Tímarit Hins íslenzka bókmentafélags - 01.07.1886, Blaðsíða 7

199
seinna móðurbróðir hans síra Páll Ketilsson, og vóru
þeir feðgar báðir gáfumenn og vel að sér. J>á er
Árni var 17 ára gamall, fór hann 1680 í Skálholts-
skóla og útskrifaðist þaðan um tvítugsaldr eptir 3 ára
skólaveru, og þótti hann jafnan einhver hinn gáfaðasti
og mannvænlegasti skólabræðra sinna.
Sumarið 1683 fór hann með föður sínum til Dan-
merkr — faðir hans var einn af þeim 4 íslendingum,
er sigldu það ár til að semja hina nýju kaupskrá ásamt
kaupmönnum—og var ritaðr í stúdentatölu í september
sama ár. Vorið eptir komst hann í kynni við prófes-
sor Tómas Bartólín, sem þá (23. febr. 1684) var orð-
inn konunglegr fornfræðingr eptir Hannes ý>orleifsson,
og varð Árni þá ritari hans og aðstoðarmaðr við forn-
fræðina. Árið 1685 tók hann próf við háskólann i
guðfræði og fór heim til íslands sama árið, til að ráð-
stafa arfi sínum, því að faðir hans hafði andazt árið
áðr. Svo þótti Bartólín mikið til hans koma, að Árni
varð að heita honum því, áðr en hann fór heim, að
koma til hans aptr hið fyrsta, enda ætlaði hann og
utan um haustið með skipi í Rifi, en það skip fórst,
ferðbúið, af ofviðri, og var hann þá til vorsins 1686 í
Hvammi hjá síra Páli móðurbróður sínum, og bæði safn-
aði hann þá fornum handritum og ritaði þau upp sjálfr.
J>á er hann kom til Kaupmannahafnar um vorið,
fór hann algjört til Bartólíns og var hjá honum þang-
að til hann dó 1690. Árið áðr en Bartólín dó, fór
Árni til Noregs til að safna fornritum fyrir hann, og
heimsótti hann þá vin sinn og landa, hinn alkunna
og fræga þ>ormóð Torfason, á Stangarlandi í Noregi.
Áðr en Bartólín dó, er sagt að hann hafi beðið leynd-
arráð og yfirskrifara Mathias Moth fyrir Árna, enda
varð hann og vinr hans og velgjörðamaðr hinn mesti.
1694 ferðaðist Árni til J>ýzkalands í erindum háskól-
ans í Kaupmannahöfn, en þau erindi urðu árangrslaus;