Árbók Hins íslenzka fornleifafélags - 01.01.1985, Qupperneq 89

SKRÁ UM ENSKAR ALABASTURSMYNDIR FRÁ MIÐÖLDUM
93
nefna hluti sem gætu verið alabasturverk. Annað skipið kemur frá Ips-
wich og þar segir: „Item pro una ymagine val. vi s. viii d.“ en hitt frá
King’s Lynn: „Et pro iiiblls ymagis val. v s.“42
B. Kirkjumáldagar: Heimildir um alabastur í íslenskum kirkjum er að
finna í kirkjumáldögum á tímabilinu 1400-1550. Samkvæmt þcim hefur
vcrið mikill fjöldi alabastursmynda í kirkjum landsins. Alls er getið 15
bríka og 61 líkneskja eða skrifta í 40 kirkjum, scm dreifast um allt land
(sjá kort). Samkvæmt máldögum er bæði talað um Maríuskrift og Mar-
íulíkneski, en aldrei um Maríubrík. Virðast orðin líkneski og skrift hafa
verið notuð í svipaðri merkingu um málaðar og upphlcyptar myndir.
Ekki er hægt að slá neinu föstu um hvort alltaf sé átt við líkneski eða
einnig bríkur.43 Nánar er getið um 23 dýrlingalíkneski og -skriftir, sem
skiptast sem hér grcinir eftir dýrlingum:
1 Andrésarlíkneski
1 Antóníusarlíkneski
1 Onnulíkneski
1 Díónysíusarlíkneski
1 Jónslíkneski
3 Jónslíkneski baptista
2 Katrínarlíkneski
1 Kristóferslíkneski
1 Margrétarlíkneski
1 Marteinslíkneski
2 Ólafslíkneski og 1 Ólafsskrift
3 Péturslíkneski
1 Rókusskrift
1 Tómasarskrift
1 Tómasar erkibiskups líkneski
1 Verónikuskrift
Ennfremur er getið um 5 Maríulíkneski og 5 Maríuskriftir, tvö verk
er sýna heilaga þrenningu, 1 píslarmark og eitt vors herra líkneski. En
að auki eru tilfærð 24 líkneski og 15 bríkur, sem ckki er vitað hvað
sýna. Samtals er því um að ræða 76 verk sem nefnd eru í kirkjumál-
dögum.
Erfitt er að segja til um hve mikið af alabastri var til á íslandi í viðbót
við þau verk sem getið er um í heimildum. Alabastursmyndir virðast
hafa verið fluttar inn til einkanota, enda voru þau ekki dýr og heimildir
geta þcss að mörg verk voru gefin kirkjum af einstaklingum. Einnig