Árbók Hins íslenzka fornleifafélags - 01.01.1989, Qupperneq 159

MARGRÉT HALLGRÍMSDÓTTIR
FORNLEIFARANNSÓKN
í MIÐBÆ REYKJAVÍKUR
Um rannsóknarskýrslu Else Nordahl
Vegna 1100 ára afmælis íslandsbyggðar kom upp sú hugmynd að
gera fornleifarannsókn í miðborg Reykjavíkur með það fyrir augum að
finna elstu leifar íslandsbyggðar. Reykjavíkurborg og Þjóðminjasafn
íslands áttu frumkvæðið að þessari hugmynd og leitað var til Norður-
landa um faglega aðstoð við rannsóknina. Árið 1971 var gerður samn-
ingur við forstöðumann Statens Historiska Museum í Stokkhólmi þess
efnis að Reykjavíkurborg hármagnaði rannsóknina og Þjóðminjasafn
íslands legði til fornleifafræðinga gegn því að sérfræðingar frá Statens
Historiska Museum stjórnuðu rannsókninni. Uppgröftur hófst síðan
vorið 1971 og stóð yfir í fimm sumur og birtust niðurstöður rannsókn-
arinnar 1988 í bókinni Reykjavík from the Archaeological Point of View
eftir Else Nordahl.
Bókin er gefin út á ensku á vegum fornleifadeildar Uppsalaháskóla í
ritröðinni Aun. Hún er prentuð í A-4 stærð, sem skilar teikningum vel.
Fjöldi mynda prýðir bókina og eru þær vel unnar og ágætlega staðsettar
við texta. Kápan er silfurlituð með stílfærðri mynd af skjaldarmerki
Reykjavíkurborgar. Titill bókarinnar er mjög almennur og hefði mátt
tilgreina nánar í undirtitli efni hennar.
Skýrslunni er skipt niður í fjóra kafla: í. Introduction, sem skiptist í
þrjá undirkafla. 2. Brief Description of the Early Settlement in Reykjavík,
sem er stutt umíjöllun um sögu Reykjavíkur og fyrri kannanir á svæð-
inu. 3. The Archaeological Investigation, þar sem greint er frá niður-
stöðum uppgraftarins á hverri lóð í samtals 46 undirköflum og 4. Con-
clusions Concerning the old Settlement með umræðu um niðurstöður og
aldur rústanna. Síðan fylgir heimildalisti og viðauki með niðurstöðum
ýmissa greininga. Aftast í bókinni er síðan birtur listi yfir hlutina, sem
fundust við uppgröftinn. Mjög er til baga að undirkaflar skuli ekki
nægilega skýrt númeraðir. Sérstaklega á það við um þriðja kaflann.
Auðveldara hefði verið að átta sig á uppbyggingunni ef undirkaflar
hefðu verið númeraðir svo sem 3.1 og 3.1.1.