þríhyrning, þar til
er hann var fulltíða maður. Nú, 1934, er hann 76 ára gamall, enn ern og
minnugur. Auk þess hafa fleiri bætt nokkrum örnefnum við, þeir Valdimar
Böðvarsson, bóndi á Butru í Fljótshlíð; hann ólst upp á Þorleifsstöðum og er
manna kunnugastur austan í fjallinu; Páll Nikulásson á Kirkjulæk, sem vel er
kunnugur sunnan i fjallinu, og Helgi læknir á Stórólfshvoli Jónasson, frá Reynifelli.
Skrá yfir örnefnin, í stafrofsröð, er á bls. 18.