Tímarit Hins íslenzka bókmentafélags - 01.03.1880, Page 39

i°3
bein, leifar þessa hins stórvaxna mannkyns, sem bygði
jörðina i fornöld, bæði fyrir og eptir syndaflóðið;
Grikkir eignuðu þau Gigöntunum, eins og vér eignuð-
um jötnunum stórvaxin bein eðajafnvel steina1. Scheuch-
zer, svisskur náttúrufræðingur (f. 1672, -j- 1733) skýrði
steingjörving nokkum sem mannsleifar; var þessu lengi
trúað og kallað „Homo Scheuchzeri41, „Homo diluvii
testis“ (maður sem vitnaði um syndaflóðið); þessi stein-
gjörvingur komst í British Museum og er þar enn; en
það er raunar skriðdýr og kallast nú Cryptobranchus
primigenius og Andrias Scheuchzeri; það var sala-
manderdýr, 3 fet að lengd, svo ekki bar það raunar
vitni um neitt risavaxið mannkyn, en það hafði aðra
þýðing. J>ví eptir kenningu Cuviers (ý 1831) varþað
álitið hin mesta heimska, að trúa því, að til væru steind
mannabein. Maðurinn átti eigi að hafa skapazt fyrr en
eptir að jörðin varbúin aðþola allar þær byltingar, sem
hinn óteljandi steingjörvinga-grúi sagði frá og sem Cuvier
sjálfur vann mest að til að skýra og þýða. Allir fylgdu
Cuvier, og jafnvel lengi eptir að menn máttu vera búnir
að ganga úr skugga um, að til væru svo gömul manna-
bein, að þau væru orðin að steini, og að maðurinn því
hefði hlotið að skapast fyrr en hinir lærðu menn kendu.
') f>annig er t. a. m. tönnin Starkaðar i þættinum af Norna-Gesti;
þar er og sagt frá stærð Sigurðar Fofnisbana og Grana; taglið á
Grana var 7 álna langt, og þannig imynduðu menn sér allar æfin-
týra-hetjur; enda er sagt frá stærð sumra þeirra; Örvar-Oddur var
12 álna hár; Hjálmtýr þurfti tveggja manna rúm, Ölver þriggja,
Hörður fimm, en þó gátu þeir allir setið í sæti Hástiga. Ágústínus
kveðst hafa séð jaxl úr manni, hundrað sinnum stærri en mannsjaxl,
og hélt það væri úr einhverjum risa (De civ. Dei L. XV. cap. 9).
þar á móti segir Suetoníus (Aug. cap. 72), að það sem á Kapri
sé kallað tröllabein, sé bein stórvaxinna dýra. Annars stendur og
um þetta efni ritað af Páli Vídalin í Fornyrðum lögbókar, um
„alin að lengd og meðalmaður“ og um „tröll“, og eru þar mörg
dæmi tilfærð, sem gaman er að.