Dagblaðið Vísir - DV - 25.09.1993, Blaðsíða 32

40
LAUGARDAGUR 25. SEPTEMBER 1993
_ Fjallferd Hrunamanna:
Á afrétti í glamp-
andi septembersól
Þeir þurftu ekki aö kvarta undan
veðrinu, fjallmennirnir sem smöl-
uöu Hrunamannaafrétt fyrr í þess-
um mánuði. Glampandi sól var
mestan hluta tímans og veðriö því
betra en hinir bjartsýnustu höfðu
þorað að vona. Móðir jörð skartaði
haustlitunum eins og þeir geta feg-
urstir orðið. Menn og hestar léku
á als oddi enda ekki annað hægt í
haustblíðunni.
Það var á fimmtudagsmorgun
sem hluti fjallmanna lagði af stað
sem leið hggur áleiðis inn í Svínár-
nes þar sem þeir dvöldu fyrstu
nóttina. Þeir skipa svokallaða
norðurleit sem leitar fjár inn fyrir
Kerhngarfjöll og allt norður að
Hofsjökh.
Miklar vegalengdir
Á föstudagsmorgun lagði svo
annar hópur fjallmanna, sem skip-
ar suðurleit af stað inn á afrétt.
Fyrstu nóttina var gist í Helgaskála
en síðan haldið áfram inn úr. Þessi
flokkur fer aha leið inn fyrir Klakk
sem er austasti tindurinn i Kerling-
arfjallaklasanum og smalar svo
fjölhn sunnanverð. Það eru því
engar smávegis vegalengdir sem
hestar og menn leggja undir á fá-
einum dögum. Tæpri viku síðar,
eða á fimmtudag var safnið, sem
smalast hafði af fjalh síöan réttað
í Hrunarétt. Enn hélst góða veðrið
og því mættu allir, sem vettlingi
gátu valdið, í réttirnar. En það er
önnur saga.
Hér á síðunni birtast nokkrar
myndir sem teknar voru af fjall-
mönnum í blíðu og stríðu inni á
afrétti. -JSS
Fjallmenn norðurleitar lögðu sinn
skerf til jafnréttismálanna að
þessu sinni og kusu sér fjalldrottn-
ingu til fulltingis. Hér er hún, Anna
Sigurðardóttir á ísabakka, fjall-
drottning norðurleitar, og Ásgeir
Gestsson á Kaldbak, fjallkóngur
suðurleitar.
Hver fjallmaður hefur meö sér
skrinu, sem hefur að geyma nesti,
þurr plögg og kannski eitthvað
fleira. Hér er ein slík borin undlr
þak i náttstaö.
/
Þrír fjallmenn að koma í náttstað í Fosslæk. Jón Matthías Helgason á Isabakka reiðir lamb, sem gefist hefur upp í rekstrinum, en á eftir koma
Haraldur Sveinsson, bóndi á Hrafnkelsstöðum, og Hjalti Jón Sveinsson.
Það er margt skrafaö um atburði dagsins þegar fjallmenn eru komnir
í náttstað og búnir að spretta af hestum sinum.
Árangur nokkurra daga þrotlausrar smalamennsku, þúsundir fjár
streyma niður i Tungufellsdalinn. Fyrir safninu fara Magnús Gunnlaugs-
son, bóndi á Miðfelli, og Einar Logi Sigurgeirsson. DV-myndir G
Farartækin, sem flytja vistir og viðlegubúnað fjallmanna inn i Fosslæk,
eru tvær filefldar dráttarvélar. Vörubíll er einnig með i för en hann kemst
ekki þangað, heldur fer beint úr Leppistungum og niður f Svinárnes.
Kofinn á myndinni er kannski ekki glæsihýsi á mælikvarta stórborgar.
En þegar búiö er að breiða teppi á gólfið og farið að krauma i pottunum
i einu horninu er hann hin hlýlegasta vistarvera. Margir kjósa fremur
að sofa í honum heldur en í tjöldum sem ævinlega eru reist fyrir fjall-
menn.
Kári Arnórsson kemur úr leit í félagsskap fjalldrottningar og fleiri góðra
manna.