Eimreiðin - 01.05.1909, Qupperneq 77

157
Er sú mynd tekin úr skopblaðinu »BLÆKSPRUTTEN«, sem ætíð kem-
ur út um jólaleytið.
Þriðja myndin er tekin eftir »KLODS-HANS« 18. apríl 1909,
og sýnir hún núverandi ráðherra Björn Jónsson, fyrst í ræðustól,
þar sem hann er að tala fyrir íslenzkum kjósendum, og síðan í Dan-
mörku, þar sem hann er að hneigja sig fyrir konungi.
Danir friðaðir.
(Otdráttur úr Reykjavíkurlúðrinum, ritstj. SKÚLI FJANTESSON.)
Ekki getur hjá því farið, að lesendur vorir hafi orðið varir við,
að risið hafa miklar sjálfstæðisöldur í Danmörku á síðari árum, og þær
mjög svo varhugaverðar. Þessi hjálenda vor þar syðra hefir þrásinnis
hagað sér þannig, að þess tekur nú að gerast full þörf, að íslenzka
mamma hetjist handa og fari að hugsa dálítið um Dani, þessa hálf-
siðuðu Skrælingja, er óþektir voru með öllu í sögum í þann tíð, er
þjóðskáld vort Hallgrímur Skallasmekkir orti drápu sína, þá hina
frægu: »Saltfiskurinn prímsigndi«.
f>á er heil halarófa af dönskum mönnum, allavega skrítnum, hafði
sýnd verið í fyrra í skemtigarðinum við Þingvöll undir forustu Frið-
riks konungs, sendum vér nefnd til þessarar litlu, afvegaleiddu þjóðar,
til þess að sýna henni fram á stöðu hennar í ríkisheildinni, hversu lágt
hún væri sett þar í stað. Sökum þess að vér höfum eigi haft nógu
vakandi auga á Dönum, hefir það komið á daginn, því miður, að
þeir hafa laumað inn í grundvallarlög sín ýmsum ákvæðum, sem koma
gersamlega í bága við núgildandi ríkisrétt þann, er saminn var á dög-
um Snorra Sturlusonar. Vér verðum að fara dálítið varlega að þess-
um bændafáráðlingum, jafn-grátlega lítilsigldum, sem þeir eru, en þó
hefir vorum mönnum tekist á skömmum tíma að koma vitinu fyrir ó-
róaseggina og fá ríkisréttarsambandið gamla lögleitt aftur, eins og það
á að vera. Verður nú eigi annað séð, en að bældar séu niður allar
uppreistartilhneigingar í Danmörku.
Nefndin hefir sem sé samþykt á síðasta fundi sínum — samkvæmt
Gamla sáttmála og eftir öllum guðs og manna lögum — svohljóðandi
»Uppkast að grundvallarlögum Danmerkur«.
1. gr.
Konungur íslands er jafnframt konungur yfir Danmörku, en því
að eins má hann dvelja í téðum landshluta, að hann hafi til þess
fuit og skýlaust leyfi alþingis. Hann nefnist konungur íslands ásamt
hjáleigum þess.
2' gr'
Fyrst um sinn veitist danska ríkisþinginu nokkurskonar sjálfstæðis-
réttur í héraðsmálum. f>ó fellur sá réttur burtu að 25 árum liðnum.